Bayern Munich ka vendosur të ndërpresë bashkëpunimin me tre lojtarë, duke i bërë publike emrat e tyre dhe duke i paralajmëruar se nuk do të kenë mundësi të aktivizohen nëse nuk gjejnë skuadra të reja.

Max Eberl, drejtori sportiv i klubit bavarez, konfirmoi se Sacha Boey, Bryan Zaragoza dhe Joao Palhinha nuk konsiderohen më pjesë e planeve të ekipit dhe mund të largohen gjatë kësaj vere.

Të tre futbollistët janë kthyer te Bayern Munich pas huazimeve të sezonit të kaluar. Boey luajti te Galatasaray, Zaragoza ishte pjesë e Romës, ndërsa Palhinha kaloi sezonin 2025/26 në radhët e Tottenhamit.

Mesfushori portugez shënoi golin e vetëm në fitoren 1-0 të Tottenhamit kundër Evertonit në javën e fundit, rezultat që i siguroi klubit londinez mbijetesën në Ligën Premier.

Tottenhami pritej ta transferonte përfundimisht Palhinhën, por palët nuk arritën marrëveshje. Në vend të tij, skuadra angleze mori Sandro Tonalin nga Neëcastle për rreth 116 milionë euro.

Bayern Munich vjen pas një sezoni të suksesshëm, pasi ekipi i drejtuar nga Vincent Kompany fitoi Bundesligën dhe arriti në gjysmëfinalen e Ligës së Kampionëve, duke u dalluar për lojën e tij sulmuese dhe spektakolare.

Afati kalimtar veror ka qenë deri tani relativisht i qetë për bavarezët, të cilët kanë afruar si përforcime kryesore mbrojtësin e majtë Nathaniel Broën dhe sulmuesin Ismael Saibari. Tani, klubi po përqendrohet te largimi i lojtarëve që nuk janë më në planet e trajnerit dhe drejtuesve.

“Kemi tre lojtarë për të cilët jemi të gatshëm të shqyrtojmë largimin. Ata nuk kanë të ardhme te Bayern”, deklaroi Eberl.

Ai shtoi se qëndrimi i tyre në skuadër do të ishte shumë i vështirë, pasi klubi nuk planifikon t’u japë rol: “Nëse duan të qëndrojnë, do ta kenë shumë të vështirë, sepse nuk llogarisim tek ata. Prandaj nuk do të kenë rol në skuadër. Kjo vlen për Sacha Boey, Joao Palhinha dhe Bryan Zaragoza”.

The post “Nuk bëjnë më pjesë në planet tona” – Bayerni nxjerr në shitje tre futbollistë appeared first on Albeu.com.

Bayern Munich po shqyrton largimin e tre futbollistëve gjatë kësaj vere, ndonëse e ardhmja e Joao Palhinhas, Sacha Boey dhe Bryan Zaragozas vazhdon të mbetet e paqartë.

Palhinha raportohet se ka hedhur poshtë oferta të konsiderueshme nga klubet e Arabisë Saudite dhe Turqisë, sepse synon të kthehet në Portugali.

Mesfushori dëshiron të transferohet te Benfica ose Sportingu, por aktualisht asnjëra prej këtyre skuadrave nuk mund t’i plotësojë pretendimet financiare të Bayernit. Aston Villa, ndërkaq, po analizon mundësinë për ta marrë në huazim me opsion blerjeje.

Për Sacha Boey kanë shfaqur interes disa klube të mesit të tabelës në Ligën Premier. Bayerni kërkon rreth 15 milionë euro për mbrojtësin e djathtë francez.

Bryan Zaragoza, nga ana tjetër, synon të rikthehet në La Liga. Situata e sulmuesit anësor spanjoll po ndiqet nga Espanyoli dhe Sevilla, por deri tani nuk janë zhvilluar bisedime konkrete. Pengesë konsiderohet paga e tij, e cila arrin në rreth katër milionë euro në vit.

Megjithëse interesimi për të tre lojtarët ekziston, për momentin asnjëri prej tyre nuk është afër largimit nga Bayerni, pasi diskutimet me klubet e interesuara nuk kanë hyrë ende në një fazë të avancuar.

The post Kompany nuk llogarit tek ata, Bayerni kërkon largimin e tre yjeve appeared first on Albeu.com.

Zaragoza mbërriti si nënshkrimi i fundit i Bayern Munich në afatin kalimtar të dimrit, dhe Tuchel shpjegoi se gjuhët janë vështirësia kryesore që Bryan Zaragoza të integrohet në ekip.

“Atij i mungon gjuha. Është e vështirë për të të flasë anglisht dhe gjermanisht, por kjo është diçka themelore. Transferimin e realizuam tani për të kursyer kohën e përshtatjes”.

“Tashmë ishte e qartë për mua që ky ishte një hap i madh për të. E shohim edhe cilësinë e tij, por vëmë re edhe se integrimi nuk është i plotë nga ana gjuhësore, prandaj do të na duhet pak kohë”, ka thënë Tuchel.

Bryan Zaragoza, 22-vjeçari që ka debutuar tashmë në Kombëtaren e Spanjës, më 1 shkurt u transferua te Bayern Munich si huazim për 4 milionë euro.

Sipas marrëveshjes, Bayern do ta blejë lojtarin për 13 milionë euro më 1 korrik, dhe deri më tani Zaragoza ka luajtur vetëm një ndeshje për bavarezët më 18 shkurt kundër Bochum, ku fituan 3-2. /Telegrafi/

The post Zaragoza nuk di gjermanisht dhe as anglisht, ai nuk mund të luajë për shkak të kësaj appeared first on Albeu.com.