Mbrojtësi kosovar Bujar Pllana do ta vazhdojë karrierën në elitën e futbollit zviceran, pasi ka firmosur me skuadrën tradicionale Grasshopper.

Grasshopperi njoftoi zyrtarisht sot (e mërkurë) se ka siguruar shërbimet e 24-vjeçarit, i cili ka nënshkruar kontratë dyvjeçare me klubin.

Para transferimit në Zvicër, Pllana ishte pjesë e futbollit polak, ku luajti për Lechia Gdansk. Me këtë klub, ai e ndërpreu kontratën para se të finalizonte kalimin te Grasshopperi.

Futbollisti, i cili përfaqëson Kombëtaren e Shqipërisë, e nisi rrugëtimin e tij në Mitrovicë dhe më pas u angazhua në disa skuadra, duke e zhvilluar hap pas hapi karrierën në futbollin profesionist.

Pas zyrtarizimit të marrëveshjes, Pllana shprehu kënaqësinë për transferimin. Ai bëri të ditur se bindja ndaj projektit dhe besimi i drejtuesve të Grasshopperit ndikuan në vendimin për t’iu bashkuar klubit.

“Jam shumë i lumtur që jam këtu. Isha i bindur për projektin që nga fillimi dhe menjëherë e kam ndier besimin e treguar gjatë diskutimeve. Mezi pres të luaj para tifozëve tanë”, ka deklaruar Pllana.

Grasshopperi konsiderohet një prej klubeve më tradicionale të Zvicrës, me një histori të gjatë në futbollin e këtij vendi.

Megjithatë, në vitet e fundit skuadra ka hasur vështirësi për të siguruar qëndrueshmëri në elitën zvicerane, duke kaluar periudha me pasiguri të ndryshme në aspektin sportiv.

Me afrimin e Pllanës, klubi synon të forcojë radhët dhe të konsolidojë pozicionin në Superligën e Zvicrës, ndërsa në sezonet e ardhshme kërkon të ndërtojë një ekip më konkurrues.

Për mbrojtësin 24-vjeçar, kjo lëvizje përbën një mundësi të rëndësishme për të përfituar eksperiencë në një tjetër kampionat evropian dhe për ta avancuar më tej karrierën profesionale.

The post Bujar Pllana bëhet pjesë e Grasshopperit në Superligën zvicerane appeared first on Albeu.com.

Bujar Pllana nuk do të jetë më pjesë e Lechia Gdnask. Gazetari Tomasz Galinski bën të ditur se mbrojtësi shqiptar dhe klubi polak kanë arritur një marrëveshje për ndërprerjen me mirëkuptim të kontratës, duke i dhënë fund bashkëpunimit mes tyre.

Sipas gazetarit, largimi i 24-vjeçarit ishte parashikuar prej kohësh, por vendimi përfundimtar është marrë vetëm së fundmi. Lechia Gdnask pritet tashmë t’i nënshtrohet një revolucioni të plotë.

Faktori vendimtar për zgjedhjen e Pllanës ishte rënia e Lechia Gdnask nga kategoria. Në këtë mënyrë, ai ka ndjekur rrugën e zgjedhur edhe nga një pjesë e bashkëlojtarëve të tij.

The post ZHVILLIM I BUJSHËM! Futbollisti i cilësuar si “risi” e Sylvinhos në Kombëtare ndërpret kontratën me klubin, zbulohet arsyeja appeared first on Albeu.com.

24-vjeçari i lindur në Mitrovicë ka luajtur tre herë për përfaqësuesen U-21 të Kosovës dhe FIFA i ka dhënë lejen për këtë ndryshim, pasi ai nuk ka marrë pjesë në ndonjë ndeshje zyrtare me ekipin e parë të Kosovës.

Mbrojtësi më herët ka luajtur në Superligën e Kosovës te skuadrat; Trepça ’89, Feronikeli ’74 dhe Prishtina, para se në vitin 2023 të kalonte Slaven Belupo në Kroaci. Më pas u transferua te Leçia Gdansk në Poloni ku luan prej një viti e gjysmë. Këtë sezon në Superligën polake, Pllana është aktivizuar në 11 ndeshje për 794 minuta në total.

Rikujtojmë që futbollisti ka si menaxher ish-lojtarin e Kombëtares, Eros Grezda.

The post La Kosovën për Shqipërinë, kush është lojtari debutues në listën e Silvinjos appeared first on Albeu.com.