Ndërsa moti në Britaninë e Madhe është i ftohtë, mendimi për pushimet e ardhshme mund të jetë joshës.

Sigurisht, ne të gjithë po ëndërrojmë për diell dhe rërë, por ajo që mund t’i largojë njerëzit nga udhëtimet janë çmimet e larta.

Një faqe e TikTok-ut, e njohur si @travel.cove me mijëra ndjekës, tha se mund të rezervoni pushimet më të mira edhe nëse keni një buxhet të limituar.

Në video, faqja zbulon Shqipërinë si vendin ideal për të udhëtuar – pasi turistët britanikë mund të përfitojnë nga fluturimet vajtje-ardhje për 24 paund dhe nga hotelet që kushtojnë vetëm 32 paund për natë.

Por, kjo nuk është e gjitha,  pasi shpenzimet atje janë gjithashtu të lira, me 1,90 paund ju mund të konsumoni një krikëll birrë dhe një vakt me vetëm 8 paund.

Sipas “Skycanner”, ju mund të bëni fluturime të lira dhe akomodoheni në hotele me çmime të përballueshme.

Nëse planifikoni të udhëtoni në dhjetor, fluturimi kushton vetëm 30 paund me hotele me katër yje të disponueshme për 25 paund.

Ndërkohë, ekspertët e udhëtimeve mendojnë se koha më e mirë për të udhëtuar në Shqipëri është nga prilli deri në fillim të qershorit – ku moti është i shkëlqyer për ecje dhe çiklizëm.

Por, ju ende mund ta vizitoni midis dhjetorit dhe shkurtit pasi mund t’i shpëtoni turmave të vizitorëve.

Destinacioni më popullor në Shqipëri është Tirana, kryeqyteti i cili njihet për restorantet dhe baret e shumta.

Ju do të paguani 2-5 dollarë për një pjatë në një restorant lokal ose tezgë ushqimi në rrugë, ndërsa ngrënia në një restorant i nivelit të mesëm mund të kushtojë midis 5-15 dollarë.

Nëse ju pëlqen një vakt pak më i shijshëm, ai mund të kushtojë më shumë se 20 dollarë.

Në përgjithësi, kur bëhet fjalë për pije, kafeja kushton më pak se 1 euro, dhe një krikëll birrë vendase rreth 2 dollarë.

Padyshim që, varet nga vendi ku shkoni, pasi diku tjetër këto mund të jenë edhe më lirë. Vlen të kujtojmë se monedha zyrtare e Shqipërisë është Leku, por shumica e bankave, supermarketeve dhe hoteleve pranojnë karta krediti dhe debiti.

“Albania Tour Guides”, sugjeron se vendi nuk është i shtrenjtë për t’u vizituar në krahasim me destinacionet e tjera evropiane.

Shqipëria është një perlë e fshehur e Evropës, e cila krenohet me plazhet e bukura dhe malet mbresëlënëse.

Shqipëria ka plazhe mahnitëse dhe Saranda është një qytet i bukur bregdetar për t’u vizituar falë afërsisë me Ksamilin, një nga plazhet më të mira të rajonit.

Ndërkohë, Mali i Dajtit është një tjetër vend i mrekullueshëm për adhuruesit e natyrës, i cili ndodhet jashtë Tiranës.

Ju mund të udhëtoni me një buxhet të kufizuar dhe të shijoni diellin e nevojshëm.

The post “The Mirror”: Shqipëria destinacioni më tërheqës për britanikët edhe në dimër appeared first on Albeu.com.

Harrojeni të shpenzoni shuma marramendëse në destinacionet e njohura të mbipopulluara me turistë – ekziston një alternativë më pak e njohur – me çmime të përballueshme dhe peizazhe mahnitëse.

Çmimet e hoteleve kushtojnë vetëm 35 euro për një natë – ndërsa vizitorët e huaj nuk kanë më nevojë për viza – për të hyrë në vendin mesdhetar, Shqipëri.

Këto ujëra të kristalta blu nuk ndodhen në Spanjë, Greqi apo Itali – por në Shqipëri.

Plazhet mahnitëse dhe hotelet luksoze të Shqipërisë sapo kanë nisur të zbulohen.

Shqipëria – gjithashtu krenohet me qendrat mahnitëse kulturore dhe vargmalet malore.

E pasur me brigje dhe vargmale mahnitëse, Shqipëria po tërheq gjithnjë e më shumë turistë – të lodhur nga vendet e mbipopulluara turistike si Greqia dhe Majorka.

