Braimllari shprehu mirënjohjen për përfshirjen në listat e PS-së, vlerësoi organizimin dhe disiplinën e strukturave socialiste dhe theksoi rëndësinë e komunikimit me qytetarët gjatë fushatës.

Ai theksoi se pavarësisht rezultatit personal, ka qenë i përkushtuar në kontributin për fitoren e PS-së, ndërsa nuk kurseu as kritikat për gjendjen e opozitës, të cilën e cilësoi si të paralajmëruar prej vitesh.

“Doja të jepja kontribut në fitoren e PS-së. Gara në listën e hapur të Partisë Socialiste ishte e fortë. PS ishte një ekip i organizuar dhe i disiplinuar, atë që kisha përshtypje, e preka dhe në terren. Është ekip që punon fort në terren dhe gara është pozitive në vetvete. Gara i shërbeu rritjes së PS-së dhe fitores në fund të zgjedhjeve. Vetë rezultati tregon sesa të organizuara janë partitë politike. Logoja e Partisë Socialiste është e fortë. Unë punova se vota nuk vjen rastësisht, por logo të ndihmon që të kapësh objektivat më shpejt. Jam ndjerë në borxh, që më përfshinë në listat e hapura.

Nëse garon me partitë kryesore, logoja të ndihmon goxha. PS e ka këtë rezultat se punon përditë, duhet të interesohesh për njerëzit. Komunikimi më i rëndësishëm është ai i drejtpërdrejtë me qytetarin. Nuk kisha dhe shumë kohë të bëja fushatë, pasi nëse do kisha kohë e të punoja më fort, e mund të kisha rezultat më të mirë. Do zbatohet rruga europiane e Shqipërisë dhe çdo qytetar do të ketë pasaportën e BE-së. Pasioni im është politika dhe ndihem mirë që jam ende në politikë. Më vjen shumë keq për opozitën. Është për të ardhur keq që Ilir Alimehmeti është jashtë parlamentit. Këtë situatë me opozitën e kam parashikuar që më 2013, kam thënë se nëse vijojnë njësoj do jenë aty ku janë sot. Nuk mund të thuash “do na vjedhin” në mënyrë të përsëritur, duke bërë njerëzit pesimistë”, tha ai.

The post U largua nga PL dhe shkoi tek PS, por s’fitoi si deputet/ Flet Braimllari: Ekipi i Partisë Socialiste i organizuar dhe i disiplinuar appeared first on Albeu.com.

Mes të tjerash, Braimllari komentoi edhe një arrestim të mundshëm të Ilir Metës. Ai tha se Meta gjithmonë ka zbatuar ligjin, prandaj nuk beson se do të ketë një kushtëzim të tij nga drejtësia.

Braimllari: “Nuk besoj se zoti Meta do të ketë një kushtëzim nga drejtësia për shkak se është një profil i lartë politik. Nuk ka gjë që kufizon zotin Meta.

Po bëmë një ligj anti-Meta kjo unë besoj në pastërtinë e tij. Këtë gjë e kam parë kur kam qenë bashkëpunëtor i tij.

Ilir Meta është udhëhequr nga fryma e zbatimit të ligjit dhe këtë këshillë i ka dhënë gjithë bashkëpunëtorëve të tij. Përballë këtij regjimi duhet një bllok i fortë opozitar”.

The post Endrit Braimllari: Meta ka zbatuar gjithmonë ligjin, besoj në pastërtinë e tij appeared first on Albeu.com.

Anëtari i kryesisë së Partisë së Lirisë, Endrit Braimllari, në një intervistë në studion e emisionit “7pa5”, tha se pas arrestimit të Goros fshihet kreu i qeverisë, Edi Rama.

Sipas tij, kryeministri është në dijeni të çdo gjëje që ndodh brenda qeverisë së tij, por kur nuk i duhen më persona të caktuar “i lëshon”.

Braimllari: “Çdo aksion i ndërrmarë për të luftuar krimin dhe korrupsionin, meriton përshëndetje. Por rasti në fjalë ka të bëjë me një interes okult të Ramës, i cili po e dirigjion këtë proces për interesat e veta personale. Nëse do të kishim një hetim të thelluar në ktë bashki, nuk do të arrestohej vetëm Goro, por do të ishte një zinxhir i gjatë në sitë. Bashkia e Himarës është bashki që ka deputet Ramën. Qartazi ai është i qartë për atë situatë. Është një veprim me regji, Edi Rama pasi i përdor dhe i shtrydh si limoni, më pas i lëshon”.

Braimllari tha se Goro nuk ka vepruar i vetëm në këtë proces, por me dijeni të kryeministrit Rama.

