Sulmuesi portugez mori pjesë në gjashtë Botërorë si askush tjetër, por nuk fitoi asnjë. Megjithatë përmendi faktin se para tij, Portugalia nuk kishte fituar asgjë.

“Do të zgjohem nesër, njësoj siç u zgjova sot. Me ndërgjegjen e pastër, pasi kam dhënë më të mirën si gjithmonë. Kam fituar tre trofe për Portugalinë. Përpara Kristianos, Portugalia nuk kishte fituar asnjë titull në histori. I lumtur.

Trofeu më i mirë që kam fituar me Portugalinë është Europiani i vitit 2016. Sinqerisht për mua, të fitosh Europianin është sikur të kesh fituar një Botëror.

Për këtë, e përsëris, largohem me ndërgjegjen e pastër pasi kam dhënë më të mirën për Portugalinë. Nesër do të jetë ditë e re dhe jeta vazhdon”, u shpreh Ronaldo.

The post “Portugalia nuk fitonte asgjë pa mua”, Kristiano Ronaldo merr vendimin drastik: Trofeu i Europianit vlen sa një Botëror appeared first on Albeu.com.

Drejtori i përfaqësueses braziliane, Rodrigo Caetano, konfirmoi se tekniku italian do të mbetet në krye të ekipit, pasi kontrata e tij është rinovuar deri në vitin 2030.

“Fakti që Ançeloti do të vazhdojë na jep shpresë për ciklin e ardhshëm. Kjo na lejon të bëjmë rregullimet e nevojshme dhe të rikthehemi më të fortë në Kupën e ardhshme të Botës”, deklaroi Caetano.

Ançeloti mori drejtimin e Brazilit në fund të majit 2025 dhe kishte vetëm një vit kohë për të ndërtuar një skuadër konkurruese për Botërorin.

Pavarësisht pritshmërive të mëdha për fitimin e yllit të gjashtë, aventura përfundoi në fazën e 1/8 së finales.

Megjithatë, Federata Braziliane, i ka besuar vazhdimësinë projektit të tij dhe ai do të ketë edhe katër vite të tjera për të përgatitur ekipin për Kupën e Botës 2030.

The post Eliminimi nga Botërori, Brazili merr vendimin për Karlo Ançelotin appeared first on Albeu.com.

“Përgjegjësia ime për atë që ndodhi është shumë e qartë. Nuk mund ta justifikoj pozicionin në të cilin përfunduam. Shkurt, menaxhimi im i lojtarëve që kisha ishte i pamjaftueshëm. Ne bëmë më të mirën tonë, si unë ashtu edhe kolegët e mi, ashtu edhe lojtarët, dhe kjo nuk ishte e mjaftueshme. Jam i bindur se nëse do të kisha zgjedhur një rrugë tjetër, nuk do t’i kishim ndryshuar rezultatet që arritëm”, ​​tha Bielsa në një konferencë për shtyp në Montevideo.

“Mendoj se i kemi zhgënjyer tifozët, gjë që është një zhgënjim i madh. Ishte krejtësisht e papritur që pozicioni ynë përfundimtar do të ishte ai që ishte, e vështirë për t’u imagjinuar. Është një rënie që askush nuk mund ta pranojë ose tolerojë, veçanërisht tifozët, të cilët janë përfituesit e asaj që bëjmë ne… Ky fund është shumë i dhimbshëm për shkak të shpresave që kisha kur mora përsipër këtë projekt, për shkak të asaj se sa keq përfundoi”.

Uruguai e përfundoi Kupën e Botës 2026 me barazime kundër Kepit të Gjelbër dhe Arabisë Saudite përpara se të humbiste ndaj Spanjës në ndeshjen e fundit të fazës së grupeve.

The post Eliminimi i papritur në Botëror, trajneri jep dorëheqjen: Fund shumë i dhimbshëm appeared first on Albeu.com.

Pavarësisht se humbi një penallti, kapiteni argjentinas realizoi në minutat 38 dhe 95, duke arritur në pesë gola në këtë Botëror, pasi në ndeshjen e parë ndaj Algjerisë kishte shënuar një tripletë.

Rekordi i ri i Messit u shoqërua me reagime të shumta, ndërsa vëmendje të veçantë mori mesazhi i bashkëshortes së tij, Antonela Roccuzzo.

Ajo e ndoqi ndeshjen nga tribunat e stadiumit në Dallas së bashku me tre djemtë e tyre, Thiago, Mateo dhe Ciro, të veshur me fanellat e babait.

Pas ndeshjes, Antonela publikoi në Instagram një mesazh emocionues për yllin argjentinas: “Çfarë privilegji të të shoh teksa vazhdon të shkruash historinë”.

Messi iu përgjigj shkurt: “Të dua”.

Postimi mori mijëra reagime nga tifozët, të cilët vlerësuan jo vetëm arritjet sportive të futbollistit, por edhe mbështetjen e vazhdueshme të familjes së tij.

The post Messi shkroi historinë në Botëror, partnerja emocionon me mesazhin e veçantë për të appeared first on Albeu.com.

Haaland ishte protagonisti i pjesës së parë me dy gola, duke bërë të pavlefshëm barazimin e përkohshëm të Husein, teksa përfitoi edhe nga një gabim i pabesueshëm i portierit të skuadrës së Lindjes së Mesme.

Iraku tentoi disa herë t’i afrohej barazimit, por në pjesën e dytë Norvegjia mbylli gjithçka fillimisht me golin e Ostigard, e më pas falë një autogoli të Husein që vulosi suksesin 4-1.