Sipas “Albania Tour Guide”, një dhomë dyshe në një hotel kushton pak më shumë se 35 euro për një natë.

Pushuesit gjithashtu mund të shijojnë një drekë ose darkë në restorantet lokale me më pak se 12 euro.

Shqipëria mundësoi udhëtimin pa viza këtë vit për 84 vende – duke përfshirë Britaninë e Madhe – pasi vendi mesdhetar po përqafon një bum turistik.

Kryeqyteti, Tirana është vetëm tre orë larg me linjë ajrore nga Londra.

Vendi më pak i njohur evropian – i vendosur në juglindje të kontinentit – regjistroi shifra rekord në sektorin e turizmit në vitin 2023.

Sipas Këshillit Botëror të Udhëtimit dhe Turizmit, shpenzimet ndërkombëtare ishin 45% më të larta se në vitin 2019 – viti i mëparshëm me një numër rekord vizitorësh.

Turistët e etur për Rivierën Shqiptare mund të vizitojnë jugun – ndërsa aventurierët mund të eksplorojnë fshatin malor të Thethit.

“Nëse udhëtoni në Rivierën Shqiptare qëndroni në Sarandë ose Ksamil në jug të Shqipërisë – pasi ajo është zona më e bukur e rivierës”, shkruan në faqen e saj guida turistike private shqiptare “Manon”.

Pjesa më e madhe e pikave turistike, si ishujt e Ksamilit, Syri i Kaltër i Sarandës, vendet e UNESCO-s si Gjirokastra dhe Butrinti ndodhen përreth kësaj zone.

Qëndrimi në hotelet në Sarandë ose Ksamil kushton rreth 35 euro – për një natë.

Vendi mesdhetar ofron një numër vendpushimesh luksoze për ata që duan të pushojnë si mbretër gjatë udhëtimit të tyre.

“Travel and Tour World” ka rekomanduar një pjesë të hoteleve të njohura të vendosura përgjatë vendit ballkanik.

“Hotel Mulaj” në zemër të kryeqytetit, Tiranës po fiton popullaritet, ndërsa “Hotel Mazarine” ofron një arratisje të paharrueshme bregdetare në Vlorë.

Për lehtësi, “mk hotel tirana” dhe “Hotel Verzaci” ndodhen të dy – pranë Aeroportit Ndërkombëtar të Tiranës.

Gjithashtu, në qendër të kryeqytetit ndodhet “Hotel Opera”, i cili akomodon turistët që vizitojnë rrethinat e atraksioneve më të mira kulturore.

Gradualisht, Shqipëria është shndërruar në një vend perëndimor – që nga rënia e regjimit komunist në vitet 1990.

Vendi mesdhetar, është kthyer në një opsion të ri arratisjeje për britanikët – pavarësisht bumit të fundit turistik.

Vija bregdetare, malet dhe qytetet historike – Shqipëria i ofron të gjitha.

Turistët mund të hanë dhe pinë jashtë me çmime të lira – në krahasim me destinacionet e tjera evropiane.

The post “The Sun” publikon pamjet: Shqipëria, destinacioni i ri i arratisjes për britanikët appeared first on Albeu.com.

Në një raport të gjerë, studiuesit nga Instituti Mbretëror i Shërbimeve të Bashkuara, argumentojnë se vendet perëndimore duhet të bëjnë më shumë për të kundërshtuar përdorimin të luftës jokonvencionale nga Moska, nëse duan të kenë sukses në frenimin e pushtimit rus të Ukrainës.

“Ndërsa lufta në Ukrainë zvarritet, Rusia ka një interes për të krijuar kriza të mëtejshme”, shkruan autorët Jack Watling, Oleksandr V. Danylyuk dhe Nick Reynolds, duke përmendur Ballkanin si një rajon të prirur për telashe.

Në këtë kuptim, Agjencia e Inteligjencës Ushtarake e Rusisë (GRU) po riorganizon bazën mbi të cilën kërkon të ndërtojë një rrjet mbështetës në vendet e synuara, pasi sanksionet perëndimore kanë kufizuar aktivitetet e mëparshme të Moskës që përdorën njerëz me shtetësi të dyfishtë ose biznesmenë.

“Për momentin duket se një përpjekje e madhe është drejtuar drejt studentëve të huaj që studiojnë në universitetet ruse. Qendra 161 ka një buxhet të dedikuar për pagesën e bursave për studentët nga Ballkani, Afrika dhe rajone të tjera, ku ka shkëmbime me institucionet arsimore ruse. Këto bursa subvencionojnë koston e arsimit dhe të jetesës dhe gjoja përdoren si një mjet rekrutimi. Për shkak se individët i përkasin elitës në vendet e synuara, ata vetë përfaqësojnë burime të vlefshme inteligjence. Megjithatë, ata janë gjithashtu të dobishëm për lehtësimin e aktiviteteve”, thuhet në raport.

