Jurgen Klopp po hap një kapitull të ri në krye të Kombëtares së Gjermanisë, ku synon të ndërmarrë ndryshime të shumta në përbërjen e ekipit. Sipas mediave gjermane, përzgjedhësi i ri ka në planet e tij 57 futbollistë, mes të cilëve gjenden si emra të rinj, ashtu edhe disa prej yjeve aktualë të “Mannschaft”.

Mes kandidatëve është edhe Brajan Gruda, talenti 22-vjeçar me prejardhje shqiptare. Sulmuesi anësor i RB Leipzigut vlerësohet prej kohësh si një nga lojtarët më premtues të futbollit gjerman, ndërsa tashmë është vendosur edhe në radarët e ekipit të parë, sipas Welt.de.

Në listën me 57 emra nuk figurojnë portieri Diant Ramaj dhe sulmuesi Arijon Ibrahimovic. Të dy futbollistët kanë origjinë shqiptare, luajnë në nivele të larta në Gjermani dhe prej një kohe janë në kontakte me Kosovën.

Ramaj është formuar në akademitë e futbollit gjerman dhe ka përfaqësuar Gjermaninë në ekipet e grupmoshave. Portieri, i cili konsiderohet se ka potencial të madh, aktualisht është nën kontratë me Borussia Dortmundin, ndërsa më herët ka tërhequr vëmendje me paraqitjet e tij në Bundesligë.

Vëmendje në Gjermani ka marrë edhe Arijon Ibrahimovic, talenti ofensiv i Bayern Munichut. Futbollisti 20-vjeçar i përket klubit bavarez dhe ka luajtur për ekipet e të rinjve të Gjermanisë. Pas huazimeve te Lazio dhe Heidenheim, ai do të jetë pjesë e klubit gjerman gjatë këtij sezoni.

Përveç Grudës, në përzgjedhjen e Kloppit janë përfshirë edhe disa prej figurave kryesore të futbollit gjerman, si Joshua Kimmich, Florian Wirtz, Jamal Musiala, Kai Havertz, David Raum, Nico Schlotterbeck dhe Jonathan Tah. Këta lojtarë pritet të ruajnë një rol të rëndësishëm edhe në projektin e ri.

Klopp njihet për hapësirën që u jep futbollistëve të rinj dhe për aftësinë e tij në zhvillimin e talenteve. Ai ka bërë të ditur se Kombëtarja e Gjermanisë do të mbetet e hapur për çdo lojtar që dëshmon cilësi dhe potencial. Përbërja e publikuar sinjalizon se trajneri gjerman synon të ndërthurë përvojën e yjeve të tanishëm me energjinë e brezit të ri.

The post Klopp përzgjedh 57 kandidatë për Gjermaninë, Brajan Gruda në listë, jashtë dy futbollistët e Kosovës appeared first on Albeu.com.

Talenti me rrënjë shqiptare, Brajan Gruda, do të jetë sërish pjesë e RB Leipzig gjatë edicionit të ri futbollistik.

Edhe pse gjiganti gjerman nuk e shfrytëzoi opsionin për ta blerë përfundimisht, palët kanë negociuar me sukses me Brighton për zgjatjen e huazimit të lojtarit për një vit tjetër.

Nëpërmjet një njoftimi për shtyp, klubi nga Leipzig bëri të ditur se Gruda do të kontribuojë edhe gjatë aventurës së ardhshme.

Sipas deklaratës zyrtare: “Brajan Gruda do të qëndrojë në radhët e RB Leipzig për sezonin 2026/27, pasi u arrit një akord për ripërtëritjen e huazimit nga Brightoni.”

Sulmuesi 22-vjeçar zbriti në Leipzig në shkurt të 2026-s dhe që nga ajo kohë ka shënuar tre gola e ka shërbyer tre asiste në 14 ndeshje zyrtare.

Ndër të tjera, Gruda shprehet entuziast për faktin se do të ketë mundësinë të luajë në Champions League.

“Në një kohë shumë të shkurtër, kuptova qartë që dëshiroja të qëndroja në Leipzig. Isha i vendosur të vija në dhjetor dhe muajt e parë shkuan tamam siç i kisha parashikuar,” tregoi ai.

“Filozofia e lojës më shkon për shtat dhe këtu e ndjej veten si në shtëpinë time. Leipzig më ofron platformën ideale për t’u rritur si futbollist dhe si individ, si dhe për të dhënë ndihmesën time për ekipin.”

“Arritëm objektivin e kualifikimit në Ligën e Kampionëve bashkërisht dhe tashmë duam të shijojmë një rrugëtim të suksesshëm në arenën evropiane, në Bundesligë dhe në Kupën e Gjermanisë,” u shpreh ai për kanalet zyrtare të klubit.

