Por ky incident është komentuar edhe Presidenti i Shteteve të Bashkuara të Amerikës, Donald Trump, ku u shpreh se nuk ishte aspak një moment i mirë.

Momenti i sikletshëm për çiftin francez, u filmua nga reporterët në momentin që ata të dy sapo kishin hipur në avion kur për një çast Brigitte godet në fytyrë me shuplakë Macron.

I pyetur nga gazetarët për një këshillë martesore për homologun e tij Macron, Trump është shprehur me shaka: “Sigurohuni që dera të mbetet e mbyllur”.

Kujtojmë se Emmanuel Macron e hodhi poshtë incidentin, duke u thënë gazetarëve: “Ka një video që më tregon duke bërë shaka dhe duke ngacmuar gruan time dhe në një farë mënyre kjo bëhet një lloj katastrofe gjeo-planetare, me njerëz që madje dalin me teori për ta shpjeguar atë”.

Trump duket se tregoi se kishte folur me Macron pas incidentit, të cilin e përshkroi si “jo të mirë”.

“Kjo nuk ishte mirë. Jo. Fola me të dhe ai është mirë, ata janë mirë, janë dy njerëz vërtet të mirë”, tha Trump për çiftin presidencial, me të cilët ai dhe Zonja e Parë Melania Trump kanë kaluar kohë të konsiderueshme.

“Nuk e di se për çfarë bëhej fjalë, por i njoh mirë, ata janë mirë”, shtoi ai.

The post Trump komenton shuplakën e Brigitte ndaj Macron: Herën tjetër sigurohuni që dera të jetë e mbyllur (VIDEO) appeared first on Albeu.com.

Judi James, eksperte e gjuhës së trupit, analizoi momentin e tensionuar që u bë viral dhe tha për Daily Mail se kjo nuk kishte asnjë lloj “shakaje” në të.

“Nuk pashë asnjë qeshje të përbashkët, buzëqeshje apo ndonjë shaka pas asaj shtytjeje”, tha ajo.

“Përkundrazi, Macron dukej i hutuar dhe preku fytyrën e tij, si për të kontrolluar nëse ishte mirë“.

Ekspertja theksoi se mënyra sesi Brigitte e shtyu Macronin ishte “shumë e fortë dhe tronditëse” – aq sa ai u përpoq të mbante ekuilibrin dhe dukej sikur mori edhe një shtytje të dytë në fund.

“Kjo nuk duhet të normalizohet si ‘lojë’ vetëm për t’i shpëtuar imazhin politik”, shtoi ajo.

Pas incidentit, çiftit nuk iu pa asnjë kontakt fizik dhe ata ecën pranë njëri-tjetrit pa u prekur. Macron u përpoq të qetësonte situatën duke thënë se media po e bënte “një katastrofë gjeo-planetare” dhe se ata “po luanin” para nisjes së një vizite zyrtare.

Por ekspertja e gjuhës së trupit i fton të gjithë të reflektojnë:

“Nëse do të kishte ndodhur e kundërta dhe do ta kishte shtyrë ai atë, a do e quanim këtë ‘lojë’? Jo. Pra, nuk duhet të quhet kështu as kur vjen nga gruaja”.

Kjo ngjarje e papritur që u regjistrua në momentin kur çifti Macron zbarkuan në Hanoi për vizitën e tyre zyrtare, hedh dritë mbi kompleksitetin e marrëdhënieve të çiftit dhe tregon se prapaskenat e tyre nuk janë gjithmonë aq të qeta sa na duken në publik.

The post Ekspertja e gjuhës së trupit zbërthen shuplakën e së shoqes ndaj Macron: S’ishte aspak… appeared first on Albeu.com.

Në një intervistë për revistën Paris Match, vajza e zonjës së parë franceze, Tiphaine Auzière, pranoi se është ende e lënduar nga “marrëdhënia e ndaluar” mes mësueses së atëhershme të martuar dhe studentit të saj të atëhershëm adoleshent.

