“Ditët e fundit kanë qenë edhe më të vështira nga sa e kuptojnë shumica e njerëzve”, postuan ata në Facebook, “sepse familja gjithashtu është përballur me vdekjen e nënës birësuese të Michaela, Elaine DePrince”.

Ata treguan se Michaela ndërroi jetë më 10 shtator, ndërsa Elaine, e cila ishte 77-vjeç, vdiq më 11 shtator “gjatë një procedure rutinë në përgatitje për një operacion”.

“Michaela vdiq përpara Elaine dhe Elaine nuk e dinte për vdekjen e Michaela në kohën e procedurës së saj“, shtoi familja.

“Sado e pabesueshme që mund të duket, dy vdekjet ishin krejtësisht të palidhura me njëra-tjetrën”.

Në një tjetër përditësim në “Facebook”, postuar krahas fotove bardhë e zi të Elaine duke u lexuar fëmijëve të saj kur ata ishin më të vegjël, familja shtoi se ajo kishte përjetuar “shumë vite duke luftuar një sëmundje të trashëguar dhe probleme të zemrës”.

Shkaku i vdekjes së balerinës nuk është bërë ende publik.

The post Tragjike/ Pas vdekjes së vajzës 29-vjeçare, ndërron jetë 24 orë më pas edhe nëna e balerinës appeared first on Albeu.com.

Tetëdhjetë vjeçari do të zëvendësohet nga Richard Henning, Peshkopi 59-vjeçar i Providencës, për të drejtuar dioqezën e katërt më të madhe në Shtetet e Bashkuara, tha Vatikani në një deklaratë.

Sipas njoftimit Papa Françesku e ka pranuar dorëheqjen e zotit O’Malley, por nuk është dhënë arsyeja për largimin e tij.

Në Kishën Katolike, peshkopët që drejtojnë një dioqezë zakonisht dalin në pension kur mbushin 75 vjeç, por Papa ka mundësi t’u kërkojë atyre të qëndrojnë më gjatë.

Për momentin, Peshkopi O’Malley mbetet kreu i Komisionit Papnor për Mbrojtjen e të Miturve, një organ i krijuar nga Papa Françesku për të luftuar pedofilinë nga priftërinjtë. Peshkopi e ka udhëhequr këtë Komision nga viti 2014.

Dorëheqja e Peshkopit O’Malley i jep fund një kapitulli prej dy dekadash të udhëheqjes së katolikëve në Boston, qytetin ku dominojnë komunitetet italiane dhe irlandeze. Skandali global mbi abuzimin seksual të fëmijëve nga klerikët shpërtheu në Boston në vitin 2002, një vit përpara se ai të dërgohej me detyrë.

Aleati i Papa Françeskut, Peshkopi O’Malley është pjesë e urdhrit françeskan, ‘Friars Minor Capuchin’. Ai i kaloi vitet e tij të hershme si prift duke krijuar marrëdhënie miqësore me komunitetin emigrant hispanik në dioqezën e Uashingtonit.

Përpara se të mbërrinte në Boston, Peshkopi O’Malley shërbeu si peshkop i Saint Thomas-it, një dioqezë që mbulonte të gjithë Ishujt e Virgjër të Shteteve të Bashkuara dhe më vonë të Fall River-it, në Masaçusets, në Bostonin jugor.

Në Fall River dhe dioqezën e Palm Beach-it, në Florida, ai u mor me pasojat e skandaleve që përfshinin abuzimin seksual të të miturve nga priftërinjtë.

Megjithatë ai u bë i njohur në Boston, duke menaxhuar atë që në atë kohë ishte skandali më i madh i abuzimit seksual nga klerikët në Shtetet e Bashkuara, i përshkruar më vonë edhe në filmin, “Spotlight” që fitoi çmimin Oskar.

I njohur për raportin e tij me viktimat dhe shpejtësinë në zgjidhjen e çështjeve, nën mbikëqyrjen e Peshkopit O’Malley, kryepeshkopata ra dakord të paguante 85 milionë dollarë për të zgjidhur rreth 550 padi nga viktimat.

VOA

The post Jep dorëheqjen Kryepeshkopi i Bostonit, aleat i viktimave të abuzimit seksual appeared first on Albeu.com.

Ka qenë vetë aktorja ajo që me anë të një postimi në llogarinë e saj n”ë Instagram”, ka treguar mirënjohje për vlerësimin që ka marrë.

“Ndihem e vlerësuar nga Festivali i parë i Filmit Shqiptar në Boston, Massachusetts, me titullin “Albanian Excellence”! Festivali i kulturës, i dijes, humanizmit! Falënderoj të gjithë shqiptarët e Boston-it për emocionet e bukura që më dhanë!”, shkruan Mariana Kondi.

The post Aktorja Mariana Kondi nderohet me titullin “Albanian Excellence” në Boston appeared first on Albeu.com.

Me flamurin kuq e zi, plisin në kokë, kanë mbajtur këngë e valle shqiptare.

Në 28 Nëntor bulevardi “Dëshmorët e Kombit” do të vishet kuq e zi si asnjëherë më parë.

Të gjitha bashkitë e trojeve shqiptare, përfshirë edhe arbëreshët e Italisë do të jenë në Tiranë për të festuar së bashku 111-vjetorin e Pavarësisë.

The post Veshur kuq e zi, shqiptarët në Boston festojnë Ditën e Flamurit me këngë e valle (FOTO) appeared first on Albeu.com.