Ndikimi rus, pretendojnë britanikët, kryhet edhe përmes organizatave humanitare, kryesisht përmes Fondacionit Akhmat Kadyrov dhe përmes Forumit Islamik Evropian.

“Organizata është veçanërisht aktive në Ballkan, ku ka krijuar lidhje me përfaqësues autoritativë myslimanë (jo vetëm fetarë, por edhe figura politike) në Serbi, Bosnjë dhe Hercegovinë, Mal të Zi, Shqipëri, Kosovë, Maqedoninë e Veriut, Kroaci, Greqi dhe Rumani”, thuhet në raport.

Ata theksojnë se Forumi Islamik Evropian funksionon edhe në territorin e Bashkimit Evropian.

“Për shembull, forumi mbajti një konferencë kushtuar 70-vjetorit të Akhmat Kadyrov në Estoni në 2021, ku morën pjesë përfaqësues myslimanë nga Estonia, Letonia, Lituania, Danimarka, Finlanda, Polonia, Suedia, Gjermania dhe Rusia” pretendojnë britanikët. Ata shtojnë se Rusia gjithashtu ka një interes në destabilizimin e partnerëve ukrainas, dhe duke pasur parasysh serinë e zgjedhjeve që po vijnë në të gjithë Evropën.

“Ka një spektër të gjerë mundësish për përkeqësimin e polarizimit”, theksuan ata.

Raporti prej 35 faqesh i këtij instituti u publikua vetëm disa ditë para përvjetorit të dytë të pushtimit rus të Ukrainës. I referohet periudhës së dy viteve të fundit.

Ndërsa përpjekjet ruse për të destabilizuar vende si Moldavia kanë dështuar për shkak të gabimeve të sigurisë dhe dëbimeve masive të operativëve të Kremlinit, ushtria ruse tani po forcon aftësinë e saj për të nisur sulme jokonvencionale, thuhet në raport.

Duke përdorur dokumente të marra nga inteligjenca ruse dhe intervista me zyrtarë në Ukrainë dhe disa shtete evropiane, raporti gërsheton një narrativë të përpjekjeve të Rusisë për të zgjeruar ndikimin e saj përtej konfliktit aktual në Ukrainë. Ai bën thirrje për “vigjilencë të vazhdueshme” për një sërë çështjesh.

The post Raporti britanik: Rusia po rinovon kapacitetet për të destabilizuar Evropën, kërcënohet Ballkani appeared first on Albeu.com.

Grupi nuk përmendi emrin e të vdekurit, por tha se dokumentet që u përkisnin të dy britanikëve ishin gjetur në trupin e tij.

Një foto e postuar krahas deklaratës dukej se tregonte pasaportat që mbanin emrat e Andrew Bagshaw dhe Christopher Parry, dy burrat e zhdukur./albeu.com

The post Grupi Wagner gjen trupin e njërit prej britanikëve të zhdukur në Ukrainë appeared first on Albeu.com.

Së fundmi, njëra prej këtyre mediave është fokusuar kryesisht te kërkesat e shqiptarëve për azil në Britaninë e Madhe duke theksuar se 86% për qind e kërkesave për azil të miratuara i përkasin grave që mendohet se kanë një histori trafikimi nga pas.

Sa i përket burrave, “The National News” shkruan se ata “stërviten” në Shqipëri se çfarë do të thonë duke shpikur një histori skllavërie me qëllim marrjen e azilit. Pavarësisht kësaj, raportohet se burrat përbëjnë pjesën më të vogël të kërkesave për azil të miratuara krahasuar me gratë.

Më poshtë, sjellim shkrimin e përkthyer nga abcnews.al:

Shqiptarët janë grupi më i madh i emigrantëve që aktualisht hyjnë në Mbretërinë e Bashkua dhe 86 për qind e azilkërkuesve të miratuar nga shteti ballkanik janë gra.

Burrat nga Shqipëria kanë shumë më pak gjasa të marrin azil. Ata përbëjnë 14 për qind të pjesës së mbetur të kërkesave për azil të miratuara nga shteti britanik.

Më shumë se 7700 azilkërkues shqiptarë kanë aplikuar për leje qëndrimi në Britaninë e Madhe, krahasuar me vetëm deri në 20 aplikime në shtetet e BE-së, tregojnë të dhënat e fundit.

