Ka qenë një i ri i cili ka kallëzuar pranë policisë se kërcënohej nga Cekani për një borxh të pashlyer.

I arrestuari bashkë me dy vëllezërit e tij, njëri ende në kërkim, prej kohësh kanë kërcënuar të riun duke pretenduar se u ka një borxh prej 30 mijë eurosh marrë në Spanjë.

Policia po verifikon dhe burimin e të ardhurave.

Cekani i dërgonte mesazhe duke i thënë se do e vriste të riun nëse nuk i kthen leket që i ka borxh. Madje Cekani e ka ndjekur duke i fotografuar dhe banesën si formë kërcënimi.

Ditën e djeshme 3 vëllezërit nga Librazhdi, kanë marrë 3 shokë të tjerë dhe kanë ardhur për të kërcënuar sërish të riun.

Në pranga përfundoi Ersi Cekanit, në kërkim u shpall vëllai i tij. Ndërsa vëllai i tretë së bashku me 3 shokët e tjerë u proceduan në gjendje të lirë.

3 vëllezërit nga Librazhdi janë me precedent kriminal për armëmbajtje pa leje dhe vepra të tjera penale.

The post Do të vras nëse nuk më kthen borxhin 30 mijë euro/ Tre vëllezërit shantazhonin një të ri dhe familjen e tij appeared first on Albeu.com.

Në raportin vjetor të vitit 2024, Drejtoria e Përgjithshme e Tatimeve, njoftoi se borxhi tatimor në formën e sigurimeve shoqërore të papaguara arriti në 24.4 miliardë lekë me rritje vjetore 8.4 për qind.

Rritja progresive e borxhit ndaj sigurimeve po vjen në raport të zhdrejtë më angazhimin e qeverisë, e cila ka ndërmarrë një fushatë që vitin e kaluar për të luftuar punën e zezë në kuadër të një reforme në proces për skemën publike të pensioneve.

Teksa pensionistët shqiptare kanë pagesat më të ulëta në Rajon dhe shumë poshtë minimumit jetik bizneset dhe entet publike rrisin viti pas viti detyrimet e papaguara të sigurimeve.

Ekspertët të Institutit të Sigurimeve Shoqërore, pohojnë se ndryshe nga detyrimet e tjera që shtetit mund t’i krijohen nga mos-pagesa e taksave të tjera, efektet negative që ka borxhi i sigurimeve shoqërore janë të shumëfishta.

Dëmi në përfitime në vlerë monetare është shumë më i madh se pagesa e kryer tani, e nga ana tjetër, pasojat sociale që u krijohen personave janë të pamatshme.

Në vitin 2014 kur qeveria Rama 1 nisi punën gjeti 9 miliardë lekë borxhe të papaguara nga qeverisja e djathtë.

Më zbulimin e këtij detyrimi dhe shlyerjen e tij një seri rregullash dhe ligjesh u miratuan me qëllim më qëllim që të mbyllej rrjedhja e krijimit të borxheve të reja. Të dhënat e fundit tregojnë se stoku i detyrimeve për sigurimet e pa-paguara ndërmjet 2014-2024 u rrit me 171 %.

Detyrimet u përkasin si enteve publike dhe pushtetit lokal ashtu edhe bizneseve private. Nëse bizneset nuk paguajnë në kohë detyrimet për punonjësit, llogaritë bankare të tyre bllokohen. Për institucionet shtetërore, puna ndryshon.

Llogaritë bankare të ndërmarrjeve të ujësjellësit, është vështirë të bllokohen për shkak të funksionit strategjik që kanë në shërbimet ndaj publikut.

Toleranca ndaj enteve të shtetit është “zyrtarizuar”, pasi shteti presupozohet që të shlyejë detyrimet në një moment të dytë, pasi ka krijuar borxhin.

Ndryshimet që janë bërë në ligjin e proceduarve tatimore, lejojnë pagesën me këste të detyrimeve të prapambetura të bizneseve. Por kjo praktikë nuk vlen për pagesën e borxheve të sigurimeve shoqërore.

Marrëveshja për pagesë me këste mund të lidhet për detyrime tatimore, të vendosura nga administrata tatimore për një vlerësim tatimor të kryer, sipas nenit 68, si dhe për detyrime tatimore të vetëdeklaruara nga tatimpaguesi.

Përjashtimisht, administrata tatimore nuk hyn në një marrëveshje të pagesës me këste për detyrim tatimor të vetë-deklaruar nga tatimpaguesi, i cili është llogaritur, ose mbledhur, ose mbajtur prej tij, përfshirë kontributet e sigurimeve shoqërore dhe shëndetësore,” thuhet në ligjin e procedurave tatimore./ Monitor

The post Rreziku i pensioneve/ Borxhi i sigurimeve shoqërore nuk ndalet, arrin 244 mln euro appeared first on Albeu.com.

KLSH referon se kjo shumë e përafërt me 240 milionë euro, do të ishte e mjaftueshme për të përballuar indeksimin e pensioneve për shumë vite.

Mospagimi i detyrimeve të sigurimeve të punonjësve, nuk është një shkelje që bëhet vetëm nga bizneset private.

