Në bankën e të akuzuarve ndodhen tetë burra dhe dy gra, të moshave nga 41 deri në 60 vjeç, mes tyre zyrtarë lokalë, pronarë galerish arti, mësues dhe profesionistë të IT-së. Sipas zyrës së prokurorit të Parisit, ata akuzohen për postimin dhe shpërndarjen në rrjete sociale të fotomontazheve, fyerjeve dhe komenteve për gjininë, seksualitetin dhe diferencën në moshë të çiftit presidencial. Brigitte Macron nuk ishte e pranishme në seancë, por kallëzimi i saj më 27 gusht 2024 çoi në disa valë arrestimesh në dhjetor 2024 dhe shkurt 2025.

Si nisi fushata e ngacmimit

Hetimet zbuluan se disa prej të akuzuarve ishin aktivë në rrjete sociale, me postime që arrinin dhjetëra mijëra shikime. Ndër ta, Delphine Jegousse (Amandine Roy), një autore dhe mediume 51-vjeçare, dyshohet si nxitësja kryesore, pasi në vitin 2021 publikoi një video katër-orëshe në YouTube që përhapte thashethemet. Një tjetër figurë e përfshirë, Aurélien Poirson-Atlan (Zoé Sagan), pa si llogaria e saj në platformën X u pezullua pasi u lidh me disa hetime për shpifje.

Teoritë e konspiracionit që s’kanë të sosur

Për vite me radhë, çifti Macron është bërë objekt i teorive të rreme, të cilat pretendojnë se Brigitte është në të vërtetë vëllai i saj, Jean-Michel Trogneux, që ka ndryshuar gjini. Kjo teori, e përgënjeshtruar vazhdimisht, ka qarkulluar gjerësisht në platforma sociale dhe është shndërruar në një nga rastet më të rënda të shpifjeve ndaj një figure publike në Francë.

Procesi dhe pasojat ligjore

Gjyqi dyditor në Paris vjen pas një tjetër padie që çifti Macron ngriti në korrik në Delaware (SHBA) ndaj influencueses konservatore Candace Owens, duke kërkuar dëmshpërblim të konsiderueshëm në rast se ajo vazhdon pretendimet. Vendimi për rastin aktual në Francë pritet në një datë të mëvonshme.

Më herët, në shtator 2024, Brigitte dhe vëllai i saj kishin fituar një padi për shpifje ndaj Jegousse dhe një tjetër gruaje, të cilat u dënuan me gjoba dhe dëmshpërblim, por vendimi u rrëzua nga një gjykatë apeli, duke i detyruar palët ta çojnë çështjen në Gjykatën e Lartë Franceze.

Brigitte dhe Emmanuel Macron, të martuar që nga viti 2007, u njohën në shkollë, ku ajo ishte mësuese dhe ai nxënës. Zonja e parë, 24 vite më e madhe se presidenti, është shpesh në qendër të vëmendjes për diferencën në moshë, por çifti mbetet i pandarë që prej ditës së parë, pavarësisht fushatave të vazhdueshme të shpifjeve dhe teorive të konspiracionit që i rrethojnë.

The post E akuzojnë se është burrë! Nis gjyqi për lajme të rreme kundër Brigitte Macron appeared first on Albeu.com.

‘BBC‘ raporton se në dhjetor 2021, Natacha Rey dhe Amandine Roy publikuan në internet se Brigitte nuk kishte ekzistuar kurrë dhe se vëllai i saj Jean-Michel Trogneux kishte ndryshuar gjininë dhe kishte filluar ta përdorte atë emër. Të pandehurat u urdhëruan të paguanin 8,000 euro (6,750 £; 8,859 dollarë) si dëmshpërblim për zonjën Macron dhe 5,000 euro për vëllain e saj.

Macron kishte paraqitur një ankesë kundër grave pasi pretendimi i tyre u bë viral, duke ndezur teori konspirative mes të djathtës ekstreme. Dyshja – Roy një fallxhore në internet, Rey një gazetare e pavarur- diskutuan gjerësisht në një video në YouTube thashethemet se Brigitte Macron i ishte nënshtruar ndryshimit të gjinisë.

Ata folën për katër orë në kanalin e Roy në YouTube. Pretendimi u bë viral përpara zgjedhjeve presidenciale të Francës 2022. Ajo u përhap nga llogari që kundërshtonin bashkëshortin e Macron, Presidentin Emmanuel Macron, duke përfshirë ato të ekstremit të djathtë politik, grupet kundër vaksinave dhe ndjekësit e lëvizjes konspirative QAnon.

Avokatët e Macron vepruan shpejt dhe gratë u paditën për shpifje një muaj pasi video u postua në internet.

“Paragjykimi është masiv, ai shpërtheu kudo,” tha në atë kohë avokati i Macron, Jean Ennochi.

“Kjo nuk është një fitore, është një zbatim normal i ligjit,” i tha ai agjencisë së lajmeve AFP.

Kjo nuk ishte hera e parë që Macron vihej në shënjestër që kur burri i saj hyri në detyrë në vitin 2017. Por bullizmi në internet kishte të bënte kryesisht me diferencën e çiftit në moshë afërsisht 25-vjeçare.

The post “Ka ndryshuar gjini”/ Bullizuan online Brigitte Macron, dënohen dy gra franceze appeared first on Albeu.com.

Në një rrëfim të rrallë personal, 70-vjeçarja shpjegoi se e shtyu martesën me Macron për gati një dekadë sepse kishte frikë se kjo do të shkatërronte jetën e fëmijëve të saj, të cilët janë rreth të njëjtës moshë me të dashurin e saj tani 45-vjeçar.

Macron ishte 15 vjeç kur ra në dashuri me Brigitte, e cila tashmë ishte e martuar.

