Kurti deklaroi se Kosova ka partnerët e saj më të mëdhenj Shtetet e Bashkuara të Amerikës, Bashkimin Europian dhe Britaninë e Madhe.

“Ne jemi të dedikuar për të pasur rend, ligj dhe t’i shpallim luftë korrupsionit. Ne ndajmë të njëjtat vlera me SHBA-të, Britaninë e Madhe dhe BE-në dhe jemi pranë tyre, sidomos pas luftës në Ukrainë”, u shpreh Kurti.

“Ne nuk kemi lidhje me federatën ruse, ne i kemi vendosur sanksione Rusisë. Ne duam që Ukraina të fitojë luftën dhe ne kemi nevojë që Evropa demokratike dhe bota të shohin disfatën e Kremlinit dhe Putinit. Kështu që ne nuk kemi bashkëpunim me ta, edhe pse ata do të donin, por ne nuk duam”, tha Kurti.

Më tej, Kurti kritikoi kryeministren serbe Ana Brnabiç, pasi ajo përmendi termin “Kosova e Metohija”.

“Ne jemi Republika e Kosovës dhe jo Kosova e Metohija. Jemi shtet i pavarur dhe njihemi anembanë botës”, u shpreh Kurti.

Brnabiç nga ana e saj lavdëroi zhvillimin ekonomik të Serbisë. Ndërsa, Kurti tha se Kosova ka përparuar sa i përket zhvillimit ekonomik. Ai shtoi se Prishtina ka shërbyer për stabilitet rajonal e institucional. Po ashtu, Kurti deklaroi se Republika e Kosovës ka ditur mjaft mirë t’iu bëjë ballë rreziqeve të sigurisë.

The post Kurti ‘përplaset’ me kryeministren serbe: Jemi Republika e Kosovës, shtet i pavarur i njohur nga fuqitë e mëdha appeared first on Albeu.com.

Edhe pse përmbajtja e dokumentit nuk është bërë publike, blloku edhe një herë e bëri të qartë se Marrëveshja Bazë dhe Aneksi për zbatimin e saj janë të detyrueshme për të dyja palët. Marrëveshja e Brukselit dhe aneksi për zbatimin e saj do të jenë pjesë integrale e rrugës së Kosovës dhe Serbisë drejt integrimit në BE, nënvizuan zyrtarë në Bruksel.

Përmes letrës së Brnabiç, Serbia e njoftoi BE-në se do të marrë përsipër zbatimin e të gjithë marrëveshjeve. Kundërshtia kryesore është ndaj pikave të ujdisë, të cilat e shtrëngojnë Beogradin të mos e pengojë Kosovën për anëtarësim në organizata ndërkombëtare.

“Në përgjithësi, ne nuk e komentojmë përmbajtjen e korrespondencës me BE-në. Megjithatë, mund të konfirmojmë se na ka mbërritur një variant përfundimtar i letrës nga kryeministrja serbe. I kujtojmë palëve se marrëveshja me aneksin e saj të zbatimit është bërë ligjërisht e detyrueshme përmes deklaratës me shkrim të përfaqësuesit të Lartë të BE-së për politikë të jashtme dhe siguri, të datës 18 mars 2023. Ky ka qenë qëndrimi konsistent i BE-së, i cili gjithashtu është komunikuar publikisht në disa raste”, deklaroi Peter Stano për mediat në Kosovë.

The post Serbia tërhiqet pjesërisht nga ujdia? BE konfirmon: E kemi marrë letrën e Brnabiç appeared first on Albeu.com.

Brnabić shprehet se për zgjedhjet e Beogradit, ka pasur vetëm një ankesë në Komisionin Zgjedhor të Qytetit (GIK).

Gjithahstu, ajo thotë se opozita nuk ka asgjë për t’u ankuar dhe se ajo “po ashtu” ka kërkuar anulimin e të gjitha zgjedhjeve.

Sipas saj, opozita priste të shihte rezultatet e zgjedhjeve, për të thënë më pas se nuk i njeh ato.

“Nuk ka asnjë tregues se ajo që opozita thotë për parregullsitë zgjedhore është e vërtetë, është një përpjekje e hapur për destabilizimin”, nënvizoi kryeministrja serbe.

Brnabić tha gjithashtu, se vëzhguesit nga Evropa, Stefan Šenach dhe Andeas Šider, po gënjejnë dhe po destabilizojnë Serbinë me deklaratat e tyre për zgjedhjet, edhe pse nuk kanë komente në procesverbalet për vendvotimet.

