Nga 1248 lojtarët e grumbulluar për turneun, shumica patën mundësinë të luanin të paktën disa minuta. Megjithatë, një grup i vogël mbeti vetëm spektator. Këta janë disa nga emrat më të njohur që nuk zbritën fare në fushë:

Mesfushori i njohur francez mund të jetë 35 vjeç, por ende konsiderohet një lojtar i aftë për të dhënë kontribut. Për këtë arsye, fakti që Didie Deshamp nuk i dha asnjë minutë në Botëror u pa si një vendim i diskutueshëm. Kante, i cili kishte qenë një nga shtyllat e mesfushës së Francës në triumfi n e Botërorit 2018, nuk u aktivizua as në ndeshjen për vendin e tretë ndaj Anglisë.

Kobi Mainu (Angli)

Anglia kishte shumë alternativa në mesfushë, por Kobi Mainu mund të ndihet i zhgënjyer që nuk luajti asnjë minutë. Mesfushori i Mançester Junajtidit kishte qenë titullar për Anglinë në fi nalen e Europianit 2024, por dy vite më vonë u bë i vetmi lojtar i fushës i kombëtares angleze që nuk mori minuta në Botëror. Një problem shëndetësor e pengoi gjithashtu të luante në ndeshjen për vendin e tretë.

Viktor Munjoz (Spanjë)

Sulmuesi i ri, pjesë e skuadrës së Spanjës që fi toi Botërorin, nuk pati mundësi të ndihmonte në fushë. Një dëmtim në fi llim të turneut e la jashtë planeve për ndeshjet e para dhe në fund ai e përfundoi kompeticionin pa asnjë paraqitje.

David Raja (Spanjë)

Portieri i Arsenalit, fitues i “Dorezës së Artë” në Premier League, ishte pjesë e skuadrës kampione të botës, por nuk luajti asnjë minutë. Spanja kishte një repart portierësh shumë të fortë dhe trajneri Luis de la Fuente preferoi Unai Simonin, i cili pësoi vetëm një gol gjatë gjithë Botërorit.

Xhejms Traford (Angli)

Portieri i Mançester Sitit, 23 vjeç, priste të merrte një mundësi për të shtuar numrin e paraqitjeve me Anglinë. Megjithatë, trajneri Tomas Tuhel zgjodhi Dekan Hendersonin për ndeshjen për vendin e tretë, ndërsa Trafford mbeti në stol.

Bremer (Brazil)

Mbrojtësi qendror i Juventusit e kishte të vështirë të fi tonte një vend titullari, pasi Gabriel dhe Markinjos ishin zgjedhja e parë e Brazilit. Megjithatë, edhe ai u bë pjesë e listës së lojtarëve që nuk morën asnjë minutë në Botëror.

Ronald Arauho (Uruguai)

Në rastin e mbrojtësit të Barcelonës, mungesa e minutave lidhet kryesisht me dëmtimin. Arauho u dëmtua para fillimit të turneut dhe humbi dy ndeshjet e para të Uruguait ndaj Arabisë Saudite dhe Kepit të Gjelbër. Megjithatë, eliminimi i hershëm i skuadrës bëri që ai të mos luante fare.

Alehandro Grimaldo (Spanjë)

Grimaldo pati një verë të suksesshme, fi toi Botërorin me Spanjën dhe u transferua nga Bajer Leverkusen tek Atletiko Madridi. Por në turne ai ishte vetëm spektator, pasi pa Mark Kukurejën të shkëlqente në krahun e majtë të mbrojtjes.

Gonsalo Injasio (Portugali)

Portugalia kishte një mbrojtje të konsoliduar me Ruben Diasin dhe Renato Veigën, por mbrojtësi i Sportingut priste të merrte të paktën një mundësi. Në fund, ai e mbylli Botërorin pa asnjë minutë në fushë.

Mats Vajfer (Holandë)

Me dëmtimin e Zhurien Timberit, mesfushori i Holandës priste se mund të kishte një rol më të madh në turne. Por në fund, ai nuk luajti fare, pasi Denzel Dumfris i zhvilloi të gjitha minutat në krahun e djathtë të mbrojtjes.

