Schmidt mori leje për të mbajtur fjalim në takim në fillim të seancës, pavarësisht kundërshtimit të zëvendësambasadores së Rusisë në OKB, Anna Evstigneeva. Por, kryetari i Këshillit të Sigurisë kineze, Geng Shuang, miratoi pjesëmarrjen e tij.

“Bashkësia ndërkombëtare u përqendrua për një kohë në të ashtuquajturat zgjidhje të brendshme, por kjo nuk solli asnjë përparim”, tha Schmidt, duke paralajmëruar për ato që ai i quajti sfida ndaj integritetit territorial të Bosnjës, glorifikimi i kriminelëve të luftës dhe diskriminimi strukturor që e bën të vështirë kthimin e refugjatëve.

Ai shtoi se çështja e pronës shtetërore dhe bllokadat politike vazhdojnë ta pengojnë zhvillimin ekonomik të vendit.

Një ditë më parë, Schmidt konfirmoi zyrtarisht dorëheqjen pas pothuajse pesë vjetësh në detyrë “për arsye personale”, por shtoi se do ta mbante pozitën deri në emërimin e një pasardhësi, i cili duhet të propozohet nga Këshilli për Zbatimin e Paqes në Bosnje, i cili përbëhet nga SHBA-ja, Turqia, Japonia dhe disa anëtarë të BE-së.

“Procesi i emërimit të pasardhësit tim ka filluar tashmë dhe pres të largohem nga pozita në qershor”, tha Schmidt.

Që nga emërimi i Schmidt në vitin 2021, Rusia ka mbajtur anën e autoriteteve në entitetin e Republikës Sërpska dhe nuk e ka njohur Schmidt si përfaqësues të lartë në Bosnje, duke pretenduar se ai duhej të konfirmohej nga Këshilli i Sigurimit i OKB-së, siç ishte rasti me paraardhësit e tij, dhe në këtë drejtim kishte mbështetjen e Kinës si anëtare tjetër e përhershme e këtij organi më të lartë të OKB-së.

Moska dhe Pekini po ushtrojnë trysni për mbylljen e Zyrës së Përfaqësuesit të Lartë (OHR) në Bosnje. Schmidt i tha Këshillit të Sigurimit se kishte njoftuar për dorëheqjen e tij në mënyrë që të mund të emërohej një Përfaqësues i Lartë i ri.

Diskutimet mbi të ardhmen e OHR-së

Shtetet e Bashkuara kanë thënë se Zyra e Përfaqësuesit të Lartë (OHR) “nuk është menduar kurrë të jetë institucion i përhershëm”, me qëndrimin se pushtetet duhet t’u dorëzohen gradualisht udhëheqësve vendorë.

“Përfaqësuesi i Lartë i ardhshëm duhet t’ua kalojë përgjegjësitë udhëheqësve vendorë”, tha përfaqësuesja amerikane Tammy Bruce.

Ajo falënderoi Schmidtin për mandatin e tij dhe tha se do t’i vlerësonte kandidatët për përfaqësuesin e ardhshëm të lartë bazuar në arritjet e tyre, duke thënë se është e domosdoshme që emërimi i tij të mbyllet deri në fund të qershorit.

“Kjo nuk është fitore e as disfatë për asnjërën palë, por fundi i njërës dhe fillimi i një faze të re në Bosnje”, tha Bruce.

Mbretëria e Bashkuar shprehu mbështetje të fortë për Schmidtin dhe pushtetin e tij, duke përfshirë të ashtuquajturat fuqi të Bonit.

“Kur institucionet demokratike janë duke u sulmuar, është thelbësore që bashkësia ndërkombëtare të reagojë. Në një vit zgjedhor, kjo është veçanërisht e rëndësishme”, tha përfaqësuesi britanik James Kariuki.

Kina dhe Rusia kanë mbajtur qëndrim kritik ndaj OHR-së. Pekini ka bërë thirrje për një reduktim të ndikimit të jashtëm, ndërsa Moska ka bërë thirrje për mbylljen e saj dhe ka hedhur poshtë legjitimitetin e Schmidt.

