Fermerët në Bullgari iu bashkuan sot protestave në të gjithë kontinentin evropian kundër rregullave kufizuese të Bashkimit Evropian duke bllokuar rrugët me traktorë, teksa kërkonin mbështetje nga shteti dhe çmime më të mira për prodhimet e tyre.

Fermerët bënin gjithashtu thirrje për reduktim të politikave kufizuese të prodhimit dhe ndalim të prodhimeve bujqësore nga Ukraina.

“Dy vitet e fundit për ne kanë qenë një ferr, nuk kemi çfarë humbasim më”, tha një fermer i intervistuar për rrjetin AFP, ndërsa një tjetër ankohej se autoritetet “lëshojnë thuaje përditë kufizime të reja absurde ndaj bujqësisë për të mos e lejuar të bëhet kompetitive”.

Qindra fermerë bullgarë bllokuan sot rrugët në rajone të ndryshme të vendit duke protestuar për kompensim të humbjeve të bujqësisë dhe kundër importeve të lira nga Ukraina që favorizohen nga zyrtarët.

Protestat e sektorit të bujqësisë është parë në të gjitha vendet e BE javët e fundit.

Demonstratat në Francë e Rumani duket se kanë humbur paksa ritmin, ndërsa fermerët në Hollandë, Spanjë, Letoni e Itali vijojnë të kërkojnë me forcë të drejtën e tyre në bllokada.

“Prodhuesit bujqësorë të mesëm e të vegjël në Bullgari janë duke falimentuar nëse nuk ka ndryshime, nëse nuk ka pagesa të menjëhershme të subvencioneve të prapambetura, si dhe për dëmet që po vuajmë nga importet nga Ukraina”, tha prodhuesi i grurit 42 vjeçari Ventsislav Mitkov, për rrjetin AFP, në një bllokim rruge pranë qytezës perëndimore të Breznik.

Mitkov e dhjetra fermerë të tjerë të zonës kanë bllokuar rrugën drejt Serbisë me traktorët e tyre dhe zotohen të bashkohen nesër në bllokadën e madhe në qytetin fqinjë Pernik.

Disa fermerë me traktorë u mblodhën sot dhe në një kryqëzim të rëndësishëm të rrugës që lidh Sofien me Greqinë, duke u rënë borive të traktorëve dhe duke penguar trafikun.

“Ata po bëjnë që çmimet tona të bien duke importuar produkte të lira nga vende jashtë BE, dhe në të njëjtën kohë ne na vënë kufizime të reja për të mos na lejuar të konkurojmë në treg”, tha 35 vjeçari Miloslav Mihaylov, në lidhje me rregullat e BE.

The post Fermerët në Bullgari i bashkohen protestave me traktorë kundër kufizimeve të BE appeared first on Albeu.com.

Në këto temperatura të ulëta në Divjakë, Thoma Gjeka së bashku me bashkëshorten janë duke punuar në tokën e mbjellë me lakër që këtë vit nuk ka një çmim të kënaqshëm për ata.

Kushte në të cilat ai punon janë shumë të vështira. Për t’a ngarkuar prodhimin e t’a çoj në treg Thomait i duhet një punë e dyfishtë.

Më parë ai duhet t’a vjeli, t’a ngarkoj me një karrocë dore e më pas ta ngarkoj në rimorkio e improvizuar të motorit. Thomai tregon se del në punë që në orën 5 të mëngjesit dhe deri në orën 18 të mbrëmjes.

“Në moshën 70-vjeçare është e vështirë të punosh me bujqësi por jam i detyruar pasi pensioni 70 mij lek te vjetra nuk më mjafton”, tha fermeri Thoma Gjeka.

Ndryshe nga Thomai i cili është një banor i zonës Genci Bijka është një punëtor ne bujqësi që prej 13vitesh ka migruar në Divjakë nga fshatrat e Librazhdit.

Ai tregon se punon çdo ditë në tokat e Divjakës për të siguruar të ardhurat E 6 familjarëve të tij dhe pagesën e qirasë.

