Ai shtoi se duhet që të ketë mosbindje civile, duke u shprehur se duhet që të mbyllen rrugët derisa këta qeveritarë të rrëzohen.

Regjisori Edmond Budina: “Jemi ne populli që vuajmë mbi kurriz ato që bëjnë këto mafiozë. Të mbyllen rrugët dhe të mbyllen dyqanet derisa këta të shporren, të ketë mosbindje civile derisa të largohen. Ne do përballemi siç jemi përballur në të gjithë këta vite. Kam thirrje edhe për vëllezërit tanë të policisë. Mos reagoni kundrejt qytetarëve, por mbroni të drejtën tuaj.

Shikoni çfarë rroge keni ju, e çfarë rroge kanë ata. Luftoni bashkë me ne, që të shporrim mafiozët nga pushteti. Protesta jonë të bëhet kombëtare, derisa të rrëzojmë këtë dhe të rrëzojmë edhe regjimin te Kryeministria. Te Teatri Kombëtar na tërhoqën zvarrë për të ndërtuar kulla atje, që të fitojnë disa kulla për disa kriminelë”.

The post Protesta/ Budina thirrje për mosbindje civile: Të shporrim mafiozët nga pushteti appeared first on Albeu.com.

Regjisori dhe aktori Edmond Budina në një deklarim për mediat thotë se Aleanca do e vijojë betejën deri në Departamentin Amerikan të Shtetit apo Parlamentin Europian.

Ai i kërkon opozitës dhe Presidentit Ilir Meta të mos heshtin për këtë vendim të fundit. Po ashtu ai ka një thirrje të veçantë për Gjykatën Kushtetuese. Budina i kërkon anëtarëve të saj të shprehen publikisht për këtë vendim ose të dorëhiqen individualisht ose të gjithë bashkë.

‘’Mafia e ka zaptuar shtetin, e ka zaptuar në mënyrën më skandaloze. Dmth një vendim i Gjykatës Kushtetuese që shkelet me këmbë, vetëm në një shtet mafioz mund të ndodhë, jo në Shqipëri, por në gjithë Europën e botën. Gjërat nuk janë të rastësishme. E shihni çndodhi dje, u mor ky vendimi i Këshillit të Ministrave.

Jemi këtu për ti thënë që ne do ta ndalojmë me çdo kusht, në DASH në Europë, në PE. Ne luftën për drejtësi do ta vazhdojmë. Ne nuk fitojmë asgjë përveç drejtësisë.

Qytetarët të mos heshtin. Të ngrihemi kundër kësaj kaste. Të shkelësh vendimin e Gjykatës është të kesh çdo gjë në dorë. Intelektualët të ngrihen. Mos e lëmë këtë vend në mëshirë të fatit. Opozita mos heshtë për gjithë këto problem. Mos heshtë as Presidenti. Kam një thirrje të veçantë për anëtarëat e Gjykatës Kushtetuese, që morën një vendim shumë të saktë që u shkel me këmbë. Të nderuar, ju që morët një vendim me koshiencë, të bindur, a jeni të bindur ende që ky shtet ju ka dhënë priftërinjve e ju ruan mjekrën. Duhet të shpreheni publikisht, edhe të jepni dorëheqjen për ti treguar në këtë vend se nuk vijohet kështu. Jemi këtu për të mbrojtur demokracinë, kulturën, Kushtetutën e këtij vendi. ‘’- tha Budina.

The post Kalimi i TK në pronësi të Bashkisë, reagon Aleanca: Ju lutemi ndërkombëtarëve të veprojnë appeared first on Albeu.com.