Këngëtarja pranoi se ka përdorur botoks disa herë për të rrafshuar linjat e ballit, por më pas ka vendosur ta provojë edhe në pjesë të tjera të fytyrës, përfshirë trajtimin “lip flip”, që është menduar për të rritur buzët. Ajo theksoi se dikush e kishte bindur që kjo mund të ishte një zgjidhje për buzët e saj të holla, por fatkeqësisht rezultoi të ishte një vendim i gabuar.

Meghan shpjegoi se pas këtij trajtimi, ajo ka humbur aftësinë për të buzëqeshur normalisht, gjë që i shkakton dhimbje. “Shiko, kjo është më e shumta që mund të buzëqesh. Kudo që të shkoj, thjesht nuk mund të bëj një buzëqeshje të vërtetë,” tha ajo.

Kujtojmë se Meghan dhe bashkëshorti i saj Daryl Sabara u martuan në vitin 2018 dhe u bënë prindër të një djali, Barry, në vitin 2023. Ata gjithashtu kanë një djalë tjetër, Riley, që ka tre vjet, i cili erdhi në jetë në vitin 2021.

The post Meghan Trainor rrëfen pasojat e mbidozës me botoks: S’mund të buzëqesh më normalisht appeared first on Albeu.com.

Gjykata e Tiranës vendosi masën detyrim paraqitje për Milidon Kumurakun, administrator i kompanisë që fuste produket në Shqipëri i akuzuar nga Prokuroria e Tiranës për përdorim të mallrave që kishte dijeni të ishin kontrabandë. E njëjta masë sigurie u vendos edhe për dy administratorët e dy klinikave private, Xhuljana Mahmutaj dhe Deisa Shehaj.

Gjykata pranoi  kërkesën e Prokurorisë që hetimi ndaj tyre të vijojnë të zhvillohen në gjendje të lirë. Operacioni u zhvillua 3 ditë më parë, ku u ushtrua kontroll në 30 klinika private në  Tiranë me dyshimin se kryheshin ndërhyrje estetike me mallra të ndaluara. Në kërkim janë shpallur 3 persona mes tyre edhe doktori i VIP-ave Skerdi Faria, për të cilin policia nuk ka arritur dot të ekzekutojë masat e sigurisë.

The post Botoks kontrabandë, lirohen 3 administratorët, Gjykata e Tiranës vendos masën detyrim paraqitje! 3 në kërkim, mes tyre edhe doktori i VIP-ave Skerdi Faria appeared first on Albeu.com.

Stilistja 69-vjeçare tërhoqi vëmendjen me pamjen e saj. Për shumë vite, ajo ka bërë shumë ndërhyrje estetike që i kanë ndryshuar fytyrën deri në atë pikë sa që është bërë pothuajse e panjohshme.

“Nuk besoj se një grua duhet të jetë plotësisht natyrale”, ka thënë Donatella, e cila filloi me operacionet plastike në vitet ’90, dhe pas vdekjes së vëllait të saj të famshëm dizenjner Gianni në vitin 1997, pamja e saj filloi të ndryshojë, duke pranuar se përdor rregullisht botoks.

Pamja e saj me kalimin e viteve është ndryshuar drasikisht dhe për shkak të korrigjimeve të tepërta shpesh përfundon në krye të listës së yjeve që e kanë tepruar me ndërhyrje estetike.

Donatella ka qenë e martuar me modelin Paul Beck nga viti 1983 deri në 2000, dhe në vitin 2004 u martua me Manuel Dallori për t’u divorcuar një vit më vonë.

Ajo ka dy fëmijë, vajzën Allegru (38 vjeçe) dhe djalin Daniel (34 vjeç).

The post Donatella Versace fotografohet në publik, fansat ngelin të befasuar me pamjen e saj appeared first on Albeu.com.

Luada Çaushaj, estetiste është shprehur se përveç grave, botoks bëjnë dhe burrat. E ftuar në emisionin “Good Morning Albanians”, ajo tha se çiftet kanë përfituar nga ofertat estetike ndërsa shtoi se ka pasur goxha interes.

“E kemi menduar që duke qenë se tani nisin dhe dasmat, çiftet përfitojnë nga ofertat tona. Ka pasur goxha interes. Ofertat kanë qenë tunduese”, tha estetistja.

Disa faktorë që mund të kontribuojnë në rritjen e popullaritetit e botoksit te burrat përfshijnë:

Konkurrenca në vendin e punës: Shumë burra raportojnë se janë të motivuar për të bërë botoks për të ruajtur konkurrencën ndaj kolegëve më të rinj. Shumë njerëz mendojnë se mbajtja e një pamjeje rinore i ndihmon ata të luftojnë kundër moshës në vendin e punës.

Postimet në rrjete sociale: Postimet në Facebook, Instagram, LinkedIn dhe aplikacionet e takimeve, i bën burrat që duan të tregojnë fytyrën e tyre më mirë.

Inkurajimi nga të tjerët: Disa burra mund të jenë të motivuar për të bërë procedura kozmetike nga partneret/ët./albeu.com/

The post Botoksi nuk është më “punë grash”, estetistja: Edhe burrat e kërkojnë appeared first on Albeu.com.