Kosova fatkeqësisht nuk ia doli të bëjë realitet ëndrrën e madhe, pasi në ‘Fadil Vokrri’ u mposht me rezultat minimal 1-0.

Befasia më e madhe e mbrëmjes ndodhi në Zenicë, aty ku Bosnja e shokoi Italinë, duke e eliminuar atë pas triumfit në penallti.

Ndeshja pas 120 minutave kishte përfunduar me rezultat të barabartë 1-1, ndërsa që nga minuta e 41-të, ‘Azurrët’ ishin me një lojtar më pak, pasi Alessandro Bastoni ishte ndëshkuar me karton të kuq.

Me penallti u vendos fituesi edhe në duelin tjetër mes Republikës Çeke dhe Suedisë.

Ndeshja pas 120 minutave atje kishte përfunduar me rezultat 2-2 ndërsa në penallti më të mirë ishin çekët duke fituar 3-1.

Kualifikimin ndërkohë e siguroi edhe kundërshtari i Kosovës në ciklin kualifikues Suedia.

Suedezët u treguan gjakftohtë në shtëpi duke triumfuar ndaj Polonisë me rezultat të ngushtë 3-2, në atë që u përshkrua si një triler i vërtetë.

Heroi i suedezve në këtë ndeshje ishte padyshim ylli i Arsenalit, Viktor Gyokeres, i cili realizoi golin e tretë dhe atë të kualifikimit në minutën e 88-të të ndeshjes.

The post Bosnja lë jashtë Botërorit Italinë, kualifikohen Republika Çeke dhe Suedia appeared first on Albeu.com.

Trajneri Silvinjo, ka bërë publike listën me 26 lojtarët e ftuar për këtë përballje, si edhe për ndeshjen e mundshme ndaj Ukrainë/Suedisë më 31 mars.

Për herë të parë me Kombëtaren shqiptare, kanë marrë ftesë mbrojtësit Stavro Pilo dhe Bujar Pllana.

Lista e plotë me 26 lojtarë:

Portierë: Thomas Strakosha, Elhan Kastrati, Mario Dajsinani

Mbrojtës: Mario Mitaj, Stavro Pilo, Naser Aliji, Berat Gjimshiti, Bujar Pllana, Klisman Cake, Arlind Ajeti, Ardian Ismajli, Elseid Hysaj, Ivan Balliu

Mesfushorë: Kristjan Asllani, Adrion Pajaziti, Ylber Ramadani, Juljan Shehu, Qazim Laçi, Nazmi Gripshi, Arbër Hoxha, Anis Mehmeti, Jasir Asani

Sulmues: Myrto Uzuni, Ernest Muçi, Nedim Bajrami, Armando Broja

Kombëtarja shqiptare do të nisë përgatitjet të hënën në “Shtëpinë e Futbollit” për ndeshjen e parë ndaj Polonisë, ndërsa të mërkurën do të udhëtojë drejt Varshavës.

The post Botërori 2026/ Silvinjo publikon listën me surpriza, përgjysmon sulmin, lëvizje në mbrojtje appeared first on Albeu.com.

Një situatë që është përkeqësuar deri në pikën sa trajneri dhe Federata kanë vendosur ndarjen e rrugëve, edhe pse mungojnë vetëm tre muaj nga fillimi i Botërorit 2026, ku Maroku pritej të ishte një prej protagonistëve.

Në edicionin e kaluar, kjo përfaqësuese shkroi historinë, duke u bërë afrikania e parë që arrinte në gjysmëfinalet e turneut, pikërisht nën drejtimin e Regragui i cili bëri një mrekulli të mirëfilltë.

Zyrtarizimi i lamtumirës do të bëhet në ditët në vijim, por mësohet se përkohësisht ekipin do ta drejtojë Mohamed Ouahbi.

Maroku është vënë në kërkim të një trajneri të njohur, pasi kërkon të përsëritë suksesin e vitit 2022, e për më tepër, të ndërtojë një program fitues për edicionin 2030, ku do të jetë një nga vendet organizatore.

The post Tre muaj para Botërorit 2026, Maroku largon njeriun e mrekullisë të katër viteve më parë appeared first on Albeu.com.

Por, kjo do të jetë një sfidë interesante edhe për vetë trajnerin e Kombëtares, Silvinjo. Megjithëse Brazili dhe shumë skuadra të tjera e kanë siguruar kualifikimin në Botëror, asnjë trajner nga Brazili deri më tani nuk është pjesë e këtij Botërori.

E natyrisht, para një fakti të tillë, Silvinjo do të synojë që përveç kualifikim me Shqipërinë, të mbajë lart edhe emrin e trajnerëve brazilian pasi është realisht e çuditshme.

Vetë Brazili ka një trajner italian në drejtim dhe skuadrat e tjera kanë trajnerë me shtetësi të ndryshme por jo nga Brazili.

