Mickoski thotë se në Shqipëri ka shumë më shumë qytetarë që janë deklaruar si bullgarë, ndërsa pyet nëse Bullgaria do t’i vendos kusht edhe Shqipërisë që ky popull të vendoset në Preambulë të Kushtetutës.

Tani parashtrohet pyetja, sepse në Shqipëri ka tre herë më shumë që janë deklaruar si pjesë e bashkësisë bullgare, a do të kemi edhe për Shqipërinë kusht që ata të jenë në Preambulën e Shqipërisë? Sepse tre herë më tepër ka qytetarë të Shqipërisë që thonë për vete thonë se janë pjesë e bashkësisë bullgare, nga ata që thonë se janë në Maqedoni”, shtoi Mickoski.

The post Mickoski: Në Shqipëri ka më tepër bullgarë se në Maqedoni, a do ta kushtëzojë Bullgaria edhe Shqipërinë? appeared first on Albeu.com.

Tre burra dhe dy gra akuzohen për “konspiracion për të mbledhur informacione me qëllim që ato në mënyrë të drejtpërdrejtë apo tërthorazi të jenë të dobishme për një armik”, kryesisht Rusinë. Ata dyshohet se këtë vepër penale e kanë kryer mes gushtit të vitit 2020 deri në shkurt të këtij viti.

Pesë të pandehurit akuzohen se janë pjesë e një rrjeti që ka kryer vëzhgime në emër të Rusisë. Shumicën e aktivitetit ata e kanë kryer jashtë Mbretërisë së Bashkuar, por koordinimin e kanë bërë brenda këtij shteti, thanë prokurorët.

Pesë të akuzuarit – Orlin Roussev, 45 vjeç, Bizer Dzhambazov, 41, Katrin Ivanova, 31, Ivan Stoyanov, 31 dhe Vanya Gaberova, 29 – dolën para gjykatës në Londër përmes videolidhjes. Ata nuk folën për akuzat, por vetëm për detajet bazike.

Të dyshuarit u arrestuan nga forcat kundër terrorizimit në shkurt.

Akuzat ndaj Roussev, Dzhambazov dhe Ivanova u ngritën në shkurt, pasi ata u gjetën se kishin dokumente false të identitetit, por lajmi për akuzat ndaj tyre nuk u bë publik deri në gusht.

Të tre të akuzuarit kishin 31 dokumente false të identitetit të Mbretërisë së Bashkuar, Bullgarisë, Francës, Italisë, Spanjës, Kroacisë, Sllovenisë, Greqisë dhe Republikës Çeke.

The post Anglia akuzon 5 bullgarë si spiunë rusë appeared first on Albeu.com.

“..për të ashtuquajturat ndryshime kushtetuese mbështetje nga VMRO DPMNE-ja në këtë përbërje parlamentare, me këto kushte për ndryshime kushtetuese, nuk ka. Këtu duhet t’i vëmë pikë kësaj teme dhe t’u përkushtohemi temave të tjera. Nëse pushteti mendon se kjo kalon te populli, le të shkojmë në zgjedhje të parakohshme parlamentare dhe të shohin se çfarë mendojnë qytetarët,” deklaroi Aleksandar Nikollovski, nënkryetar i VMRO DPMNE-së.

Ndërkohë LSDM-ja edhe njëherë i bëri thirrje VMRO DPMNE-së që të vendos siç thotë nëse do të jetë me bllokun antievropian apo interesin e shtetit do ta vendos përpara interesave partiake.

“Përgjegjësi e të gjithë 120 deputetëve është të përfshihen në procesin e reformave të nevojshme për të ardhmen evropiane, për votën për Evropë në kuvendin maqedonas. Opozita ka përgjegjësi, para qytetarëve dhe të ardhmes së shtetit. Rreziku nga ngadalësimi i rrugës evropiane është kthim prapa, të mbetemi vetëm, jashtë proceseve ndërsa shtetet e tjera të rajonit avancojnë drejt BE-së”

Grupi i punës për hartimin e ndryshimeve kushtetuese ditë më parë miratoi njëzëri rregulloren e punës. Kryetarja e grupit punues tha se amendamentet do të përgatiten shumë shpejtë por pa dhënë afat konkret. Te grupi i punës nuk merr pjesë asnjë parti opozitare. Opozita shqiptare kërkon që pjesë e ndryshimeve kushtetuese të jetë edhe zëvendësimi i 20%-it me gjuhën shqipe. /alsat.mk

The post VMRO: Nuk do t’i votojmë ndryshimet kushtetuese appeared first on Albeu.com.