“Ata ishin vëzhgues që drejtonin delegacionet e Parlamentit Evropian dhe misionin vëzhgues të Këshillit të Evropës. Ajo që ata bënë më pas, të gjitha paraqitjet e tyre në media, është në kundërshtim me kodin etik të vëzhguesve ndërkombëtarë”, përfundoi ajo.

The post Zgjedhjet në Serbi/ Brnabić: Opozita nuk ka për çfarë të ankohet, vëzhguesit e huaj gënjejnë appeared first on Albeu.com.

Ndërkohë që gjithë liderët e tjetrë të rajonit përfshrë kryeministrin e Shqipërisë, Edi Rama, atë të Malit të Zi, Abazoviç, dhe atë të  Maqedonisë së Veriut, Kovaçevski, të cilët njëzëri kërkuan përfshirjen e të gjitha vendeve të Ballkanit perëndimor në BE, kryeministra e Serbisë, Brnabiç tha se nuk ka çështje në Ballkan, pasi sipas saj e ashtuquajtura Republikë e Kosovës nuk njihet, dhe se Kosova nuk do të jetë pjesë e BE-së.

Pyetjes së drejtuesit të panelit se nëse Serbia do të bashkëpunojë për uljen e tensioneve me Kosovën në veri, Brnabiç iu përgjigj: “Nuk ka një çështje të tillë. E ahtuquajtura Republikë e Kosovës nuk njihet nga 5 shtete të BE, dhe nuk mendoj se kosova do të jetë pjesë e BE”.

I menjëhershëm ishte reagimi i kryeministrit të Kosovës Albin Kurti, i cili theksoi se ndryshe nga Serbia, Kosova i ka vënë sanksione Rusisë, ndërsa serbët zyrtarë edhe sot e kësaj dite nuk janë ndarë nga shovinizmi i Millosheviçit dhe ai i Putinit.

“Ndryshe nga Serbia, Kosova i ka vendosur sanksione Rusisë. Sot në Serbi ende nuk janë ndarë nga shovinizmi i Millosheviçit dhe nga Putini. Do të ishte më e lehtë për ne të për të rifilluar mardhëniet nëse do të kishim fqinj Republikën Çeke, por ne kemi në krah një shtet që nuk jeton me realitetin”, u shpreh Kurti.

The post Nxehet debati në “Bled”, Brnabiç: Republika e Kosovës nuk ekziston. Kurti: Serbia nuk është ndarë nga Milosheviçi, Kosova është realitet appeared first on Albeu.com.

Kjo sipas saj për shkak të lëvizjeve të qeverisë së Kosovës.

Komentet Brnabiç i bëri teksa ka ftuar sot organizatat joqeveritare, të cilat janë pjesë e Konventës Kombëtare, të flasin për torturat e përjetuara nga serbët në Kosovë dhe Metohi.

Në seancën e Konventës Kombëtare në Parlamentin e Serbisë, Brnabiç theksoi se në këtë moment të gjithë duhet të bëjnë çmos për të ruajtur paqen.

“Ne jemi në prag të një konflikti të armatosur falë lëvizjeve të njëanshme të Prishtinës. Organizatat e shoqërisë civile, ju lutemi të flisni për torturat e përjetuara nga serbët në Kosovë dhe Metohi. Ne duhet ta ruajmë paqen së bashku”, tha Brnabić.

The post Kryeministrja e Serbisë: Jemi në prag të një konflikti të armatosur me Kosovën appeared first on Albeu.com.

“Përveç deklaratave të kota, BE-ja nuk është përgjigjur në asnjë mënyrë tjetër ndaj provokimeve të kryeministrit të Kosovës, Albin Kurti, lidhur me konfliktin e armatosur me serbët”, tha Bërnabiq përmes një postimi në Twitter më 14 gusht.

Të dielën, BE-ja shprehu shqetësimin për deklaratat ku përmendet lufta dhe konflikti dhe dënoi retorikën nxitëse të liderëve politikë në Kosovë dhe Serbi.

“Politikanët e lartë nga të dyja palët do të mbahen përgjegjës për çfarëdo përshkallëzimi që mund të çojë deri te ndonjë rritje të tensioneve dhe potencialisht në dhunë në rajon”, u tha në deklaratën e zëdhënësit të BE-së, Peter Stano.