Të paktën 668 ente publike buxhetore dhe jo buxhetore kanë detyrime të papaguara në vlerën e 794 milionë lekëve rreth 8 milionë euro, të cilat duhet të ishin arkëtuar nga Drejtoria e Përgjithshme Tatimeve për llogari të Institutit të Sigurimeve Shoqërore (ISSH), vëren Kontrolli i Lartë i Shtetit (KLSH) në një kontroll të ushtruar në ISSH.

Nga detyrimet e përgjithshme 18,4 miliardë lekë ndiqen nga Drejtoria e Përgjithshme e tatimeve dhe një shumë prej 5,8 miliardë lekësh janë detyrime nën përgjegjësinë e ISSH-se si arkëtime të vonuara nga bujqit dhe pensione të përfituara në mënyrë të padrejtë ndër vite.

Të dhëna më të detajuara tregojnë se rreth 103 mijë subjekte debitorë, me vlerë rreth 15.8 miliard detyrime të prapambetura dhe më gjithë kamata dhe gjoba arrin në 18,4 miliardë lekë.

Një subjekt identifikohet si debitor nga mospagimi i kontributeve të sigurimeve shoqërore, në momentin kur pagesa e kryer është më e vogël në vlerë se vlera e përcaktuar në Deklaratën e Listë pagesës së kontributeve të sigurimeve shoqërore dhe shëndetësore dhe të ardhurave nga TAP, ku afati ligjor i pagesës së tyre është data 20 e muajit pasardhës.

Nga analiza e të dhënave të debitorëve rezulton se trendi i mos-pagesës së detyrimeve për kontribute është në rritje si në numër dhe në vlerë.

Peshën më të madhe të detyrimeve e zënë subjektet juridike, biznes i madh me 58% dhe subjektet biznes i vogël zënë 38% të vlerës totale të detyrimit ( detyrim+gjobë+interesa).

Detyrimet e papaguara nga subjektet nën përgjegjësi të DPT-së, janë progresive dhe dërgohen nga DPT çdo 3 muaj, sipas akt marrëveshjes midis dy institucioneve, për të cilat ISSH nuk ka tagër në mbledhjen e tyre.

KLSH vë në dukje se detyrimet e papaguara nga subjektet debitorë në lidhje më shumat e papaguara të kontributeve, përfaqësojnë një numër të konsiderueshëm personash, të punësuar në këto subjekte, të cilët nuk mund të përfitojnë nga skema e sigurimeve shoqërore (pensione, leje barrë-lindje, raporte mjekësore etj).

Të dhënat tregojnë se gati gjysma e borxhit është i arkëtueshëm, pasi zotërohet nga ndërmarrjet që kanë status aktiv.

Subjektet aktive debitorë rezultojnë në numër 44,980 ose zënë rreth 41% të numrit gjithsej të subjekteve debitorë dhe në vlerë 8,5 miliardë lekë ose 47% të të gjithë shumës të detyrimit prej 18,4 miliardë lekësh.

Peshën specifike më të lartë kundrejt totalit të detyrimeve të subjekteve aktive e kanë Subjektet juridike prej 53%, e më pas biznesi i vogël me 41% dhe subjektet publike mesatarisht me 6%./Monitor

The post Borxhi ndaj sigurimeve 240 mln euro, KLSH: Do mjaftonte për indeksimin e pensioneve për shumë vite appeared first on Albeu.com.

Sipas të dhënave nga Ministria e Financave, totali i detyrimeve të prapambetura të ndërsjellta deri në fund të muajit maj 2024, rezulton në një shumë totale progresive 172.57 miliardë lekë (1.7 mld USD).

Kjo shumë është 2.8 % ose 4.7 miliardë lekë më e lartë se në fund të majit 2023. Këto detyrime janë sa 25% e të ardhurave buxhetore të planifikuara për këtë vit.

Totali i detyrimeve të ndërsjella që KESH sh.a ka deri në fund të muajit maj 2024, ndaj palëve të treta rezulton në 36.71 miliardë LEK, 6.4% më i lartë krahasuar me 5-mujorin e parë 2023.

Totali i detyrimeve të ndërsjella që OST sh.a ka deri në fund të muajit maj 2024, ndaj palëve të treta rezulton 19.66 miliardë LEK, ose 0.5% më i ulët se 5-mujori 2023.

Totali i detyrimeve të ndërsjella që OSHEE Group sh.a ka deri në fund të muajit maj 2024 ndaj palëve të treta rezulton 69.18 miliardë LEK, ose 14% më i lartë se 5 mujori 2023.

Totali i detyrimeve të ndërsjella që ndërmarrjet U-K kanë deri në fund të muajit Maj 2024 ndaj palëve të treta rezulton 40.92 miliardë LEK, ose 7.66% më i lartë se 5 mujori 2023.

Totali i detyrimeve të ndërsjella që Ministritë e Linjës/Institucionet Buxhetore kanë deri në fund të muajit Maj 2024 ndaj palëve të treta rezulton 6.1 miliardë LEK ose 9 % më shumë se 5 mujori 2023.