Edhe pse ishin pjesë e skuadrave të mëdha dhe disa prej tyre kishin role të rëndësishme në klubet e tyre, këta lojtarë e përfunduan Botërorin 2026 pa prekur fare barin. Për disa ishte zgjedhje teknike, për të tjerë dëmtime apo konkurrencë e fortë brenda skuadrës.

The post Botërori 2026, ja lojtarët që nuk luajtën asnjë minutë appeared first on Albeu.com.

Disa orë para ndeshjes me Spanjën, Mesi ka shkruar një letër motivuese. Argjentinasi duket mjaft i karikuar duke larguar edhe presionin nga skuadra.

“Pjesa më e bukur e gjithë këtyre viteve nuk kanë qenë vetëm trofetë, por i gjithë rrugëtimi. Të ndaja çdo ditë me këtë grup, të konkurronim së bashku, të ngriheshim në momentet e vështira dhe të shijonim çdo hap të këtij rrugëtimi.

Faleminderit secilit prej shokëve të mi të skuadrës, stafit teknik dhe të gjithë njerëzve që punojnë çdo ditë që kjo lombëtare të vazhdojë të jetë një familje.

Çfarëdo që të ndodhë nesër(sot), ky grup tashmë ka shkruar një histori që nuk do ta harrojmë kurrë dhe që askush nuk do të mund ta fshijë. Forca Argjentina”, shkruan Mesi. /Panorama Sport

The post Ndeshja e fundit, Lionel Mesi prek me fjalët për Argjentinën para finales: Askush nuk mund ta fshijë! appeared first on Albeu.com.

Vetëm legjenda gjermane Gerd Myler, ka realizuar 10 gola në një Botëror të vetëm, në vitin 1970.

Ndërkohë, Xhud Bellingham, ka hyrë në historinë e futbollit anglez me shtatë gola, duke vendosur rekordin absolut për më shumë gola nga një futbollist i Anglisë në një edicion të Kupës së Botës ose Kampionatit Evropian.

The post Mbape dhe Bellingham shkruajnë historinë në Botërorin 2026 appeared first on Albeu.com.

Nuk ishte parë kurrë një Kupë Bote me kaq shumë lojtarë-simbol që janë në garë deri në fund: Messi, Kane, Mbappe në pritje të Yamalit të vërtetë, ndoshta për ta shijuar pikërisht në finale.

Por jo vetëm kaq, nuk është parë kurrë më parë një finale mes skuadrës kampione të Evropës dhe asaj kampione të Amerikës së Jugut e njëkohësisht kampiones së botës në fuqi.

Një ndeshje që duhej të luhej në mars si ‘Finalissima’ dmth kampionët e Evropës kundër kampionëve të Amerikës së Jugit, që sido që të përfundoje është tashmë në histori.

Tani nuk është e lehtë të gjesh një favorite për këtë finale. Argjentina ka në anën e saj një lloj eksperience më shumë, ndërsa në anën tjetër është freskia e spanjollëve që kanë një moshë mesatare më të re në krahasim me kundërshtarët.

Spanja dhe Argjentina janë dy skuadra krejtësisht të ndryshme; Albiceleste mbështetet te njeriu-far, Lionel Messi dhe aftësia për të luftuar deri në fund e gjithë futbollistëve të tjerë, La Roja është një kooperativë e vërtetë ku çdo futbollist, titullar apo rezervë e di me saktësi se çfarë duhet të bëjë dhe kur duhet ta bëjë.

Messi do të luajë finalen e tretë si titulluar dhe ky përbën një rekord sepse i vetmi që ka luajtur 3 finale ka qenë Cafu,por braziliani nuk ka qenë titullar.

Për Luis De La Fuente është finalja e parë në një botëror(por ai ka fituar një Evropian), ndërsa për Scalonin është finalja e dytë radhazi dhe në rast fitoreje ai do të barazojë Vittorio Pozzo, i vetmi trajner kombëtareje që ka fituar dy botërorë radhazi me Italinë në vitet e largëta 1934 dhe 1938.

Spanja arriti në këtë pikë duke shfrytëzuar forcën e grupit. Shënuesi më i mirë i saj është Oyarzabal, por nuk është ai lojtari kyç i skuadrës. Deri tani, lojtari kryesor dhe shumë pak i reklamuar, ka qenë Rodri, organizatori i jashtëzakonshëm që ka bërë të gjithë të tjerët të luajnë mirë.

