Shumë nga të goditurit e përmbytjeve tani nuk kanë asgjë dhe do të duhet të fillojnë jetën e tyre nga e para.

Tani është e pamundur që të mbijetuarit të gjenden nën rrëketë e baltës, thanë për AFP zjarrfikësit e përfshirë në kërkim në Juiz del Fora, një qytet me rreth 540,000 banorë, ndërsa meteorologët parashikojnë sërish shira të rrëmbyeshëm deri të premten.

Kujtohet se stuhi me intensitet të pazakontë goditën Juiz de Fora dhe Uba, në shtetin e Minas Gerais, të hënën. Viktimat humbën jetën në përmbytje, ndërtesa të shembura, rrëshqitje balte dhe rrëshqitje toke.

“Familja jonë është e dëshpëruar”, tha Josiane Aparecida, një kuzhiniere 43-vjeçare, duke qarë ndërsa kërkonte fëmijët e kushëririt të saj, të moshës 6 dhe 9 vjeç, si dhe partnerin e saj, në rrënojat e Juiz de Fora. Kushërira e saj ishte ende gjallë kur zjarrfikësit mbërritën në vendngjarje, por ajo vdiq disa orë më vonë në spitalin ku u dërgua. Halla e saj u gjet gjithashtu e vdekur në të njëjtën zonë.

Shtëpia e familjes, në lagjen Paineiras, ishte gorposur nën baltë.

“Po përpiqemi të mbajmë shpresat lart, është shumë e vështirë”, tha gruaja.

“Është e tmerrshme, ishin fëmijë të mrekullueshëm, shpesh luaja me ta. Nuk kam fjetur për dy ditë, nuk jam larë, do të rri këtu derisa t’i gjejmë”, tha burri i Josiane-s, i cili, me një lopatë në dorë, po përpiqej të ndihmonte zjarrfikësit.

Disa metra larg, shpëtimtarët nxorën një burrë të vdekur që kishte arritur ta nxirrte gruan e tij nga shtëpia e tyre, por ai vetë nuk i shpëtoi rrëshqitjes së dheut.

Në Uba, një qytet me 107,000 banorë 100 kilometra nga Juiz de Fora, lumi me të njëjtin emër shkaktoi kaos. Rrugët në qendër të qytetit ishin të mbuluara me baltë dhe mbeturina. Dyqanxhinjtë, të veshur me çizme gome, u përpoqën të shpëtonin atë që kishte mbetur nga dyqanet e tyre të shkatërruara.

Felipe Souza Lima, 30 vjeç, pronar i një dyqani materialesh ndërtimi, e kuptoi shkallën e katastrofës kur pa dy persona duke kaluar me kanoe një rrugë të përmbytur.

“Humbëm shumë gjëra, ka kaos. Zakonisht, kur ka një përmbytje, uji del pak mbi brigje, por tani një pjesë e madhe e qytetit është përmbytur”, tha ai.

The post Brazili në kaos nga shirat e rrëmbyeshëm dhe përmbytjet, numri i viktimave shkon në 46, 21 persona ende të zhdukur appeared first on Albeu.com.

Berisha informoi gazetarët mbi rezultatet e punimeve të asamblesë së përgjithshme të CDI-së, mbajtur në San Paolo, ku Shqipëria ishte një nga temat kryesore të diskutimit.

Ai e krahasoi situatën politike në vend, me atë në Venezuelë, duke e krahasuar kryeministrin Edi Rama me Nicolas Maduron dhe duke e akuzuar atë për lidhje me kartelet e drogës.

Ai theksoi se kjo organizatë, e cila grupon rreth 118 parti politike të qendrës së djathtë në mbarë botën dhe ka të federuara organizata si Partia Popullore Europiane (EPP), i kushtoi një vëmendje të veçantë gjendjes së demokracisë dhe shtetit ligjor.

“Sot jam para jush për të informuar shqiptarët lidhur me rezultatet e punimeve të asamblesë së përgjithshme të Internacionales Demokrate të Qendrës në San Paolo të Brazilit, punime në të cilat Shqipëria ishte një nga temat qendrore të organizatës politike të qendrës së djathtë më të madhe në botë, e cila grupon në gjirin e saj rreth 118 parti politike dhe ka të federuara në gjirin e saj organizata të tjera siç është EPP, etj.