Në kuadër të reformës në sektorin e energjisë, Ministria e Financave dhe Ministria e Infrastrukturës dhe Energjisë, bashkëfirmosën Urdhërin e Përbashkët “Mbi zbatimin e planit të masave për reduktimin e detyrimeve të prapambetura në sektorin e energjisë elektrike”, nëpërmjet së cilit, ndërmarrjet e sektorit energjitik raportojnë në mënyrë periodike mujore, mbi shlyerjen e detyrimeve të prapambetura të ndërsjella ndërmjet sektorit të energjisë dhe entiteteve të tjera publike.

Gjatë vitit 2024, në përputhje me udhëzimin e sipërcituar, MF ka monitoruar periodikisht mbi bazë mujore detyrimet e ndërsjella të raportuara nga ndërmarrjet e sektorit të energjisë dhe entiteteve të tjera publike.

Procesi i monitorimit po tregon se vala e detyrimeve vijon të rritet në vend që të ulet.

Borxhi i ndërsjellët i ndërmarrjeve shtetërore, u shua në vitin 2014 pas një kredie me shumë se 700 milionë euro, që u mor për të shlyer detyrimet e krijuara deri në vitin 2013, stoku i të cilave ishte rreth 7,1 miliardë lekë.

Qeveria shqiptare forcoi rregullat, ligjet dhe udhëzimin për të shmangur krijimin e detyrimeve të prapambetura, por ato janë rikthyer në vlera edhe më të larta.

Ministria e Financave raporton se pavarësisht rezultatit financiar pozitiv për periudhën T1 2024, shoqëritë publike vazhdojnë të përballen me një situatë likuiditeti të pamjaftueshme, të mbartur nga vitet e kaluara, e cila ka bërë të pamundur shlyerjen e të gjithë detyrimeve sipas planit vjetor.

Një tjetër faktor që ka ndikuar në situatën aktuale janë edhe vonesat në shlyerjen e detyrimeve të ndërsjella nga ndërmarrjet U-K./Monitor

The post Shteti nuk paguan shtetin/ Borxhi që entet publike i kanë njëra-tjetrës arrin në 1.7 mld euro appeared first on Albeu.com.

Vlera më e madhe e borxheve të pashlyera i takojnë ministrisë së Infrastrukturës dhe Energjisë, ndjekur nga Ministria e Brendshme dhe më pas e Mbrojtjes.

Investimet e papaguara kryesojnë listën për detyrimet e institucioneve. Referuar shifrave 1.4 miliardë lekë ishte vlera e investimeve të pashlyera, ku 1.2 miliardë lekë i takonin MIE-s, ndjekur nga Ministria e Financave me 38 milionë lekë, dhe ajo e Turizmit me 36 milionë lekë borxhe për investime.

Së fundmi Ministria e Infrastrukturës ka kërkuar shtesë fondesh prej 2.3 miliardë lekë me argumentin për të shlyer detyrime të prapambetura të krijuara rishtazi në 4 mujorin e I, të vitit 2024, në sektorin e transportit rrugor.

Vendimet gjyqësore mbajnë peshën e dytë më të madhe të detyrimeve të prapambetura, ku rol kyç luajnë largimet e punonjësve nga puna, e që përfundojnë në Gjykatë, ku më pas të larguarit  shpallen fitues. Janë 953 milionë lekë detyrime që lindin nga vendimet gjyqësore, nga të cilat 556 milionë lekë i takojnë Ministrisë së Brendshme, 105 milionë lekë Ministrisë së Shëndetësisë dhe 100 milionë lekë detyrime për vendimet gjyqësore Ministria e Infrastrukturës dhe energjisë. Kjo e fundit ka kërkuar nga financat buxhet shtesë 1.8 miliardë lekë për shlyerjen e detyrimeve gjyqësore të formës së prerë pas vendosjes së sekuestro konservative.

Pjesa tjetër e borxheve të institucioneve shtetërore janë për mirëmbajtje, shërbime, sigurime shoqërore etj. Ndërsa borxhet e shoqërive ujësjellës-kanalizime, janë ulur në 209.5 milionë lekë, nga 227 milionë lekë që ishin në fund të vitit të kaluar.

The post Institucionet qendrore rrisin borxhet, shkojnë 3.5 mld lekë! Ministria e Infrastrukturës kërkon fond t’i shlyejë appeared first on Albeu.com.

Dyshohet se shkak për pengmarrjen ka qenë një borxh i pashlyer, ndërkohë që vijojnë ende hetimet për zbardhjen e rastit në fjalë.

“Prishtinë / 25.03.2024 – 21:40. Lidhur me rastin ne fjale dyshohet se eshte rrembyer nje mashkull kosovar I cili dyshohet se kishte nje detyrim ndaj nje personi mashkull kosovar.Lidhur me rastin sipas udhëzimit të prokurorit është inicuar rasti ndërsa palët janë liruar. Rasti në procedure hetimore”, thuhet në njoftim.

The post S’kishte shlyer borxhin, merret peng një person në Prishtinë appeared first on Albeu.com.