Por tani i takon vërtet Yamal. Duhet vërtet një ndeshje e jashtë zakonshme nga 19 vjeçari për t’u përballur me vendosmërinë e jashtëzakonshme të argjentinasve. E gjithë bota e pret, edhe pse Topi i Artë për këtë sezon duket se e ka një kandidat shumë të fortë që mund të ishte babai i Yamal, Lionel Messi.

The post Botërori 2026/ Drejt Spanjë-Argjentinë, finalja që nuk është parë ndonjëherë dhe që ka hyrë tashmë në histori appeared first on Albeu.com.

Ekipi iberik kaloi i pari në avantazh në minutën e 30-të, kur Fabian Ruiz, mesfushori spanjoll i PSG-së, dërgoi topin në rrjetë.

Reagimi i Belgjikës erdhi shpejt dhe pas vetëm 11 minutash Charles De Ketelaere riktheu ekuilibrin, duke barazuar shifrat në 1-1.

Kur gjithçka po shkonte drejt shtesës, Luis de la Fuente përsëriti zgjedhjen që bëri edhe kundër Portugalisë, duke hedhur në fushë Mikel Merinon. Ishte pikërisht ai që realizoi golin vendimtar ndaj Belgjikës, njësoj siç kishte bërë edhe përballë portugezëve.

Me këtë rezultat, Belgjika i jep fund rrugëtimit në Kupën e Botës, ndërsa Spanja avancon më tej dhe në gjysmëfinale do të përballet me Francën e Mbappe dhe Olise, në një sfidë titanësh.

The post VIDEO/ Merino vendos sërish për Spanjën, Belgjika bie 2-1 dhe “Furia e Kuqe” siguron duelin me Francën në gjysmëfinale appeared first on Albeu.com.

Për herë të parë që nga starti i tij, Botërori 2026 do të ketë një ditë pushim mes ndeshjeve, pasi nuk ka asnjë të tillë të programuar më datë 8 korrik, meqë sfidat kthen më datë 9 korrik me përballjen Francë-Marok që hap çerekfinalet.

Më pas luhet çdo ditë me radhë nga një ndeshje, duke vazhduar me Spanjë-Belgjikë, Norvegji-Angli dhe në fund Argjentinë-Zvicër.

Bie në sy se sipas programit, vetëm njëra nga ndeshjet ka orar të papërshtatshëm për Europën dhe bëhet fjalë për sfidën e fundit, ku luan Argjentina.

AXHENDA

09/07 Francë – Marok ora 22:00

10/07 Spanjë – Belgjikë ora 21:00

11/07 Norvegji – Angli ora 23:00

12/07 Argjentinë – Zvicër ora 03:00

The post Plotësohen 8 ekipet çerekfinaliste, njihuni me axhendën e plotë të katër ndeshjeve pas pushimit të parë të Botërorit appeared first on Albeu.com.

Kështu që kjo ndeshje do të jetë për vendin e parë në grup, por nuk është vetëm kjo.

Sfida mes Norvegjisë dhe Francës ka brenda saj duelin mes dy yjeve të tyre, Kylian Mbappe dhe Erling Haaland, dy goleadorë që janë edhe në garë për Këpucën e Artë dhe pse jo edhe të Topit të Artë të kompeticionit.

Si Mbappe ashtu edhe Haaland, kanë shënuar 4 gola secili në dy ndeshjet e para kështu që kjo ndeshje do të jetë në funksion të këtyre dy prej yjeve të futbollit botëror

Erling Haaland dhe Kylian Mbappe, janë vënë më parë përballë njëri-tjetrit në rang klubesh, por kjo do të jetë hera e parë që ata do të kenë këtë duel mes tyre në nivel kombëtaresh.

Të dy lojtarët kanë bërë rrugëtime të ndryshme për të ardhur aty ku janë. Erling Haaland, 25 vjeç është në Botërorin e tij të parë dhe po e përjeton si ai fëmija kur shkon për herë të parë në një kënd lojërash.

Ndërsa Mbappe, 27 vjeç, ndihet si në shtëpi teksa për francezin është pjesëmarrja e tij e tretë në një Kupë Bote. Francezi për më tepër ka 16 gola të shënuar në 16 ndeshje botërori dhe përpara tij në këtë moment është vetëm Lionel Messi.

