Ajo është zyrtarja e fundit e zgjedhur që u vra në Ekuador. Ajo u ekzekutua në mes të gjendjes së jashtëzakonshme, të shpallur nga qeveria e Daniel Noboa për të luftuar bandat kriminale.

Kryebashkiakja Brigitte García, së bashku me një anëtar tjetër të qeverisë lokale të San Vicente, që ndodhet në provincën e Manabí në rajonin lindor të vendit, u qëlluan për vdekje.

Sipas policisë ekuadoriane, të dy trupat u gjetën të pajetë brenda një automjeti, teksa ishin qëlluar me armë zjarri.

Brigitte García, ishte një politikane e re 27-vjeçare, anëtare e partisë Revolucioni Qytetar, me ideologji socialiste.

Ekuadori po lufton me bandat e armatosura, të cilat janë të angazhuara në trafikun e drogës dhe veprojnë kryesisht në bregdetin e Paqësorit të vendit.

Në këtë rajon, banda të ndryshme po luftojnë me qeverinë për kontrollin e qytetit të Guayaquil.

Që nga janari 2024, pas arratisjes së liderit të bandës Los Choneros, Presidenti Daniel Noboa, shpalli gjendjen e jashtëzakonshme dhe kërkoi ndihmën e Forcave të Armatosura të Ekuadorit, për të ndihmuar në zbatimin e ligjit, në luftimin e bandave të armatosura.

The post E rëndë, ekzekutohet kryebashkiakja dhe këshilltari i saj appeared first on Albeu.com.