Vasily Nebenzya, përfaqësuesi i Rusisë në OKB, tha se “ndërhyrja nga jashtë, veçanërisht nga burokratët nga Berlini, Londra dhe Brukseli, po dëmton marrëdhëniet në Bosnje” dhe bëri thirrje që OHR-ja të “mbyllet menjëherë”.

“Është e nevojshme që boshnjakët, kroatët dhe serbët të arrijnë një kompromis mbi të ardhmen e vendit, jo vetëm për të stabilizuar marrëdhëniet brenda Bosnjës, por edhe brenda rajonit”, tha Nebenzya.

Ambasadori rus ka bërë thirrje për lirimin e përkohshëm të ish-gjeneralit të ushtrisë së Republikës Sërpska, Ratko Mlladiq, i cili u dënua me burgim të përjetshëm nga Tribunali i OKB-së në Hagë për gjenocid në Srebrenicë dhe krime të tjera lufte, në mënyrë që ai të mund të marrë trajtim ose të “transferohet në Serbi për të vuajtur pjesën e mbetur të dënimit të tij”.

Lidhur me presidentin e kohës së luftës të Republikës Sërpska, Radovan Karaxhiq, i dënuar gjithashtu për gjenocid dhe krime të tjera, Nebenzya tha se “ai po mbahet në burg në Britaninë e Madhe në kushte çnjerëzore ku po shkelen të drejtat e tij njerëzore”.

Geng Shuang, përfaqësuesi i Kinës, tha se është e rëndësishme të arrihet stabiliteti politik sa më shpejt të jetë e mundur.

“Bosnja do të mbajë zgjedhje këtë vit. Kina u bën thirrje dy entiteteve, tre popujve përbërës dhe të gjithë qytetarëve të tjerë të promovojnë dialogun si një mënyrë për të zgjidhur çështjet”, tha Shuang.

Duke folur për OHR-në, ai tha se është thelbësore që të mos ketë ndërhyrje të jashtme në marrëdhëniet e brendshme dhe përsëriti qëndrimin e Kinës se emërimi i Schmidt nuk është konfirmuar nga Këshilli i Sigurimit i OKB-së.

“Pozicioni i Kinës është konsistent dhe i qartë, ne mbështesim integritetin dhe sovranitetin territorial dhe mbështesim të gjitha grupet etnike në Bosnje që të punojnë për paqen dhe pajtimin”, tha ndër të tjera përfaqësuesi kinez.

Jérôme Bonnafont, përfaqësuesi i Francës në OKB, tha se Bosnja ka bërë një rrugë të gjatë që nga lufta dhe se Franca është një nga dëshmitarët e Marrëveshjes së Paqes së Dejtonit dhe të atij progresi, duke thënë se sot ka disa që po përpiqen ta rrezikojnë këtë.

“Retorika separatiste nuk është e pranueshme. E ardhmja e një Bosnje të bashkuar është në BE. Ne u bëjmë thirrje udhëheqësve politikë të mos e pengojnë këtë rrugë”, tha Bonnafont.

Ai përsëriti mbështetjen e tij për OHR-në, të cilën e quajti vendimtare për zbatimin e Marrëveshjes së Paqes së Dejtonit, dhe falënderoi Schmidtin për punën që kishte bërë, duke kujtuar se në vitin 2005, u vendosën pesë kushte dhe dy qëllime për mbylljen e OHR-së.

Marrëdhëniet midis Bosnjës, Serbisë dhe Kroacisë

Kryetari i Presidencës së Bosnjës, Denis Beqiroviq, paralajmëroi për përpjekje për të destabilizuar shtetin dhe ndërhyrje nga vendet fqinje.

“Kjo nuk duhet të lejohet”, tha Beqiroviq.

Ai akuzoi përfaqësuesit politikë nga entiteti i Republikës Sërpska për destabilizim të vendit dhe institucioneve të tij shtetërore dhe gjyqësore, duke vlerësuar se “qëllimet gjenocidale” po demonstroheshin edhe një herë, dhe shtoi se “Kroacia dhe Serbia fqinje nuk duhet të ndërhyjnë në punët e brendshme të Bosnjës”.

