Ai ishte veshur me xhinse blu dhe bluzë po ngjyrë blu me kapuç.

Fëmija i mitur u dërgua në ambientet e policisë së Tiranë, teksa policia i bën thirrje familjarëve apo të afërmve të të miturit të paraqiten në DVP Tiranë.

Njoftimi:

Më datë 30.04.2035, rreth orës 16:00, tek bulevardi “Dëshmorët e Kombit” është gjetur nga qytetarët i vetëm në rrugë një fëmijë i mitur rreth moshës 3-4 vjeç, i cili është në gjendje të mirë shëndetësore.

Ai mban të veshur një palë xhinkse ngjyrë blu dhe një bluzë me kapuç ngjyrë blu.

Aktualisht fëmija gjendet në ambientet e Drejtorisë Vendore të Policisë Tiranë. Familjarë të tij ose çdo person tjetër që ka kontakte me ta mund të telefonojë në 112 ose mund të paraqitet pranë Drejtorisë Vendore të Policisë Tiranë.

Duke iu falenderuar për bashkëpunimin.

The post Gjendet një fëmijë 3 vjeç tek bulevardi ”Dëshmorët e Kombit”, policia thirrje familjarëve që ta marrin appeared first on Albeu.com.

Investimi po realizohet nga Fondi Shqiptar i Zhvillimit dhe parashikon gjithashtu ndërhyrje pjesore edhe për rikonstruksionin e fasadave përgjatë bulevardit.

Afati për përfundimin e këtij projekti është 12 muaj, ndërsa synohet që vepra të jetë gati në nisje të sezonit të ardhshëm turistik.

Zëvendëskryeministrja, Belinda Balluku, së bashku me ministrin e Ekonomisë, Kulturës dhe Inovacionit, Blendi Gonxhja, drejtorin e FSHZH, Dritan Agolli dhe kryebashkiakun e Dibrës, Rahim Spahiu ndoqën nga afër punimet e para në këtë kantier.

“Është një ndërhyrje komplekse e cila trajton si pjesën e infrastrukturës nëntokësore, ashtu edhe pjesën e bulevardit, i cili do të ketë një trajtim me pllaka me mozaik, ndërkohë që pjesa ku kalon trafiku do të jetë e shtruar me asfaltin dekorativ me gurë të bardhë”, u shpreh Agolli referuar projektit.

Bulevardi ka një gjatësi prej afro 700 ml, ndërsa materialet janë përzgjedhur për t’i rezistuar kushteve atmosferike të zonës.

Zëvendëskryeministrja Balluku tha se ky projekt i shtohet listës së gjatë të investimeve që janë realizuar në këtë zonë, por edhe ato që janë në proces.

Balluku u ndal tek tuneli i Murrizit dhe segmenti Maqellarë-Peshkopi, dy investime të rëndësishme sa i takon infrastrukturës, pjesë e Rrugës së Arbrit, të cilat po ecin me ritme të mira dhe që me përfundimin e tyre Dibra do të jetë edhe më afër me Tiranën.

“Dibra si qark është një kantier i madh. Ne kemi në proces në këto momente për të dorëzuar deri në fund të vitit, me shpresë sigurisht, sepse aty ka qene gjithmonë sfiduese situata, tunelin e Murrizit, i cili do të shkurtojë akoma më shumë rrugën për të arritur në destiancionin final që është Peshkopia, Dibra në tërësi.

Nga ana tjetër edhe ecuria e punimeve që kemi në lotin Maqellarë-Peshkopi, që është një nga problemet më të mëdha që kemi pasur për të zgjidhur, por që tashmë i kemi dhënë zgjidhje dhe unë shpresoj që para pranverës të vitit 2025, domethënë diku nga marsi, ne do të jemi në gjendje që ta dorëzojmë përfundimisht edhe pjesën e fundit të Rrugës së Arbrit.

Së bashku me tunelin përfundojmë një nga veprat më komplekse infrastrukturore që kemi pasur”, tha Balluku.

Nga ana tjetër edhe vetë kryebashkiakët kanë ndërmarrë një sërë projektesh për të përmirësuar infrastrukturën në bashkitë që drejtojnë, ndërhyrje që lehtësojnë jetën e përditshme të banorëve.

“Kudo punohet, në të katërta bashkitë në Bulqizë, Klos, Peshkopi dhe sigurisht në Mat.

Duhet thënë që dhe vetë kryetarët e bashkive kanë ndërmarrë një sërë iniciativash dhe projektesh që kanë të bëjnë me rikonstruksione të thella të shkollave, të kopshteve, spitaleve, por nga ana tjetër edhe të një sërë rrugëve të cilat sot janë rrugë turistike”, deklaroi Balluku.

Përmes këtyre investimeve e gjithë zona po merr një zhvillim gjithmonë e më të madh, duke u kthyer njëkohësisht në një destinacion tërheqës për turistët.

The post Nis rikualifikimi urban i bulevardit të Peshkopisë, Balluku: Në pranverë dorëzojmë edhe pjesën e fundit të Rrugës së Arbrit appeared first on Albeu.com.

Mësohet se makina është tip “Fiat” me targa italiane, ndërsa në mjet po udhëtonin një çift. Në makinë ndodhej një shtetase shqiptare që jeton në Itali, e cila kishte ardhur me pushime në vendlindje.

Sipas informacioneve paraprake , shkak për zjarrin dyshohet një shkëndijë elektrike. Policia dhe zjarrfikësit ndodhen në vendngjarje, ndërsa është bërë e mundur fikja e zjarri.

The post Përfshihet nga flakët një makinë në bulevardin “Dëshmorët e Kombit”, dyshimet e para appeared first on Albeu.com.