Galatasaray ka filluar lëvizjet për të siguruar shërbimet e Brahim Diaz, sulmuesit të Real Madridit, duke vendosur kontaktet e para me përfaqësuesit e futbollistit maroken.

Pasi afroi Lesley Ugochukwu, kampionët e Turqisë synojnë të shtojnë alternativat në fazën sulmuese. Brahim Diaz është vendosur mes emrave kryesorë në listën e objektivave për merkaton e verës.

Sipas raportimeve, drejtuesit e klubit turk kanë hapur bisedime me entourage-in e 26-vjeçarit. Gjatë kësaj jave pritet të ketë kontakte edhe me Real Madridin, për të kuptuar kushtet e mundshme të një operacioni.

Okan Buruk kërkon një lojtar ofensiv që mund të aktivizohet si numër 10, por edhe në të dyja anët e repartit të avancuar. Profili i Brahim Diazit konsiderohet i përshtatshëm me kërkesat e trajnerit të Galatasarayt.

Ish-lojtari i Manchester Cityt dhe Milanit vlerësohet për aftësinë në driblim, krijimtarinë dhe kapacitetin për të hapur hapësira në zona të ngushta të fushës. Fleksibiliteti i tij i mundëson gjithashtu të luajë në disa role sulmuese.

Diaz u kthye te Real Madridi pas një periudhe të suksesshme huazimi te Milani, ku bëri përshtypje të mirë. Që nga rikthimi në Madrid, ai është bërë një pjesë e rëndësishme e rotacionit të skuadrës madrilene.

Reprezentuesi i Marokut ka ende kontratë me Real Madridin në “Santiago Bernabeu”. Mbetet të shihet nëse klubi spanjoll do të jetë i gatshëm të diskutojë largimin e tij gjatë kësaj vere.

The post Galatasaray nis kontaktet për Brahim Diazin e Real Madridit appeared first on Albeu.com.

Konferenca për shtyp që paraprinte përballjen e shumëpritur mes Marokut dhe Francës në çerekfinalet e Kupës së Botës 2026, në vend që të zhvillohej qetësisht, mori papritur një kthesë të pazakontë.

Ndërsa Brahim Diaz po iu përgjigjej pyetjeve lidhur me sfidën vendimtare ndaj francezëve, në sallë nisi një debat i fortë mes dy gazetarëve.

Për disa çaste, edhe kamerat e transmetimit e hoqën fokusin nga lojtari maroken për t’u përqendruar te vendi nga vinte zhurma.

Siç shfaqet në pamjet e publikuara, dy përfaqësuesit e medias patën një shkëmbim të tensionuar në gjuhën franceze, ndërsa përplasja duket se lindi nga një mosmarrëveshje që lidhej me hapësirën personale dhe shqetësimet gjatë mbulimit të konferencës.

Tensioni u rrit edhe më shumë, por ndërhyrja e menjëhershme e gazetarëve të tjerë shërbeu për të qetësuar situatën dhe për të ndalur konfliktin, çka bëri të mundur vijimin normal të konferencës.

Në mënyrë të papritur, Brahim Diaz reagoi me shumë qetësi ndaj asaj që po ndodhte.

Ai u vu re teksa buzëqeshte dhe madje bëri edhe shaka me të pranishmit për të lehtësuar atmosferën, përpara se të rifillonte me përgjigjet e tij sapo gjithçka u normalizua.

Kjo skenë e rrallë i dha një episod të veçantë përgatitjeve për një nga ndeshjet më të pritura të fazës çerekfinale të Botërorit.

The post Konferenca e Brahim Diaz ndërpritet nga tensioni mes gazetarëve para duelit Marok – Francë appeared first on Albeu.com.

Juventusi vazhdon ta mbajë të hapur pistën për Brahim Diaz dhe është i vendosur të presë deri në fundin e afatit kalimtar, me shpresën se mund ta bindë Real Madridin të lejojë largimin e mesfushorit ofensiv.

Raportimet bëjnë të ditur se Luciano Spalletti e konsideron 26-vjeçarin si prioritetin kryesor për repartin e avancuar, pasi e sheh si profilin e duhur për t’i dhënë më shumë ide dhe fantazi skuadrës në fazën sulmuese.