BE-ja po ashtu tha se të gjitha çështjet e hapura midis Kosovës dhe Serbisë duhet të zgjidhen përmes dialogut që Brukseli ndërmjetëson.

“Duke parë këtë deklaratë të BE-së, dikush mund të mendojë se sot është 1 Prilli. Duket shaka pa kripë. Për 175 ditë të plota, Kurti ka provokuar për një konflikt të armatosur me serbët”, tha Bërnabiq në përgjigjen e saj ndaj deklaratës së BE-së.

Reagimi i BE-së erdhi pasi kryeministri i Kosovës, Albin Kurti, dhe presidenti i Serbisë, Aleksandar Vuçiq, kanë akuzuar njëri-tjetrin për nxitjen e një dhune të mundshme në Kosovë.

Më 11 gusht, Vuçiq deklaroi se ka informacione për plane në veri të Kosovës dhe se autoritetet në Kosovë se po përgatiten për “likuidimi i popullit tonë” në veri të Kosovës.

Një ditë më vonë, Kurti u kundërpërgjigj duke thënë se Kosova dëshiron paqe dhe stabilitet. Ai tha se deklaratat që vijnë nga Serbia për dhunë dhe vrasje, “flasin për imagjinatën dhe mendimet” e zyrtarëve serbë.

Por, Ana Bërnabiq, tha se BE-ja mban fajin kryesor për situatën aktuale.

“Nëse BE-ja do ta bënte pjesën e saj, për të siguruar zbatimin e Marrëveshjes së Brukselit dhe të garantojë të drejta bazike të njeriut për serbët në Kosovë, gjërat do të ishin më ndryshe sot”, shtoi ajo.

Në kuadër të dialogut, Kosova dhe Serbia në prill të vitit 2013, arritën Marrëveshjen e parë të Brukselit, që synon të sjellë të dy shtetet më afër BE-së.

Por, Bërnabiq tha se po afrohet dekada e parë e nënshkrimit të kësaj marrëveshjeje dhe “BE-ja vetë e pranon se nuk mund ta detyrojnë Kurtin që të formojë Asociacionin e komunave me shumicë serbe, shtyllës së Marrëveshjes së Brukselit”.

Përveç marrëveshjes së vitit 2013, ku është përfshirë Asociacionin, palët më 2015 arritën Marrëveshjen mbi parimet për themelimin e tij, por Gjykata Kushtetuese e Kosovës gjeti se akordi nuk është në harmoni të plotë me Kushtetutën.

Serbia kërkon që Asociacioni të ketë kompetenca ekzekutive, ndërkaq Kosova kundërshton një asociacionin njëetnik.

Ndryshe, në Serbi ka pasur edhe reagime të tjera sa i përket deklaratës së BE-së. Zyra për Kosovën në Qeverinë serbe tha se përkushtimi i Beogradit për dialogun nuk mund të vihet në pikëpyetje dhe i kërkoi BE-së të ndarë hapa.

“Nëse situata del jashtë kontrollit, përgjegjësinë do ta mbajnë ata që kanë mundur të veprojnë me kohë dhe me masa parandaluese, por nuk e kanë bërë një gjë të tillë”, u tha në deklaratën e kësaj zyreje.

Lidhur me deklaratën e BE-së ka reaguar edhe ministri serb për Punë të Brendshme, Aleksandar Vulin.

“Aleksandar Vuçiq nuk e ka përmendur asnjë luftën si mjet për të zgjidhur problemet me Prishtinën, prandaj Kurti e ka bërë këtë. Prandaj jam i befasuar që BE-ja ka kërkuar nga të dyja palët që të përmbahen”, tha Vulin përmes një deklarate.

Deklarata e BE-së erdhi katër ditë para se kryeministri i Kosovës, Albin Kurti, dhe presidenti i Serbisë, Aleksandar Vuçiq, të takohen në Bruksel në kuadër të dialogut të ndërmjetësuar nga blloku.

Ky do të jetë takimi i parë midis Kurtit dhe Vuçiqit pas më shumë se një vit. Liderët u takuan vitin e kaluar dy herë, por asnjëri takim nuk solli ndonjë rezultat konkret./REL/

The post BE i kërkoi t’i japin fund retorikës nxitëse, Bërnabiç: Nëse do garantoheshin të drejtat e serbëve në Kosovë, gjërat do ishin ndryshe appeared first on Albeu.com.

