“Siç raportohet nga Culemania, Barça ka paguar 16 milionë eurot e mbetura nga 121.7 milionë eurot fillestare të shtyra gjatë kulmit të krizës së tyre financiare”, konfirmoi klubi.

“Pjesa tjetër e skuadrës ra dakord të shtyjë 42.9 për qind të pagave fikse dhe 100 përqind të bonuseve të ndryshueshme në tetë këste nga dhjetori 2021 deri në qershor 2025”, thuhet më tej.

Lionel Messi kryesoi listën me 5.96 milionë euro të përfshira në këtë pagesë përfundimtare, ndërsa Samuel Umtiti, Sergio Busquets dhe Antoine Griezmann morën shuma të konsiderueshme secili.

Barcelona e mbyll librin e këtij plani të pagave të shtyra dhe e fillon sezonin e ri pa borxhe në këtë fushë.

The post Barcelona paguan borxhin ndaj Messit dhe të tjerëve appeared first on Albeu.com.

Kjo ishte norma më e ulët në histori e bondeve 10 vjeçare në lekë. Për krahasim, interesi i obligacioneve 10 vjeçare të qeverisë amerikane aktualisht luhatet në kuotën 4.4-4.5 për qind.

Obligacionet janë letra me vlerë përmes të cilave qeveria merr borxh nga tregu. Interesi që rezulton nga ankandi i tyre është kostoja që paguan buxheti për marrjen e këtij e borxhi.

Në ankandin e fundit, qeveria synonte të merrte fillimisht 3.5 miliardë lekë borxh përmes bondeve 10 vjeçare.

Por oreksi i tregut për të financuar qeverinë ishte i madh duke bërë që vlera totale e kërkesave në ankand të arrinte gati 4.6 miliardë lekë.

Duke parë dhe normën e favorshme të interesit, ministria e Financave vendosi të marrë 3.7 miliardë lekë.

Prej më shumë se 1 viti, normat e interesit të letrave me vlerë kanë qenë në rënie të vazhdueshme.

Aktualisht, në të gjithë spektrin e tregut të bonove qeveritare, interesat janë në nivelet më të ulëta në histori, nga bonot me afat tremujor deri tek obligacionet 10 vjeçare.

Ky oreks i madh i tregut për të financuar qeverinë me borxh vjen për shkak të një sërë faktorëve. Së pari, një nga arsyet kryesore që po i shtyn normat për poshtë lidhet me uljen e borxhit publik dhe gjendjen e bollshme të likuiditetit në sektorin bankar.

Arsyeja e dytë ka të bëjë me zgjerimin e bazës së investitorëve që blejnë borxhin e brendshëm shqiptar.

Vitin e kaluar disa investitorë amerikanë blenë mbi 14 miliardë lekë borxh të brendshëm të qeverisë shqiptare përmes letrave me vlerë duke rritur kështu konkurrencën në treg dhe për pasojë duke ulur interesat.

Dhe afrimi i investitorëve nga jashtë që blejnë borxh në lekë të qeverisë shqiptare sinjalizon dhe faktorin e tretë të rënies së normave të interesit. Ai është rënia e primeve të rrezikut dhe rritja e besimit tek ekonomia shqiptare, por edhe tek leku./ Kapitali.al

The post Qeveria shqiptare po merr borxh 10 vjeçar gati me të njëjtat interesa si Thesari i SHBA appeared first on Albeu.com.

Lushi tregoi se ka qenë një nga konkurrentët pjesëmarrës në emisionin “100 milionë” në Top Channel, që drejtohej nga Popi, por në fund të lojës, nuk ia doli t’i përgjigjej saktë pyetjes, duke humbur paratë.

Ndaj, me nota humori, i tha moderatorit se i ka para borxh.

Lushi: “Eno Popi më ka 100 mijë euro borxh! E mban mend atë emisionin që ka pasur “100 milionë”. M’i dha dhe m’i mori prapë”.

Lushi: “Një pyetje për Italinë mesa mbaj mend… Danimarka më duket”.

Manushi: Është e vërtetë që ke qenë? Të ranë të gjitha lekët poshtë ty?

Lushi: “Ranë të gjitha! Më beso, as në kazino, nuk të ikin lekët aq shpejt, sa ikën aty”.