“Kohët e fundit në Zagreb u mbajt një leksion në të cilin u vizatuan harta të ndarjes etnike të Bosnjës. Historia na mëson se sa herë që vizatohen harta të ndarjes së Bosnjës në Beograd dhe Zagreb, qytetarët e vendit tim kanë vuajtur”, tha Beqiroviq.

Ai bëri thirrje për emërimin e përfaqësuesit të ardhshëm të lartë “sa më shpejt që të jetë e mundur” dhe tha se “kompetencat e OHR-së nuk duhet të rrezikohen”.

Përfaqësuesi serb Radomir Iliq hodhi poshtë akuzat se Serbia po punon për të destabilizuar Bosnjës dhe tha se qëndrimi i Serbisë është “respektimi i integritetit territorial të Bosnjës në përputhje me parimet e Marrëveshjes së Dejtonit për Paqe”.

“Zgjidhja nuk është centralizimi, por ajo që është përcaktuar tashmë nga Dejtoni, që është ekuilibri kushtetues”, tha Iliq.

Përfaqësuesi i Kroacisë në OKB, Hrvoje Ćurić Hrvatinić, theksoi mbështetjen për integritetin territorial të Bosnjës dhe integrimin evropian, por edhe nevojën për reforma zgjedhore.

Ai hodhi poshtë “të gjitha implikimet se Kroacia po ndërhyn në punët e brendshme të Bosnjës”, duke thënë se Kroacia mbështet plotësisht integritetin territorial dhe sovranitetin e Bosnjës, por është gjithashtu e interesuar për të ardhmen e këtij vendi pasi ata ndajnë një kufi më të gjatë se një mijë kilometra.

Zllatko Lagumdzhija, ambasador i Bosnjës në OKB, tha se anëtari i Presidencës së Bosnjës, Denis Beqiroviq nuk e përdori skenën për fushatën e tij zgjedhore.

“Beqiroviq foli për këtë hartë që u shfaq në të cilën Bosnja është e ndarë në një republikë kroate, serbe dhe myslimane”, tha Lagumdzhija, duke treguar Deklaratën nga Asambleja Gjithë Serbe e miratuar nga Serbia dhe entiteti i Republikës Sërpska.

Seanca e radhës e Këshillit të Sigurimit të OKB-së është planifikuar të mbahet në fillim të nëntorit, kur është planifikuar të votohet edhe për zgjatjen e misionit ushtarak të Bashkimit Evropian (EUFOR) në Bosnje, i cili ka një mandat ekzekutiv për të përdorur forcën në rast të destabilizimit serioz./REL

The post Këshilli i Sigurimit i OKB-së diskuton për gjendjen në Bosnje, SHBA thotë se përgjegjësia duhet t’u kalojë liderëve vendas appeared first on Albeu.com.

Djaloshi që kapte topat pas porte arriti që të merrte letrën ku portieri i Italisë kishte shënuar anën se ku preferonin që të ekzekutonin penalltitë lojtarët vendas. Ai tha se mori këtë vendim kur pa Donnarumma-n që i grisi letrën portierit të Bosnjes, Vasilj.

14-vjeçari shpejgoi se letrën që i mori italianit e ka ruajtur dhe se shumë shpejt do të jetë pjesë e një ankandi. Cizmic ka vendosur se edhe çfarë do të bëjë me shumën që do të përfitojë, e cila është e destinuar të shkojë për bamirësi.

The post VIDEO/ Bosnje-Itali nuk mbaron kurrë, letra ku Donnarumma kishte shënimet e penalltive të rivalëve del në ankand appeared first on Albeu.com.

Ibrahimovic u rrit në Rosengard të Suedisë dhe, ndonëse babai i tij dhe një pjesë e madhe e familjes vijnë nga Bosnja, ai thekson se nuk pati shumë kontakt të drejtpërdrejtë me luftën dhe agresionin që ndodhnin atje.

Sipas tij, lufta nuk pati ndikim të madh në mënyrën se si u rrit, por gjithsesi ai veçon dy situata që i kanë mbetur në kujtesë nga ajo periudhë.

“Në atë Rosengard ishim të gjithë bashkë. Për ne ishim të gjithë njësoj: boshnjakë, kroatë, serbë, shqiptarë… Nuk kishte rëndësi nga vije, kishim respekt për njëri-tjetrin. Pastaj filloi lufta. Në ato vite nuk lexonim gazeta, unë as telefon nuk kisha. Kisha një televizor, por nuk shikoja lajme”.