The post Konfirmohet: Brajan Gruda rikonfirmohet te RB Leipzig për një tjetër sezon appeared first on Albeu.com.

Transferimi i Brajan Grudës tashmë është drejt mbylljes. Mesfushori sulmues shqiptar do të jetë sërish pjesë e RB Leipzig në sezonin e ardhshëm.

“Sky” raporton se klubi gjerman ka arritur një marrëveshje në parim me Brighton & Hove Albion për kalimin e 22-vjeçarit, i cili pritet të rikthehet në Bundesliga.

Formula e dakordësuar mes palëve është huazim me detyrim blerjeje, që do të hyjë në fuqi nëse përmbushen disa kushte të caktuara. Nëse këto realizohen, Leipzig pritet t’i paguajë Brightonit nga 25 deri në 30 milionë euro.

Futbollisti shqiptar është i njohur me ambientin e Leipzigut, pasi në gjysmën e dytë të sezonit të kaluar luajti aty në formë huazimi. Gjatë kësaj periudhe, ai regjistroi 14 paraqitje, shënoi tre gola dhe dha tre asistime.

Dy vite më parë, Brighton kishte investuar mbi 31 milionë euro për ta marrë Grudën nga Mainz 05, por eksperienca e tij në Angli nuk përmbushi pritshmëritë, pasi ai nuk arriti të fitonte një rol me peshë në ekip.

Tani, Gruda do të ketë një tjetër mundësi në Bundesliga, ku synon të gjejë më shumë vazhdimësi dhe të konfirmojë potencialin e madh që e ka shoqëruar që në hapat e parë të karrierës.

The post Brajan Gruda rikthehet në Bundesliga, RB Leipzig gjen akordin me Brighton appeared first on Albeu.com.

Transferimi i Brajan Grudës mbetet ende i hapur, pasi bisedimet mes RB Leipzigut dhe Brightonit po vazhdojnë pa prodhuar deri tani një marrëveshje për mënyrën se si do të realizohej operacioni.

Sky Sport Germany raporton se klubi gjerman është i prirur për një formulë huazimi me detyrim blerjeje në përfundim të sezonit, ndërsa Brightoni kërkon që lojtari të shitet menjëherë dhe në mënyrë përfundimtare.

Edhe vetë Gruda e sheh me interes një rikthim te Leipzigu, por kjo lëvizje nuk mund të mbyllet pa dakordësinë mes të dyja palëve për strukturën financiare të transferimit.

Për shkak të ngërçit në negociata, drejtuesit e Leipzigut kanë filluar të hedhin sytë edhe drejt opsioneve të tjera në tregun e transferimeve.

Megjithatë, raportimet që vijnë nga Gjermania bëjnë të ditur se Nadiem Amiri, mesfushori i Bayer Leverkusenit, nuk është aktualisht një emër prioritar në planet e klubit.

Gjatë periudhës së huazimit te Leipzigu në sezonin e kaluar, Gruda la mbresa shumë të mira dhe ishte ndër futbollistët që dha kontribut të rëndësishëm në paraqitjet e skuadrës.

Këto paraqitje kanë forcuar dëshirën e klubit gjerman për ta rikthyer përfundimisht në Bundesliga, por mbetet ende e paqartë nëse Leipzigu dhe Brightoni do të gjejnë kompromisin e nevojshëm për ta mbyllur marrëveshjen.

The post RB Leipzig dhe Brightoni ende pa akord për rikthimin e Brajan Grudës appeared first on Albeu.com.

Ylli i ndeshjes ishte padyshim Gruda, i cili luajti një rol vendimtar në të dy golat e Brajton. Ai hapi rezultatin në minutën e 12-të duke shfrytëzuar një konfuzion para portës së Junajtid dhe më pas asistoi për Dani Uellbek, i cili shënoi golin e dytë në minutën e 64-të, duke vulosur fitoren e skuadrës së tij.

Për Junajtid, Benjamin Sheshko shënoi një gol me kokë në minutën e 85-të pas një krosimi nga këndi, por kjo nuk mjaftoi për të shpëtuar ekipin nga eliminimi.

Pas kësaj fitores, Brajton kalon në raundin tjetër të FA Cup, ndërsa Junajtid largohet nga kompeticioni.

Kjo ndeshje konfirmon edhe një herë se Gruda është një nga lojtarët më të rrezikshëm të Brajton, dhe performanca e tij mund të jetë vendimtare për suksesin e skuadrës gjatë këtij sezoni.

GOLAT E NDESHJES: VIDEO 

The post VIDEO/ Gol dhe asist, Brajan Gruda eliminon Mançester Junajtid nga FA Cup appeared first on Albeu.com.

