Ndërsa, nga Inspektorati Sanitar i cili vepron në kuadër të Ministrisë së Shëndetësisë, kanë thënë për KosovaPress se tashmë mostrat dhe strishot janë marrë dhe se janë në pritje të rezultateve dhe se në bazë të këtyre të fundit do të veprohet.

“Me të marrë informatën për dyshim helmimi në këtë furrë inspektorët kanë dalë në terren së bashku me përfaqësues të Institutit Kombëtar të Shëndetit Publik, janë marrë mostrat dhe strishot. Furra është mbyllë përkohësisht, është në Shkabaj. Njëherë ky është vetëm dyshim , derisa nuk dalin rezultatet dhe nuk konstatohet se a është pikërisht ajo për të cilën kanë deklaruar qytetarët që janë ushqyer aty, janë marrë mostrat e atyre ushqimeve dhe po presim rezultatet tash. Gjithçka varet prej rezultateve se si do të veprojmë, por do të veprohet në bazë të ligjit”, ka thënë Blerim Berisha, nga Inspektorati Sanitar.

Ndërsa, ka treguar se rezultatet do të dalin të hënën, eventualisht të martën.

“72 orë është afati ligjor, por tash nuk do të thotë që shtyhet se dje ka qenë pasdite, po unë besoj që të hënën”, eventualisht të martën i kemi rezultatet, është shprehur Berisha, për KosovaPress.

Ndërsa, në raportin e Policisë është bërë e ditur se në konsultim me prokurorin është inicuar rasti dhe në ditët në vijim do të intervistohen ankuesit.

The post Mbyllet furra e bukës në Prishtinë, dyshohet se u helmuan 20 persona appeared first on Albeu.com.

Bizneset e para që ndien rënien e konsumit pas përfundimit të sezonit turistik ishin dyqanet e tregtimit të bukës, produkteve të tjera të brumit dhe pastiçerive.

Disa drejtues të furrave të bukës në muajin tetor pohuan se rënia e kërkesës për produktet e brumit dhe ëmbëlsirave ishte 20% krahasuar me vitin paraardhës, përveç shitjeve të produkteve fast food, që nuk shënuan pakësim.

Tendenca rënëse e konsumit për këto produkte ka vijuar edhe gjatë vitit 2024. Prodhuesit e bukës dhe ëmbëlsirave thonë se ulja e konsumit te buka është ndikuar nga faktorë demografikë, duke përfshirë largimet e popullsisë në emigracion, veçanërisht të rinjve.

Hysen Caka, administrator në “Caka Group”, tha se për muajt janar-mars 2024, konsumi për bukën është ulur me 40% krahasuar me të njëjtën periudhë të vitit të mëparshëm. Pakësimi i konsumit sipas tij është më i lartë për produktet e pastiçerisë. Kërkesa për ëmbëlsirat ka rënë me 70% krahasuar me vjet.

“Për 3-mujorin e parë të vitit, konsumi për bukën dhe ëmbëlsirat ka shënuar rënie të lartë. Mendoj se arsyeja kryesore është largimi i të rinjve apo pjesës më vitale të shoqërisë në emigracion.

Shumica e popullsisë së mbetur që është e plakur konsumon sasi të ulëta të këtyre produkteve. Një tjetër faktor që ka ndikuar në këtë periudhë te rënia e kërkesës është edhe muaji i agjërimit. Me përfundimin e muajit të Ramazanit presim të kemi një situatë më të qartë për analizimin e faktorëve ndikues”, veçon ai.

Edhe Ali Dedolli, drejtues i rrjetit të furrave dhe dyqaneve të shitjes së bukës dhe pastiçerive “Alna Bakery”, pohon se pas largimit të turistëve të huaj, tendenca e konsumit vijon të mbetet në rënie. Sipas tij, shkak kryesor mbetet largimi i popullatës në emigracion.

Prodhuesit e bukës pohojnë se edhe gatimi i bukës në shtëpi ka një tendencë rënëse. Sipas tyre tashmë edhe ajo pjesë e popullatës që gjatë muajve të pandemisë e bënin bukën në shtëpi, është rikthyer blerjeve në furra, pasi kostoja e blerjes është më e leverdishme sesa ajo e përgatitjes së bukës në shtëpi.