Në këtë organizatë, kushtuar gjendjes së demokracisë dhe shtetit ligjor në botë, natyrisht një vend kryesor zinte Ukraina, përpjekjet e kombit ukrainas për t’u çliruar, për të çliruar territoret nga pushtuesi rus dhe dënimi i këtij agresioni nga ana e CDI, solidaritet i plotë me kombin ukrainas.

Venezuela, narkoshteti i rrezikshëm i Amerikës Latine, ishte çështje tjetër madhore dhe rezoluta e miratuar nga CDI bën thirrje për rikthimin, rivendosjen në detyrë të presidentit të zgjedhur të popullit venezuelas, i cili jeton në Spanjë për shkak të grabitjes së zgjedhjeve nga Maduro, ky diktator i narkoshtetit.

Por një vend qendror kishte edhe narkoshteti shqiptar. Presidenti Pastrano, Sekretari i Përgjithshëm Isturiz dhe një seri personalitetesh morën fjalën pas ekspozesë dhe miratimit të rezolutës për Shqipërinë, duke dënuar me forcën më të madhe, shpreh shqetësimin më të madh për zhvillimet dramatike në Shqipëri, konsolidimin e narkoshtetit në drejtimin e Edi Ramës. Lidhjet direkte të Edi Ramës me kartelet më të rrezikshme si të Sinaloas apo kartelet e tjera të Amerikës Latine”, tha Berisha.

The post Berisha pas kthimit nga Brazili: CDI e shqetësuar për situatën dramatike në Shqipëri appeared first on Albeu.com.

Siç shihet në videon e postuar në platformën X, burri është rrahur dhe gjakosur nga pasagjerët e tjerë të cilët tentuan që ta frenonin.

Sipas përshkrimit të fotoreporterit Cristiano Carvalho, i cili ishte në bordin e fluturimit CM204 të Copa Airlines të martën e kaluar, gjithçka filloi rreth 30 minuta para uljes së avionit.

Sipas Carvalho-s, pasagjeri në fjalë fillimisht u vërsul në pjesën e pasme të avionit, duke mbajtur një thikë plastike me të cilën tentoi të merrte peng një nga stjuardesat.

Më pas, ai tentoi të hapte një nga daljet e emergjencës.

“Një nga stjuardesat filloi të bërtiste dhe një tjetër u përpoq ta ndalonte, por ai ishte shumë i fortë”, tha Carvalho.

Në atë moment kanë ndërhyrë pasagjerët e tjerë të avionit, të cilët pas një sherri kanë mundur të ndalojnë.

“Ata e rrahën shumë, ai pothuajse humbi ndjenjat”, përshkroi Carvalho.

Siç njoftoi Copa Airlines pas uljes së avionit në Panama, “oficerët e policisë hynë në aeroplan dhe larguan pasagjerin që u soll para autoriteteve gjyqësore”.

VÍDEO — Passageiro tenta abrir porta de avião em voo Brasília–Panamá; Caso aconteceu na manhã da terça-feira (5), minutos antes de aeronave pousar na Cidade do Panamá. Passageiro foi detido pelas autoridades. pic.twitter.com/gDTyB5fwg3

— Nelson Carlos dos Santos Belchior (@NelsonCarlosd15) November 5, 2024

The post Momente tmerri në avion, pasagjeri kërcënon stjuardesën dhe tenton të hapë derën e emergjencës (VIDEO) appeared first on Albeu.com.

Situata më e rëndë paraqitet në rajoni malor të Petropolisit, ku katër anëtarë të së njëjtës familje mbetën të varrosur në rrënojat e shtëpisë së tyre, si pasojë e një rrëshqitje masive dheu, e cila shkatërroi çdo gjë që gjeti përpara.

Vajza tjetër e familje, 4 vjeçe, është nxjerrë e gjallë pas 16 orësh dhe ishte babai i saj që e kishte shpëtuar, i cili sipas dëshmitarëve e kishte mbrojtur me trupin e tij.

Katër viktima të tjera janë regjistruar në shtetin fqinj Espirito Santo, pikërisht në fshatin Mimoso do Sul. Qeveria vendore ka njoftuar ndërkohë se do të shpallë gjendjen e jashtëzakonshme. Në zonë ka gjithashtu 1200 njerëz të mbetur pastrehë dhe shtatë të zhdukur.

