Gjithashtu, ai theksoi se gjatë vitit 2025 janë sekuestruar mbi 12 milionë euro kriptovaluta, por shtoi se deri më tani kanë qenë autoritetet e huaja që i kanë ndihmuar në marrjen, administrimin dhe ruajtjen e tyre.

Braho kërkoi që Agjencia e Administrimit të Pasurive të Sekuestruara dhe të Konfiskuara, të adresojë këtë problematikë dhe të ketë mundësinë që të administrojë edhe portofole kriptovalutah.

“Në vitin 2025 janë sekuestruar në tre vendime, 12.4 mln euro e kriptivalutave. Ka sekuestrime edhe gjatë 2026, por që do të jenë pjesë e raportit tjetër. Baza ligjore e sekuestrimit të tyre është e njëjtë si çdo pasuri, por kemi pasur problematikë në lidhje me administrimin. Kemi pasur problematike mënyrën e administrimit të tyre. Në dijeninë time punohet për kuadrin ligjor për të mundësuar administrimin e kriptovalutave. Vlerën që i jemi referuar dhe praktikës së tonë të deritanishme, kemi bashkëpunuar me autoritete të tjera.

Na kanë ndihmuar në marrjen, sekuestrimin dhe menaxhimin e tyre si e vetmja formë për mbajtjen e tyre. Shpresojmë që Agjencia për Administrimin e pasurive të Sekuestruara dhe Konfiskuara të ketë mundësi që të administrojë protofole kriptovalutash sepse nuk lidhet vetëm me procesin e ruajtjes së tyre por edhe të vënies në punë se janë shifra që mund të kenë ndryshime drastike. Konstatoj hapa pozitivë dhe jam shpresëplotë se situata do të rregullohet së shpejti”, u shpreh Braho.

The post Braho para KLP: Mbi 12 milionë euro kriptovaluta të sekuestruara, administrimi i tyre mbetet ende një problematikë appeared first on Albeu.com.

Gjatë raportimit, Braho nënvizoi se masa e sigurisë “arrest në burg” po përdoret gjithnjë e më pak, duke u konsideruar si mjeti i fundit i sigurimit personal.

Sipas të dhënave, kjo masë ka pësuar një rënie të ndjeshme prej 53.4%, nga 236 raste në vitin 2024 në 110 raste gjatë vitit 2025.

“Sa i përket luftës kundër korrupsionit, përfshirë atë të nivelit të lartë, të dhënat e vitit 2025, tregojnë se korrupsioni në institucionet publike dhe sistemin e drejtësisë mbetej një fenomen shqetësues, i cili përfshin funksionare vendore, administrativë por edhe prokurorë, gjyqtarë, punonjës policie etj. SPAK ka shënuar rritje prej rreth 18 përqind të çështjeve të reja, nga 186 në rreth 220 për korrupsion, dhe rreth 12% të cështjeve të përfunduara nga një vit më parë. Ky aktivitet i shtuar reflektohet me dërgimin në gjykatë të 24 procedimeve penale, me 144 të pandehur për korrupsion jo të nivelit të lartë si dhe 10 procedime me 13 të pandehur për korrupsion ndaj zyrtarëve të lartë. Spak ka vijuar me vendosshmëri hetimin e zyrtarëve të lartë me 6 procedime të reja, dhe 16 persona të tjerë në hetim, nga 30 zyrtar dhe ish zyrtarë nën hetim gjatë 2025, rreth 50 përqind e tyre, 18 janë dërguar në gjykatë me kërkesë për gjykim. Rreth 10 prej tyre janë dënuar me vendi të formës së prerë”, theksoi ai.

The post Arresti me burg masa e fundit, gjatë 2025 pësoi ulje me 53.4%/ Klodian Braho para KLP: SPAK vijon me vendosshmëri hetimet për zyrtarët e lartë appeared first on Albeu.com.

“Këshilli i Lartë i Prokurorisë organizon ditën e hënë, datë 27.04.2026, ora 10:00, seancën dëgjimore me drejtuesin e Prokurorisë së Posaçme Kundër Korrupsionit dhe Krimit të Organizuar, z. Klodjan Braho, i cili do të paraqesë raportin e punës për vitin 2025. Ky raportim bëhet në kuadër të detyrimit ligjor parashikuar në nenin 105, të Ligjit nr. 97/2016, ‘Për organizimin dhe funksionimin e Prokurorisë në Republikën e Shqipërisë’, i ndryshuar, për të raportuar në Këshillin e Lartë të Prokurorisë lidhur me ecurinë e veprimtarisë së këtij institucioni”, – thuhet në njoftimin e KLP.

Braho u zgjodh në krye të SPAK në 11 dhjetor të vitit të shkuar, duke zëvendësuar në këtë detyrë Altin Dumanin.