“Pas një mosmarrëveshje në mes të dy grupeve, të dyshuar meshkujsh kosovar, njëri prej tyre dyshohet se ka qëlluar me armë zjarri viktimën mashkull kosovar duke i shkaktuar lëndime vdekjeprurëse, vdekjen e të cilit e ka konstatuar ekipi mjekësor. Në vendin e ngjarjes është konfiskuar një pistoletë si dëshmi materiale, ndërsa janë arrestuar tetë të dyshuar meshkuj kosovarë të cilët pas intervistimit me vendim të prokurorit janë dërguar në mbajtje, ndërsa trupi i pajetë është dërguar në IML për obduksion”.

Viktima në këtë rast është një 29-vjeçar, nga dyshimet e para thuhet se e gjithë ngjarja erdhi pasi viktima i pati borxh njërit prej të dyshuarve për vrasjen.

The post Borxhi i vjetër i mori jetën 29-vjeçarit shqiptar, detaje nga ngjarja e rëndë në Malishevë appeared first on Albeu.com.

“Sonte, senatorët nga të dyja partitë votuan për të mbrojtur përparimin ekonomik të arritur me vështirësi dhe për të parandaluar falimentimin e parë ndonjëherë të Shteteve të Bashkuara”, tha presidenti Biden në një deklaratë.

Dhoma e Përfaqësuesve e kaloi ligjin me mbështetje të gjerë nga ligjvënësit republikanë dhe demokratë të mërkurën, për të lejuar qeverinë të vazhdojë të marrë hua më shumë para për të përmbushur detyrimet e saj financiare, duke tejkaluar tavanin aktual të borxhit prej 31.4 trilion dollarësh.

The post Senati amerikan miraton marrëveshjen për tavanin e borxhit appeared first on Albeu.com.

Në prag të zgjedhjeve të 14 majit, pushteti vendor rezulton me një mal detyrimesh të pashlyera që arrijnë në 5.9 miliardë lekë.

Sipas të dhënave zyrtare, stoku i detyrimeve të prapambetura në fund të 2022 është ulur krahasuar me vitet e tjera, por sërish asnjë nga 61 bashkitë nuk ka arritur të zerojë borxhet. Shlyerja mbetet ndër sfidat kryesore të 61 administratorëve të rinj të bashkive pasi të marrin pushtetin, sipas ekspertëve.

Nga Esmeralda Topi 

61 kryetarët e rinj të bashkive që do të dalin nga zgjedhjet vendore të 14 majit do të gjejnë një mal me borxhe të pashlyera nga njësitë e qeverisjes vendore. Të dhënat e Ministrisë së Financave tregojnë se në fund të 2022 stoku i detyrimeve të prapambetura nga ana e pushtetit vendor arriti në 5.9 miliardë lekë.

Vlera e këtij stoku është përgjysmuar krahasuar me vitin 2015, kur detyrimet e papaguara rezultonin 12.1 miliardë lekë, por sërish ulja e borxhit po bëhet me ritme të ngadalta. Pavarësisht përpjekjeve ndër vite, asnjë nga 61 bashkitë e vendit nuk ka mundur të zerojë detyrimet e prapambetura.

Sipas të dhënave, peshën më të rëndë të kësaj fature e mbajnë detyrimet për investime (të cilat zënë rreth 50% të detyrimeve totale). E thënë ndryshe këto janë para për punë të papaguara në rrugë, shkolla, apo ujësjellsa. Pjesa tjetër janë fatura të papaguara për shërbimet e marra, vendimet gjyqësore, mallrat apo punët për mirëmbajtje si dhe faturat e energjisë elektrike.

Bashkitë me borxhin më të lartë 

Tirana, Kavaja dhe Vora janë tre bashkitë me vlerën më të lartë të detyrimeve të papaguara në fund të 2022.

Por ndryshe nga Kavaja dhe Vora, që krahasuar me një vit më parë i kanë ulur lehtë këto detyrime, Bashkia e Tiranës thuajse e ka dyfishuar stokun e borxhit. Shifrat tregojnë se fatura e borxheve të bashkisë më të madhe në vend është rritur me 526 milionë lekë krahasuar me vitin 2021 në dy zëra kryesorë, investime dhe shpenzime të tjera.

Qeverisja vendore në Shqipëri

Një raport i sapopublikuar nga Instituti për Bashkitë e Shpërqiisë teksa analizon detyrimet e prapambetura të bashkive vë në dukje se 14 prej tyre e kanë shtuar vlerën e borxhit në fund të 2022.

“Gjithsesi performanca e 61 bashkive në këtë aspekt është mikse, ku referuar të dhënave vërehet se 14 prej 61 bashkive e kanë shtuar vlerën e detyrimeve të prapambetura ku spikasin bashkia Tiranë (+526.5 milionë lekë), bashkia Dibër (+251.9 milionë lekë), bashkia Pustec (+145.6 milionë lekë) dhe bashkia Devoll (+63.9 milionë lekë). Nga ana tjetër, vërehet një ecuri pozitive në shlyerjen e detyrimeve të prapambetura nga bashkia Malësia e Madhe (-253.8 milionë lekë), bashkia Durrës (+196.3 milionë lekë), bashkia Lezhë (-183.6 milionë lekë), bashkia Belsh (-141.4 milionë lekë) dhe bashkia Berat (-134.6 milionë lekë). Vlen të përmendet fakti që bashkia Këlcyrë dhe bashkia Patos për të dytin vit rradhazi nuk krijojnë asnjë detyrim të prapambetur ndaj palëve të treta.”, nënvizon raporti për vitin 2022.

