Lorent Tolaj është përforcimi më i ri i Bristol City. Sulmuesi 24-vjeçar është larguar nga Plymouth për të vijuar karrierën në Championship, niveli i dytë i futbollit anglez.

Klubi anglez ka paguar 5 milionë euro për shërbimet e tij, ndërsa Tolaj ka nënshkruar një marrëveshje katërvjeçare, e cila do të jetë në fuqi deri në verën e vitit 2030.

Futbollisti shqiptar zhvilloi një sezon të spikatur në League One, kampionati i tretë për nga rëndësia në Angli. Ai e mbylli edicionin e kaluar me 22 gola të shënuar dhe 8 asistime.

Tolaj është aktivizuar më parë me përfaqësueset e moshave të Zvicrës, por ende nuk ka marrë një vendim për të ardhmen e tij në nivel kombëtar. Sulmuesi vazhdon të ketë mundësinë të zgjedhë mes Shqipërisë dhe Kosovës.

The post Bristol City transferon sulmuesin shqiptar që realizoi 22 gola sezonin e kaluar appeared first on Albeu.com.

Në moshën 78 vjeç (79 gushtin e ardhshëm), trajneri anglez kthehet në stol: ai do të drejtojë Bristol City-n, në Championship, deri në fund të sezonit.

Periudha e fundit si trajner i Hodgson ishte te Crystal Palace në sezonin 2023-24. Ai kishte drejtuar Bristolin në fillim të karrierës së tij, fillimisht si asistent dhe më pas si trajner, nga viti 1980 deri në vitin 1982.

Vendimi vjen pas shkarkimit të Gerhard Struber, siç u njoftua nga klubi.

The post Roy Hodgson kthehet në stol në moshën 78-vjeçare appeared first on Albeu.com.

Këtë herë ai ndihmoi Bristol City me gol, në fitoren aq të rëndësishme ndaj Southampton.

Anis Mehmeti, shënoi golin e tij të pestë të sezonit për të ndihmuar Bristol Cityn të fitojë 3-1 ndaj Southampton në Ashton Gate.

City u rikthye në disavantazh për të siguruar fitoren e parë në shtëpi në katër ndeshje.

Ndërkohë shqiptari e përshkroi mentalitetin brenda skuadrës si ‘të shkëlqyer’ dhe shtoi: “Ne e dinim që mund ta ndryshonim lojën në çdo moment”.

Shqiptari barazoi rezultatin me një gjuajtje brilante në cepin e poshtëm të portës nga brenda zones.

“Kam punuar shumë, duke vrapuar nëpër hapësira dhe përtej vijës së fundit dhe gjithçka filloi me një top të shkëlqyer nga Rob. Jam i kënaqur me atë gol”, deklaroi Mehmeti.

Southampton e nisi ndeshjen si skuadra më e fortë nga të dyja skuadrat, duke iu afruar shumë golit në minutën e katërt kur Cameron Archer gjuajti sipër zonës nga skaji i zonës.

Pas një paraqitjeje të shkëlqyer në pjesën e dytë, City siguroi fitoret e dyta radhazi për herë të parë që nga mposhtja e Hull City dhe Sheffield Wednesday në fillim të sezonit.

Sa i përket shqiptarit që luan në ligën e dytë angleze, mund të kishte shënuar edhe gola të tjerë nëse do kishte pak fat.

Gjithsesi me gjasë ai vijon të presë një telefonatë nga Silvinjo për t`u aktivizuar me kombëtaren, edhe pse tekniku Brazilian është përgjigjur disa herë për rastin në fjalë.

The post Futbollisti shqiptar nuk ndalet, shënon sërish dhe kthehet në pikë referimi te Bristol City (VIDEO) appeared first on Albeu.com.