Brnabiç shkroi në Twitter se është e trishtueshme të shohësh se BE-ja nuk e sheh fajin e saj në atë se “ku jemi sot” dhe theksoi se “po afrohen dhjetë vjet nga nënshkrimi i Marrëveshjes së Brukselit, të cilën BE-ja thjesht nuk mund ta zbatojë”.

“Duke parë këtë deklaratë të EEAS, dikush do të mendonte se sot është 1 prilli, jo 14 gushti. Duhet të jetë një lloj shakaje (shumë e pakëndshme). Për plot 175 ditë Kurti ka provokuar një konflikt të armatosur me serbët”, shkruan kryeministrja serbe.

“Dhe, po ky vit do të mbahet mend si viti në të cilin Kurti ua hoqi të drejtat më elementare të njeriut po atyre serbëve në Kosovë – duke i ndaluar të votojnë. Përveç një deklarate të kotë me shkrim, BE-ja nuk bëri absolutisht asgjë në këtë drejtim”.

Cicërimet e Brnabiç vazhdojnë duke lavdëruar eprorin e saj. Shkruan se “motoja e presidentit Vuçiç dhe Serbisë është e qartë: paqe dhe stabilitet”.

Në fakt tensionet e fundit në Veri janë ngritur pasi Kosova ka bërë atë që Serbia e bën tash e sa vjet – ka vendosur që të zbatojë një masë për lëshimin e një dokumenti shtesë për kalim nga Serbia në Kosovë të shtetasve serbë, siç bënë Serbia me ata kosovarë.

Qeveria e Kosovës ka njoftuar edhe se parimisht nuk është për vendosje të këtyre masave dhe se do të ishte e kënaqur t’i hiqte ato fare në momentin që të njëjtën e bënë Serbia.

The post Brnabiç e quan BE-në hipokrite: Vuçiç është paqësor, Albin Kurti do luftë appeared first on Albeu.com.

Sipas Brnabiç, presidentin kanë dashur ta vrasin kohë më parë në një sulm të mirëorganizuar.

Ajo shtoi se vrasja e Vuçiçit ishte planifikuar në zbulimin e Monumentit të Stefan Nemanjës në Beograd, më 27 janar të këtij viti, por nuk dha detaje.

“I gjithë rrëfimi ka qenë i tillë! Mendoj se kanë dashur ta vrasin para, gjatë dhe pas hapjes së monumentit të Stefan Nemanjës, por sot më duket se u prish ai rrëfim. Ne do të vazhdojmë hetimet dhe do të mos ketë aspak njerëz të mbrojtur”, përfundoi Brnabiç./albeu.com/

The post Atentat ndaj Vuçiç? Brnabic shokon me deklaratën: Kanë dashur ta vrasin gjatë këtij organizimi appeared first on Albeu.com.

E pyetur nga gazetarët për këtë çëshje, përgjigja e saj ka qenë e prerë, vetëm një “jo”.

Brnabiç ka shtuar gjithashtu se rrugëtimi europian i Serbisë nuk varet nga njohja e Kosovës.

Sipas marrëveshja duhet vetëm për fqinjësi të mirë në rajon.

“Në këtë fazë, BE dhe SHBA nuk kanë thënë se nuk ka anëtarësim në BE pa njohjen e Kosovës, por se nuk ka anëtarësim pa një zgjidhje afatgjatë të çështjes së Kosovës”, tha Brnabiç.

Sipas mediva serbe, Brnabiç beson se është e mundur një marrëveshje historike midis Kosovës dhe Serbisë, por thotë se për këtë duhen udhëheqës të guximshëm dhe me vizion.

Kryeministrja thekson se Serbia është e angazhuar për zgjidhjen e konfliktit me Kosovën dhe sipas saj interesi i Serbisë është paqja dhe stabiliteti, si dhe anëtarësimi në Bashkimin Evropian.

“Gjetja e një kompromisi që do të siguronte paqe dhe stabilitet të qëndrueshëm dhe rruga jonë evropiane janë në interesin e Serbisë, sepse ato do të sigurojnë që ne të vazhdojmë të forcohemi ekonomikisht”, tha kryeministrja e Serbisë./albeu.com

The post A do e nënshkruanit pavarësinë e Kosovës? Kryeministrja e Serbisë i përgjigjet pyetjes “1 milionëshe” appeared first on Albeu.com.