“Gjithçka që ndjeva ishte se babai im ishte gjithmonë në telefon. E kuptova se po fliste me familjen në Bosnje, për t’i ndihmuar. Unë shkoja te nëna ime, zakonisht shkoja atje për të ngrënë. Ata jetonin afër, pesë minuta larg, për hir të fëmijëve. Një ditë shkova te nëna ime dhe të gjithë ishin veshur me të zeza”.
“I pyeta pse ishin të gjithë me të zeza dhe më thanë të dilja jashtë, të luaja futboll. Nuk donin të më tregonin. Gjyshja ime kishte vdekur në luftë. Më mësuan të sillesha si një fëmijë i vogël, të shijoja jetën dhe të luaja futboll. Nuk donin të më tregonin asgjë për këtë”.

Ibrahimovic zbulon edhe një tjetër moment kur e ndjeu se lufta në rajonin tonë kishte lënë gjurmë, këtë herë përmes ndryshimit të mentalitetit te refugjatët që mbërrinin në Suedi.

“Babai im më bënte të luaja futboll. Më linin jashtë që të mos ndieja çfarë po ndodhte. Pastaj erdhën refugjatët në Suedi dhe ata kishin një mentalitet tjetër. Unë jam boshnjak, ti je serb, kështu mendonin ata. Kur erdhën në atë geto në Rosengard, mentaliteti ishte ndryshe”.

“Në kokën time ishte ndryshe, për mua ishte Jugosllavia. I kisha të gjithë shokët dhe nuk shihnim kush ishte kush, por ata ishin shumë ndryshe. Luftonim me ta. Nuk e pranonin që gjithçka të ishte kaq e përzier. Për mua ishte ndryshe”

The post Ibrahimovic flet për luftën në Bosnjë: Luftuam së bashku me refugjatët, ishim të barabartë me shqiptarët, boshnjakët e kroatët appeared first on Albeu.com.

Sipas të dhënave të fundit të pakonfirmuara, 30 persona janë shtruar në spital në Qendrën Klinike Universitare në Tuzlla, ndërsa numri i të lënduarve që deri më tani kanë kërkuar ndihmë mjekësore është më i lartë.

Viktimat janë banorë të shtëpisë dhe trupat e tyre do të dërgohen për identifikim dhe autopsi, sipas autoriteteve.

Nuk është e qartë se çfarë e shkaktoi zjarrin, por autoritetet e kanë nisur një hetim në vendin e ngjarjes.

Drejtori i shtëpisë së pleqve, Mirsad Bakalloviç, dha dorëheqje një ditë pas zjarrit.

Në një njoftim zyrtar disa orë pas zjarrit, shtëpia e pleqve konfirmoi numrin e të vdekurve dhe të lënduarve, dhe shtoi se të lënduarit po trajtohen në Qendrën Klinike Universitare të Tuzllës.

Sipas saj, mes të lënduarve ka edhe oficerë policie, zjarrfikës, punonjës mjekësorë dhe punonjës të shtëpisë së pleqve në Tuzlla.

Një numër i madh zjarrfikësish morën pjesë në shuarjen e zjarrit, ndërsa në vendngjarje shkuan edhe policia dhe shërbimet e emergjencës.

Kryeministri i kantonit të Tuzllës, Irfan Halilagiç, i tha shërbimit publik të Bosnjës se po kërkohet një zgjidhje për strehim të përkohshëm për banorët e shtëpisë.

Kryeministri i Federatës së Bosnjës, Nermin Nikshiç, njoftoi për televizionin boshnjak se Qeveria do të marrë pjesë në rindërtimin e shtëpisë dhe kujdesin për banorët e saj.

“Në periudhën e ardhshme, ne do të formojmë një ekip të Qeverisë së Bosnjës që do t’i vizitojë institucionet nën juridiksionin e Bosnjes dhe do t’u kërkojë autoriteteve të kantoneve të bëjnë të njëjtën gjë për institucionet nën juridiksionin e tyre, kur të ndodhë diçka e tillë, në mënyrë që të mos japin informacione të përgjithshme. Sonte dëgjuam shumë informacione nga banorët. Sidoqoftë, duhet të presim për të parë se çfarë e shkaktoi saktësisht tragjedinë”, tha Nikshiç.