Çfarë thonë ekspertët? 

Sipas ekspertëve zerimi i detyrimeve të pushtetit vendor duhet të jetë prioritet në punën e kryebashkiakëve të rinj.

“GARA PËR BASHKITË DEFICITARE, DUKET SE ËSHTË GARA MË E FORTË ELEKTORALE NË KËTË FUSHATË. NË RETORIKËN E TYRE KËTO SHIFRA NUK EKZISTOJNË, AS FORMA SE SI DO T’I RIKUPEROJNË, POR VETËM PROJEKTE DHE 3D TË CILAT ME GJASA SHTOJNË BORXHIN NDAJ QYTETARËVE. FAKTI QË KANDIDATËT SHPENZOJNË SHUMË PARA, ENERGJI DHE BËJNË BETEJA TË MËDHA PËR TË DREJTUAR KËTO BASHKI, JO DUKE DHËNË ZGJIDHJE PËR BORXHIN, POR PREMTIME PËR INVESTIME TË REJA, SHPJEGOHET ME FAKTIN SE PRIVILEGJI PËR TË DREJTUAR KËTO BASHKI FSHEH NGA MBRAPA NIVELIN E LARTË TË KORRUPSIONIT NË TENDERA DHE SHËRBIME, INTERESAT E LARTA EKONOMIKE QË MUNDËSON PUSHTETI VENDOR SI LEJET E NDËRTIMIT APO PROJEKTET ZHVILLIMORE, POR EDHE MBAJTJEN E PUSHTETIT NË FUNKSION TË ZGJEDHJEVE TË PËRGJITHSHME”

Rigels Xhemollari, Qendresa QytetareNdërsa, Drejtoresha Ekzekutive e Shoqatës për Autonomi Vendore, Adelina Farrici thotë se disa prej kandidatëve e kanë prekur në mënyrë indirekte këtë problematikë, teksa thekson se zerimi i borxheve duhet të jetë prioritet i çdo kryebashkiaku të zgjedhur pas 14 majit. “DUKE GJYKUAR NË SITUATËN AKTUALE KU JEMI NË FUSHATË PËR ZGJEDHJET LOKALE, DHE NËSE SHOHIM PLATFORMAT E KANDIDATËVE NË MËNYRE INDIREKTE FLITET EDHE PËR DETYRIMET E PRAPAMBETURA. TRAJTOHEN ÇËSHTJE TË MIRËMENAXHIMIT FINANCIAR, MIRADMINISTRIMI, RRITJA E TË ARDHURAVE ETJ. TË GJITHA KËTO I SHËRBEJNË ULJES SË DETYRIMEVE TË PRAPAMBETURA. DUKE NDJEKUR ECURINË E DETYRIMEVE NDËR VITE KEMI RËNIE TË TYRE, KJO TREGON VËMENDJEN E KUSHTUAR NGA BASHKITË VIT PAS VITI DHE MENDOJ QË DO VAZHDOJË TË JETË NË PRIORITETET E BASHKIVE DHE PAS ZGJEDHJEVE NË MËNYRE QË NË NJË PLAN AFATMESËM TË SHKOJMË DREJT ZERIMIT TË KËTYRE DETYRIMEVE.”

Adelina Farrici

Kur mund të zerohen borxhet e pushtetit vendor?  

Në përpjekje për të adresuar këtë problematikë të mbartur prej vitesh, qeveria miratoi në mars disa ndryshime në ligjin për financat e vetëqeverisjes vendore që i hap rrugën shlyerjes së detyrimeve të prapambetura brenda vitit 2024. Ndryshimet e propozuara detyrojnë bashkitë që të paktën 30 për qind të fondeve të trashëguara nga një vit më parë, t’i përdorin për shlyerjen e borxheve.

“KËTO PARA QË TRASHËGOHEN SIPAS NJËSIVE, SHKOJNË PËR TË SHLYER DETYRIMET E PRAPAMBETURA NËSE KANË OSE HUATË QË KANË MARRË PËR PROJEKTE APO FUSHA TË NDRYSHME. NE SYNOJMË QË SË PARI TË RRISIM DISIPLINËN FINANCIARE TË NJËSIVE TË VETËQEVERISJES VENDORE, QË KËTO NJËSI TË SYNOJNË QË TË ULIN STOKUN. DHE PËR HIR TË SË VËRTETËS FAKTI QË JANË ULUR DETYRIMET NË FUND TË VITIT 2022, TREGON QË SHUMICA E BASHKIVE KANË REFLEKTUAR.”, POHON PËR FAKTOJE FRAN BRAHIMI, DREJTOR I FINANCAVE VENDORE NË MINISTRINË E FINANCAVE DHE EKONOMISË, TEKSA THOTË SE NISMA SYNON QË STOKU I DETYRIMEVE TË PRAPAMBETURA TË ZEROHET NË FUND TË VITIT 2024. 