Ky i fundit është pjesë e “Pancerave” në Kampionatin Europain për grupmoshën U-21. Weiper gjeti rrugën e rrjetës kundër Anglisë, duke luftuar për pozitën e titullarit te Gjermania.

Ai ka dhënë një intervistë të shkurtër për “Kicker”, duke theksuar ndër të tjera se ka pasur kontakte për tu bashkur me kombëtaren e Shqipërisë, marrë në konsidertë faktin që nëna e tij është shqiptare: “Qëllimi im është të bëhem një titullar i rregullt, nëse Burkardt largohet nga Mainz. Kam folur me klubin për këtë, dhe ata e shohin kështu, dhe unë do të jap gjithçka nga vetja.

Te Shqipëria më kanë kontaktuar dhe tashmë më duan për ekipin kombëtar të të rriturve. Është vërtet një burim krenarie kur ekipi i të rriturve të një vendi të dëshiron.

Dua të tregoj talentin tim në ekipin gjerman U21 dhe të luaj për Gjermaninë sa më gjatë të jetë e mundur. Nëse gjërat nuk funksionojnë për Gjermaninë në një moment, Shqipërinë e shoh si një mundësi shumë të mirë”.

The post Po bën namin te moshat e Gjermanisë, sulmuesi ia lë të hapur derën kombëtares shqiptare appeared first on Albeu.com.

Bushi ka vazhduar më tej se Gruda i ka thënë, nëse nuk do luajë me përfaqësuesen kryesore të Gjermanisë, do të zgjedh kalimin te Shqipëria.

Aktualisht Brajan Gruda po luan Kampionatin Europain me Gjermaninë U-21.

“Brajan Gruda mund të luajë te Shqipëria me 100% në qoftë se nuk është pjesë e kombëtares së Gjermanisë A.

Në momentin që nuk është pjesë e saj, ai do të përfaqësojë Shqipërinë. Ky ka qenë bashkëbisedim, kontakt ose le të themi, ne kemi bërë takimet me familjen e tij. Ne do të donim shumë që të ishte pjesë e Shqipërisë.

Faktikisht është një lojtar me potencial shumë të madh dhe një lojtar që i mungon Shqipërisë, pra që futet gjithmonë nga brenda dhe futet me të majtën që nuk e kemi, dhe këta lojtarë si Gruda bëjnë diferencën në një ndeshje futbolli, fitojnë ndeshjen”, tha Bushi për “Klan News”.

The post E BUJSHME/ Alban Bushi zbulon prapaskenën me Grudën: Do të luajë me Shqipërinë, nëse… appeared first on Albeu.com.

Ka qenë vetë klubi anglez ai që ka zyrtarizuar kalimin e djaloshit shqiptar në radhët e tij, pak ditë para fillimit të edicionit të ri. Klubi bëri të ditur se marrëveshja mes palëve është arritur dhe Gruda do të bëhej pjesë e këtij ekipi sapo të sigurohej leja e punës për të, shkruan Panorama Sport.

Nuk bëhet e ditur ende se cila është shifra e transferimit të Grudës, por mediat gjermane theksojnë se Mainc do të përfitojë rreth 35-40 milionë euro nga pagesa fikse dhe bonuset për sulmuesin anësor i cili përfaqëson Gjermaninë në arenën ndërkombëtare.

The post ZYRTARE/ Shkëlqeu në Gjermani, sulmuesi shqiptar transferohet te klubi i Premier Ligës për shifrën marramendëse appeared first on Albeu.com.

Talenti shqiptar është ftuar së fundmi nga trajneri i Gjermanisë, Julian Nagelsman që të stërvitet me skuadrën që do të marrë pjesë në Euro 2024.

Talenti i Mainz është pjesë e përfaqësueses gjermane të 21-vjeçarëve, por është monitoruar dhe nga përfaqësuesja kuqezi.

Gjithsesi, kjo lëvizje e fundit duket se i ka zbehur së tepërmi mundësitë për të vëshur fanellën e Shqipërisë.

Gruda do të stërvitet me Gjermaninë deri të premten e ardhshme, së bashku me Roko Raitz, si zgjedhje e trajnerit Nagelsman për dy të rinj premtues.

The post Brajan Gruda larg Kombëtares, Gjermania e fton në stërvitje appeared first on Albeu.com.

Mbetet të shihet nëse emri i tij do të jetë në listën e kuqezinjve.

Sipas raportimeve të fundit nga Gjermania, Liverpuli është hedhur në garë për Grudën.

Pas një sezoni fantastik me Mainzin, në Bundesligë është edhe Leverkusenin me Dortmundin që po e ndjekin me vëmendje 19-vjeçarin.

The post Flitet se mund të vijë te Kombëtarja Shqiptare, për Brajan Grudën interesohet edhe Liverpooli appeared first on Albeu.com.