Gazetari i njohur turk: Kreun e THODEX e “rropën” në Shqipëri para vendimit për ekstradimin e tij në Turqi

E B — Mon, 21 Nov 2022 10:04:36 +0000

Gjykata e Elbasanit vendosi ekstradimin e turkut të famshëm Fatih Faruk Ozer, i cili akuzohet për një mashtrim gjigant me vlerë rreth 2 miliard dollar përmes kriptomonedhave në Turqi. Ozer, ish-shefi i platformës THODEX akuzohet se ngriti një skemë mashtrimi duke futur në të dhjetëra mijëra turq, të cilët besonin se në fakt po investonin në kriptmonedha, por në fund panë që paratë e tyre avulluan.

Ozer u arratis nga Turqia në prill të vitit të shkuar duke marrë me vete edhe nje server ku mbaheshin qindra miliona dollar në formë kriptomonedhash, ndërsa u arrestua verën e këtij viti duke bërë pushime luksoze në jug të Shqipërisë.

Gazetari i njohur turk Cevheri Guven, i cili është duke publikuar përmes kanalit të tij të Youtubë skandale të shumta në vend, ka zbuluar detaje në lidhje me mënyrën e kapjes së Ozerit në Shqipëri si edhe “fatin” e qindra miliona dollarëve që ia mbante në një server në formë kriptomonedhash.

Përmes një videoja të publikuar dje në Youtube, Guven shpjegon se Turqia nisi një ekip të posaçëm disa muaj më parë për kapjen e Ozerit në Shqipëri, të cilët pas ndjekjes së konstatimit njoftuan policinë shqiptare për kryerjen e arrestimit.

Sipas gazetarit në fjalë, fill pas arrestimit, kur ishte e qartë që ai do të nisej për në Turqi, i njëjti ekip i ardhur prej andej, e detyroi fillimisht që të dorëzonte paratë e vjedhura prej dhjetëra mijëra turqve tek ata.

“Këto para nuk u morën për t’iu kthyer turqve që ishin mashtruar prej kreut të THODEX, por u morën për të shkuar në xhepa të tjera. Në fillim e lanë të vjedhë dhe të mashtrojë pastaj shkuan e kapën në Shqipëri, i vodhën paratë që kishte vjedhur nga turqit dhe tani po e çojnë në Turqi”, tha Cevheri Guven në videon e tij.

Pas kësaj akuze të fortë mbetet për t’u parë se cili ka qenë roli i policisë shqiptare në gjithë këtë skemë duke i vënë turqve gjithçka në dispozicion. /abcnews.al

The post Gazetari i njohur turk: Kreun e THODEX e “rropën” në Shqipëri para vendimit për ekstradimin e tij në Turqi appeared first on Albeu.com.

Apeli i Durrësit lë në burg bosin e kriptomonedhave turke, Faruk Ozer

E B — Tue, 20 Sep 2022 14:36:39 +0000

Vendimi i Gjykatës së Apelit Durrës për shtetasin turk Faruk Fatih Özer që akuzohet se është arratisur nga Turqia pasi mashtroi mijëra shtetas turq për të investuar në kriptomonedha është:
Miratimin e vendimit të gjykatës së Elbasanit.

Kujtojmë se bosi turk i kriptomonedhave, që u arrestua disa ditë më parë në Elbasan, kërkohej prej rreth 4 muajsh në vendin tonë. Ai ishte shpallur në kërkim ndërkombëtar nga Turqia pasi akuzohet për mashtrim në vlerën e 2 miliardë dollarëve me kriptomonedhën virtuale “Thodex”.

Disa muaj më parë, për gjetjen e tij në vendin tonë kishin ardhur edhe oficerë të policisë turke pasi kishte dyshime që ai fshihej në Shqipëri pas arratisjes nga Turqia.

Turku Faruk Ozer po mbahej nën përgjim dhe u arrestua në Elbasan gjatë një aksioni policor./albeu.com

The post Apeli i Durrësit lë në burg bosin e kriptomonedhave turke, Faruk Ozer appeared first on Albeu.com.

bosi i kriptomonedhave turke Archives - Albeu.com

Gazetari i njohur turk: Kreun e THODEX e “rropën” në Shqipëri para vendimit për ekstradimin e tij në Turqi

Apeli i Durrësit lë në burg bosin e kriptomonedhave turke, Faruk Ozer