Fran Brahimi, Drejtor i Financave VendoreNdryshimet në ligjin për financat e vetëqeverisjes vendore pritet të kalojnë për diskutime në komisionet parlamentare, në mënyrë që t’i hapet rrugë miratimit në parlament. /Faktoje.al

The post Orteku i borxheve në ‘kurriz’ të kryebashkiakëve të rinj appeared first on Albeu.com.

Falë hyrjes së tij në Big Brother Vip, Luizi tregoi pjesë nga vetja dhe jeta e tij që tërhoqën vëmendjen  e mijëra shqiptarëve, të cilët janë kthyer në “tifozë” të vërtetë të Luizit.

Shumë është folur për jetën e Luizit para lojës, për lidhjen e tij 10-vjeçare me vazjën e Jozëfina Topallit dhe borxhet.
Për këtë Luizi foli vetë në spektaklin e së shtunës në linjën e jetës.

Gazeta Dita ka bërë një investigim në lidhje me borxhet e Luizit, mashtrimin dhe sekuestrimn e llogarive bankare nga IUTE CREDIT.

Artikulli i plotë

Historia e Luiz Ejllit është historia e mijëra të rinjve dhe të rejave të thjeshtë të këtij vendi, të cilët jetuan në demokracinë që flet shqip.

Me ndryshimin e vetëm dhe të rrallë, që historia e Luizit, pati një “happy-end”. Luiz Ejlli është sot shqiptari më i njohur dhe i komentuar nga të gjithë, brenda dhe jashtë kufijve, përfshirë diasporën dhe Kosovën.

I admiruar nga një shumicë milionëshe që, për pasion me siguri do kalonte edhe përkrahësit më të zjarrtë të të gjitha partive politike të marra së bashku, Ejlli as nuk e imagjinon dot (deri të dielën) se çfarë ndikimi dhe force ka historia e jetës së tij tek miliona të rinj dhe të reja, njerëzit e thjeshtë, populli i zakonshëm.

Jetën prej 37 vitesh ai e tregoi në ngashërim dhe përlotur të shtunën mbrëma, si për të vulosur në zemrën e të gjithëve, thirrjen: Ma ndryshoni fatin o njerëz!

Luiz Ejlli, vjen nga një familje e thjeshtë shkodrane, lindur në një qytet me shumë art, histori dhe vuajtje. Si pinjoll i mijëra familjeve të zakonshme shqiptare, ai u rrit përvuajtur në demokracinë e ’91, ’97 dhe gjithë viteve që solli shekulli 21. U përpoq të ndërtojë një jetë brenda artit, këngës, muzikës. Ia doli disi me fitimin e një konkurrimi – Festivalit të 44-ët në RTSH dhe pjesëmarrjen në një tjetër, Eurovision 2006.

Por arti në Shqipëri nuk të jep “bukë” vec çmimeve. Bëri kompromis me dashurinë të përzier me pushtet, kur u bë “dhëndri i Jozefinës”, politikanes së ashpër të Partisë Demokratike, e cila mbahet mend për shprehjen, por dhe sjelljen “Kapeni për zhelesh dhe nxirreni jashtë”.

Luizi në rrëfimin e tij tregoi se ndarja me të bijën e Jozefinës, përfundoi në një vetmi dhe disfatë të madhe, në një sedilje makine, me 37 mijë lek në xhep, pa shtëpi dhe më pas, pa punë, praktikisht i përzënë prej zhelesh jashtë, nga një jetë 10 vjeçare.
Fatin e sa të rinjve shqiptarë 20, 30 apo 40 vjeçarë ka shenjuar historia e Luiz Ejllit? Të talentuar, të zhgënjyer nga dashuria dhe jeta, të papunë, të nëpërkëmbur dhe të zhvlerësuar nga shoqëria dhe “demokracia”?

Luizi i tregoi rinisë dhe shoqërisë se ishte mbytur në borxhe, ndaj e don’ dëshpërimisht çmimin, për një fillim të ri, jetë të re. Për të krijuar një familje, një strehë të tijën, pa lakun e borxhit dhe pa kompromisin e titullit të vjetër “kollovar”. Natyrisht që rinia po ‘tërbohet’ duke e nxjerrë fitues me mesazhe dhe përkrahje të shfrenuar. Politika e të dyja krahëve po druhet të reshtohet e ta gllabërojë. Po ruan me frikë deri të djelën…se fenomeni “Luiz” mund të jetë një goditje fatale për ta. Ai mund të akuzojë!

Sot, do akuzojmë në emër të tij. I kapur nga dara e “Iute”, Luiz Ejlli është një nga mijëra viktimat e aktivitetit të mikrokredive në Shqipëri. Në borxh 2 milion lekë të vjetra për shkak të një mikrokredie, Luizit i është bllokuar llogaria bankare nga 7 Prilli, duke e lënë pa asnjë lek deri në 24 Dhjetor 2022, kur Big Brother-i i hapi një “llogari” me çek të bardhë…

Burime nga banka Raiffeisen, tregojnë për DITA se llogaritë e sekuestruara si e Luiz Ejllit janë me mijëra, mbushur me emra të rinjsh e të rejash nga të gjitha fshatrat dhe qytetet e Shqipërisë. Ata bllokohen për shkak të borxheve të kredive konsumatore që merren lehtë edhe online, vetëm me një kartë identiteti, sidomos tek Iute.