Paraqitjet e tij pozitive në Kupën e Botës 2026 e kanë rritur edhe më tej vlerësimin për Brahim Diaz, ndërsa objektivi i futbollistit mbetet sigurimi i një roli të rëndësishëm te Real Madridi nën drejtimin e Jose Mourinhos.

Gjithsesi, rivaliteti i fortë për minuta në “Santiago Bernabeu” mund të ketë ndikim në të ardhmen e tij para se merkatoja të mbyllet.

Pikërisht për këtë, Juventusi pritet të qëndrojë në pritje deri në ditët e fundit të muajit gusht, për të parë nëse Mourinho do t’i japë Diazit hapësirat që ai kërkon. Në rast se kjo nuk realizohet, drejtuesit e klubit italian janë gati të vlerësojnë kushtet ekonomike të një operacioni të mundshëm.

Spalletti vazhdon të besojë se Brahim Diaz zotëron aftësitë teknike dhe vizionin e nevojshëm për të transformuar lojën sulmuese të Juventusit, ndaj shpreson që klubi të arrijë ta afrojë atë.

The post Juventus pret sinjalin e Jose Mourinhos, Brahim Diaz mbetet objektiv i rëndësishëm për bardhezinjtë appeared first on Albeu.com.

Sipas një analize të publikuar nga Gradient Sports, janë identifikuar futbollistët që kanë treguar aftësinë më të madhe për të përdorur njësoj mirë të dyja këmbët gjatë Kupës së Botës 2026. Vlerësimi është bazuar në çdo pasim, goditje, krosim dhe largim topi të regjistruar në turne.

Në vendin e parë renditet veterani kroat Ivan Perisic, i cili ka arritur ekuilibrin ideal mes këmbës së djathtë dhe të majtë.

Të dhënat statistikore tregojnë se Perisic ka raport 50/50, çka i jep edhe maksimumin prej 100 pikësh në indeksin e balancës.

Menjëherë pas tij vijnë mbrojtësi norvegjez Torbjorn Heggem dhe francezi Ousmane Dembele, të cilët kanë pothuajse të njëjtin shpërndarje në përdorimin e të dyja këmbëve, me raport 49/51 dhe nga 98 pikë secili.

Në pozitën e katërt gjendet mbrojtësi uzbek Rustam Ashurmatov me 94 pikë, ndërsa top-pesëshja mbyllet me përfaqësuesin e Marokut, Brahim Diaz, që ka raport 47/53 dhe 93 pikë.

Me të njëjtin total prej 93 pikësh figuron edhe kroati Marin Pongracic, ndërsa Josko Gvardiol, po ashtu nga Kroacia, zë vendin e shtatë me 90 pikë, duke nxjerrë sërish në pah nivelin teknik të futbollistëve kroatë.

Dhjetë vendet e para plotësohen nga Yazan Al-Arab i Jordanisë, Manuel Akanji i Zvicrës dhe talenti i Bregut të Fildishtë, Yan Diomande.

Kjo listë dëshmon se përdorimi efikas i të dyja këmbëve po merr gjithnjë e më shumë peshë në futbollin modern.

Lojtarët që e zotërojnë këtë cilësi bëhen më të vështirë për t’u lexuar në fazën sulmuese, ofrojnë më tepër alternativa në ndërtimin e aksioneve dhe përshtaten më lehtë me role të ndryshme taktike.

The post Statistikat e Botërorit 2026 zbulojnë lojtarët që përdorin më mirë të dyja këmbët appeared first on Albeu.com.

Drejtuesit madrilenë po analizojnë situatën e deri në shtatë lojtarëve: Raul Asencio, Fran Garcia, Eduardo Camavinga, Aurelien Tchouameni, Franco Mastantuono, Brahim Diaz dhe Gonzalo Garcia.

Edhe pse ende nuk ka një vendim përfundimtar, sektori sportiv i klubit është tashmë i angazhuar në ndërtimin e një skenari të ndërlikuar për këtë afat kalimtar.