“Kriza për krah pune ka vënë në vështirëi shumë fermerë edhe në zonat më prodhimtare të vendit vitet e fundit”, tha punëtori i fermës Genci Bijka

The post Bujqësia në vështirësi/ Punë nga mëngjesi në darkë, i moshuari në Divjakë përballet me probleme: Jam i detyruar appeared first on Albeu.com.

Ai shprehet se nuk po e lënë të bëjë punën e tij dhe shkak për këtë janë interesat klienteliste.

Braçe është futur LIVE në Facebook nga salla e mbledhjeve të Grupit Parlamentar të socialistëve duke thënë se aty nuk kishte njeri që të bëntë mbledhje, ndërsa sot nuk ka as seancë plenare.

Ai tha se nuk ka asnjë përgjigje për propozimet e tij ligjore në lidhje me sektorin e bujqësisë duke e cilësuar këtë një “skuthllëk politik”.

Braçe përmend pa emra deputetë që e bllokojnë, ndërsa kujtojmë që dy javë më parë akuzoi Taulant Ballën se kishte bllokuar një amendament të propozuar prej tij për uljen e TVHS-së për bujqësinë.

Po ashtu ai kohë më parë ka pasur kritika edhe për ministren Krifca se bën politika klienteliste me një grusht oligarkësh, duke lënë në harresë fermerët

Postimi i Erion Braçes:

“Këtë të enjte nuk ka Parlament, punë në seancën plenare në Parlament. Na e thane sot, ndaj ketu s’ka kembe njeriu.

Por sot eshte data 13 dhjetor; Dite me dite-6 muaj me pare, paraqita ne Kuvend nismen ligjore per te vendosur rregull ne tregun bujqesor e blegtoral, ne dimensionin e pagesave, për të garantuar bujqit, punën e tyre, prodhimin dhe të ardhurat prej tij.

Troç: Bujq e blegtorë të marrin paratë e punës së tyre brenda 50 ditëve.

6 muaj asnje pergjigje!

Nga njera ane nuk thonë dot jo, nuk dalin dot kundër, nga ana tjeter te bllokojne dhe heshtin, nje lloj skuthlleku politik i neveritshem, i nxitur nga klientelizmi, kapja e vendimarrjes në Kuvend-më troç.

Sinqerisht nuk e vuaj mungesen e respektit institucional, procedural, njerezor gjithashtu;

Por kjo eshte mungese respekti e Kuvendit ndaj popullit të bujqësisë, i cili ka kete hall dhe kerkoi te adresohet ligjerisht;

Po ligjerisht ne kete vend, nuk duhet te kete qytetare te dores se dyte, por ne fakt ka-janë punëtorët, prodhuesit e bujqësisë.

Shikoni, kur ata blejne, detyrimi ligjor eshte te paguajne menjehere ose brenda 45 ditesh, perndryshe detyrimi i tyre merret me force!

Por kur tek bujqit prodhues blejne te njejtet tregtare-ata qe me pare shisnin, parate nuk paguhen as per 1 vit!

Padrejtësi e pabarazi e turpshme.

Kjo eshte! Thellohet kur nuk gjejnë hapësirë për të zgjidhur këtë padrejtësi.

Kur kam nisur kete pune, as e dija e as e kerkova deputetin per honor, vanitet, pasurim gjithashtu;

E doja si punë, e kam bërë si punë.

Por kur nuk te lene te besh punen tende, cfare duhet bere?

Shikoni, ky bllokimi i punes nis si klientelizëm dhe mbaron si personal, ndaj gjithnje e me shume eshte koha për punë tjetër;

Por deri atehere dua tu sjell ne vemendje skandalin e rryshfeteve ne Parlamentin Evropian;

Hiqni Katarin dhe vendosni nje kartel grumbulluesish abuziv ketu dhe do kuptoni qe kleintelizmi nuk njeh kufij, ne nivel me banal natyrisht”, shkruan deputeti socialist./albeu.com

The post “Plas” majtas, Braçe kundër qeverisë: Një lloj skuthllëku politik i neveritshëm (VIDEO) appeared first on Albeu.com.