Silvinjo u shpreh pak ditë më parë i lumtur nëse do të arrinte diçka të tillë, por shtoi se pavarësisht kësaj, ai do të ishte tifoz me Shqipërinë edhe nëse do të kishte Brazilin përballë.

The post Silvinjo drejt rekordit, asnjë trajner brazilian deri tani nuk është pjesë e këtij Botërori appeared first on Albeu.com.

Tashmë që Hoxha është kthyer në titullar të rëndësishëm te Dinamo Zagreb, Jakiroviç ka folur sërish. Këtë herë duke treguar për besimin te anësori, që të çojë Shqipërinë në Botëror.

“Nuk është sekret që e kam dashur Arbërin dhe se nga ana e tij kishte interes të madh për të ardhur në Angli. Megjithatë, te Dinamo ai nuk ishte opsioni i parë gjatë verës dhe përmendeshin edhe disa klube të tjera. Pastaj na goditi ai pezullimi i merkatos, Arbëri luftoi për vendin e tij dhe gjithçka po shkon shumë mirë për të gjithë.

Përndryshe, ai është një karakter i madh dhe një djalë i ri fisnik. Pikërisht për këtë arsye, përveç cilësive të tij futbollistike që po dalin gjithnjë e më shumë në pah, kam këmbëngulur aq shumë në transferimin e tij. Ai mund të luajë në liga të mëdha dhe është shtyllë e përfaqësueses së tij. Sinqerisht, nuk do të më habiste aspak nëse ai e çon Shqipërinë në Botërorin e Amerikës, pasi në play-off kanë një short të favorshëm për një arritje të tillë”, u shpreh trajneri boshnjak që synon të ngjitet në Premier Ligë me Hull Sitin.

The post Ëndrra e Shqipërisë, trajneri i pretendentëve në Angli: Ky sulmues mund t’i dërgojë në Botëror, nuk do të më habisë appeared first on Albeu.com.

Përtej këtyre risive, një nga temat që ka ndezur më shumë debat mes tifozëve janë çmimet e biletave, të cilat konsiderohen ndjeshëm më të larta krahasuar me Botërorin e fundit në Katar.

PLAY OFF- Shqipëria ende nuk e ka siguruar pjesëmarrjen në finalet e Botërorit, pasi më 26 mars do të luajë ndeshjen e parë të “Play-Off”-it ndaj Polonisë. Megjithatë, në shortin e fazës së grupeve të hedhur më 5 dhjetor, Kuqezinjtë janë parashikuar si “Play-Off B” në një grup me Holandën, Japoninë dhe Tunizinë. Në rast se Shqipëria do të arrijë të kualifikohet, tifozët që dëshirojnë të ndjekin nga afër të tre ndeshjet e fazës së grupeve do të duhet të përballen me kosto të konsiderueshme vetëm për biletat e stadiumit.

BILETAT- Sipas çmimeve zyrtare të FIFA-s, për secilën ndeshje janë në dispozicion dy kategori biletash. Ndeshja e parë e Shqipërisë, ajo ndaj Tunizisë, që do të zhvillohet në Monterrey të Meksikës, ka një çmim prej 450 dollarësh për biletën e Kategorisë së Parë, ndërsa Kategoria e Dytë kushton 380 dollarë. Takimi i dytë, përballja me Holandën në Houston të SHBA-së, rezulton edhe më i shtrenjtë. Biletat e Kategorisë së Parë arrijnë në 600 dollarë, ndërsa ato të Kategorisë së Dytë kushtojnë 430 dollarë. Ndeshja e tretë dhe e fundit e fazës së grupeve, ajo kundër

Japonisë që luhet në Dallas, ka një çmim prej 500 dollarësh për Kategorinë e Parë dhe 400 dollarë për Kategorinë e Dytë. Në total, një tifoz shqiptar që dëshiron të ndjekë të tre ndeshjet e Shqipërisë në fazën e grupeve do të duhet të paguajë 1.550 dollarë për biletat e Kategorisë së Parë, ose 1.210 dollarë në variantin më të lirë, pa përfshirë këtu shpenzimet për udhëtim, akomodim apo shërbime të tjera.

Natyrisht, përpara se të mendohet për koston e një aventure të tillë, Shqipëria duhet fillimisht të fitojë të drejtën për të qenë pjesë e këtij Botërori historik. Në të kundërt, të gjitha këto mbeten vetëm një skenar i mundshëm për tifozët kuqezi.