Auzière ishte vetëm 10 vjeçe kur mësoi se nëna e saj, e cila punonte si mësuese, po takonte një student 25 vjet më të vogël në moshë. Brigitte ishte ende e martuar në atë kohë, kështu që tre fëmijët e saj të vegjël duhej të duronin spekulime të vazhdueshme për një “marrëdhënie të ndaluar” në Amiens, në Francën veriore.

“Kam mësuar shumë për natyrën njerëzore atëherë. E di që në këto momente duhet të përqendrohemi tek ajo që është e rëndësishme dhe të ecim përpara, duke injoruar kritikat. Dhe kishte gjithçka, sulme, thashetheme, dënime… Asokohe nuk kishte të tilla gjëra si rrjetet sociale, por ne jetonim në një qytet të vogël provincial, gjithçka dihej. Pavarësisht kësaj qëndruam me kokën lart. Jam një femër me mendje të hapur, dua të eci përpara dhe kam fituar shumë tolerancë”, tha Auzière, e cila sot është 40 vjeçe, raporton DailyMail.

Ajo ishte veçanërisht e mërzitur që babai i saj i turpëruar, André-Louis Auzière, u detyrua të linte shtëpinë e familjes në vitin 1994, megjithëse ai u divorcua nga Brigitte vetëm në vitin 2006, duke lejuar Macron të martohej me të një vit më vonë.

“Ndarja e familjes mund të jetë edhe trishtim edhe mundësi. Rikompozimi mund të jetë një pasurim. Unë kam një baba dhe njerk të dashur”, tha Auzière, duke shtuar se ajo gjithmonë fliste për babain e saj në kohën e tashme, edhe pse ai vdiq në vitin 2019, në moshën 68-vjeçare.

Revista Paris Match përshkruan se si Tiphaine ishte fëmijë kur shpërtheu skandali. I riu Emmanuel Macron i binte shpesh ziles së derës së Auzieres, kështu që thashethemet u bënë më të forta dhe, natyrisht, ato patën ndikim te tre fëmijët që ishin në atë shtëpi. Motra e saj Laurence ishte 17 vjeçe në atë kohë dhe ishte kolege e Emmanuel Macron, sepse ata janë në të njëjtën moshë.

Auzière tha se thashethemet për “marrëdhënien e ndaluar” ishin të tmerrshme për të gjithë fëmijët, përfshirë vëllain e saj Sébastien, i cili ishte 19 vjeç në atë kohë. Ata ishin të gjithë studentë në La Providence, një shkollë e mesme katolike romake në Amiens, ku Brigitte mësonte dramën. Ajo gjithashtu tregoi se ishte lënduar tmerrësisht nga pretendimet në rrjetet sociale se nëna e saj Brigitte kishte lindur mashkull.

“Unë u shqetësova për llojin e shoqërinë në të cilën jetojmë kur dëgjova një histori që qarkullonte në rrjetet sociale se nëna ime është në të vërtetë një burrë. Vetëm shikoni besimin me të cilin është thënë një gjë e tillë dhe besueshmërinë që i është dhënë një deklarate të tillë. Si t’i rezistosh dezinformatave në rrjetet e mediave sociale?”, tha Auzière, një avokate me profesion, e cila tani jeton në Calais me burrin dhe dy fëmijët e saj.

Kujtojmë se rrugët e Emmanuel dhe Brigitte Macron u kryqëzuan për herë të parë në shkollën e mesme në veri të Francës, kur ai ishte vetëm 15 vjeç. Ai takoi një profesoreshë që ishte 24 vjet më e madhe se ai në Lycee La Providence në Amiens. Profesoresha dhe studentja e saj kanë bashkëpunuar në shfaqjen Arti i komedisë, të shkrimtarit italian Eduardo De Filippo, çdo të premte në mbrëmje për disa muaj.

The post Flet vajza e gruas së Macronit nga martesa e parë: Ishte skandal që nëna ime u dashurua me një student 25 vite më të vogël, më dhemb edhe sot appeared first on Albeu.com.