Kohët e fundit, Real Madridi ka zhvendosur prioritetet në strategjinë e merkatos. Pas hapave përpara në afrimin e përforcimeve, tani klubi duhet të lirojë hapësira në skuadër përpara se të ndërmarrë lëvizje të tjera.

Situatat e Asencios dhe Fran Garcias duken më të drejtpërdrejta, pasi të dy kanë vlerësim të lartë në treg dhe mund t’i sjellin klubit të ardhura të rëndësishme, pa cenuar strukturën kryesore të ekipit.

Në repartin e mesfushës, tabloja paraqitet më e ndërlikuar. Camavinga dhe Tchouameni mbeten lojtarë të nivelit të lartë, me kontrata afatgjata dhe me peshë të madhe në tregun ndërkombëtar. Pavarësisht kësaj, te Real Madridi ekziston bindja se një largim nga kjo zonë e fushës do të sillte burime shtesë financiare për operacionet e ardhshme gjatë merkatos.

Në listën e futbollistëve që mund të largohen bën pjesë edhe Brahim, megjithëse rasti i tij shihet ndryshe. Ai ka treguar se mund të përshtatet në disa role në sulm, por shtimi i konkurrencës në repartin ofensiv mund t’ia reduktojë hapësirat dhe minutazhin.

Nga ana tjetër, e ardhmja e Gonzalo Garcias do të kushtëzohet nga mënyra se si klubi do ta ndërtojë sulmin. Për të mund të merret një vendim pas përgatitjeve verore, në varësi të asaj nëse do të ketë hapësirë për një sulmues rotacioni.

Për Mastantuonon, alternativa që shihet si më e mundshme është huazimi dhe jo transferimi përfundimtar. Talenti argjentinas ka nevojë për vazhdimësi në lojë dhe Real Madridi nuk synon t’ia ngadalësojë zhvillimin.

Prandaj, si zgjedhja më e arsyeshme konsiderohet kalimi i tij në formë huazimi te një klub ku do të ketë mundësi të luajë rregullisht dhe të marrë më shumë përgjegjësi.

The post Real Madridi shqyrton largimin e shtatë futbollistëve në verën e transferimeve appeared first on Albeu.com.

Marokenët shënuan në pjesën e parë me Saibarin por nuk kishte festë pasi goli u anulua për pozicion jashtë loje. Brahim Diaz u shndërrua në hero, pasi me golin e tij në minutën e 63-të i dhuroi një biletë Marokut.

Me këtë kualifikim, Maroku, u afruar një hap më shumë drejt fitimit të titullit të parë në AFCON pas 50 vitesh.

Maroku do të përballet tani me Kamerunin ose Afrikën e Jugut në çerekfinale të premten, ndërsa përfaqësuesja e Tanzanisë largohet nga turneu me kokën lart, pasi arriti për herë të parë në historinë e saj të kalojë fazën e grupeve të Kupës së Afrikës. Vlen të theksohet fakti se Brahim Diaz, bëhet lojtari i parë në historinë e Marokut që shënon 4 gola në një garë të vetme në AFCON.

The post VIDEO/ Maroku kalon në çerekfinalen e Kupës së Kombeve appeared first on Albeu.com.

Edhe klubi spanjoll është gati t’i plotësojë dëshirën 25-vjeçarit. Kontrata aktuale përfundon në verën e vitit 2027, ndërkohë e reja do të jetë e vlefshme deri në vitin 2030. Gjithçka është e kryer, teksa mbetet vetëm zyrtarizimi i rinovimit.

Kujtojmë se Brahim Diaz u transferua nga Manchester City te Real Madrid në janar të vitit 2019.

Asokohe, klubi madrilen shpenzoi 17 milionë euro. Vlen të përmendet edhe huazimi që Diaz pati nga Reali te Milan, nga shtatori i vitit 2020, deri në qershor të vitit 2023.

The post Gati kontrata e re, Real Madrid pranë rinovimit me yllin e ekipit appeared first on Albeu.com.

Mesfushori francez Aurelien Tchouameni ka shënuar golin e vetëm për t’i dhënë tre pikët kryeqytetasve që vazhdojnë dominimin në elitën e futbollit spanjoll La Liga.

