Formacioni evropian kaloi shumë shpejt në epërsi, teksa Sadilek gjeti rrugën e rrjetës që në minutën e 6-të të takimit.

Çekët e ruajtën këtë avantazh me shumë përkushtim deri në minutën e 83-të, kur Mokoena riktheu ekuilibrat dhe i dha Afrikës së Jugut golin e barazimit.

Pas 2 ndeshje të zhvilluara në Grupin A, të dyja përfaqësueset kanë grumbulluar vetëm 1 pikë, ndërsa mundësitë për një kualifikim të mundshëm në fazën me eliminim janë zvogëluar ndjeshëm.

The post VIDEO/ Çekia dhe Afrika e Jugut ndalen në barazim, një pikë që komplikon gjithçka në Grupin A appeared first on Albeu.com.

Menjëherë pas shortit, trajneri i Kombëtares, Armir Grima, dha një prononcim për fshf.org, ku foli për kundërshtaren e parë, për shanset e skuadrës për të ecur më tej, si dhe për rëndësinë e arritjes së përfaqësueses shqiptare në këtë fazë play-off.

Për përballjen me Uellsin, Grima u shpreh se bëhet fjalë për një kundërshtar të njohur. Sipas tij, ndeshja e zhvilluar në Elbasan ka qenë mjaft dinjitoze dhe ekipi do të luajë të gjitha mundësitë e veta, duke bërë çdo përpjekje për ta kaluar këtë rival dhe ndoshta edhe me pak fat për t’ia dalë.

Duke u ndalur te kualifikimi i Shqipërisë në fazën play-off, kreu i stolit kuqezi theksoi se çdo kundërshtar që mund të dilte nga shorti ishte shumë i fortë. Ai nënvizoi se skuadra është e vetëdijshme për vështirësinë dhe forcën e këtyre rivaleve, por shtoi se vajzat do të hyjnë në fushë për të bërë maksimumin.

Sa i përket një dueli të mundshëm në raundin e dytë ndaj fitueses së çiftit Rumani – Norvegji, në rast se Shqipëria kalon Uellsin, Grima tha se gjërat duhen marrë me radhë. Ai theksoi se vëmendja duhet të jetë fillimisht te kjo ndeshje, ndërsa për turin tjetër do të ketë kohë të flitet më vonë. Trajneri kujtoi gjithashtu se me të dyja këto kundërshtare Shqipëria ka luajtur më parë, duke veçuar Norvegjinë si një ekip mjaft të fortë, por duke nënvizuar se mendja është te Uellsi.

Në mesazhin e tij për lojtaret pas arritjes në fazën play-off, Grima u shpreh shumë i kënaqur dhe i lumtur për rezultatet që ato kanë arritur. Sipas tij, vajzat e meritojnë plotësisht, pasi kanë dhënë shumë, por shtoi se ekipi ka ende për të dhënë dhe duhet edhe një sforco për të treguar se Kombëtarja shqiptare ka rritje dhe cilësi.

The post Grima beson te Shqipëria pas shortit me Uellsin: E njohim mirë rivalin, duhet edhe një sforco për të dëshmuar rritjen e Kombëtares appeared first on Albeu.com.