Kylian Mbappe triumfoi në edicionin e 2018 dhe ishte finalist në 2022. Por edhe Haaland e ka një avantazh kundrejt Mbappe, ka fituar Ligën e Kampioneve me Manchester City në 2023

Edhe pse janë 2 prej sulmuesve më të mirë në botë dhe njihen për aftësitë e tyre për të gjetur golin nga hiçi, Haaland dhe Mbappe mbeten dy entitete të ndryshme.

Shpejtësia e francezit, aftësia e tij destabilizuar çdo skuadër, paparashikueshmëria dhe aftësia e tij si në finalizimin ashtu edhe në krijimin e rasteve të shënimit e kanë bërë atë një futbollist të jashtëzakonshëm që kur ishte adoleshent. Ndërsa Haaland është mbreti i zonës.

Është i fuqishëm, i drejtpërdrejtë, efikas dhe me një uri për gola; janë këto asetet e norvegjezit ashtu sikurse edhe tempi i tij. Aftësitë e dy sulmuesve mund të jenë të ndryshme, por statistikat tregojnë të njëjtën histori; Haaland është një nga 2 sulmuesve më prolifikë në botë

Të dy lojtarët janë shënuesit më të mirë të kombëtareve të tyre respektive; Mbappe është në kuotën e 60 golave me Francën, 1 më shumë se Haaland që ka 59 gola me Norvegjinë, por ‘Vikingu’ e ka arritur këtë shifër në më pak ndeshkje të luajtur, në vetëm 52 sfida, ndërsa

Mbappe ka 100 ndeshje me Francën. Mbappe në 8 sezone është shpallur si shënuesi më i mirë i kamponatit në rang klubesh; në 6 sezone me PSG në Ligue 1 dhe në 2 sezone me Realin e Madridit në La Liga. Ndërsa Haaland ka qenë shënuesi më i mirë i Premier League në 3 nga 4 sezonet e fundit.

Po kështu, të dy lojtarët janë shpallur shënuesit më të mirë të Ligës së Kampioneve në 2 raste; Mbappe në sezonin e fundit me Realin e Madridit dhe në 2023/24(bashkë me Harry Kane( kur ishte ende pjesë e PSG. Ndërsa Haaland, në sezonin 2020/21 kur ishte te Borussia Dortmund dhe në sezonin 2022/23 me Manchester City kur triumfoi në kompeticionin më të rëndësishëm evropian për klube

Në rang klubesh, Mbappe dhe Haaland janë vënë përballë njëri-tjetrit në 4 raste me francezin që ka fituar në 3 raste, ndërsa Haaland në 1. Që të dy lojtarët janë të pangopur në shënimin e golave, Mbappe në sezonin e fundit ka shënuar 42 gola në të gjitha kompeticionet me Realin e Madridit, me Haaland që është aty pranë me 38 gola me Manchester City. Norvegjezi ka 16 gola të shënuar në 8 ndeshjet e fundit me kombëtaren skandinave, ndërsa Mbappe 10 gola në 10 ndeshjet e fundit më Blutë.

Kështu që mbrëmja e sotme pritet të jetë një spektakël i vërtetë futbollistik me këtë përplasje titanësh mes dy prej goleadorëve më të mirë të botës.

The post Erling Haaland kundër Kylian Mbappe, përplasja e titanëve në Botërorin 2026 appeared first on Albeu.com.

Në një ndeshje të dominuar nga norvegjezët që në start, ishte Pedersen ai që u dha avantazhin në fundin e pjesës së parë.

Më pas, e kishte radhën Haland të shënonte dy herë, duke bërë të pavlefshme tentativat e ekipit afrikan për të marrë diçka nga kjo sfidë me dy golat e Sarr që shërbyen vetëm për statistikë.

Kështu, Norvegjia fitoi për herë të parë dy ndeshje në një edicion të Kupës së Botës dhe Haland mbeti në garë për “Këpucën e Artë” të turneut duke mos iu ndarë dyshes Mesi-Mbape. Kurse Senegali, mban ende gjallë shpresa për kualifikim mes të tretave më të mira nëse mund Irakun.

The post Norvegjia “tremb” Francën, Haaland një “përbindësh”, shkëlqen me dygolësh appeared first on Albeu.com.