The post Raporti vjetor i SPAK, Klodian Braho raporton sot para Këshillit të Lartë të Prokurorisë appeared first on Albeu.com.

VanHorn përcolli edhe një herë në SPAK mesazhet e sekretarit të shtetit Marko Rubio, se prioriteti amerikane mbetet lufta ndaj karteleve të drogës dhe krimit të organizuar.

Van Horn shprehu mbështetje në punën e ardhshme të SPAK por edhe për BKH-në dhe kreun e ri të tij Joni Ketën.

E Ngarkuar e SHBA pati gjithashtu takim me ish-kryeprokurorin Altin Dumani dhe me prokurorë të tjerë.

Postimi i ambasadës amerikane në Tiranë:

E Ngarkuara me Punë Nancy VanHorn përgëzoi Kryeprokurorin e Posaçëm të SPAK Klodjan Braho, dhe Kreun e BKH Joni Keta për rolet e tyre të reja drejtuese, duke ritheksuar mbështetjen e Shteteve të Bashkuara për përpjekjet e SPAK në luftën kundër krimit të organizuar dhe trafikut të narkotikëve. Siç ka deklaruar Sekretari Rubio: “Ne do të përballemi me kartelet e drogës kudo që ndodhen dhe kudo që veprojnë kundër interesave të Shteteve të Bashkuara. Detyrimi kryesor i presidentit është të sigurojë interesin kombëtar dhe sigurinë kombëtare të popullit tonë.” Së bashku, ne qëndrojmë të bashkuar në luftën kundër krimit ndërkombëtar.

The post E Ngarkuara me Punë e SHBA takohet me kryeprokurorin e SPAK, VanHorn riktheson mbështetjen amerikane për Klodjan Brahon dhe BKH-në: Do përballemi me kartelet e drogës appeared first on Albeu.com.

Lala tha se mbeti e pakënaqur nga pyetjet që anëtarët e KLP-së i drejtuan kandidatëve.

“Gjëja e parë që më shqetësoi, niveli i pyetjeve të KLP-së. Zoti Stojani, prokurori ndër më jetëgjatët, sot nuk bëri asnjë pyetje. Duke qenë ndër anëtarët më aktivë, kam patur pritshmëri, se do të bënin pyetje për thelbin, mënyra si kandidatët do të drejtonin SPAK, pyetje për problematikat që ka institucioni, që të mos lidhet me emrat, por të ushtrojë ndjekje penale i pandikuar dhe i pavarur. Nuk dëgjova këto pyetje dhe me thënë të drejtën, disa prej anëtarëve kanë kapacitetin e nevojshëm dhe nuk kuptova pse qëndruan pasivë ditën e sotme.

Ajo që ndjemë, të katër kandidatët, në momentet e para ishin të tensionuar, kishin emocione, përballen pak me opinionin publik dhe nuk janë të mësuar me median. Prania e faktorëve ndërkombëtarë, aty ishin të gjithë përfaqësitë, edhe prania e tyre ishte dozë e shtuar.

Ndërkohë, çfarë kuptohej aty, pjesa më e madhe e anëtarëve të këshillit, nuk u përfshinë në diskutim.

Ky proces duhet të bëhej transparent dhe publik. Shpalosën platforma, dhanë idetë e tyre. Pati momente interesante, për mënyrën si shihnin në raport me presionin politik, ndikimet e mundshme”, tha Lala.

Lidhur me drejtuesin e ri të SPAK, Klodian Braho, Lala tha se ka një karrierë të gjatë dhe ka hetuar dosje të bujshme.

“Zoti Braho është i angazhuar me çështjet që lidhen me korrupsionin, prioritet i tij do të jetë lufta kundër korrupsionit.

Zoti Braho ka mbaruar me medalje shkollën e magjistraturës, ka drejtuar Prokurorinë e Beratit, Vlorës. Ka hetuar shpëtim Gjikën, disa çështje të pronave. Ka hetuar në Prokurorinë e Krimeve të Rënda, ka drejtuar seksionin kundë korrupsionit. Në SPAK ka hetuar aferën 5D, nga ku derivoi çështja e Veliajt, ka patur Toyota Auris, një ndër testet kryesore për të, pasi bëhej fjalë për kolegët e tij. Ka një sërë çështjesh edhe të krimit të organizuar, por është i specializuar për hetimet e korrupsionit, ndryshe nga Xholi dhe Musabelliu, që janë të specializuar më shumë për krimin e organizuar”, deklaroi Lala.

The post “Klodian Braho, ka qenë student me medalje ari!”/ Klodiana Lala: Më shqetësoi niveli i pyetjeve të KLP-së sot appeared first on Albeu.com.