The post Brazili preket nga moti i keq, të paktën 12 viktima appeared first on Albeu.com.

Legjenda braziliane fitoi Kupën e Botës në vitin 2002 me Selecaon, që ishte hera e fundit që vendi i tij ngriti trofeun.

Dhe legjenda e futbollit nuk pret që ekipi kombëtar të thyejë atë “mallkim” dhe të thellojë rekordin e tyre prej pesë titujsh për shkak të ligës angleze.

Ish-ylli i Milanit beson se futbolli anglez ka dëmtuar mentalitetin e yjeve të Brazilit.

Elita e futbollit anglez posedon lojtarë brazilianë, si Alisson, Ederson, Gabriel Magalhaes, Bruno Guimaraes, Douglas Luiz, Gabriel Martinelli, Gabriel Jesus, Casemiro, Lucas Paqueta dhe Richarlison.

Dhe 53-vjeçari sugjeroi që yjeve si të lartpërmendurit t’u “shpëlahet truri” duke besuar rrejshëm se luajnë në kompeticionin më të mirë në botë.

“Kam frikë, sa më shumë që brazilianët të kalojnë në Ligën Premier, aq më pak shanse për Brazilin për të fituar Kupën e Botës”, ka thënë fillimisht ai.

“Imagjinoni që mediat çdo javë t’ju ​​shpëlajnë trurin se jeni më i miri në botë, ndërkohë nuk jeni pranë më të mirëve”.

“Unë preferoj La Ligën sepse ata kanë një mentalitet të lartë për të arritur në finale dhe për t’i fituar trofe”.

“Në La Liga, ata nuk kanë gojë para kamerave televizive duke thënë gënjeshtra për lojtarët spanjollë apo duke i hipur në maja”.

“Ata flasin futboll atje, jo mit”, ka shtuar më tej Cafu.

The post Habit Cafu: Brazili nuk do ta fitojë kurrë Kupën e Botës appeared first on Albeu.com.

Ish-qendërmbrojtësi i Barcelonës dhe Santosit u shtrua në spital një muaj më parë dhe sipas asaj që bashkëshortja e tij raportoi në rrjetet sociale, braziliani i kaloi tetë ditët e fundit të jetës i intubuar.

Ulibari mbërriti në Spanjë në kulmin e karrierës së tij, në moshën 27-vjeçare pasi luajti në Botërorin e Gjermanisë si kapiten i Seleçaos, që ishte kampion në fuqi dhe që u mund në gjysmëfinale nga Holanda.

The post Fubtolli në zi, ndahet nga jeta ish-kapiteni i Brazilit të madh (EMRI-FOTO) appeared first on Albeu.com.

Federata Braziliane e Futbollit ka bërë të ditur se ka emëruar Ramon Menezes si trajner të përkohshëm të saj. Ish-tekniku i U20 të Brazilit, do të drejtojë ekipin në miqësoren e planifikuar kundër Marokut më 25 mars.

Por vetëm kaq, pasi ai nuk pritet të jetë trajneri i “seleçao” në vazhdim. Kjo ka qenë zgjidhja e përkohshme me këtë trajner i cili ka bërë mirë në stolin e U20 dhe ka treguar gatishmërinë për të drejtuar edhe emrat e mëdhenj të përfaqësueses qoftë edhe për një ndeshje të vetme.

Na Brazil janë të bindur se ky vendim për trajnerin e përkohshëm ka të bëjë me dëshirën që duket gjithnjë e më e realizueshme për të sjellë në këtë pankinë Karlo Ançelotin. Ky i fundit nuk do të largohet nga Real Madrid pa u mbyllur sezoni, por me përfundimin e tij, gjithçka mund të ndryshojë. Kjo është shpresa e drejtuesve të Federatës të cilat janë të bindur se italiani do të ndërtonte një cikël fitues në gjendje për të arritur në majën e futbollit botëror në Kupën e Botës 2026.

The post EMRI/ Brazili emëron trajnerin e përkohshëm, por të gjithë presin Ançelotin appeared first on Albeu.com.

