Pasagjerë të këtij fluturimi, kanë telefonuar në redaksinë e News24, ku kanë rrëfyer se si “Air Albania” i braktisi në aeroport dhe punonjësit e kompanisë, kanë injoruar thirrjet e tyre për ndihmë.

Mbi 60 pasagjerë vazhdojnë të përjetojnë orë paniku, të braktisur në aeroport, ndërsa në mesin e tyre ka fëmijë, të moshuar dhe të sëmurë.

Pasagjerët treguan sagën e orëve të tëra pritje, për t’u nisur nga Malpensa në drejtim të aeroportit “Nënë Tereza”, prej orës 14.00 të së premtes.

Pasi fluturimi është shtyrë pafund, në orën 19.00 pasagjerët janë njoftuar se në 20.30 do të fluturonin nga Malpensa me një avion të “Turkish Airlines”, me avionët e të cilës operon edhe “Air Albania”.

Por avioni i kompanisë turke, nuk është lejuar nga kulla e kontrollit të ngrihej për fluturim.

Pasi kanë qëndruar të izoluar në bordin e avionit për 2 orë me radhë, pasagjerët janë detyruar nga policia italiane të zbresin, pa asnjë shpjegim.

Pasagjeri Sefedin Matraçi, tregon për BalkanWeb se asnjë avion i kompanisë shqiptare nuk mbërriti në pistën e Malpensës, pasi siç ka bërë të ditur personeli i aeroportit, “Air Albania” nuk ka paguar taksat aeroportuale.

Sipas Matraçit, asnjë avion i “Air Albania” nuk do të ulet në aeroportin Malpensa deri në datën 18 tetor.

Sefedin Matraçi, pasagjer: “Avioni duhej të nisej në orën 16.50. Kur kemi mbërritur në aeroport nuk ishte hapur check-ini dhe askush nuk na përgjigjej. Pasi kemi qëndruar për orë të tëra në pritje, na thonë se do nisemi në orën 20.30. Por do niseshim jo me avionin e Air Albania, por me Turkish Airlines. Pasi kemi kalur në check-in, jemi futur në avion dhe na kanë lënë në pritje për më shumë se 2 orë. Piloti dhe stafi i avionit na thonin se nuk kishin leje nga kulla e kontrollit për t’u nisur. Kemi telefonuar sërish kompaninë dhe tha thanë që avioni nga Tirana nuk ka mbërritur pasi kishte turbulenca.

Por na gënjyen sepse punonjësit e aeroportit na njoftuan se kompania Air Albania nuk kishte paguar taksat aeroportuale. Dhe deri në datën 18 tetor nuk do të ketë fluturime në aeroport.

Kam 21 vjet që udhëtoj dhe s’më ka ndodhur asnjëherë. Këtu ka fëmijë, ka të moshuar. Jemi 50-60 pasagjerë. Sollën policinë aty. Kanë ngelur të gjithë njerëzit jashtë. Ky është skandali më i madh që ka parë ndonjëherë kjo kompani, këta po heqin dorë nga njerëzit. S’kam parë kurrë braktisje kështu dhe askush nuk jep përgjigje, luajnë pingpong kush e kush të hedhë topin te tjetri”.

Pasagjeri Romeo Gjergji: “Kemi që në orën 2 që presim këtu. Jam i sëmurë, me diabet, me zemër. Askush nuk merr asgjë përsipër. Ne po qëndrojmë në aeroport. Nuk na sqaron njeri. Na sollën policinë në avion sikur të ishim kriminelë. A ka pronar “Air Albania”? Të na presin hotelin, kemi fëmijë, gra, të moshuar. Ne këtu po presim, po rrimë në stola. Nuk kam fjalë, nuk di ç’të them. Asnjë përgjigje nuk na kthejnë, ma kanë fikur telefonin”.

Pasagjerja: Ju lutem na bëni dërman, ka fëmijë që janë nga 8 muajsh këtu. Ka njerëz që kanë vaki nëpër shtëpi dhe duhet të ikin. Kemi ngelur jashtë, na jepni zgjidhje ju lutem, jemi shumë të lodhur.

Pasagjeri: “Jam 85-vjeç, kam këtu që në orën 14.00. Po më bien të fikët, jam i sëmurë me diabet dhe zemër. Kam 12 orë që rri këtu në aeroport. Nuk marrin asgjë përsipër. Unë kam ardhur nga larg, ku të shkoj unë? Kam edhe plakën, 80 vjeçe. Ku të shkojmë ne? Të vdesim përjashta? Këtu mund të jemi 200 pasagjerë, janë me fëmijë të vegjël, me pleq. Erdha të shoh fëmijët këtu në Itali, do kthehem në shtëpinë time, në Tiranë”.

