Zyra e prokurorisë kërkon që pronari Thodex, monedhës virtuale turke, të dënohet me 40, 562 vite burg për 3 krime.

Kujtojmë se Turqia kërkon ekstradimin e tij ndërkohë që në Shqipëri, Gjykata e Elbasanit ka vendosur për të më 2 shtator 2022 masën e sigurisë arrest me burg. Kurse Ozer i ka mohuar akuzat dhe ka shtuar se ky që po i bëhet është një sulm politik.

Faruk Fatih Özer u arratis nga Turqia me 2 miliard dollarë, të cilat i kishte fituar duke mashtruar dhjetëra mijëra turq, të cilët kishin investuar paratë e tyre në monedhën virtuale turke “Thodex”. Ai kishte mashtruar rreth 360 mijë përdorues të kompanisë së tij, ‘Thodex’.

Ai rezultoi të ishte futur në Shqipëri nga pika e kalimit kufitar të Rinasit më 20 prill të vitit të shkuar, ndërkohë që dolën dhe pamje filmike nga momenti kur u akomodua në një prej hoteleve të kryeqytetit, nga një shtetas shqiptar, i cili ka deklaruar se nuk ishte në dijeni të veprës penale që kishte kryer biznesmeni turk. /

The post Në Stamboll vijon gjyqi për “bossin” e kriptove që ndodhet pas hekurave në Shqipëri: Kërkohen 40,562 vite burg appeared first on Albeu.com.

Pala mbrojtëse kërkoi “detyrim me paraqitje”, por Gjykata vendosi të ligjshëm arrestimin e 28-vjeçarit.

Kujtojmë që Ozer u arratis nga Turqia duke mashtruar gati 40 mijë turq të cilët kishin investuar paratë e tyre në monedhën virtuale turke “Thodex” dhe duke përfituar 2 miliard euro.

Ai prej mujash ishte strehuar në një banesë në qytetin e Elbasanit, ndërsa u arrestua nga policia teksa ishte duke shijuar pushimet në Dhërmi./albeu.com

The post Gjykata e Elbasanit jep masën e sigurisë për “Bossin” turk të kriptomonedhave appeared first on Albeu.com.

Nga informacioni rezulton se Faruk Fatih Özer në vitin 2017 ka krijuar një platformë online të quajtur “Thodex” me funksion shkëmbimin e kripto-monedhës. Pasi ka akumuluar afërsisht 2 miliard USD pasuri në asete dixhitale, ky i arrestuar ka mbyllur platformën dhe mediat sociale dhe është larguar nga territori turk më datë 20.04.2021.

Për këto arsye Faruk Fatih Özer është shpallur në kërkim ndërkombëtar me kartelë të kuqe për llogari të Zyrës Qëndrore të Interpol Ankara.

Autoritetet turke të cilat kanë lëshuar Urdhërin Ndërkombëtar të Arrestit ndaj këtij shtetasi, kanë bërë të ditur se pas arrestimit të tij, menjëherë do të nisin procedurat për ekstradim në rrugë diplomatike dhe gjyqësore.

The post U arrestua pak ditë më parë duke marrë rreze dielli në jug, nesër del para gjykatës së Elbasanit “Bossi” turk i kriptove appeared first on Albeu.com.

Ozer bashkë me dy shqiptarë u arrestuan paraditen e sotme nga policia shqiptare teksa ishin duke shijuar pushimet në Palasë.

Ata kishin vendosur që pushimet t’i bënin në fundin e muajit gusht, por prej dy javësh ishin vënë nën përgjim.

Turku prej muajsh jetonte në një banesë me qira në lagjen “5 Maji” në Elbasan. Pas arrestimit, ai do të ekstradohet drejt Turqisë ku është dënuar me 40 mijë vite burg.

Njoftimi i policisë:

Policia e Shtetit

Vijojnë operacionet për kapjen e personave shumë të kërkuar ndërkombëtarisht.

Finalizohet operacioni policor i koduar “Brain”.

Operacioni, nga Drejtoria Vendore e Policisë Elbasan, në bashkëpunim me FAST Albania dhe DVP Vlorë, nën drejtimin e Prokurorisë pranë Gjykatës së Rrethit Gjyqësor Elbasan.

Kapet në Himarë, i shumëkërkuari, 28-vjeçari nga Turqia, i shpallur në kërkim ndërkombëtar për veprat penale “Krijimi i organizatës kriminale” dhe “Mashtrimi me pasoja të rënda”.

Në vijim të punës për kapjen e personave të shpallur në kërkim kombëtar dhe ndërkombëtar, pas shumë kërkimesh në disa qarqe të vendit, bazuar edhe në informacionet e marra në rrugë operative për vendndodhjen e një personi shumë të kërkuar nga drejtësia turke, si dhe falë përdorimit të metodave proaktive nga DVP Elbasan, në bashkëpunim me Prokurorinë e Rrethit Gjyqësor Elbasan, u organizua dhe u finalizua operacioni policor i koduar “Brain”.

Në kuadër të këtij operacioni u bë kapja dhe ndalimi i shtetasit turk F. O., 28 vjeç.

Ky shtetas u kap në Himarë, si rezultat i operacionit policor të koduar “Brain”, pasi ishte shpallur në kërkim ndërkombëtar nga Interpol Ankara. Gjykata e Lartë e Stambollit ka lëshuar urdhër arresti në vitin 2021, ndaj 28-vjeçarit, per veprat penale “Krijimi i organizatës kriminale” dhe “Mashtrimi me pasoja të rënda”.

Gjatë operacionit, bashkë me shtetasin e shumëkërkuar, u shoqëruan dhe 2 shtetas te tjerë, B. Sh., 36 vjeç, banues ne Tiranë dhe E. H., 37 vjeç, banues ne Durrës, të cilët janë shoqëruar për veprime të mëtejshme, për të sqaruar pozitën e tyre procedurale në raport me personin e shpallur në kërkim ndërkombëtar.

Në cilësinë e provës materiale janë sekuestruar laptopë, aparate celulare, karta bankash etj.

Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme./albeu.com

The post I strehuar në lagjen “5 Maji” në Elbasan dhe nën përgjim prej dy javësh, “Bossi” turk i kriptove po shijonte pushimet në Palasë appeared first on Albeu.com.