Pse shqiptarët janë grupi më i madh i azilkërkuesve?

Rritja e azilkërkuesve shqiptarë është me ritme tepër më të larta se për kombësitë e tjera. Në gjysmën e parë të vitit 2022, shqiptarët përbënin 16 për qind të të gjithë azilkërkuesve, nga 7 për qind në 2018.

Dan O’Mahoney, komandanti i i njësisë për menaxhimin e kanalit që ndan Anglinë me Francën, i tha së fundmi Komitetit të Punëve të Brendshme të Mbretërisë së Bashkuar se kontrabandistët e kishin bërë më të lehtë kalimin e Kanalit dhe se shumë burra shqiptarë ndërvepronin në bandat kriminale.

“Ka pak prova të mirëfillta për të shpjeguar pse shqiptarët po kërkojnë azil në MB në numër më të madh në këtë moment të caktuar kohor,” tha ai.

Në një raport të kësaj jave, grupi i ekspertëve Observatori i Migracionit, tha se flukset e migracionit janë të vështira për t’u parashikuar dhe sidomos rastet e kërkesave për azil.

“Një gamë e gjerë faktorësh ndikojnë në numrin e kërkesave për azil duke përfshirë ngjarjet gjeopolitike, informacionin dhe rrjetin e njerëzve që bëjnë kalimin” thuhet në raport.

“Hulumtimi akademik zakonisht ka sugjeruar se ndryshimet politike nuk janë shkaku kryesor i ndryshimeve në aplikimet për azil. Por rritja e azilkërkuesve shqiptarë në MB është kështu relativisht e pazakontë kur krahasohet me përvojën e vendeve anëtare të BE-së.

Nga viti 2017 deri në vitin 2021, numri i azilkërkuesve shqiptarë u rrit nga rreth 1 900 në më shumë se 5 100.

Observatori i Migracionit parashikon se shifrat pritet të jenë sërish më të larta këtë vit pasi të dhënat e fundit për gjysmën e parë të 2022 zbuluan se më shumë se 4700 shtetas shqiptarë kanë aplikuar tashmë për azil.

A ndikojnë ligjet e Mbretërisë së Bashkuar për trafikimet?

Në deri në qershor të këtij viti, 86 për qind e shqiptarëve që morën miratimin për të qëndruar në MB ishin gra.

Gjatë dy viteve të fundit, përqindja e azilkërkuesve shqiptarë që janë meshkuj është rritur, nga 70 për qind në tremujorin e dytë 2019 në 91 për qind në tremujorin e dytë të këtij viti.

Vetëm një në tetë kërkesa për azil nga burrat shqiptarë aprovohet, një shifër shumë më e ulët që sugjeroi një raport nga Observatori i Migracionit me bazë në Oksford, do të thotë se institucionet në Mbretërinë e Bashkuar po favorizojnë gratë për shkak të frikës se ato janë trafikuar.

“Shumë azilkërkues shqiptarë mendohet se janë viktima të trafikimit,” tha ai.

“Një artikull i kohëve të fundit nga avokatja e imigracionit Irene Tsherit argumenton se kërkesat nga aplikantët shqiptarë shpesh aprovohen mbi bazën se ata janë trafikuar dhe se vendimmarrësit në Mbretërinë e Bashkuar për azilin zakonisht kanë pasur më shumë gjasa të pranojnë viktima të trafikimit femra sesa meshkuj.”

A mbërrijnë të gjithë shqiptarët me gomone?

Shqiptarët kanë qenë kombësia më e madhe që kanë mbërritur në Britaninë e Madhe me gomone në vitin 2022, tregojnë shifrat e Home Office.

Ata shënonin 13,650 kërkesa për azil në vitin deri në shtator. Gjysma e këtyre pretendimeve erdhën nga persona që u futën në vend me gomone.

Metoda të tjera që përdoren nga shqiptarët për të hyrë në Britaninë e Madhe përfshijnë fshehjen në pjesën e pasme të kamionëve.

Çfarë ndodh me meshkujt shqiptarë që aplikojnë për azil?

Shqiptarët që kalojnë Kanalin drejt Britanisë së Madhe këtë vit thuhet se kanë qenë kryesisht meshkuj.

11,000 të ardhurve në MB përfaqësojnë deri në 2 për qind të të gjithë popullsisë së rritur mashkullore të Shqipërisë [nga 20 deri në 40 vjeç], sipas Z. O’Mahoney. O’Mahoney pretendon se shumë aplikantë meshkuj pretenduan se ishin viktima të skllavërisë moderne, por ka frikë se disa “po bënin lojë”.