Braimllari: “Rama ka dalë në publik dhe thotë që përgjegjësia është personale. Por nuk është përgjegjësia personale kur kryeministri përfshihet në procedurë. Ky person ka gjithçka nën kontroll, ka formuar një qeveri kukull, a është e mundur që mos dijë diçka? Raportet e Goros me drejtësinë do t’ia lëmë drejtësisë. Raportet e Goros me politikën janë të lidhura me Edi Ramën. Në atë bashki është luajtur një thriller për të bërë kurban Jorgo Goron për interesat okulte të Edi Ramës. Qëllimi i tij është t’i lëshojë deri në fund për të dalë vetë i pastër. Në këtë vend bëhet drejtësi nëse merret i pandehur kreyministri i vendit. Ai është i përfshirë në çështje shumë madhore. Krahu i tij e di shumë mirë se çfarë po ndodh”.

The post Braimllari: Arrestimi i Goros me regji të Ramës appeared first on Albeu.com.

Gjithashtu, ai deklaroi se këshilltarët e kësaj partie propozuan që 15 milionë euro të shkonin si mbështetje për fermerët, por bashkia zgjodhi vetëm 736 mijë euro mbështetje për bujqësinë.

Reagimi i plotë:

“Të nderuar qytetarë, kalimi i njëanshëm i buxhetit të Bashkisë së Tiranës në Këshillin Bashkiak pa debat ku për 5 minuta u miratuan 330 milionë euro tregon qartë mungesën e transparencës dhe bunkerizimin e Bashkisë së Tiranës.

Qytetarët e Tiranës prisnin të diskutohej për hallet dhe problemet e tyre të përditshme. Për taksat dhe tarifat vendore, për menaxhimin e punëve të qytetit por kryetari i Bashkisë së Tiranës me fuqinë e kartonit kaloi gjithçka pa diskutim.

Refuzimi i amendamenteve të propozuar nga Partia e Lirisë tregon qartë mungesën e vullnetit për të kthyer vëmendjen tek qytetarët, për t’ju larguar një mëndësie të vjetër politike, ku gjithçka që propozohet nga opozita refuzohet nga mazhoranca. Partia e Lirisë në këshillin bashkiak të Tiranës propozoi iniciativa në shërbim të qytetarëve. Propozimet tona konkrete kishin të bënin me përballimin e kostos së lartë të jetesës.

Reflektimi i rritjes së produkteve të shportës në Bashkinë Tiranë do të merrte zgjidhje nëse do të ishin pranuar amendamentet e Partisë së Lirisë.

Konkretisht, dua të ndalem tek amendamenti për bujqësinë. Në propozimin e Partisë së Lirisë i bërë nga ekspertë të bujqësisë propozohej një rritje e fondit për mbështetjen e fermerit të Tiranës.

Partia e Lirisë propozoi që 15 milionë euro nga 330 milionë euro buxhet të shkonte si mbështetje për fermerët e Tiranës. Ndërsa Erion Veliaj në buxhetin e miratuar me forcën e kartonit ka parashikuar vetëm 736 mijë euro mbështetje për bujqësinë, ku pjesën më të madhe e zë propaganda dhe jo mbështetja e drejtpërdrejtë për fermerin e Tiranës. Partia e Lirisë propozoi që 7 milionë euro të shkonin për financimin e skemave mbështetëse për bujqësinë dhe blegtorinë në Tiranë. Partia e Lirisë propozoi 3 milionë euro të shkonin si mbështetje për huamarrje për fermerët.

Partia e Lirisë propozoi 2 milionë euro të shkonin për produktet made in Tirana.
Partia e Lirisë propozoi që 1 milionë euro të shkonin për mbështetjen e certifikimit organik dhe bio të produkteve bujqësorë.

Partia e Lirisë propozoi që taksa për fermerët e Tiranës që shesin në tregjet e gjelbërat të ishte 0%.

Partia e Lirisë propozoi 10 mijë euro mbështetje në bazë materiale për çdo fermer që kërkon të nisë një biznes të ri në fshat në blegtori, bujqësi, frutikulturë, akuakulturë, bletari dhe agroturizëm.

Nësë do të pranoheshin këto propozime do të sillnim një lehtësim të drejtëpërdrejtë për fermerët e Tiranës dhe rrjedhimisht dhe uljen e çmimeve të shportës.

Buxheti prej 330 milionë eurosh i miratuar nga Bashkia e Tiranës me arrogancën e kartonit, nuk i shërben fermerëve, grupeve të interesit dhe qytetarëve”, shprehet ai.

The post Miratimi i buxhetit të Tiranës/ Braimllari: Propozuam 15 mln euro për bujqësinë, bashkia ndau vetëm 750 mijë euro appeared first on Albeu.com.