Aksionet kundër informalitetit te pagesat e energjisë elektrike, ndër vite sipas tyre reduktuan numrin e familjeve që bëjnë bukën në shtëpi. Gatimi i bukës në shtëpi është më tepër traditë e mbetur te zonat rurale kultivuese të drithërave.

Importet e drithërave për janar-shkurt u rritën 50% për rezervat e grosistëve në pranverë

Ndonëse nga disa prej furrave kryesore të bukës ngrihet shqetësimi për rënie konsumi në 3-mujorin e parë të 2024, importet e drithërave janë me rritje.

Importet e drithërave për muajt janar-shkurt 2024 u rritën 51% krahasuar me të njëjtën periudhë të vitit paraardhës sipas të dhënave të INSTAT.

Për kryetarin e Shoqatës së Përpunuesve të Miellit, Adi Haxhiymeri, shtimi i importeve nuk është ndikuar nga rritja e fabrikave, por nga masat e fabrikave të blojës për të krijuar rezervat e periudhës dimër- pranverë, pasi ende nuk dihet se si do të jetë çmimi i grurit për korrjet e reja./monitor

The post Emigracioni dhe muaji i Ramazanit ulin konsumin për bukën dhe ëmbëlsirat appeared first on Albeu.com.

“Ne duhet të bëjmë më shumë, SHBA-ja duhet të bëjë më shumë”, u ka thënë Biden gazetarëve në Shtëpinë e Bardhë. “Në ditët në vijim, ne do t’iu bashkohemi miqve tanë të Jordanisë dhe të tjerëve, duke dërguar ndihma prej ajrit”, shtoi presidenti 81 vjecar, teksa Këshilltari për Sigurinë Kombëtare i Shtëpisë së Bardhë, John Kirby dha më tej pak më shumë detaje mbi planin amerikane.

“Është planifikuar ndihmë nga ajri, dhe vendimi do të ezekutohet. Duhet ta theksoj megjithatë se është ekstremisht e vështirë të hedhësh ndihma në një ambjent kaq të mbipopulluar. Por sic e theksoi dhe presidenti, se duhet të gjejmë rrugë alternative për asistencën humanitare në Gaza. Që të jemi të qartë megjithatë kjo është nuk zëvendëson ndihmat në terren, nuk zëvendësn kamionët, por është ndihmë shtesë”- tha Kirby.

Njoftimi vjen në kohën kur  zhvillohen negociata për një armëpushim në mes të Izraelit dhe Hamasit. Shteti hebre është zotuar ta shkatërrojë grupin që e konsideron organizatë terroriste dhe si pasojë e ofensivës së tij ajrore dhe tokësore në Gazë janë vrarë mbi 30.000 palestinezë. Biden ka bërë thirrje disa herë për të shmangur vrasjet e civilëve, ndonëse vazhdon të mbajë lidhjet e forta me Izraelin, aleatin e SHBA-së. Presidenti amerikan e ka pohuar se shpreson që të arrihet një armëpushim gjashtëjavor përgjatë muajit të shenjtë të Ramazanit. Incidenti i së enjtes megjithatë, dhe vdekja e dhjetëra plaestinezëve të uritur i komplikuan bisedimet për pushimzjarrit. Pavarësisht pretendimeve të Izraelit se ushtarët e tij nuk ishin të përfshirjë drejtpërdrejtë në këto vdekje, drejtori i spitalit al-Aëda tha se 80 perqind e të lënduarve që po prisnin në radhë në bukë dhe që u dërguan atje për ndihmë mjekësore, kishin në trup plagë plumbash.

The post Vdekjet në radhë për bukë, SHBA ndihma nga ajri për Gazën: Nuk zëvendësojmë kamionët! appeared first on Albeu.com.

Thënë kjo, prej javësh po flitet shumë për “teorinë e bukës së djegur” (“burnt-toast theory”).

E shpjeguar thjesht, kjo teori përshkruan idenë se si një gjë aq e vogël sa buka e djegur mund të të ketë shpëtuar jetën ose të ketë sjellë një gjë të mirë pas.