Dhedhes: Eno, mos ndoshta ky ishte momenti më i sikletshëm?

Popi: “Jo, mua nuk më bënte dhe vazhdon të mos më bëjë përshtypje kjo pjesa e lekëve, sepse unë njerëzve u marr atë që është emocioni, inati ose dashuria. Kjo ka qenë më e rëndësishme. Edhe pse e di që njerëzit e kanë dorë me një, sytë i bëjnë dollarë”.

The post Poeti habit me deklaratën: Eno Popi më ka 100 mijë euro borxh appeared first on Albeu.com.

Bllokimi i madh financiar në të cilin u gjend “Mbreti i Pop-it”, përshkruhet në një peticion të depozituar në Gjykatën e Lartë të Qarkut të Los Anxhelosit.

“Në kohën e vdekjes së Michael Jackson, asetet e tij kryesore ishin subjekt i më shumë se 500 milionë dollarë borxh dhe pretendime nga kreditorët, me një pjesë të borxhit të grumbulluar me interesa me norma jashtëzakonisht të larta dhe një pjesë të borxhit ishte në mospagim”, thuhet në deklaratë.

Para se të vdiste më 25 qershor 2009, Jackson po përgatitej të niste një turne të quajtur “This Is It”. Turneu ishte planifikuar me marrëveshjen e një angazhimi prej 50 koncertesh në O2 Arena të Londrës.

Ai vdiq pak para turneut, gjë që e la pasurinë e tij të shtrënguar financiarisht për 40 milionë dollarë për promotorin.

Tani, paratë nga pasuria e Xheksonit kërkohen të përdoren për të rimbursuar avokatët dhe ata që merren me lëvizjet e nevojshme ligjore, si dhe shpenzime të tjera.

Në të njëjtën kohë, theksohet se Jackson kishte marrë padi në shtete dhe vende të ndryshme deri pak para se të vdiste, për shkak të borxheve.

Ai vdiq në rezidencën e tij në Los Angeles në moshën 50-vjeçare nga helmimi akut. Mjeku i tij u shpall fajtor për vrasje nga pakujdesia në vitin 2011 për sigurimin e drogës.

Karriera e shkëlqyer e Jackson përfshinte 13 çmime Grammy, dy induksione në Rock ‘n’ Roll Hall of Fame dhe shitje të mbi 400 milionë disqe.

The post Dokumentet e reja: Michael Jackson vdiq me mbi 500 milion dollarë borxh appeared first on Albeu.com.

“Ndër vite i kisha mbledhur Fernandos gjithë lekët që i sillte babai i vetë… çdo muaj. Sapo u bëra gati të bëja një investim për djalin, ndodhi që mami im u sëmurë dhe u shpenzuan të gjitha. Kështu që kam një detyrim ndaj djalit tim për t’ia zëvendësuar lekët,”-tha Çiljeta.

View this post on Instagram

A post shared by Ferma VIP Albania (@fermavip.al)

The post “100 mijë euro ja kam borxh djalit”/Çiljeta tregon planin e saj nëse fiton Ferma VIP (VIDEO) appeared first on Albeu.com.

Megjithatë, në analizën e publikuar nga Banka e Shqipërisë thuhet se niveli i huamarrjes së familjeve dhe aftësia paguese e tyre paraqiten të qëndrueshme dhe pa ndryshime të rëndësishme nga periudha e mëparshme.

Rreth 83% e familjeve deklarojnë se pagesa e huasë zë ‘më pak se 30% të ardhurave mujore që ata kanë, dhe ky tregues thotë Banka e Shqipërisë është përmirësuar me 10% krahasuar me vitin 2022. Nga ana tjetër, pesha e familjeve ku ‘pagesa e huasë’ tejkalon 30% të ardhurave’ është 17%.

Ndërkohë rreth 55% e familjeve huamarrëse kanë deklaruar se aftësia e tyre paguese ‘nuk ka ndryshuar’ gjatë gjashtëmujorit të dytë të 2023-shit, kurse 45% e tyre thonë se situata është përkeqësuar. Por këto tregues janë në përmirësim në raport me vitin 2022, thuhet në vrojtim.