Pasagjeri: “Kemi bërë check-in dhe kemi hyrë në avion. Na lanë aty 2 orë dhe më pas na zbritën. Askush nuk na përgjigjet në telefon. Turp të kenë, me lënë shqiptarët në 4 rrugët e Italisë. Turp”!

Në pamjet që sjell BalkanWeb duken se në mesin e pasagjerëve ka edhe fëmijë. Gjithashtu, një nga pasagjerët telefonon edhe kompaninë “Air Albania”, por punonjësja i sorollat ata me lojë fjalësh dhe më pas mbyll telefonin.

Kompania ajrore “Air Albania”, është në pronësi të qeverisë shqiptare dhe me aksioner shumicë biznesmenin, Sinan Idrizi./BW

The post “Air Albania” s’ka paguar taksat në aeroportin e Malpensës/ Dëshmitë e Pasagjerëve: Deri në 18 tetor nuk ka fluturime, kompania na gënjeu, thanë ka turbulenca appeared first on Albeu.com.

Gjithashtu, Çollaku ka deklaruar se gjithmonë ka kërkuar bashkimin e demokratëve.

Kujtojmë se ditën e djeshme, edhe deputetja Eralda Bano, deklaroi se do të vijojë të jetë në Partinë Demokratike.

Postimi i plotë:

“Qe ne fillim te konfliktit brenda PD,pavaresisht shkalles dhe formes se perkeqesimit te tij,pavaresisht bindjes dhe mbeshtetjes time ndaj njeres pale apo tjetres..,ne cdo situate, ne cdo pozicion,ne cdo kohe ,kam kerkuar vetem nje gje, Bashkim te demokrateve,kam bere thirrje per te shmangur percarjen e me keq,Ndarjen e PD.
Per keto qendrime,ne kohe te ndryshme disa me quanin “hero,qendrestare,demokrate i vertete”..,disa te tjere “peng,i shitur,tradhetar”.

Ne menyre tragjikomike ,per disa qe mbajne modelin enverist te ndarjes se botes, rolet u nderruan.

Per ata qe dje isha “tradhetari” sot jam “heroi”,dhe per ata qe dje isha “hero” sot jam “tradhetari”.

Ne fakt une nuk jam tradhetari por nuk jam as heroi,jam nje 19 vjecar i 1990 qe nuk dua te shoh te gjynjezuar ne 2024 ,PD qe ne ate kohe themeluam me aq shprese.

Sot ka nje realitet te ri e te ndryshem ne PD.

Kontesti gjyqesor qe patem dha nje verdikt. Ne te gjithe patem premtuar se do ta njohim e respektojme.
Une jam nder ata qe dje,kam bere kete premtim.

Sot jam nje njeri qe po i qendroj fjales se dhene.

Si cdo kohe dhe sot mendoj se PD per te qene fituese duhet te jete e Bashkuar.
Mendoj po ashtu se sot PD eshte e ndare.

Bashkimi nuk mund te jete Nenshtrim.
A mundet PD, te mbaje brenda vetes mendimin apo qendrimin ndryshe ?

A mundet PD te mbaje brenda te njejtes sigel apo flamur ,individe apo grupe qe mendojne ndryshe,qe bejne Disidence individuale apo te organizuar ndaj lidershipit zyrtar ?

Une kam idene dhe propozimin tim,te cilin shpejt do ta bej publike.

Miqte e kolege te tjere nxis nese kane te bejne te tyret e te hapim nje dialog ose debat me cdo pale per kete ceshtje,qe e konsideroj jetike per te ardhmen e PD dhe te Opozites ne Shqiperi”, shkruan ai.

The post Gjykata i dha vulën Berishës, Kreshnik Çollaku braktis Bashën: Do vijoj të qëndroj në PD, për ata që dje isha tradhtari, sot jam heroi appeared first on Albeu.com.

Sipas mediave greke, teksa ajo po bënte betimin, nuk e quajti vendin e saj “Maqedoni e Veriut”, por thjesht “Maqedoni”.

Kjo ka revoltuar ambasadoren e Greqisë, Sofia Filippidou, e cila në shenjë proteste është larguar nga ceremonia e betimit.

“Vlen të theksohet se në ceremoninë e sotme nuk morën pjesë liderët e vendeve fqinje, Bullgarisë, Serbisë dhe Shqipërisë, për dallim nga ceremonia e fundit e betimit presidencial, ku mori pjesë edhe presidenti bullgar Radomir Radev.

Vendet e lartpërmendura thuhet se pretendojnë se nuk kanë marrë ftesa në kohë”, shkruan Kathimerini.

