Policia e Shtetit bën me dije se Vladimir (Valmir) Kola, është arrestuar në Gjermani, në muajin prill të vitit 2024 në kuadër të operacionit të koduar “Versus”, pas bashkëpunimit të Interpol Tiranës me Interpol Wiesbaden.

“Gjykata e Shkallës së Parë e Juridiksionit të Përgjithshëm Tiranë, me vendimin e datës 23.11.2022, i ka caktuar këtij shtetasi, masën e sigurisë “Arrest në burg”, për veprat penale “Vrasja me paramendim” dhe “Prodhimi dhe mbajtja pa leje e armeve, armëve shpërthyese dhe municionit”. Ky shtetas dyshohet se më datë 30.10.2022, në kompleksin “Kodra e Diellit”, në bashkëpunim me shtetas të tjerë, ka vrarë me armë zjarri shtetasin B. S ”, – njofton Policia.

Dyshohet se Briken Sanaj, u ekzekutua si hakmarrje për plagosjen e kryer më shumë se një dekadë më parë nga vëllai i tij, Antonio alias Renato Sanaj, e gjitha pas një sherri të nisur për një vajzë.

Në atë kohë, Renato qëlloi dhe plagosi Gentian Kolën. Dy familjet në Lezhë, u futën në gjak dhe tentativat për pajtim ishin të pasuksesshme. Për të shmangur atë që ndodhi, vëllezërit Sanaj kishin ikur nga Shqipëria dhe kishin nisur një jetë tjetër në Itali, por duket se nuk i kanë ikur dot hasmit.

Mbrëmjen e 30 Tetorit të vitit 2022, Vladimir (Valmir) Kola, pasi çu rrethimin e jashtëm të kompleksit “Kodra e Diellit”, e qëlloi Briken Sanajn nga një distancë e afërt, nga një vend poshtë një peme ulliri.

Autori u larguan me shpejtësi me makinën tip “Mercedez Benz”. Pasi doli në Unazë, vijoi përmes ish-sheshit “Shqiponja” dhe hyri në autostradë, nga e cila hyri më pas në rrugën dytësore pranë një qendre tregtare dhe disa kilometra më tej dogji makinën në Qafë-Kashar, në afërsi të një biznesi pllakash.

Targat e makinës tip ‘Benz’ i përkasin shtetasin Luan Qanushi, të cilat ishin të vjedhura. Brenda makinës u gjet dhe armë tip kallashnikov.

Nga hetimet ka rezultuar se atentatori ka udhëtuar nga Barcelona, në drejtim të Aeroportit të Podgoricës dhe ka hyrë në Shqipëri në mënyrë të paligjshme pa u regjistruar në pikën e kontrollit. Më pas Vladimir (Valmir) Kola ka blerë automjetin e përdorur në krim.

Sipas hetimeve, Vladimir (Valmir) Kola është ndihmuar edhe nga dy shtetas kosovarë Gjelosh Krasniqi dhe Kened Antoni.

Sipas policisë, Kened Antoni, i ka shitur automjetin e markës Mercedes Benz Gjelosh Krasniqi me date 24.10.2022 dhe po në këtë datë këta shtetas e kanë futur automjetin në territorin e Shqipërisë dhe ia kanë vënë atë në dispozicion Vladimir (Valmir) Kolës, i cili e ka perdorur për realizimin e vrasjes së Briken Sanajt.

The post Vrasja e Briken Sanajt tek “Kodra e Diellit”, ekstradohet nga Gjermani autori Valdimir Kola (VIDEO) appeared first on Albeu.com.

Ndaj Vladimir Kolës, është ngritur akuza për ‘Vrasje me paramendim’ dhe ‘Mbajtja pa leje dhe prodhimi i armëve’, ndërsa për 4 të pandehurit e tjerë, Gjelosh Krasniqi, Kened Antoni, si edhe shtetasit me iniciale E.H., dhe Z.K. për veprën penale ‘Moskallëzim krimi’ e ‘Përkrahje të autorit të krimit’.

Krimi i rëndë në kompleksin ‘Kodra e Diellit’ tronditi Tiranën mbrëmjen e 30 Tetorit 2022.

Sipas organit të akuzës, vëllai i Briken Sanajt, është konfliktuar në vitin 2012 me vëllezërit e Vladimir (Valmir) Kola, pasi i kanë ngacmuar të fejuarën.

Nga hetimet ka rezultuar se atentatori ka udhëtuar nga Barcelona në drejtim të Aeroportit të Podgoricës dhe ka hyrë në Shqipëri në mënyrë të paligjshme pa u regjistruar në pikën e kontrollit.

Më pas, Vladimir (Valmir) Kola ka blerë një automjet duke përdorur targat e një makine tjetër, që pas vrasjes së Briken Sanajt u gjetur e djegur në fshatin Domje.

Brenda automjet u gjet edhe arma e krimit, ndërsa autori ka kaluar sërish në Mal të Zi në mënyrë të paligjshme.

The post Vrasja e Briken Sanajt te “Kodra e Diellit”/ Prokuroria çon për gjykim 5 persona, mes tyre edhe Vladimir Kolën appeared first on Albeu.com.