Mikrokreditë e Iutes variojnë në vlera nga 200 mijë – 1 milion lekë të vjetra, me afat 1 deri në 36 muaj, që “luizët” i marrin zakonisht për nevoja emergjente, halle që s`presin por edhe blerje në qendra biznesi, dyqane elektroshtëpiakesh ose telefonash. Vetëm për vitin 2022, janë më shumë se 15 000 llogari individësh të sekuestruara vetëm për interes të Iutes-s, pohon burimi i bankës. Këto mikrokredi aplikohen në dyqane, ose nëpër kioskat e shumta që janë hapur kudo në Shqipëri.

Rastin e tij Luiz Ejlli do ta tregojë vetë me detaje, kur të dalë. Ai do i tregojë popullit të tij se sa para mori tek Iute, çfarë halli kishte, sa pagoi dhe nëse e dinte se do paguante shumëfish në fund.

Nëse e dinte se ndaj tij është zhvilluar një gjyq në Tiranë, në 25 Mars 2021, kur Gjykata nxorri një urdhër ekzekutimi që ai të paguante, sa lekë? Nëse e dinte se “Iute” e shiti kredinë e tij tek një tjetër mikrofinancë me emrin “Final”. Nëse e dinte se “Final” caktoi një kompani tjetër “ADCA” që të mblidhte borxhin ndaj tij dhe, nëse e dinte se një përmbarues ia kishte bllokuar llogaritë për borxhin serial, 208 mijë lek të vjetra!

Luizi i tregoi shqiptarëve që, për shkak të bujarisë së shkodranit Benet Beci, ishte punësuar tek KESH-i por nuk u tregoi nëse i merrte paratë e rrogës nga 7 prilli 2022, dita kur dara e “Iutes” me mashtruesit e tjerë, e kapi prej gryke dhe e mbajti fort, deri ditën kur u fut në Big Brother AlbaniaVip-2.

Me dhjetra të rinj si Luiz Ejlli janë gënjyer, janë mashtruar, janë dhunuar nga mashtrimi i madh me mikrokreditë, janë infektuar rëndë nga ky virus. Virus më i madh se ai i Pandemisë, që konkurron për vuajtje e pasoja, mashtrimin e tmerrshëm të firmave piramidale në vitet 1994-1997.

Në tre vitet e fundit, dhjetra kioskat dhe aplikimet online të mikrokredive “Iute” janë mbushur plot me të rinj shqiptarë, familjarë të varfër të qyteteve dhe fshatrave, të pamundurit, të dëshpëruarit e zhytur në borxhe të mëparshme, për të blerë kush një lavatriçe, kush një ‘telefon’, dikush aplikon për ilaçe ose dhurata.

Shumë prej tyre për të likujduar muajin e mëparshëm në borxh ushqimor. Të gjithë bashkë të futur në çarkun e madh të fajde-mikrokredive, çark i krijuar dhe lejuar të funksionojë si pjesë e sistemit financiar shqiptar, nën hundën e autoriteteve tona. Me lejen e tyre?!

Çdo ditë reklamat e bukura me shkëlqim shumë inkurajojnë marrje mikrokredish. Ato ftojnë nëpër media për t’u futur në kurthin e ëmbël, në borxhin fajde, që më pas prodhon histori të dhimshme, të trishta, shpesh tragjike, sidomos për të rinjtë që jo të gjithë do jenë “fitues” të një Big Brotheri, si Luiz Ejlli.

“Iutecredit Albania” dhe kioskat simotra u japin para për “7 minuta”, vetëm me një kartë identiteti nevojtarëve, sidomos të rinjve e të rejave të pamësuar ende me “hilet” e jetës, pa u dhënë atyre asnjë informacion të kuptueshëm për koston e këtyre kredive, për riskun, interesat e vërteta e ato të fshehura, duke i mashtruar pikërisht në injorancën që ka secili prej nesh, rreth njohurive financiare.

Me dhjetëra histori emigrimi lidhen pikërisht me pamundësinë e shlyerjes së këtyre mikrokredive në Shqipëri. Dhjetra të rinj futen në histori pa kthim, që përfundojnë në demoralizim për të ardhmen e tyre, në urrejtje për vendin ku kanë lindur, deri në mendime urrejtëse për familjen apo sjellje ekstreme vetëvrasëse.
——
Media ka shkruar e bërtitur shumë në letër, online dhe emisione në eter, për mashtruesit që shesin e blejnë mikrokredi për një kohë të gjatë. Kujtojmë vitet e fundit kur investigimet mediatike ekspozuan skemën e mashtrimit të mikrokredive krijuar nga MCA – ADCA, ZIG dhe STAR.

“Iutecredit Albania” dhe “Final”, pikërisht në kulmin e këtyre denoncimeve publike dhe hetimeve “intensive” ngritën perandorinë e tyre duke ngritur flamurin pirat të fajdeve dhe mashtrimit.