The post Silianovska e quajti vendin e saj “Maqedoni”, ambasadorja e Greqisë braktis ceremoninë e betimit të Presidentes appeared first on Albeu.com.

Meta tha se për këtë mund të flasë vetë Krymadhi pasi ai nuk mban përgjegjësi për asnjë njeri në raport me ligjin ndërsa sulmoi prokurorët e SPAK duke i quajtur zara të kryeministrit Edi Rama.

“Nuk mbaj përgjegjësi tani për asnjë njeri për cdo sjellje në raport me ligjin. Dua tju siguroj që sjellja ime në raport me kushtetutën ka qenë perfekte. Janë të mjerë ata mercenarë të Edi ramës e zarave të Edi Ramës që përpiqen të fabrikojnë përdorin njerëz që kanë probleme të rënda me drejtësinë thjesht për ti përdorur kundër Ilir Metës”

Lajmi  ne perditesim…

The post Ilir Meta ‘braktis’ Kryemadhin: Nuk mbaj përgjegjësi për asnjë, veç për veten time! Sulmon prokurorët e SPAK: Zarat e Edi Ramës appeared first on Albeu.com.

Në emisionin “Opinion” Shehaj deklaron se nuk është më pjesë as e PD. Ai thekson se partia duhet të rithemelohet vërtet me figura të reja intelektuale.

“Kjo nuk është alternativ. Asnjë nuk është alternativë tani, e Bashës jo e jo. Me Berishën Kam folur dhe i kam thënë të njëjtën gjë që po them. Kanë qenë përgjigje që nuk më kanë bindur. Këto shqetësime i kam ngritur që në verë, duhej një rithemelim i vërtet i PD, të vinin figura të reja, intelektual të rinj. Duhet t’i jepnim një zgjidhje. Mund të ishte krijimi i një partie të re. Në këto momente nuk do ketë parti të re. Unë nuk jam pjesë e grupit parlamentar, jam përjashtuar. Gazment Bardhi më ka përjashtuar. Nuk i jam bashkuar mbledhjeve që ju përmendi, kam preferuar që të mos jem pjesë. Njerëzit te opozita njerëzit nuk shikojnë shpresë sepse ka një ngërç dhe nuk besoj se jemi alternativ në zgjedhjet e ardhshme. Unë propozoj që ne duhet të ndërtojmë një alternativë të besueshme të bënim një rinovim total, të bëhej një rinovim. Në momentin që kam vendosur që të mos jem më pjesë e PD, nuk pres tani që të rinovohet. Duhen figura të reja”,-tha Shehaj./ Opinion.al

The post Agron Shehaj braktis Berishën: PD duhet të rithemelohet me figura të reja appeared first on Albeu.com.

Ndërsa ndodheshin në studion e “Open” gazetarja Lala ka thënë se në dokumentet e prokurorisë theksohet se pasi janë dhënë paratë ëhstë bërë i mundur arrestimi i Beleit.

Pas këtyre deklaratave Dule ka braktisur studion, ndërsa i ka cilësuar komentet e Lalës si përralla dhe mashtrime.

Pjesë nga diskutimi:

Lala: Prokuroria thotë pasi janë dorëzuar paratë është bërë arrestimi. Nëse do ishte për mua Fredi Beleri nuk do të duhej të ishte kandidat

Dule: Nuk do qëndroj asnjë moment më tepër nëse nuk më lejoni të flas, nuk jam këtu për dekor.

Dule: Dëgjoj mendime se dikush nuk duhej të kandidonte se ka dyshime. Të gjithë mund të kenë dyshime për të gjithë.

Lala: Ka qenë i pandehur zoti Dule.

Dule: Faleminderit shumë, vijoni, bisedë të mbarë.

Eni Vasili: Nuk i ka hije një politikani si ju.

The post Gazetarja tregon provat për arrestimin e Belerit, Dulen se mbajnë “nervat”, braktis emisionin: Nuk mund të qëndroj më appeared first on Albeu.com.

Kiara edhe pse pas rikthimit u tregua shumë e gatshme për ta shijuar sa më shumë marrëdhënien dhe afrimitetin me Luizin, por duket se gjatë natës s’po i funksionon.

Në orët e para të mëngjesit ajo është zgjuar nga gërhimat e Luizit, dhe është çuar nga krevati.

Kiara shumë herë është shprehur se ajo e ka shumë problem pjesën e qetësisë, dhe se në të ardhmen me Luizin mund të flenë në dhoma të ndara.

The post Kiara “braktis” sërish Luizin, arsyeja dihej appeared first on Albeu.com.