Ai ka paralajmëruar se disa burra janë të përfshirë në grupe të krimit të organizuar.

Qeveria e Mbretërisë së Bashkuar e ka përshkruar Shqipërinë si një ‘vend të sigurt dhe të begatë’ dhe thotë se shumë shqiptarë që kërkojnë azil në MB janë emigrantë ekonomikë dhe kërkesat e tyre për azil janë të rreme.

Kemi zbuluar se ata “stërviten” para se të vijnë këtu se çfarë të thonë dhe si të përdorin sistemin. /abcnews.al

The post Britanikët zbërthejnë skemën e shqiptarëve për azil: Pse e marrin kryesisht gratë? Historitë e frikshme në dosjet e shtetit appeared first on Albeu.com.

E quajtur “Nostadamus i Ballkanit” nga Daily Mail, e cila vdiq në vitin 1996 në moshën 84-vjeçare, ajo dyshohet se paralajmëroi se qytetet e mëdha do të përballeshin me temperatura në rritje.

Sipas kësaj media, parashikimet e saj kanë peshë, pasi banorëve të Kentit u është bërë paralajmërimi që të përdorin ujin për nevoja esenciale. Gjithashtu edhe vende të tjera në Angli janë në gjendje kritike, për shkak se konsumi i ujit është rritur për shkak të temperaturave jashtëzakonisht të larta, si dhe për faktin se disa lumenj dhe përrenj kanë një nivel të ulët uji, i cili është nën 1 metër, shkruan albeu.com.

Megjithatë, Britania e Madhe nuk po përballet vetëm me temperatura të larta dhe thatësirë, e cila ka prekur jugun e Evropës, në radhë të parë Portugalinë, Spanjën dhe Italinë, ku përdorimi dhe përdorimi i ujit është i kufizuar edhe për qytetarët.

Ndërsa Daily Mail spekulon nëse kjo profeci e Baba Wanga-s do të realizohet, nga ana tjetër, ngushëllohet se disa nga parashikimet e saj nuk janë realizuar, si për shembull bota do të përjetojë një ngjarje të tmerrshme, cunami vdekjeprurëse dhe një tjetër pandemi.

Sërish, nga ana tjetër, ka kujdes, para së gjithash për shkak të rritjes së numrit të personave që vuajnë nga Covid-19 dhe pandemia e lisë së majmunëve, por që nuk shkaktoi frikë të tepruar. /albeu.com/

The post Thatësirë e parashikuar dhe mungesë e ujit në Evropë, britanikët mbi profecinë e Baba Vangës appeared first on Albeu.com.

Një shkatërrues i quajtur “Type 45”, i armatosur me raketa anti-ajrore dhe një fregatë “Type 43” për të luftuar nëndetëset, do të lërë një pjesë të flotës të vendosur në Mesdhe dhe do të kalojë përmes Bosforit në Detin e Zi.

Anijet luftarake britanike do të drejtohen në Detin e Zi në maj për shkak të tensioneve midis Ukrainës dhe Rusisë, njoftoi The Sunday Times, duke cituar disa burime të larta të Marinës. Dërgimi i anijeve ka për qëllim solidarizimin me Ukrainën, e cila është aleate e Britanisë së Madhe dhe NATO-s.

Një shkatërrues i quajtur “Type 45”, i armatosur me raketa anti-ajrore dhe një fregatë “Type 43” për të luftuar nëndetëset, do të lërë një pjesë të flotës të vendosur në Mesdhe dhe do të kalojë përmes Bosforit në Detin e Zi.

Tensionet midis Moskës dhe Kievit

Tensionet midis Moskës dhe Kievit janë rritur pas akumulimit të trupave ruse pranë kufirit me Ukrainën dhe përplasjeve në lindje të vendit midis ushtrisë ukrainase dhe forcave pro-ruse, shtoi Reuters.

Zyrtarët e Departamentit Britanik të Mbrojtjes nuk ishin në dispozicion për koment.

Një zëdhënës i ministrisë i tha The Sunday Times se qeveria e MB po punonte ngushtë me Ukrainën për të monitoruar situatën dhe vazhdoi t’i bënte thirrje Rusisë për të ulur tensionet në rajon.

“Mbretëria e Bashkuar dhe aleatët tanë ndërkombëtarë janë të palëkundur në mbështetjen e sovranitetit dhe integritetit territorial të Ukrainës”, tha zëdhënësi.

The post Britanikët sfidojnë rusët: drejt Detit të Zi në ndihmë të Ukrainës appeared first on Albeu.com.