POLEMIKAT- Ndërkohë, pas reagimeve të forta dhe kritikave nga tifozë në mbarë botën, FIFA ka bërë një tërheqje të pjesshme nga politikat fillestare të çmimeve. Organizatori ka njoftuar krijimin e një kategorie të re biletash me çmim 60 dollarë, të quajtur “Kategoria e veçantë për tifozët besnikë”, të cilat do të jenë të disponueshme për çdo ndeshje të Botërorit, përfshirë edhe finalen. Këto bileta do t’u kalojnë federatave kombëtare të ekipeve pjesëmarrëse, të cilat më pas do t’i shpërndajnë për tifozët më besnikë, kryesisht ata që kanë ndjekur ekipin e tyre në ndeshje brenda dhe jashtë vendit. Megjithatë, numri i këtyre biletave do të jetë i kufizuar, vetëm disa qindra për ndeshje, çka do të thotë se shumica e tifozëve do të vazhdojnë të përballen me çmime të larta, pavarësisht këtij lehtësimi simbolik.

BOTËRORI I KATARIT– Botërori i FIFA-s 2022, i zhvilluar në Katar, u shoqërua me çmime biletash që ndryshonin ndjeshëm në varësi të fazës së kompeticionit dhe kategorisë së ulëseve në stadium. FIFA aplikoi një sistem me disa kategori, ku vendet më të lira ishin më larg fushës, ndërsa ato më të shtrenjta ofronin pamje më të mirë dhe akses më të privilegjuar. Në fazën e grupeve, çmimet për tifozët ndërkombëtarë nisnin nga rreth 250 rialë katarian (afërsisht 69 dollarë amerikanë) për kategorinë më të lirë, ndërsa biletat e kategorisë më të shtrenjtë arrinin deri në rreth 800 rialë (220 dollarë). Me avancimin e turneut, çmimet u rritën gradualisht.

Për ndeshjet e raundit të 16-s, biletat varionin nga rreth 96 deri në 275 dollarë. Në çerekfinale, çmimet shkonin nga rreth 205 dollarë për kategorinë më të lirë deri në rreth 425 dollarë për kategorinë më të shtrenjtë. Gjysmëfinalet ishin edhe më të kushtueshme, me bileta që nisnin nga rreth 357 dollarë dhe arrinin deri në afro 955 dollarë. Finalja e madhe e Botërorit 2022 ishte ndeshja me biletat më të shtrenjta.

Çmimet për tifozët ndërkombëtarë fillonin nga rreth 605 dollarë për kategorinë më të lirë dhe shkonin mbi 1,600 dollarë për vendet e kategorisë së parë. Ndërkohë, për banorët e Katarit dhe personat me rezidencë lokale, FIFA ofroi edhe një kategori të veçantë me çmime dukshëm më të ulëta, e cila nuk ishte e disponueshme për tifozët e huaj. Në përgjithësi, Botërori i Katarit u konsiderua një nga turnet me çmimet më të larta për fazat finale, veçanërisht për finalen, krahasuar me edicionet e mëparshme të Kupës së Botës. Nëse një tifoz do të donte të ndiqte të gjitha ndeshjet e një përfaqësueseje deri në finale (7 ndeshje), kostoja vetëm për bileta do të ishte e konsiderueshme.

Duke llogaritur çmimet mesatare për fazën e grupeve dhe rritjen graduale në fazat me eliminim, shpenzimi total për bileta do të varionte afërsisht nga 2,000 deri në mbi 5,000 dollarë, në varësi të kategorisë së vendeve të zgjedhura. Nëse përfshihej edhe finalja me bileta të kategorisë së lartë, shuma mund të rritej edhe më shumë. Këtyre kostove u shtoheshin edhe shpenzimet për udhëtim, akomodim dhe ushqim, duke e bërë ndjekjen e plotë të Botërorit një investim të madh financiar për tifozët.

The post Botërori për rekord, FIFA ul çmimin e biletave/ “Tifozët besnikë” do të përfitojnë ulje të madhe appeared first on Albeu.com.

Por paralelisht me prestigjin e një evenimenti të tillë, për Shqipërinë do të ketë edhe një premio të majme në lojë.

Një premio që vjen direkt nga FIFA, e cila ka zbuluar se ka rritur shifrën që do t’u paguajë të gjitha skuadrave pjesëmarrëse në Botërorin që zhvillohet në SHBA, Kanada dhe Meksikë.

Këshilli i FIFA-s, i mbledhur në Doha të Katarit me rastin e finales së Kupës Interkontinentale, ka miratuar një pagesë rekord prej 10 milionë eurosh, për çdo ekip i cili merr pjesë në Botërorin 2026.

Kjo është shifra më e lartë e akorduar ndonjëherë për ekipet përfaqësuese në një kompeticion të tillë, ku janë rritur edhe shpërblimet për çdo fazë që kalohet në turne, për të arritur deri në 50 milionë euro më shumë që do të përfitojë skuadra e cila shpallet Kampione Bote.

The post Zbulohet shpërblimi nga FIFA për Shqipërinë nëse shkon në Botëror appeared first on Albeu.com.