Gruaja atëherë 40-vjeçare jepte mësime për dramë në shkollën katolike ku frekuentonte adoleshenti në Amiens, Franca veriore dhe vajza e saj ishte shoqe klase e Macron.

“Romanca” e nisur mes tyre bëri skandal në provincë. Si rezultat, prindërit e Emmanuel Macron e dërguan atë në Paris për të ndjekur një shkollë tjetër, por dëshira e tij për të qenë me mësuesen e tij dhe synimi për të krijuar një marrëdhënie me të mbetën të gjalla brenda tij.

Ajo në atë kohë i tha vetes se Emmanuel do të takonte dhe do të dashurohej me një grua të moshës së tij ndërsa ishte në Paris, por kjo nuk ndodhi.

Brigitte dha dorëheqjen nga puna, por, sipas saj, e vetmja gjë që e pengoi atë të bashkonte zyrtarisht jetën e saj me Macron ishte mendimi i fëmijëve të saj, pasi ajo nuk donte t’u “shkatërronte jetën”.

“Kjo zgjati dhjetë vjet. Mund ta imagjinoni se çfarë po dëgjonin. Por nuk doja të humbisja rastin për të jetuar e lumtur”, tha ajo në mënyrë karakteristike në intervistën e saj.

Kujtojmë se djali i Brigitte është tre vjet më i madh se Macron dhe vajzat e saj 46 dhe 39 vjeç sot janë mjaft afër në moshë me bashkëshortin e dytë.

Brigitte pranon se nuk e di se çfarë do të mendonin prindërit e saj që ajo të martohej me ish-studentin e saj, por zbuloi se vëllezërit e motrat e saj ndonjëherë e ngacmonin për thashethemet rreth marrëdhënies së saj me Macron.

Çifti më në fund u martua në vitin 2007, pas divorcit të Brigitte nga burri, Andre-Louis Ozier.

Zonja e Parë e Francës ka folur për përditshmërinë e saj me bashkëshortin, diçka që zakonisht e shmang në intervistat e saj.

Pavarësisht se kanë 16 vite që janë të martuar, Brigitte tha se Emmanuel Macron ende e befason dhe e admiron me kujtesën dhe inteligjencën e tij mbresëlënëse.

“Kam pasur shumë studentë të zgjuar në karrierën time dhe asnjëri prej tyre nuk ka aftësitë e tij. E kam admiruar gjithmonë”, ka thënë ajo.

Çifti shijon jetën e tyre të qetë në Pallatin Élysée, me Brigitte duke gatuar mëngjesin e bashkëshortit të saj të zënë dhe ndonjëherë darkën.

Ndërsa Macron kalon ditën e tij me detyrat si president, Brigitte është e përfshirë në projekte bamirësie që shpesh kanë të bëjnë me arsimin.

Ajo thotë se tashmë është mësuar me kritikat që i bëhen pas kaq vitesh në qendër të vëmendjes dhe tani nuk i shqetësojnë aspak komentet për veshjet e saj.

The post Brigitte Macron flet “pa dorashka”, tregon pse priti 10 vjet për t’u martuar me Emmanuelin: Ai ra në dashuri me mua kur ishte 15 vjeç appeared first on Albeu.com.

Në dhjetor 2021, dy gratë, njëra prej tyre gazetare e pavarur, thanë në një video në YouTube se “Zonja e Parë” e Francës Brigitte Macron është transgjinore.

Sipas pretendimit të tyre, Brigitte ka lindur një mashkull, i quajtur Jean-Michel Tronier, që është emri i vërtetë i vëllait të saj. Ata gjithashtu pohuan se burri i parë i zonjës Macron ishte një pjellë e imagjinatës së saj dhe se ajo. si transgjinore, nuk i kishte ngjizur tre fëmijët e saj.

Brigitte Macron dhe vëllai i saj, Jean-Michel Tronier, iu drejtuan Drejtësisë dhe ngritën një padi për shpifje, si rezultat i së cilës u shfajësuan. /albeu.com

The post Thanë se bashkëshortja e Macron është transgjinore, gjobiten dy gratë franceze appeared first on Albeu.com.

Brigittetha fjalët më të ndjera për presidentin Emmanuel Macron dhe pranoi se “dëgjon kritikat dhe vepron si transmetuese, duke i përcjellë burrit të saj mesazhet që merr pa i filtruar”.

Madje, ajo pohoi se mundohet të mos e tejkalojë rolin e saj.

“Unë kurrë nuk do t’ia lejoj vetes të them “bëje këtë, bëj atë”, i tha ajo gazetarit francez Gilles Boulot.

Sa i përket nëse Macron do të kërkojë një mandat të tretë në Elysee, Brigitte mbajti distanca të qarta.

“Nuk duhet t’i them nëse dua që ai të kandidojë apo jo në zgjedhje. Kjo ka të bëjë me francezët dhe burrin tim”, shtoi ajo.

Në 25 vite bashkë, Brigitte Macron pretendon se i shoqi nuk ka ndryshuar si person.

“Ai përshtatet me situatat, por në thelb mbetet ai që ka qenë gjithmonë”, tregoi Brigitte.

Ajo, nga ana tjetër, beson se është bërë “pak më e arsyeshme” që kur Emmanuel Macron kaloi pragun e Elysee.

“Kam më shumë kujdes tani se çfarë them”, tha ajo.

E veshur me një xhaketë kadife ulliri me një këmishë të bardhë, bashkëshortja e Macron ka dhënë edhe një herë një recital të bujshëm, siç komenton në mënyrë karakteristike revista franceze “Closer”. /albeu.com

The post “Kam një burrë të adhurueshëm”, bashkëshortja e Macron fjalët më të mira presidentit francez: Është thellësisht i ndershëm appeared first on Albeu.com.