Dy influenceret veshën kostumet e kuqe të banjës, u derdhën në rrugët e qytetit të dashurisë, vizituan monumentin e Parisit dhe u përballën me zemërimin e parisienëve. Nga ana tjetër, policia e qytetit iu afrua atyre, duke i paralajmëruar të mbulonin trupin.

24-vjeçarja Gabriela Versiani dhe 27-vjeçarja Gabily ishin dy brazilianet që i vunë flakën Parisit për nevojat e promovimit të biznesit të tyre të rrobave të banjës.

Përtej reagimeve të kalimtarëve, veprimet e modeleve u ndeshën edhe me kritika nga miqtë e tyre online kur postuan imazhet e tyre në Instagram.

Në videot që u postuan dhe u bënë shpejt virale, modelet shihen duke hequr palltot e gjata të zeza, ndërsa një vajzë e tretë e veshur njëjtë i fotografon.

Kjo e fundit, e identifikuar si Vanessa Lopes, ka folur përmes llogarisë personale në Instagram për incidentin:

“Për pak u arrestuam nga djemtë se bëmë një reklamë bikini dhe ata thanë se nuk mundemi. Unë u thashë se po e bëjmë sepse kemi një biznes me rroba banje , “duke mos ditur se pjesa e rrobave të banjës në sesionin e tyre fotografik përfshinte një atraksion të madh turistik.

“Vajza, vishuni!” Policia largon nga kulla Eiffel dy brazilianet

Më pas ajo shtoi se policia i ka njoftuar se është e ndaluar të bëhen foto me rroba banje para Kullës ikonike Eiffel.

Shumëq prej atyre që i panë imazhet thanë se modelet duhet të “turpërohen” për veprimet e tyre, ndërsa të tjerë thanë se “e kishin kaluar kufirin “.

The post Dy brazilianet shfaqen me bikini në kullën Eiffel, Policia merr masa (FOTO LAJM) appeared first on Albeu.com.