Ndërkaq, presidentja e Kosovës, Vjosa Osmani, ka shprehur ngushëllime, pas zjarrit në shtëpinë e pleqve.

“Në emër të popullit të Kosovës shpreh ngushëllime të sinqerta për familjarët e viktimave dhe popullit të Bosnje e Hercegovinës”, tha Osmani përmes një postimi në X, duke u uruar shërim të shpejtë të plagosurve./REL

The post Zjarri në shtëpinë e të moshuarve në Bosnje, 11 të vdekur dhe mbi 30 të lënduar appeared first on Albeu.com.

Mes viktimave ka kryesisht të moshuar me aftësi të kufizuara, të cilët nuk mund të lëviznin vetë. Stafi i azilit, zjarrfikësit dhe policia reaguan menjëherë, duke shpëtuar të mbijetuarit dhe duke i transferuar ata në katet më të ulëta apo në spitale. Aktualisht mbi 20 persona po trajtohen për djegie dhe probleme nga tymi.

Dëshmitarët përshkruan skena dramatike me tym dhe flakë që përhapej në të gjithë ndërtesën. Ruza Kajic, një banore e azilit, tha se u zgjua nga “tingujt e kërcitjes së flakëve” dhe përpiqej të ndihmonte të tjerët.

Kryeministri i Bosnjës, Nermin Nikshiq, e përshkroi ngjarjen si një “katastrofë me përmasa të mëdha” dhe premtoi një hetim të plotë për të identifikuar shkakun dhe përgjegjësit. Azili i pleqve deklaroi se po bashkëpunon me autoritetet dhe po merr masat për të parandaluar incidente të ngjashme në të ardhmen.

Tragjedia ka tronditur komunitetin e Tuzlës dhe ka ngritur shqetësime serioze për sigurinë e të moshuarve në institucionet sociale në Bosnje.

The post Zjarr tragjik në Bosnje: 11 të vdekur dhe mbi 30 të plagosur në azil pleqsh appeared first on Albeu.com.

Babiç është këshilltare e politikës së jashtme e Dodikut dhe konsiderohet bashkëpunëtore besnike e tij, dhe emri i saj u përmend në kontekstin e zgjedhjes së personit që do të drejtonte negociatat e pranimit me Bashkimin Evropian në emër të Bosnjë e Hercegovinës, raportojnë mediat boshnjake, përcjell KosovaPress.

Dodik mbeti pa mandatin e kreut të RS-së me forcën e ligjit zgjedhor pasi Gjykata e Bosnjës dhe Hercegovinës e shpalli fajtor për moszbatimin e vendimeve të Përfaqësuesit të Lartë për Bosnjën dhe Hercegovinën.

Pas kësaj, ai ia transferoi një pjesë të kompetencave presidenciale, kryesisht të lidhura me nënshkrimin e dokumenteve nënkryetarit kroat Davor Pranjiç, por doli që kjo ishte e kontestuar edhe nga pikëpamja ligjore, kështu që shumica qeverisëse në parlamentin e entitetit arriti një propozim për të emëruar një president të përkohshëm deri në zgjedhjet e 23 nëntorit.

The post Bashkëpunëtorja e ngushtë e Dodik emërohet presidente e përkohshme e serbëve të Bosnjës appeared first on Albeu.com.

Duke folur pas takimit me Vuçiqin në kryeqytetin serb, Lammy tha se një Ballkan Perëndimor i qëndrueshëm dhe i sigurt, është i rëndësishëm për Mbretërinë e Bashkuar dhe se Serbia luan rol themelor në garantimin e këtij stabiliteti.

Vuçiq tha se kur është fjala për çështjen e Kosovës, ai dhe Lammy janë pajtuar se dialogu është i një rëndësie kyçe.

Lammy po qëndron në Beograd pas vizitës në Prishtinë në dy ditët e fundit, ku u takua me liderët e Kosovës.

