Sipas informacioneve, tymi i dendur i shkaktuar nga djegia ka krijuar shqetësim të menjëhershëm për banorët dhe kalimtarët, duke ndikuar drejtpërdrejt në cilësinë e ajrit dhe duke ulur dukshmërinë në rrugë.

Kjo situatë rrit ndjeshëm rrezikun për aksidente, veçanërisht në një segment rrugor me qarkullim të lartë.

Banorët e zonës shprehen se ky fenomen është i përsëritur dhe ka vijuar prej kohësh, duke u kthyer në një problem serioz mjedisor dhe shëndetësor.

Djegia e gomave dhe kabllove çliron substanca të rrezikshme në ajër, të cilat mund të kenë pasoja të drejtpërdrejta për shëndetin e komunitetit.

Vetëm dy ditë më parë, Policia e Shtetit procedoi penalisht dy shtetas të kapur në flagrancë duke djegur kabllo pranë brigjeve të lumit Mat, ç`ka tregon për vazhdimësinë e këtij fenomeni dhe nevojën për masa më të rrepta parandaluese.

The post Digjen gomat në brigjet e lumit Mat, era favorizoi përhapjen e flakëve, rëndohet situata e ndotjes së ajrit appeared first on Albeu.com.

Operacionet e kërkim-shpëtimit për migrantët e parregullt janë duke vazhduar, tha Jebabli, duke shtuar se anëtarët e familjes thanë se anija e tyre u fundos pasi kaluan kufirin detar me Italinë.

Në vitin 2023, gjithsej 1,300 migrantë të parregullt tunizianë u raportuan të zhdukur, ndërsa më shumë se 17,000 migrantë të parregullt që tentonin të kalonin në Evropë përmes detit kishin arritur në kontinent, sipas një deklarate të lëshuar nga Forumi Tunizian për të Drejtat Ekonomike dhe Sociale.

Vendet e Afrikës së Veriut si Tunizia, Algjeria, Libia, Mauritania dhe Maroku, kanë qenë dëshmitarë të përpjekjeve për vite të tëra nga emigrantët, kryesisht nga Afrika Sub-Sahariane për të arritur në Evropë.

The post Përmbyset varka me emigrantë, 17 persona të zhdukur appeared first on Albeu.com.

Nëna u gjet 90 minuta më vonë, zbathur dhe e lagur, 3 kilometra larg shëtitores nga pjesa e Coney Island ku ajo jetonte. Detektivët po përpiqeshin të merrnin në pyetje gruan në zyrat e policisë lokale.

“Deri më tani, ajo nuk ka thënë asgjë”, tha shefi i Departamentit të Nju Jorkut Kenneth Corey.

Kërkimet për fëmijët u intensifikuan pasi nëna u gjet e vetme. Policia dërgoi një helikopter dhe njësi detare. Fëmijët u gjetën në buzë të ujit pak pas orës 4:30 të mëngjesit në një pjesë të qetë të plazhit rreth 13 blloqe larg stadiumit ku skuadra e bejsbollit të ligës së vogël Brooklyn Cyclones luan lojërat e saj.

Përpjekjet për të ringjallur fëmijët në një spital aty pranë dështuan, tha zoti Corey. Policia nuk i identifikoi menjëherë fëmijët apo nënën 30-vjeçare ndaj së cilës nuk ishte marrë një vendim se me çfarë akuzash penale mund të përballet. Trupat e fëmijëve u gjetën vetëm tre blloqe larg ndërtesës së banesës së gruas, ku policia kishte shkuar fillimisht kur filloi kërkimi. Shefi i departamentit të policisë së Nju Jorkut tha se oficerët kishin kontrolluar plazhin dhe shëtitoren, kontrolluan rrugët e lagjes dhe kontrolluan spitalin lokal në kërkim të fëmijëve përpara se nëna të gjendej në trotuar.

Një mbikëqyrës sigurie për ndërtesën ku jetonin nëna dhe fëmijët tha se familja ishte zhvendosur më pak se një vit më parë. Zoti Corey tha se nëna nuk ishte raportuar më parë tek autoritetet për abuzim ose neglizhencë ndaj fëmijëve të saj./VOA

The post E rëndë, 3 fëmijë gjenden të vdekur në plazh, dyshohet se janë mbytur nga nëna e tyre appeared first on Albeu.com.