Në intervistën flash në fund të ndeshjes, de la Fuente, ka shpjeguar gjithçka lidhur me taktikat dhe armët fituese të “La Roja-s”.

FUENTEQASJA NDAJ NDESHJES “Ndeshjet janë të ndryshme, por ne duam që përfundimi të jetë gjithmonë i ngjashëm, pra të fitojmë. Ka raste kur varet edhe nga kundërshtarët dhe me këtë rast kemi pasur një pjesë të parë spektakolare dhe një pjesë të dytë të mirë, por mbi të gjitha na lejon të vazhdojmë punën, të rritemi dhe tani të përballemi me ndeshjet e rëndësishme që kemi tani e tutje. Duhet të kemi kujdes, ndeshja e ardhshme kundër Uruguajit do të jetë gjithashtu shumë e vështirë.

FITORJA E THELLË 4-0 Është ajo për të cilën kishim këmbëngulur më shumë, ajo që kishim theksuar më shumë kur analizonim ndeshjen, e kishim parë me lojtarët dhe të gjithë ramë dakord se na duhej më shumë intensitet, më shumë vertikalitet, më shumë thellësi. Ne i pamë të gjitha këto me shumë krosime dhe shumë raste shënimi dhe një ndjenjë se donim të mposhtnim kundërshtarin që në minutën e parë dhe t’i vendosnim ata në zonën e tyre.

FITORJA, DHURATA PËR DITËLINDJEN Jemi shumë të lumtur, para së gjithash për rikuperimin e atyre ndjesive në futboll dhe për përkushtimin e lojtarëve. Pastaj edhe sepse është një ditë e rëndësishme dhe është gjithmonë mirë ta festosh atë, veçanërisht të rrethuar nga kjo familje tjetër dhe në mënyrën se si kemi bërë tani në dhomën e zhveshjes.

INTENSITETI I DUKSHËM NË LOJË Është normale që ata të jenë pickuar ose të zemëruar. Askujt nuk i pëlqen të dyshohet për profesionalizmin, aftësinë ose punën e tyre. Ky reagim është logjik, por nuk është asgjë ndryshe nga gjërat që kemi bërë në të kaluarën. Është saktësisht e njëjta gjë. Ne donim të godisnim tavolinën me këtë grusht. Të shfajësojmë veten dhe thjesht t’i japim vazhdimësi një pune dhe një projekti që vazhdon prej kohësh, por mbi të gjitha të rikuperojmë ndjesitë për ndeshjen e ardhshme që do të jetë shumë ndryshe dhe e vështirë.

DIÇKA PËR TË THEKSUAR NË LIDHJE ME NDESHJEN Intensiteti, ritmi, qarkullimi i topit… Ai vraponte topin shumë, gjithmonë me sens dhe thellësi. Në fazën sulmuese ka pasur shumë aspekte interesante që janë shenja jonë dalluese, skuadra e ka përvetësuar atë dhe kjo na bën të lumtur.

ZËVENDËSIMI I LAMINE JAMAL Natyrisht që ne duhej të shihnim se si u zhvillua ndeshja, por ishte një hap i rëndësishëm për të ardhmen. Ai tashmë është në gjendje të përsosur dhe është gjithashtu mirë ta lësh atë kështu, me më shumë entuziazëm.

The post De la Fuente: Ndeshja kundër Uruguait do të jetë sfidë shumë e vështirë, kemi bërë një pjesë të parë të mrekullueshme appeared first on Albeu.com.

Latino-amerikanët, ashtu siç pritej dominuan ndeshjen dhe gjetën avantazhin në pjesën e parë më anë të Munjoz. Por në mënyrë të papritur, Fejzullaev barazoi shifrat për ekipin e drejtuar nga Fabio Kanavaro në minutën e 60, duke shqetësuar jo pak kolumbianët.

Megjithatë, i zakonshmi Luis Diaz, gjeti pak minuta më vonë rrjetën për të kthyer përsëri në avantazh të tijtë, të cilët kërkuan me ngulm një tjetër gol derisa e gjetën me Kampaz në fund, për të vulosur suksesin 3-1.

The post Kolumbia e nis me fitore Botërorin, Luis Diaz bën liderin ndaj Uzbekistanit appeared first on Albeu.com.