Mbase vetëm fakti se u vonove 5 minuta për të pjekur një tjetër copë buke, të shpëtoi nga një aksident, ose ato 5 minuta mundësuan takimin tënd me një mik të vjetër, ose fillimin e një historie dashurie.

“Teoria e bukës së djegur” po përdoret si një metaforë për të treguar se një problem i vogël po të shmang probleme më të mëdha ose po të sjell të mira pa e kuptuar.

Në TikTok, njerëzit po e përdorin këtë teori për të treguar historitë e tyre dhe për të kujtuar se gjithçka e keqe e ka një të mirë, thjesht duhet të besosh te procesi.

Psikologët thonë se kjo teori mund të bëhet pjesë e jetës së secilit dhe besohet se ka aftësinë të japë kontribut të mirë, sepse mund të nxisë të menduarin në mënyrë pozitive edhe kur jeta të përball me sfida.

The post Çfarë është teoria e ”bukës së djegur” që ka pushtuar TikTok-un? appeared first on Albeu.com.

Operatorët e tregut e ligjin këtë tendencë me dy faktorë, së pari ndryshimi i stilit të jetesës drejt një regjimi më të shëndetshëm që ka ulur konsumin e brumërave dhe që ka qenë gradual dhe së dyti me efekt të dukshëm ka qenë emigracioni i viteve të fundit, sidomos i të rinjve që janë dhe konsumatorët më të mëdhenj të brumërave.

Hysen Caka, ish-drejtor i fabrikës shtetërore të prodhimit të bukës thotë se periudhën komuniste, konsumi i bukës për frymë arrinte 500 deri në 650 gramë në ditë. Në ditët e sotme, sipas tij, konsumi për frymë në ditë arrin deri në 300 gramë.

Konsumi ndër vite ka ndryshuar për shkak të stilit të jetesës së ndjekur nga shqiptarët dhe veçanërisht ndjekja e këshillave të dietologëve për të ulur sasinë e konsumit të bukës, që sipas tij janë të gabuara, pasi vlerat ushqyese të bukës mbeten të pazëvendësueshme për organizmin. Ai shton se vitet e fundit, rënia e konsumit të bukës është ndikuar nga faktorë demografikë, duke përfshirë largimet e popullsisë në emigracion, veçanërisht të rinjve.

Ndërsa ajo pjesë e popullatës që gjatë muajve të pandemisë e bënin bukën në shtëpi, sipas Hysen Cakës i është rikthyer blerjeve në furra, pasi kostoja e blerjes është më e leverdishme sesa ajo e përgatitjes së bukës në shtëpi. Aksionet kundër informalitetit te pagesat e energjisë elektrike, sipas tij ndër vite kanë reduktuar numrin e familjeve që bëjnë bukën në shtëpi. Gatimi i bukës në shtëpi është më tepër traditë e mbetur te zonat rurale kultivuese të drithërave.

Për sa i përket kërkesës së produkteve të brumit, sipas Shoqatës së Bukës, Pastiçerive dhe Brumërave këtë vit, gjatë sezonit turistik dhe në vijim patën më tepër shitje dyqanet e produkteve fast food. Me largimin e turistëve të huaj dhe emigrantëve, në dyqanet e tregtimit të bukës, produkteve të tjera të brumit dhe pastiçerive ka nisur të ndihet rënia e kërkesës deri në 20%, përveç produkteve fast food që ende janë në rritje.

Nga përfaqësues të kompanisë “Xhorxh Bush Bakery” në Fushë-Krujë dhe Krujë u pohua për “Monitor” se kërkesa si për produktet e brumit dhe pastiçerive është 10 deri 20% më pak krahasuar me muajt e sezonit turistik. Krahasuar me muajin shtator 2022, kërkesa shfaqet e njëjtë. Sipas tyre, në muajt e verës pati rritje të lartë të kërkesës për shkak të fluksit të madh të turistëve.

Situata paraqitet e njëjtë edhe në Tiranë. Nga “Caka Kompani” thanë se krahasuar me muajt e verës, kërkesa për produktet e brumit shfaqet me rënie për shkak të largimit të turistëve. Edhe sipas këtij prodhuesi, kërkesa nuk ka pësuar tkurrje krahasuar me të njëjtën periudhë të vitit të mëparshëm. Rritje më të lartë të kërkesës për produktet e brumit gjatë stinës së verës, sipas tij, pati në zonat bregdetare si Durrës dhe Lezhë.