The post Vuçiç bisedon me sekretarin e Jashtëm britanik për Kosovën dhe situatën në Bosnje appeared first on Albeu.com.

Filmi flet për një pilot të marinës (Owen Wilson) i cili është rrëzuar mbi territorin e armikut. Ai lufton për t’i mbijetuar ndjekjes së oficerëve të policisë sekrete dhe trupave të panumërta të armikut.

Me kalimin e kohës, oficeri i tij që portretizohet nga aktori Gene Hackman shkon kundër urdhrave për të kryer një mision për ta shpëtuar atë.

Historia u frymëzua pjesërisht nga ish-piloti amerikan Scott O’Grady, i cili mori pjesë në operacionet e NATO-s kundër aeroplanëve të Ushtrisë së Republika Srpska. Më 2 qershor 1995, ai po pilotonte një aeroplan luftarak F-16 kur u rrëzua mbi Bosnje dhe Hercegovinë. Incidenti ndodhi afër Mrkonjić Grad, dhe O’Grady u hodh nga aeroplani dhe u shpëtua gjashtë ditë më vonë.

O’Grady gjithashtu mori pjesë në rrëzimin e disa aeroplanëve të VRS pranë Banja Lukës më 28 shkurt 1994. Ishte veprimi i parë i NATO-s në historinë e organizatës.

“Behind Enemy Lines” u publikua më 30 nëntor 2001, filmi arriti sukses të konsiderueshëm në teatro. Ai fitoi pothuajse 92 milionë dollarë. Buxheti ishte 40 milionë dollarë.

The post Aktori amerikan i cili u gjet i vdekur, kishte luajtur në filmin që shfaqte krimet serbe në Bosnje dhe Hercegovinë appeared first on Albeu.com.

Autoritetet lokale thonë se numri i viktimave nga përmbytjet ka arritur në 20, 15 prej të cilëve në zonën e Jabllanicës, 70 kilometra në jugperëndim të Sarajevës.

Për shkak të përmbytjeve të së premtes, një gurore mbi Donja Jabllanicë u shemb dhe rrënojat mbuluan shtëpi dhe makina në fshat.

Përmbytjet pasojnë një thatësirë të pashembullt të stinës së verës, e cila shkaktoi tharjen e shumë lumenjve dhe liqeneve dhe dëmtoi bujqësinë dhe furnizimin me ujë të zonave urbane në të gjithë Ballkanin dhe pjesën më të madhe të Evropës.

Meteorologët thanë se ndryshimet ekstreme të motit mund t’u atribuohen ndryshimeve klimatike.

Ekipe shpëtimi nga vendet fqinje dhe te BE-se u janë bashkuar përpjekjeve të shpëtimit në Bosnje./Voa

The post Arrin në 20 numri i të vdekurve nga përmbytjet në Bosnjë appeared first on Albeu.com.

“Në helikopter ishin katër anëtarë të ekuipazhit. Sipas informacioneve fillestare, tre prej tyre nuk janë lënduar, ndërsa njëri ka kërkuar ndihmë mjekësore”, tha zëdhënësi Ludevit Mariq.

Sipas tij, shkaku i aksidentit nuk dihet ende, ndërsa hetimet në lidhje me të, do të rezultojnë me më shumë detaje.

Forcat e Armatosura të Bosnje dhe Hercegovinës kanë në dispozicion më shumë se 40 helikopterë, raporton Shërbimi i Ballkanit i Radios Evropa e Lirë.

Midis tyre janë 35 helikopterë Mi-8, që janë prodhuar më shumë se 40 vjet më parë në Bashkimin e atëhershëm Sovjetik.

Më herët është paralajmëruar se ata do të hiqen nga përdorimi, për shkak të vjetërisë dhe pamundësisë për t’i mirëmbajtur.

Në vitin 2021, Shtetet e Bashkuara të Amerikës i dhuruan Bosnje dhe Hercegovinës katër helikopterë të rinj Bell, me vlerë rreth 35 milionë euro.

Njëri prej tyre u rrëzua dhe u dëmtua në prill të vitit 2022, gjatë një stërvitjeje./Rel/

The post Rrëzohet një helikopter i ushtrisë së Bosnjës, ekuipazhi shpëton appeared first on Albeu.com.