“Prirje të ngjashme paraqet edhe indeksi i pritjeve mbi aftësinë paguese për gjysmën e parë të vitit 2024, i cili ndonëse me vlerë negative, sinjalizon pritje më optimiste të familjeve krahasuar me gjashtëmujorin e kaluar dhe me një vit më parë”, thotë Banka e Shqipërisë.

Ndërsa për këtë vit, familjet presin një ngadalësim të kërkesës së tyre për kredi pasi 57% e të përgjigjurve kanë deklaruar se ‘nuk presin të marrin hua të re në 6 muajt e ardhshëm.

The post Vrojtimi/ 24% e familjeve me borxh, por aftësia paguese në rritje! Banka e Shqipërisë: Pritje pozitive edhe për këtë vit appeared first on Albeu.com.

Përmes një ‘instastory’, Stresi, i tregon paratë që sipas Julit ia kishte borxh. Duke qeshur, ai kthen kamerën nga tavolina, ku ka rreshtuar paratë.

‘Gjylfidane. Eja eja. Ti jap 30 mijë euroshin që ti kam premtuar në ‘BBV’. Edhe je forca e femrës, femrat shqiptare mbështeten tek ty dhe tek qeni jot’– thotë Stresi në video.

The post “Më ka para borxh”/Stresi tallet me Julin, nxjerr eurot në video: Eja merri appeared first on Albeu.com.

Bëhet fjalë për Asim Tufail, një 52-vjeçar i cili rrezikon një dënim të gjatë në burg për rolin e tij në trafikun e drogës e armëve.

Siç shkruajnë mediat britanike, ai ishte gjithashtu i përfshirë në operacionet ndërkombëtare të pastrimit të parave. Hetuesit thonë se, ndër të tjera, ai vepronte në emër të kriminelëve të tjerë për të “marrë borxhet”.

Në seancën e mbajtur në gjykatën e Manchester u mësua sesi 52-vjeçari u thoshte borxhlinjve se kriminelëve për të cilët vepronte, ‘u kishte ardhur në majë të hundës nga lojërat e gënjeshtrat’, pasi borxhi prej 600 mijë paundësh nuk ishte shlyer. Ai më pas u kërkoi aktet e pronësisë së një prone, në vend të pagesës.

52-vjeçari po ashtu e kërcënoi personin në fjalë me ndërhyrjen e ‘shqiptarit’, tha prokurori Tim Storrie, pa specifikuar se për kë shqiptar bëhej fjalë.

Dënimi për Tufail pritet që të jepet ditën e sotme, pasi është shpallur fajtor për një seri akuzash. Pjesë të aktivitetit të tij kriminal ai kishte bërë edhe të birin, Junnaid Tufail, 23 vjeç. Ky i fundit, të atin e përshkruajti si ‘baba model’. Edhe 23-vjeçari i ka pranuar akuzat për disa krime që lidhen me drogën dhe armët.

Dyshja po ashtu reklamonte armë zjarri për shitje te kriminelët e tjerë në rrjetin e komunikimit EncroChat. Në këtë aplikacion 52-vjeçari mbante pseudonimin ‘Assassin New’, ndërsa i biri ‘Baby Assassin’. Ata u arrestuan të dy në Aeroportin e Manchester në Janar të 2021 teksa ishin nisur për në Dubai.

Babë e bir jetonin në Northenden, mes pasurisë marramendëse.

The post “Paratë ose të solla shqiptarin”, si i kërcënonte bosi britanik i krimit borxhlinjtë appeared first on Albeu.com.

“Partnerët tanë në rajon, veçanërisht Jordania, po punojnë për këtë, ne po punojmë me ta. Ne jemi të gatshëm të kontribuojmë në të, në Evropë dhe në Këshillin e Sigurimit. Njohja e një shteti palestinez nuk është një çështje tabu për Francën”, tha Macron dhe shtoi se “ne ia kemi borxh palestinezëve, aspiratat e të cilëve janë shkelur për një kohë të gjatë”.

Njohja e njëanshme franceze nuk do të ndryshonte situatën në terren pa negociata të vërteta, por do të kishte peshë simbolike dhe diplomatike, raporton timesofisrael.