Duke parë nacionalitetet, analiza tregon se 80 për qind e maqedonasve janë kundër ndryshimeve të tilla, ndërsa kundër janë deklaruar edhe 32 për qind e të anketuarve shqiptarë. Vetëm 15 përqind e të anketuarve maqedonas thanë se i mbështesin këto ndryshime.

Në varësi të përkatësisë partiake, 59 për qind e simpatizantëve të LSDM-së janë kundër përfshirjes së bullgarëve në Kushtetutë, ndërsa 39 për qind e simpatizantëve të LSDM-së janë për. Kundër janë 89 për qind e mbështetësve të VMRO-DPMNE-së, ndërsa pro janë 10 për qind.

Gjithsej 69 për qind e qytetarëve janë përgjigjur negativisht në pyetjen nëse Maqedonia gjatë rrugës për në BE duhet të bëjë revizion historik.

53 për qind e të anketuarve thanë se nuk do të mbështesin anëtarësimin e vendit në një alternativë siç është Bashkimi Euroaziatik, i udhëhequr nga Rusia. Kjo është një rënie prej 3 për qind krahasuar me vitin 2019 kur 56 për qind thanë se nuk do ta mbështesnin. Në sondazhin e ri, 32 për qind e të anketuarve ishin në favor të një alternative për BE-në./ina

The post Rreth 80% e maqedonasve janë kundër futjes së bullgarëve në Kushtetutë appeared first on Albeu.com.

Ndryshe nga kërkesat dhe kushtëzimet e Bullgarisë, Atanasovi konsideron se futja e bullgarëve në Kushtetutë është e pakuptimtë dhe se Sofja zyrtare duhet të lejojë që Maqedonia t’i zhvillojë negociatat me BE pa asnjë kusht. Në të dyja vendet ka subjekte politike të cilat duan që marrëdhëniet të përkeqësohen, por në Bullgari prijësi i këtyre fushatave është Presidenti, Rumen Raden, vlerëson Atanasovi.

“Unë mendoj se përfshirja e bullgarëve në Kushtetutën e Maqedonisë së Veriut është një kërkesë absolutisht e pakuptimtë. Pra, edhe me, edhe pa këtë kërkesë, Bullgaria duhet t’i lejojë Maqedonisë së Veriut të negociojë me Bashkimin Europian. Edhe institucionet bullgare nuk ndalojnë
t’i përkeqësojnë marrëdhëniet, ku Presidenti bullgar së fundmi erdhi në krye të kësaj fushate.”- tha Dimitar Atanasov, historian dhe anëtar i ASHB-së.

Drejtori ekzekutiv i “Eurotink-ut”, Dimitar Nikollovski, shprehet i sigurt se do të ketë pajtim mes Bullgarisë dhe Maqedonisë, por, shton se është e nevojshme që të dyja palët të punojnë në këtë drejtim.

“Jam i sigurt se Bullgaria dhe Maqedonia do të pajtohen, tash për tash nuk do të jepja ndonjë recetë të veçantë apo ndonjë pikë, por jam i sigurt, nuk kam asnjëfarë dyshimi se një gjë e tillë do të ndodhë. Megjithatë, duhet punuar më shumë për t’i ulur tensionet, veçanërisht mes dy shoqërive. Kështu që, unë mendoj se duhet të jemi sa më pak të ngarkuar me atë që po e thotë Xhambaski nga ana e Bullgarisë dhe të mos e trajtojmë Bullgarinë vetëm përmes prizmit të asaj që thotë Xhambaski.”- tha Dimitar Nikollovski, drejtor ekzekutiv i “EUROTINK-ut”.

Pas bllokadës dyvjeçare nga ana e Bullgarisë për start të negociatave me BE, vitin e kaluar ajo dha dritë jeshile, por me kusht që së pari komuniteti bullgar të futet në Kushtetutë, e pastaj ta vazhdojmë zyrtarisht rrugën tonë europiane me hapjen e klasterëve. Afati për ndryshimet kushtetuese është deri në nëntor të këtij viti./tv21

The post Konferencë për marrëdhëniet mes RMV-së dhe Bullgarisë, Atanasov: Kërkesa për futjen e bullgarëve në Kushtetutë është e pakuptimtë appeared first on Albeu.com.