Kjo ishte fitorja më e thellë në historinë e Norvegjisë në fazën finale të një Botërori dhe një ogur i mirë për ecurinë e mëtejshme të “vikingëve”.

The post “Dopietë” e Haaland, Norvegjia shkëlqen në Botëror, “çmonton” Irakun appeared first on Albeu.com.

“Kangurët” shënojnë nga një gol në çdo pjesë dhe marrin tre pikë të çmuara dhe i bashkohen Shteteve të Bashkuara të Amerikës në krye të grupit.

Irankunda zhbllokoi sfidën në pjesën e parë, ndërsa Matcalfe golin që vulosi fatin e ndeshjen në pjesën e dytë.

Ka nisur keq aventura e Turqisë në Botëror. Skuadra e Montelës ndonëse nuk luajti keq, nuk arriti që të evitojë humbjen përballë Australisë në ndeshjen e parë të grupit.

Shikoni golat:  Goli 1 dhe Goli 2

The post VIDEO/ Australia surprizon Turqinë appeared first on Albeu.com.

Skorupski ka nisur tashmë trajtimin dhe parashikohet të mungojë për 6 deri në 8 javë, duke lënë praktikisht të mbyllur sezonin e tij.

Në mungesë të portierit polak, në ndeshjet e ardhshme, do të jetë Federico Ravaglia ai që do të mbrojë portën e ekipit emilian.

Në këtë mënyrë, Skorupski do të humbasë ndeshjen ndaj Shqipërisë, që është e vlefshme për fazën Play Off të Kupës së Botës.

The post Skorupski humbet ndeshjen ndaj Shqipërisë për Play Off-in e Botërorit appeared first on Albeu.com.

“Ajo që është e sigurt është se pas këtij sulmi, nuk mund të pritet që ne ta presim me shpresë Kupën e Botës”, tha Mehdi Taj për portalin sportiv Varzesh3, ndërsa Irani shkëmbeu sulme me Izraelin si pjesë e një lufte në zgjerim të shkaktuar nga bombardimet.

Sulmet SHBA-Izrael ndaj Iranit vazhduan për të dytën ditë radhazi të dielën, pasi vrasja e Udhëheqësit Suprem iranian, Ajatollah Ali Khamenei, e hodhi të ardhmen e Republikës Islamike në pasiguri dhe rriti rrezikun e paqëndrueshmërisë rajonale.

Irani është përfshirë në Grupin G në Kupën e Botës dhe është planifikuar të luajë në Los Angeles ku përballet me Zelandën e Re dhe Belgjikën më 15 dhe 21 qershor, përkatësisht përpara se të luajë kundër Egjiptit në Seattle më 26 qershor.

Shtetet e Bashkuara do të presin turneun së bashku me Kanadanë dhe Meksikën nga 11 qershori deri më 19 korrik.

Tifozëve nga Irani u është ndaluar hyrja në SHBA ndërkohë. FIFA nuk iu përgjigj menjëherë një emaili nga Associated Press mbi situatën aktuale në lidhje me pjesëmarrjen e Iranit në Kupën e Botës, por tha të shtunën se po monitoron zhvillimet në rajon.

The post Irani reagon zyrtarisht për herë të parë për pjesëmarrjen në Botëror, ja çfarë vendimi kanë marrë appeared first on Albeu.com.

Në një prononcim për “Euractiv”, Glenn Micallef ka pranuar se i ka biseduar me numrin një të FIFA-s për këtë argument delikat. Sipas tij bashkëbisedimi i mbajtur në Bruksel një javë më parë ishte konstruktiv.

“I kërkova që të ketë në vëmendje sigurinë e tifozëve, të cilët do të udhëtojnë drejt Shteteve të Bashkuara të Amerikës. Për ne ky aspekt është mjaft i rëndësishëm dhe të njëjtën rëndësi duhet të ketë edhe organizatorët.

Duke iu përgjigjur shqetësimeve, një zëdhënës i Departamentit të Shtetit të SHBA-së tha në lidhje me këtë çështje se “siguria e ndeshjeve të Kupës së Botës, atletëve, tifozëve dhe vendeve ku zhvillohen ndeshjet, si dhe siguria e vazhdueshme e Shteteve të Bashkuara janë përparësi kryesore të organizimit të ndeshjeve”.

The post Bashkimi Europian i kërkon garaci FIFA-s për sigurinë e tifozëve që do të udhëtojnë për Botërorin appeared first on Albeu.com.

Në vitin 2026, Shqipëria do të nisë nga puna për eliminatoret e radhës që do të jenë për Europianin, aty ku kuqezinjtë natyrisht synojnë kualifikimin e dytë radhazi, natyrisht me pak fat në short. Krahas rezultateve, kuqezinjtë shpresojnë që të bindin edhe 2 lojtarë për të luajtur me Shqipërinë.

Nelson Vaiper dhe Brajan Gruda luajtën kundër Shqipërisë U21 në miqësore dhe natyrisht janë dy lojtarë që po bëjnë shumë mirë në Bundesligë e Premier Ligë. Duke qenë se ende nuk kanë debutuar për Gjermaninë, Vaiper dhe Gruda kanë të drejtë që të zgjedhin Shqipërinë dhe në kampin kuqezi, shpresojnë që diçka e tillë të realizohet pasi do të ishin vlerë e madhe e shtuar në sulm.

Të dy lojtarët duket se janë në pritje të ftesës së Gjermanisë, por gjithçka mund të ndodhë dhe nuk është çudi që Shqipëria t’i ketë shumë shpejt pjesë të kontingjentit të saj për të ardhmen.

The post Jo vetëm Botërori, Kombëtarja kuqezi pret edhe dy yje appeared first on Albeu.com.