The post Macron tronditi Netanyahun: Njohja e Palestinës nuk është më tabu për Francën, ia kemi borxh palestinezëve appeared first on Albeu.com.

Stoku i detyrimeve të prapambetura në fund të muajit mars 2023, i cili parashikohet të shlyhet në një periudhë afatmesme, bazuar në planin e shlyerjes së dërguar nga të gjitha bashkitë në Ministrinë e Financave dhe Ekonomisë është rreth 6.02 miliard lekë.

Vlera e stokut të detyrimeve të prapambetura është rritur me rreth 0.06 miliard lekë, krahasuar me stokun e detyrimit në fund të vitit 2022, që ishte 5.96 miliard lekë.

Sipas kategorive, peshën më të madhe të stokut të detyrimeve e zë kategoria “Investime” me 48.3%. Më pas, kategoria “Të tjera” 24.6%, “Shërbime” 12.4%, dhe “Vendime Gjyqësore” 6.9%. Ndërsa sa i përket qarqeve, stoku i detyrimit të tyre përbëhet kryesisht nga vendime gjyqësore, të cilat zënë 95.8% të totalit të detyrimit të qarqeve.

Siç shihet gati gjysma e detyrimeve janë krijuar ndaj kompanive që kanë kryer punime për llogari të bashkive. Detyrimet në këtë zë u rritën gjatë tremujorit të parë pasi pushtet lokal hapi fronte pune më shumë se zakonisht, siç ndodh gjithmonë në prag të fushatave elektorale.

Ministria e Financave raportoi se stokun më të lartë të detyrimeve e ka bashkia Tiranë në vlerën rreth 1.7mld lekë, e cila përbën 28.4% të totalit të detyrimeve.

Më pas, bashkia Kavajë në vlerën rreth 770.5mln lekë, që përbën 13% të totalit të detyrimeve; bashkia Vorë në vlerën e pandryshuar 413mln lekë ose 7% të totalit të detyrimeve; bashkia Durrës në vlerën rreth 340.7mln lekë ose 5.8% të totalit të detyrimeve.

Më pas renditen bashkia Pogradec e Kamëz. Bashkia Kavajë shënoi ulje të stokut të detyrimeve, ndërsa bashkia Tiranë shënon rritje të stokut, krahasuar me fundin e 2022.

Sa i përket qarqeve, stokun më të lartë të detyrimit vazhdon e ka qarku Durrës në vlerën rreth 51.3mln lekë, e cila përbën 50% të totalit të detyrimeve; qarku Berat në vlerën rreth 39.3mln lekë, e cila përbën 38.3% të totalit të detyrimeve; qarku Gjirokastër në vlerën 10.4mln lekë, që përbën 10.1% të totalit të detyrimeve. Më pas renditen qarku Vlorë dhe qarku Korçë. Konstatojmë se qarku Durrës dhe Berat shënojnë ulje të stokut të detyrimeve, krahasuar me fundin e 2022.

Por në fakt borxhet reale të pushtetit lokal janë edhe më të larta po të llogarisim borxhet që kanë krijuar ndërmarrjet e ujësjellësit në administrim të tyre.

Ministria e Financave raportoi se problematikë e rëndësishme mbetet edhe stoku i detyrimeve të akumuluara nga ndërmarrjet UK Sh.a ndaj sektorit të energjisë, kryesisht për shkak të performancës së ulët të pjesës më madhe të shoqërive UK sh.a.

Kështu deri në Maj 2023, OSHEE Group sh.a raporton se detyrimet e akumuluara të ndërmarrjeve të ujësjellës-kanalizimeve rezultojnë të jenë rreth 27.8 miliardë LEK. Nga të cilat, rreth 15 miliard LEK janë detyrime të faturuara ndaj kompanisë dhe 12.8 miliard LEK janë detyrime për kamatëvonesa. Në tabelën e mëposhtme listohen pesë ndërmarrjet që kanë pjesën më të madhe të detyrimeve (principal pa kamata) ndaj OSHEE Group Sh.a deri në 3M 2023. /Monitor

The post Bashkitë me 60 milionë euro borxhe për tremujorin e parë të vitit, gjysmat për punime të papaguara appeared first on Albeu.com.