Kjo vjen një ditë pasi mijëra mbështetës të tij sulmuan zyrat e qeverisë në kryeqytetin brazilian.

Bolsonaro u dërgua në një spital pranë Orlandos të hënën, sipas raporteve. Ish-presidenti u godit me thikë në vitin 2018 dhe që atëherë ka luftuar me dhimbje barku me raste.

Në Instagram, Michelle Bolsonaro konfirmoi se burri i saj ishte nën vëzhgim për shkak të shqetësimit të barkut.

Një burim i afërt me familjen tha se gjendja e tij nuk ishte “shqetësuese”, sipas Reuters. Historia u raportua fillimisht nga gazeta braziliane O Globo.

Bolsonaro u largua nga Brazili për në Shtetet e Bashkuara rreth 10 ditë më parë. Ai refuzoi të merrte pjesë në dorëzimin e pushtetit Presidentit Luiz Inácio Lula da Silva javën e kaluar.

Që kur mbërriti në SHBA rreth 48 orë përpara se Lula të inaugurohej, ai ka qëndruar në një pronë që thuhet se është e një luftëtari profesionist të arteve marciale. /albeu.com

The post Mbështetësit e tij kanë kthyer “përmbys” Brazilin, Bolsonaro shtrohet në spital në SHBA nga dhimbjet e barkut appeared first on Albeu.com.

Në vendin e dytë kemi ndryshime, pasi me fitoren e Kupës së Botës, Argjentina tashmë renditet e dyte me 1838.38 pikë, ndërkaq Franca ka rënë një shkallë më poshtë në podium duke u pozicionuar si e treta tashmë me 1823.39 pikë.

Përsa i përket Kombëtares tonë nuk ka ndryshime, teksa renditet në vendin e 66-të me 1353.03 pikë, ndërsa kombëtarja e Kosovës ndodhet në vendin e 107-të, me 1187.02 pikë

Top 10 renditjet janë si më poshtë:

1.Brazili (1840.77 pikë);
2.Argjentinë (1838.38);
3.Franca (1823.39);
4.Belgjika (1781.3);
5.Anglia (1774.19);
6.Holanda (1740,92);
7.Kroacia (1727,62);
8.Itali (1723,56);
9.Portugalia (1702,54);
10.Spanja (1692.71).

The post FIFA publikon renditjen e re të kombëtareve, Brazili, Argjentina e Franca ndajnë podiumin appeared first on Albeu.com.

Legjenda e Milanit ka folur për “BeINsport” ku ka kritikuar trajtimin që skuadra braziliane dhe Neymar po marrin në vendin e tij gjatë Kupës së Botës në funksion të çerekfinales ndaj Kroacisë, si dhe mënyrën se si trajtohen idhujt e padiskutueshëm si Ronaldo Nazario, “Fenomeni” i cili kapi majat me ekipin e Interit.

“Është e çuditshme ta thuash, por shumë brazilianë nuk e mbështesin Brazilin. Ndonjëherë kjo gjë ndodh. Nëse shohin Ronaldon duke ecur në rrugët e Katarit këto kohë, do të thonë se ai ka diçka ndryshe. Por, nëse ata e shohin në Brazil, për ta është thjesht një burrë i trashë, i shëndoshë duke ecur në rrugë.

Këto ditë shumë njerëz në Brazil po flasin për Neymar, por në një mënyrë negative. Ndoshta për shkak të pozicioneve të tij politike, por ndonjëherë brazilianët nuk i njohin talentet tona”.

Kur u pyet nëse Ronaldo nuk vlerësohet nga brazilianët siç vlerësohet në pjesën tjetër të botës, Kaka u përgjigj: “Sigurisht që shumë brazilianë e duan Ronaldon, unë e dua “fenomenin”, por mënyra se si ata e respektojnë atë në Brazil dhe jashtë është ndryshe, siç e shoh unë me më shumë respekt jashtë vendit sesa atje.”

Kaka dhe Ronaldo ishin pjesë e ekipit brazilian që fitoi Kupën e Botës 2022, Botërori i fundit i fituar nga Brazili./ h.ll/albeu.com

The post Befason Kaka: Brazilianët nuk e respektojnë “Fenomenin”, kur e shohin në rrugë e trajtojnë si një burrë të shëndoshë appeared first on Albeu.com.