Megjithatë një përplasje mes dy lojtarëve të Realit është bërë virale në rrjetet sociale, pasi ajo ndodhi në fushë.

Ishte fillimi i ndeshjes dhe Brahim Diaz e humbi një top në sulm, por nuk bëri përpjekje që ta rifitojë atë dhe Mallorca u nis në një kundërsulm të rrezikshëm.

Federico Valverde vrapoi shumë dhe në fund largoi rrezikun duke dërguar topin në këndore, por ai u acarua me bashkëlojtarin e tij Brahim Diaz.

Mesfushori uruguaian është kapur nga kameraat duke i bërtitur Diazit dhe madje nuk i kurseu as ofendimet. “Preke topin, preke topin bir i k***”, i tha Valverde mesfushorit maroken.

Gjithsesi këto zënka janë normale në një ndeshje futbolli ku nuk mungojnë as tensionet, pasi Brahim dhe Valverde janë miq shumë të ngushtë. /Telegrafi/

🚨 Momen ketika Fede Valverde harus "menyapu" kesalahan Brahim Díaz dan mengomel setelahnya di pertandingan Mallorca tadi malam. pic.twitter.com/IAQpOVBPzy

— Seputar Real Madrid (@SeputarMadrid) April 14, 2024

The post Përplasje mes dy futbollistëve në fushë te Real Madridi, Valverde ofendon rëndë Brahim Diazin appeared first on Albeu.com.

24-vjeçari po shkëlqen me fanellën e “Los Blancos”, ku në disa ndeshje është shfaqur si protagonist kryesor.

Këto paraqitje të mira, kanë bërë që Reali të mos mendojë për shitjen e tij.

Madje nga 20 milionë euro që ishte vlera e mëparshme e futbollistit, tashmë madrilenët e kanë rritur atë në 60 milionë.

Pra nëse dikush kërkon të transferojë Brahim Diaz, duhet të paguajnë plot 60 milionë euro, bashkangjitur këtu me dëshirën e lojtarit për t’u larguar.

Kujtojmë që këtë sezon, Diaz ka qenë mjaft produktiv.

Në 34 ndeshje të zhvilluara, marokeni ia ka dalë të gjejë rrugën e rrjetës në 9 raste, teksa ka dhuruar edhe 5 asistime.

The post Pikë kyçe për Real Madridin, trefishohet vlera e Brahim Diaz appeared first on Albeu.com.

24-vjeçari, i cili u ribashkua verën e kaluar pas një huazimi tre-vjeçar në Milan, ka qenë shumë më i mirë nga sa prisnin shumë njerëz dhe ai është rritur kur u thirr nga trajneri Carlo Ancelotti.

Brahim është përdorur si mesfushor sulmues dhe sulmues këtë sezon, duke zëvendësuar në raste të ndryshme Jude Bellingham, Vinicius Junior dhe Rodrygo Goes.

Në total, ylli maroken ka shënuar nëntë gola gjatë gjithë sezonit, ndërsa loja e tij e përgjithshme ka qenë po aq mbresëlënëse.

Si i tillë, Real Madridi nuk dëshiron ta shesë atë, megjithëse janë të gatshëm të negociojnë nëse situata ndryshon.

Sipas gazetës Sport, është vendosur një çmim prej 60 milionë eurosh, megjithëse ka gjasa që kjo të kërkohet vetëm nëse vetë Brahim dëshiron të largohet.

Është e vërtetë që Brahim nuk është një titullar i garantuar në Real Madrid dhe rëndësia e tij mund të bjerë sezonin e ardhshëm kur të mbërrijnë Kylian Mbappe dhe Endrick Felipe.

Ai nuk do të dëshirojë të jetë lojtar i stolit vazhdimisht, kështu që ka një shans të vogël që ai të largohet, megjithëse duket e pamundur në këtë fazë. /Telegrafi/

The post Ka impresionuar me Real Madridin këtë sezon, por Los Blancos mund ta shesin për çmimin e duhur appeared first on Albeu.com.