Kjo rastësi e fatit na rikthen kujtimet e golit legjendar të Siphiwe Tshabalala dhe barazimit 1-1 që shënoi fillimin e Kupës së Botës të parë të zhvilluar në kontinentin afrikan.

Për këtë edicion të vitit 2026, atmosfera do të jetë krejtësisht ndryshe: këtë herë, dy ekipet do të përballen në Estadio Azteca në Ciudad de México, një stadium ikonë të futbollit latin dhe një skenë për disa nga momentet më të paharrueshme të këtij sporti.

Për Afrikën e Jugut, rikthimi në ndeshjen hapëse të Kupës së Botës është një mundësi e rrallë, pothuajse historike, për të kujtuar botës se ata mund të garojnë me elitat e futbollit—pikërisht ashtu siç bënë në vitin 2010.

Ky turne do të shënojë fillimin e Kupës së Botës 2026, edicioni i parë me 48 ekipe, një turne i zgjeruar dhe i riformatuar. Dhe çfarë mënyre më të mirë për të nisur festën më të madhe të futbollit sesa me një përballje plot simbolikë dhe histori?

The post Njësoj si në vitin 2010, ja cila do të jetë ndeshja hapëse e Botërorit 2026 appeared first on Albeu.com.

Në godinën e “Kennedy Center” në Uashington, do të ketë nesër vëmendjen e gjithë botës, pasi aty do të vendoset rrugëtimi i skuadrave pjesëmarrëse, apo aspirantë në rastin e Shqipërisë, në Botërorin 2026.

Shqipëria do të luajë shansin e saj të fundit në muajin mars, ku fillimisht do të përballet me Poloninë në gjysmëfinale, e më pas do të ketë në finalen e madhe fituesin e çiftit Ukrainë-Suedi.

SHORTI- Për shortin në Uashington, do të jenë 4 vazo me nga 12 ekipe në secilën vazo. Në total do të jenë 48 skuadra, të ndara në 12 grupe me nga katër skuadra secili grup. Fillimisht, do të merren të gjitha goglat nga vazoja e parë dhe do të ndahen në grupe të ndryshme, që nga Grupi A, deri në Grupin L.

Më pas, do të merren goglat nga vazoja e dytë e kështu me radhë deri në vazon e katërt ku bën pjesë edhe Shqipëria në rast se arrin të sigurojë një biletë për në Botërorin e vitit të ardhshëm që do të zhvillohet në Amerikë, Meksikë e Kanada.

FORMATI- Për herë të parë në histori, do të jenë 48 skuadra në fazën finale të një Botërori duke qenë se më parë kanë qenë 32 skuadra, duke shtuar në këtë mënyrë shanset që 16 skuadra të tjera të kualifikohen.

Kjo i ka dhënë mundësi më shumë ekipeve që të provojnë për herë të parë Botërorin dhe natyrisht nuk mungojnë risitë dhe surprizat. Aktualisht, janë kualifikuar plot 42 skuadra dhe kanë mbetur edhe 6 vende të lira, nga të cilat 4 do të jenë nga “Play Off” i Europës.

SHQIPËRIA- Kuqezinjtë për herë të parë kanë arritur të renditen në vendin e dytë në kualifikueset e Botërorit, çka i jep mundësinë që të jetë në “Play Off” për të tentuar një biletë.

Shqipëria vinte nga një grup shumë i vështirë me Anglinë e Serbinë mes të tjerash, por fitoret e marra, sidomos ajo në Leskovc, e mundësuan që Shqipëria të kualifikohej.

Si në “Play Off”, ashtu edhe në Botëror nëse Shqipëria shkon, pritet të ketë një grup të vështirë duke qenë se pozicionohet në vazon e katërt dhe teorikisht, të tria ekipet që do të kemi në grup, do të jenë më të forta. Me pak fat, Shqipëria mund të peshkojë kundërshtarë më të lehtë të paktën në letër dhe të shmangë emra të mëdhenj, me të cilët sigurisht që do të ishte luks të luash.

The post Shqipëria drejt SHBA/ Sot mëson rivalët e mundshëm të Botërorit 2026, çfarë duhet të dini para shortit appeared first on Albeu.com.

Njoftimi u bë në një ceremoni të përbashkët nga Trump dhe kryetari i FIFA-s, Gianni Infantino.

Shtetet e Bashkuara, Kanadaja dhe Meksika do të bashkë-organizojnë turneun, që për herë të parë do të ketë 48 kombëtare të përfshira.

Shorti i 5 dhjetorit do të përcaktojë grupet e fazës së grupeve, me të gjitha kombëtaret që do të ndahen në 12 grupe nga 4 skuadra secila.

The post Zyrtare/ Donald Trump do të marrë pjesë në shortin e Kupës së Botës 2026 appeared first on Albeu.com.