Në periudhën janar-qershor, numri i shtetasve të huaj që hynë në territorin shqiptar është 3,396,932. Kjo shifër është rritur me 33%, krahasuar me të njëjtën periudhë të vitit 2022. Nga të dhënat e Ministrisë së Turizmit, për 6 muajt e parë të vitit, rezulton se kanë hyrë në Shqipëri nga Kosova mbi 1.38 milionë vizitorë apo 43% më shumë sesa e njëjta periudhë e një viti më parë. Në vend të dytë janë italianët, me 310 mijë vizitorë nga shteti fqinj, duke shënuar rekord që në 6-mujorin e parë. Turistët nga Kosova zinin 40% të totalit të turistëve, kurse ata nga Italia, 9%.

Deri në fund të muajit shtator, parashikimet e operatorëve mbeten optimiste, për shkak të kërkesës së lartë nga strukturat e hotelerisë. Në muajt në vazhdim, prodhuesit nuk presin rritje të kërkesës, për shkak të emigrimit të popullsisë. /monitor

The post Emigracioni dhe ndryshimi i stilit të jetesës ulin konsumin e bukës appeared first on Albeu.com.

Korrespondenti i BBC-së Rushdi Abualouf përshkroi se atyre iu dhanë vetëm pesë copa bukë secilit dhe se shumë prej tyre jetojnë me familjar të tjerë në shtëpi dhe duhet të ushqehen.

Qyteti, normalisht është shtëpia e 400,000 njerëzve, ndërsa pas zhvillimeve të fundit ka tejkaluar një milion.

Në të njëjtën kohë, organizatat humanitare paralajmërojnë se uji në Gaza po mbaron.

Agjencia palestineze e OKB-së për refugjatët UNRËA i tha BBC-së të hënën se 6,000 njerëz të zhvendosur janë në bazën e furnizimit në Rafah, ku uji po reduktohet në vetëm një litër ujë për person në ditë.

The post Radhë të gjata për bukë dhe “pikën” e ujit në Gaza (FOTO) appeared first on Albeu.com.

Me rënin e fluksit të turistëve të huaj dhe largimin e emigrantëve, në dyqanet e tregtimit të bukës, produkteve të tjera të brumit dhe pastiçerive ka nisur të ndihet rënia e kërkesës.

Prodhuesit e furrave të bukës dhe ëmbëlsirave pohojnë se në 2 javët e para të muajit shtator kërkesa ka rënë deri 20% krahasuar me muajin gusht, ku u shënua rritje e lartë konsumi e ndikuar nga ardhja e turistëve.

Nga përfaqësues të kompanisë “Xhorxh Bush Bakery” në Fushë-Krujë dhe Krujë u pohua për Monitor se aktualisht kërkesa si për produktet e brumit dhe pastiçerive është 10 deri 20% më pak krahasuar me muajt e sezonit turistik. Ndërsa në raport me muajin shtator 2022 kërkesa shfaqet e njëjtë. Sipas tyre në muajt e verës pati shtim të lartë të kërkesës për shkak të fluksit të madh të turistëve.

Situata paraqitet e njëjtë edhe në Tiranë. Nga “Caka Kompani” u tha se krahasuar me muajt e verës kërkesa për produktet e brumit shfaqet me rënie për shkak të largimit të turistëve. Edhe sipas këtij prodhuesi kërkesa nuk ka shënuar tkurrje krahasuar me të njëjtën periudhë të vitit të mëparshëm.

Sipas tij rritje më të lartë të kërkesës për produktet e brumit përgjatë stinës së verës pati në zonat bregdetare si Durrës dhe Lezhë. Deri në fund të muajit shtator parashikimet e operatorëve mbeten optimiste për shkak të kërkesës së lartë nga strukturat e hotelerisë. Për muajt në vazhdim prodhuesit nuk presin rritje të kërkesës, për shkak të largimit të popullatës.

Edhe nga përfaqësuesit e kompanisë “Nela” u pohua se në raport me muajt e verës kërkesa për produktet e brumit është ulur.