Veprimi i koordinuar synon të godasë “korrupsionin në sistem… që rezultoi në përfitime të paligjshme personale, dëmtoi institucionet demokratike të vendit, dhe vazhdoi ndërvarësinë dëmtuese nga burimet energjitike të Rusisë”, thuhet në një deklaratë të Departamentit amerikan të Thesarit.

Bullgaria, një vend anëtar i NATO-s dhe Bashkimit Evropian, radhitet ndër vendet më të korruptuara të Evropës, sipas të dhënave të organizatës Transparency International, dhe është kritikuar se nuk ka arritur të çrrënjosë korrupsionin.

Uashingtoni vendosi sanksione ndaj pesë ish-zyrtarëve bullgarë dhe pesë entiteteve që kontrollohen nga dy prej tyre. Londra u ndaloi hyrjen në Britani dhe ngriu pasuritë e tre bullgarëve të tjerë, ndaj të cilëve ishin vendosur sanksione amerikane në vitin 2021, ndër ta edhe Vasil Bozhkov, personi më i pasur i vendit.

Masat amerikane ngrijnë pasuritë që pesë ish-zyrtarët dhe pesë entitetet kanë në Shtetet e Bashkuara, thuhet në deklaratë.

Ndër të sanksionuarit është Rumen Ovcharov, ish-ministër i energjitikës dhe ligjvënës i cili “u përfshi në mënyrë të përsëritur në kontrata korruptive për energjinë” me kompani energjitike ruse, duke pranuar rryshfet në këmbim të çmime fikse për gazin rus, për karburantin bërthamor, dhe për mbështetjen ndaj centralit bërthamor Kozloduy (KNPP), objekti i vetëm bërthamor i Bullgarisë, thuhet në deklaratë.

Zoti Ovcharov nuk pranoi të komentojë.

Në deklaratë thuhet se ai dhe një tjetër ish-ministër për energjitikën, Aleksandar Nikolov, bashkërenduan kontratat për të blerë energji nga centrali bërthamor, që në vazhdim ia rishitën kompanisë kombëtare të energjisë, megjithëse kjo kompani kishte një marrëveshje për të blerë energji drejtpërsëdrejti nga centrali.

Zoti Nicholov tha se nuk dinte se përse i janë vendosur sanksionet.

Uashingtoni vendosi sanksione edhe ndaj ish-deputetit Nikolay Malinov, që akuzohet se korruptoi një gjykatës për t’i lejuar udhëtimin drejt Rusisë me qëllimin që të merrte një medalje nga Presidenti Vladimir Putin. Zotit Malinov i ishte ndaluar largimi nga Bullgaria pas arrestimit në vitin 2019 me akuza për spiunazh, thuhet në deklaratë.

“Më bëhet qejfi. Nëse Departamenti amerikan i Thesarit leh kundër meje, kjo do të thotë se jam në drejtimin e duhur”, tha zoti Malinov në përgjigje.

Departamenti i Thesarit thotë se sanksione u vendosën edhe ndaj Vladislav Goranovit, ish-deputet dhe ministër financash, për shkak të një skeme nëpërmjet së cilës miliona Euro në formë rryshfeti iu paguan zyrtarëve bullgarë në këmbim të legjislacionit që mbështet industrinë e basteve.

Zoti Goranov tha se nuk është njohur me akuzat.

Krahas zotit Bozhkov, i cili kërkohet nga drejtësia, Britania vendosi sanksione edhe ndaj ish-deputetit Delyan Peevski dhe ish-zyrtarit të sigurisë kombëtare Ilko Zhelyazkov, dikur anëtar i bordit të kompanisë më të madhe energjitike të vendit, duke e akuzuar atë për shpërdorim të fondeve shtetërore./voa

The post SHBA dhe Britania, sanksione për korrupsion tetë shtetasve bullgarë appeared first on Albeu.com.

Kontrollet e shtëpive në vende të ndryshme të Belgjikës, çuan në sekuestrimin e më shumë se pesëdhjetë kilogramë kokainë dhe heroinë, si dhe 100,000 euro para “cash”.

“Në fund të vitit 2021, zyra e prokurorit publik Halle-Vilvoorde hapi një dosje në bazë të komunikimeve të deshifruara të SKY ECC kundër një organizate kriminale të përfshirë në trafikun ndërkombëtar të drogës”, tha zëdhënësi Gilles Blondeau.