IuteCredit me seli në Talin të Estonisë së largët, shtet me 1.2 milionë banorë, erdhi dhe krijoi në 2016 në Shqipëri IuteCredit Albania, duke caktuar si drejtor dhe mëkëmbës të interesave shumëmilionëshe, shqiptarin me emër afrikan Akan Ajdin.

Estonezët Tarmo Sild dhe Allar Niinepuu erdhën në Shqipëri, ashtu si në Kosovë dhe Bosnje Hercegovinë. Ata u shtrinë në Maqedoni dhe Moldavi gjithashtu, pasi vendet balltike si Letonia dhe Lituania, estonezët e Iute-s i përzunë me ceremoni. Të njëjtën gjë bëri Banka Qendrore e Kosovës në 2019, kur e mbylli Iutecredit Kosova, pasi e quajti kërcënim ndaj sigurisë kombëtare të vendit dhe hodhi dyshime mbi lidhjet e sipërmarrësve letonezë me njerëz të përfshirë në aktivitete të pastrimit të parave.

Gjykata e Arbitrazhit Ndërkombëtar i dha të drejtë Bankës Qendrore të Kosovës në vitin 2022, kur Grupi Iutecredit-Europe e hodhi në gjyq Kosovën.

Banka Shtetërore e Bosnjës ka vedosur një sërë sanksionesh dhe kufijsh përgjatë vitit 2022 për Iutecredit Bosnja, duke përgatitur aktet ligjore për mbylljen e saj në këtë shtet ashtu, si në Kosovë.

Po Shqipëria çfarë bën? Po Banka e Shqipërisë? Po autoritetet ligjzbatuese? Përse heshtin? Ku është Drejtësia e re? Ku janë Prokurorët e “tmerrshëm” të SPAK?
“Iutecredit” në Kosovë u ndalua publikisht të japë kredi dhe u dëbua me ceremoni nga autoriteti i Bankës Qendrore të Kosovës. E njëjta “lutecredit”, me të njëjtin grup estonezësh vazhdon qetë dhe pa asnjë shqetësim në Shqipëri.

Guvernatori i Bankës së Kosovës i tha para tre viteve opinionit të vet publik, se po mbyllej një kompani mikrokrediti (Iutecredit) që kishte aplikuar norma tepër të larta interesi të kredisë dhe jashtë çdo standardi të lejuar për popullin e thjeshtë.

Po në Shqipëri? Duhet të dalë e të flasë “Luiz Ejlli” për këtë skandal të përmasave popullore?

“Afrikani” i Iutes në Shqipëri, Akan Ajdin, zgërdhihej me deputetët e Komisionit për Ekonominë dhe Financat në 14 qershor 2022, kur ata e thirrën për ta “qortuar” lidhur me Iuten dhe aktivitetin e saj. Ai u tha atyre: “Iute jep 12 000 kredi çdo muaj. Pse vijnë njerëzit tek ne? Sepse për një pjesë të mirë të këtyre, dyert e bankave janë mbyllur, ose e kanë malore!”
Akan-i ekspozoi një të vërtetë të hidhur që, sistemi serioz bankar në Shqipëri ka përfunduar misionin duke i lënë stafetën mashtruesve të mikrokredive. Akan-i nuk i tregoi deputetëve (dhe ata nuk e pyetën) të vërtetën se si Iute jep kreditë, dhe më pas i shet ato tek Final dhe Microcredit Albania, brenda një qarku të mbyllur dhe skeme mafioze, ku një frigorifer, celular, orë, ose lap- top që merret me kredi tek Iute, kthehet në një makth e rrënim ekonomik tek Final apo MCA, kur u troket në derë gjoba ADCA.
Akan Ajdin nuk i tregoi deputetëve (dhe ata nuk e pyetën), të vërtetën se sa nga 12 000 kreditë në muaj kthehen nga shqiptarët dhe sa përfundojnë në gjykatë. Sa shiten. Sa shumëfishohen dhe si kërkohen më pas. Sa e thellë është gropa që ka krijuar Iutecredit dhe simotrat e saj në jetët e shqiptarëve.
Akan Ajdin nuk i tregoi deputetëve se pas Final-it, që blen borxhet e Iutes, është pronari i kësaj shoqërie mikrofinanciare, mashtruesi famëkeq, Arben Meskuti. I denoncuar nga të gjitha mediat, autoritetet tatimore dhe Ministria e Drejtësisë, Meskuti vazhdon bisnesin me Ajdinin, paçka se ka marrë në qafë mijëra familje shqiptare, me permbarimin Zig dhe sot me mikrokredinë Final.

Viktima e fundit është beniamini i miliona shqiptarëve. Le të jetë Luiz Ejlli, ai që do thotë të vërtetën e tij kur të dalë, për të gjithë…
Le të jetë ai që do hapë siparin e do tregojë mbi këtë mashtrim të madh që ka gjunjëzuar rininë shqiptare. Ai nuk ka më nevojë për të likujduar 2 milionet e Iutes apo Finalit, se para do ketë boll, por vetëm të tregojë të vërtetën e tij!

The post Historia e panjohur e Luiz Ejllit/ Si u bë viktimë e mashtrimit nga banka IUTE CREDIT, 3 burrat që e futën në kurth appeared first on Albeu.com.