Më tepër shtim në shitje përgjatë sezonit turistik sipas shoqatës Bukës, Pastiçerive dhe Brumërave e patën dyqanet e produkteve fast food. Prodhuesit e bukës nënvizojnë se shitja e këtyre produkteve edhe gjatë muajit shtator vijon të jetë e lartë, pavarësisht largimit të turistëve.

Të dhënat e INSTAT bënë të ditur se për periudhën janar-korrik 2023,m në vend kanë hyrë gjithsej 5.167.656 shtetas të huaj. Ky numër është rritur me 30,6 %, krahasuar me të njëjtën periudhë të vitit 2022.

Nga të dhënat e Ministrisë së Turizmit rezulton se nga Kosova kanë hyrë në Shqipëri për 6 muajt e parë të vitit mbi 1.38 milionë vizitorë apo 43 për qind më shumë sesa e njëjta periudhë e një viti më parë. Në vend të dytë janë italianët, me 310 mijë vizitorë nga shteti fqinj duke shënuar rekord që në 6 mujorin e parë. Turistët nga Kosova zinin 40% të totalit të turistëve dhe nga Italia zinin 9%. /Monitor

The post Konsumi për bukën dhe ëmbëlsirat ulet deri 20% nga reduktimi i turistëve appeared first on Albeu.com.

“Ekziston nocioni se një bukë është më e mirë se të tjerat. Buka e prodhuar në furrë shihet si e “keqe”, ndërsa ajo e bërë në shtëpi si e “mirë”.

Ne kemi zbuluar se ashtu si çdo ushqim tjetër, reagimi i organizmit ndaj bukës është krejtësisht personal.

Ky efekt i personalizuar është për çdo lloj ushqimi. Nuk ka asnjë ushqim të mirë, të keq apo super ushqim.”, ka rrëfyer Dr.Evan Elinav nga Instituti Shkencor Weizmann në Izrael. Në studim u përfshinë 40 persona, tek të cilët u testuan lloje të ndryshme të bukës.

Shkencëtarët monitoruan nivelet e sheqerit në gjak çdo 5 minuta për të parë reagimin e trupit të tyre për disa javë.

Individët te dy grupet patën rritje të sheqerit në gjak pas konsumit të njërës apo tjetrës bukë, ndërsa efekti i tyre në peshë ishte thuajse i njëjtë tek të dyja grupet.

Kjo, thotë dr. Elinav, mbështet idenë që “përcaktuesi kryesor në mënyrën sesi organizmi reagon ndaj ushqimeve është bakteri i zorrës”. Sipas dr. Elinav, duke krijuar një dietë të veçantë për çdo person, bazuar tek bakteri në zorrë, mund të “normalizohen” nivelet e sheqerit në gjak.

The post E bardhë apo e zezë? Sipas ekspertëve kjo bukë është më e shëndetshmja appeared first on Albeu.com.

Me karbohidrate e kemi fjalën me bukën, makaronat, pijet e gazuara, sheqerin e të tjerë, të cilat për shumë ekspertë janë fajtorë për shëndoshjen dhe mbipeshën.

Përpara se të ndërmerrni një hap të tillë, lexoni në AgroWeb.org se çfarë ndodh në organizëm nëse nuk hani bukë.

Më pak ujë në trup

Në momentin që vendosni të hiqni dorë nga buka dhe kufizoni karbohidratet do të vëreni se pesha juaj do të pësojë një ndryshim të shpejtë.

Mos u habisni. Në këtë pikë, trupi nuk shkrin depozitat dhjamore por çliron ujin e tepërt në trup.

Konsumi i karbohidrateve shoqërohet me një akumulim të tepërt të ujit në organizëm që shkakton edhe një fryrje të madhe.

Mungesë energjie

Karbohidratet janë burimi kryesor i energjisë për trurin. Kur njeriu heq dorë nga karbohidratet organizmi plogështohet sepse në vend të glukozës djeg ketone për energji.

Ky fenomen njihet si ‘gripi i karbohidrateve’ sepse simptomat janë të ngjashme.