Banda vepronte nga Meise dhe përdorte automjete të pajisura me ndarje të fshehura për të transportuar drogën që vinte nga Holanda, duke e shpërndarë në Belgjikë dhe në Mbretërinë e Bashkuar.

Nga hetimet u përgjuan dy ngarkesa droge të premten, ku disa kamionë që transportonin drogë u ndaluan në Aalst dhe Ypres. Në total, policia sekuestroi dyzet kilogramë kokainë dhe trembëdhjetë kilogramë heroinë.

Fill pas këtij aksioni hetuesit bastisën dymbëdhjetë adresa, u sekuestruan dhe 12 armë zjarri, si dhe 100 mijë euro para të gatshme. Policia Gjyqësore Federale sekuestroi edhe disa paleta me produkte duhani, disa kamionë gjysmërimorkio dhe disa furgona.

The post Shkatërrohet banda shqiptaro-bullgare në Belgjikë, 11 persona në pranga appeared first on Albeu.com.

“Javën e ardhshme dy Ministritë do të vazhdojnë bisedimet në nivel ekspertësh për pakon e çështjeve politike, ku jemi në proces të tejkalimit”, tha Osmani.

Osmani theksoi se në shënimin i përbashkët i lindjes së Goce Dellçevit është vendim i dy qeverive, duke shtuar se Komisioni për Çështje Historike ka marrëveshje për shënim të përpbashkët të pesë figurave, në mesin e të cilëve dhe për Shën Kirilin dhe Metodin dhe Klimentin e Ohrit.

“Mendoj se gjeste të këtilla politike mund vetëm të ndihmojnë në ambient, sepse dallimet nuk duhen parë gjithmonë si negative për marrëdhëniet mes dy vendeve sepse në fund të fundit historia është e tillë që lejohet multiperspektiva, kështu që ndonjëherë preferohet interpretim i ndryshëm i ngjarjeve historike”, shtoi Osmani.

Osmani paralajmëroi edhe kalendar që do të përfshijë qëndrimet e dy vendeve në lidhje me çështje të caktuara.

“Të gjitha çështjet, ato që janë të rëndësishme për ne dhe të rëndësishme për Republikën e Bullgarisë, të jenë të ndërlidhura në një plan kohor, në një paketë të dakorduar, sepse mendoj se vetëm kështu do të kemi garanci se këtu do ta mbyllim këtë çështje dhe se nuk do të bisedojmë diskutojnë për çështje të tjera më tej”, tha Osmani.

Pa caktuar afate, Osmani e ritheksoi se bullgarët do të përfshihen në Kushtetutën e Maqedonisë së Veriut.

“Është një kërkesë e qytetarëve të Maqedonisë së Veriut që kanë përkatësi etnike bullgare, kështu që çdo qytetar i RMV-së ka të drejtë të bëjë kërkesat e veta para se shteti të reagojë”, tha Osmani.

Negociatat mes dy vendeve vazhdojnë përmes komisioneve, ndërsa Osmani theksoi se në këto bisedime “katër herë flitet për të ardhmen dhe një herë për të kaluarën”./tv21

The post Osmani: Bullgarët duhet të përfshihen në Kushtetutë, javën tjetër takim i ri në Sofje appeared first on Albeu.com.

Sot ju them se Maqedonia është atdheu i të gjithë neve dhe me të gjithë ministrat në Qeveri, Kryetarin dhe të gjithë zyrtarët do të qëndrojmë për vendin,” tha Zëvendës Kryeministri i Parë dhe Ministri i Sistemit Politik dhe Marrëdhënieve Ndër-Komunitare, Artan Grubi për emisionin “Vetëm Intervistë”.

Sipas tij, ekziston një përshtypje se BE pa mbështetjen e Shteteve të Bashkuara nuk mund të përmbushë premtimet e saj dhe të sjellë vendin në familjen evropiane.

“Ne nuk kemi asgjë më shumë për të ofruar për anëtarësimin në BE. “Unë mendoj se është i nevojshëm një rol më aktiv dhe i pranishëm i administratës Amerikane dhe Amerikës në Ballkanin Perëndimor,” tha Grubi, duke shtuar se “është e pakuptimtë që Bullgaria të kërkojë nga Maqedonasit të jenë një deri në 1945 dhe më pas të kërkojnë diçka tjetër ”.

The post Grubi: Kërkesat bullgare janë shumë absurde, nuk kemi asgjë më shumë për të ofruar për anëtarësimin në BE appeared first on Albeu.com.