I pyetur nga gazetarja se kur Shqipëria do të jetë pjesë e BE, Michel tha se jemi në rrugën e duhur, pasi tashmë janë zhbllokuar të gjitha bllokimet që ishin vendosur me pa të drejtë.

“Para disa muajsh ishim në Bruksel, ju e mbani mend konferencën e shtypit të Ramës, në Bruksel pati një reagim falë mbledhjes së Brukselit me vullnetin e plotë nga të dyja anët për të zhbllokuar atë që ishte bllokuar. Lista e krijuar nuk ishte një listë qëllimesh por listë projektesh, që janë frut i shkëmbimit që kemi patur me Ramën para fillimit të luftës, i cili më tha nuk duhet pritur fundi, por vendet tona të kuptojmë përfitimet ende pa mbaruar procesi. Kur flasim për Universitetet, çështjet e sigurisë, janë çështje jashtëzakonisht konkrete. Jemi të lumtur që jemi në Tiranë do të vijmë shepsh në Tiranë dhe Edi në Bruksel për të punuar bashkë”, tha Michel.

The post Kur Shqipëria do të jetë në BE? Michel: Tashmë i kemi zhbllokuar të gjitha bllokimet e vendosura me pa të drejtë appeared first on Albeu.com.

Vendet e Bashkimit Evropian u përpoqën të arrinin një marrëveshje për këtë, pas këmbënguljes së Polonisë për të caktuar një çmim sa më të ulët për një fuçi të naftës ruse, thanë diplomatët të enjten. “Ende presim rezistencë nga Varshava”, tha një diplomat i BE-së, i cili foli në kushte anonimiteti.

Oferta e fundit, e konfirmuar nga 3 diplomatë të BE-së, vjen përpara një afati për të vendosur çmimin e naftës me zbritje deri të hënën, kur një embargo evropiane ndaj naftës së papërpunuar ruse dhe një ndalim për sigurimin e transportit për këto furnizime hyjnë në fuqi. Diplomatët folën në kushte anonimiteti pasi procesi ligjor për këtë çështje ende nuk ka përfunduar.

Shifra prej 60 dollarësh është një kufi afër çmimit aktual të naftës së papërpunuar të Rusisë, i cili ra këtë javë në nën 60 dollarë për fuçi dhe ka për qëllim të parandalojë një reduktim të mëtejshëm të naftës ruse në tregun botëror pas hyrjes në fuqi të sanksioneve të reja perëndimore ndaj Moskës.

Kjo është një zbritje e madhe duke marrë parasysh se nafta e papërpunuar të ejten tregtohej me një çmim prej 87 dollarësh për fuçi, por mund të jetë i pranueshëm për Moskën, pavarësisht se ajo e kundërshton idenë e vendosjes së një kufiri të tillë.

Nafta është burimi kryesor i të ardhurave financiare të Kremlinit dhe e ka mbajtur ekonominë ruse në këmbë deri më tani, pavarësisht ndalimit të eksporteve, sanksioneve dhe ngrirjes së aseteve të bankës qendrore ruse që hynë në fuqi pas fillimi të agresionit rus ndaj Ukrainës në shkurt të këtij viti. Rusia eksporton afërsisht 5 milionë fuçi naftë në ditë.

Rreziqet e dështimit të vendosjes së kufirit të çmimit janë të mëdha dhe mund të dëmtojnë furnizimin e botës me naftë. Nëse dështon, Rusia mund të hakmerret duke ndaluar eksportin e naftës dhe çmimet e energjisë në mbarë botën mund të rriten në mënyrë drastike. Presidenti Putin ka thënë se nuk do të shesë naftë nëse vendosen kufizime ndaj çmimit të saj dhe do të hakmerrej ndaj vendeve që do ta zbatonin masën.

Konsumatorët amerikanë dhe evropianë mund të ndiejnë pasojat nga rritja e çmimit të karburantit dhe njerëzit në vendet në zhvillim mund të përballen me nivele më të larta të pasigurisë ushqimore./VOA

The post BE një hap më afër kufizimit të çmimit të nafës ruse në 60 dollarë për fuçi appeared first on Albeu.com.

“Brenda Komisionit Evropian, ne dyfishuam përpjekjet tona për të bërë njëqind propozime për zgjerimin. Këtë vit, ne tashmë i kemi dhënë statusin kandidat Ukrainës, Moldavisë dhe Gjeorgjisë dhe besoj se këtë vit do të kemi një tjetër vendim pozitiv për Bosnjën. dhe Hercegovina”, tha Varhelyi në konferencën për gazetarë në Barcelonë, ku po mbahet Forumi i 43 vendeve të Bashkimit për Mesdheun.

Sipas mediave të huaja, ai tha se kjo i jep jetë të re zgjerimit të Bashkimit Europian, por theksoi se zgjerimi është një proces kërkues.

“Tani do t’u mbetet vendeve kandidate që të përmbushin detyrat e tyre së pari”, tha komisioneri.

Vendi i fundit që u bë anëtar i BE-së ishte Kroacia në vitin 2013. Pjesa e parë e Forumit të Unionit për Mesdheun, një organizatë e krijuar në vitin 2008, i kushtohet çështjeve të sigurisë së furnizimeve me ushqim dhe energji nën ndikimin e konfliktit në Ukrainë. Pjesa e dytë do t’i kushtohet sigurisë dhe migrimit në fqinjësinë e BE-së.

The post ​Varhelyi: Bosnja dhe Hercegovina së shpejti mund të marrë statusin e kandidatit për anëtarësim në BE appeared first on Albeu.com.

I pyetur nga gazetarët Balla tha se protesta e Berishës nuk bëhet as për qeverinë, as për popullin, por për interesat e tij personale.

Ndër të tjera Balla foli për mundësinë që pas SHBA-ve, Berisha të shpallet non grata edhe nga Bashkimi Evropian.

“Jam sot në një prej pikave më piktoreske të asaj që ne i themi Toskana shqiptare, Roskovec. Jam këtu për festën e ullirit. Ky vit shumë i mbarë për bujqësinë. Ajo që më shqetëson mua është gjetja e tregjeve të reja prodhimin dhe sasinë e madhe që kemi këtë vit dhe ky është shqetësim më i madh se sa protestat e Saliut. Është e vonuar protesta e aleatit të Putin, rublat e Rusisë vazhdojnë ta financojnë aleancën Metës dhe Berishës. Protestat e Berishës janë keqardhje e madhe. Protesta s’ka të bëjë as me qeverinë, as me energjinë elektrike, protesta ka të bëjë me hallin personal të Sali Berishës. Mos u habisin që të shpallet së shpejti non grata edhe nga Bashkimi Evropian”, tha Balla.

The post “Ullinjtë më të rëndësishëm se protesta e Berishës”, Balla: Mos u habisni që të shpallet “non grata” edhe nga BE-ja appeared first on Albeu.com.

Gjatë prezantimit të progres-raportit Komisioneri për Zgjerim Oliver Varhelyi tha se Serbia duhet të tregohet më serioze në raportin e saj me BE-në.

“Serbia duhet të tregohet një partner serioz i BE, të ndajë të njëjtat çështje sigurie me ne. Sa i takon statusit gjeopolitik është e qartë se Serbia duhet të bashkohet me politikën e jashtme të BE dhe të vendosi sanksione ndaj Rusisë,” tha Varheley.

The post KE i kërkon Serbisë të vendosë sanksione ndaj Rusisë! Varhelyi: Të jetë më serioze appeared first on Albeu.com.