Njeriu përballet me tharje të gojës, lodhje, dobësi, marramendje, probleme me gjumin dhe mjegullim të trupit.

Më pak neps

Karbohidratet rritin nepsin dhe aktivizojnë shumë pika varësie në tru.

Mungesa e tyre do ta përshtasë trurin me nevoja të reja.

Në vend të ushqimeve jo të shëndetshme do të hani më shumë ushqime me fibër dhe më pak sheqer.

Ul rrezikun ndaj sëmundjeve të zemrës dhe diabetit

Karbohidratet e përpunuara, ku bën pjesë edhe buka, rrisin ndjeshëm rrezikun e sëmundjeve të zemrës dhe diabetit të tipit 2.

Drithërat e shëndetshme nga ana tjetër janë ato që nuk përpunohen dhe lihen në gjendjen e tyre të plotë.

Këto drithëra ulin kolesterolin dhe ulin rrezikun e sëmundjeve të zemrës, ishemisë, mbipeshës dhe diabetit të tipit 2.

Më pak energji

Siç e thamë edhe më lart, karbohidratet janë burimi kryesor i energjisë në organizëm.

Në mungesë të tyre, trupi është i plogësht dhe më pak energjik.

Kjo mund të zgjidhet duke konsumuar drithëra të plota të cilat janë një burim i shkëlqyer i hekurit, magnezit dhe vitaminave B.

Problemet me tretjen

Konstipacioni është një efekt anësor i heqjes dorë nga buka dhe karbohidratet në përgjithësi.

Sistemit tretës i duhet pak kohë të përshtatet me këtë regjim të ri, ndaj ekspertët rekomandojnë konsumin e shumë perimeve dhe frutave dhe pirjes së ujit.

Luhatje me humorin

Karbohidratet rrisin nivelet e serotoninës të çliruar në tru, ndaj në mungesë të tyre, njeriu është më i acaruar dhe përballet me luhatje të humorit.

Prandaj, ekspertët sugjerojnë marrjen e suplementëve të magnezit e mineraleve të tjera të rëndësishme për trurin./albeu.com

The post Çfarë ndodh në organizëm nëse nuk hani bukë? appeared first on Albeu.com.

Por çfarë ndodh me trupin e njeriut në qoftë se vendosni të mos hani bukë për të paktën një muaj? Zbulojeni si më poshtë.

Do të bini nga pesha: buka është e pasur me karbohidrate të rafinuara, gjë e cila çon në akumulim të ujit në trup. Është vlerësuar që çdo gram karbohidratesh që hani grumbullojnë 3-4 gram ujë.

Përmirësoni sistemin tretës: Gluteni, karbohidratet e rafinuara dhe përbërësit e tjerë që gjenden në bukë ju bëjnë të ndiheni më të fryrë. Ato ngadalësojnë tretjen e ushqimit gjithashtu. Eleminimi i bukës për një muaj do të përmirësonte ndjeshëm punën e sistemit tretës dhe do të riaktivizionte metabolizmin tuaj.

Fibrat e gjendura me shumicë tek buka, jo vetëm që ndihmojnë në stabilizimin e niveleve të sheqerit në gjak, por zvogëlojnë dhe rrezikun e obezitetit dhe sëmundjeve kronike.

Do të keni luhatje të humorit: Nëse ju i thoni “JO” drithërave të shëndetshme i keni thënë jo, neurotransmetuesve si serotonina që ju bën të ndiheni mirë. Karbohidratet janë burimi kryesor i energjisë së trurit. Kur një person eleminon karbohidratet, ai do të ndihet i lodhur, i plogësht dhe do të shfaqë probleme me pagjumësinë.

Ul rreziku i sëmundjeve kardiovaskulare dhe diabetit të tipit 2: Sipas Shoqatës Amerikane të Zemrës, drithërat mund të përmirësojnë nivelin e kolesterolit në gjak dhe ulin rrezikun e sëmundjeve të zemrës, obezitetit dhe diabetit të tipit 2, kështu që duke eleminuar bukën ulin  rrezikun për t’u prekur nga këto sëmundje

The post Trupi juaj do t’ju falenderojë, mos konsumoni bukë për 30 ditë, do të befasoheni nga ndryshimi appeared first on Albeu.com.