Kurti dhe Vuçiç janë takuar për herë të fundit më 2 maj – nëntë ditë pas zgjedhjeve të jashtëzakonshme në veri të Kosovës, të cilat janë bojkotuar nga popullata lokale serbe. Nga ajo kohë, mes dy vendeve ka pasur një sërë tensionesh dhe krizash.

Më 30 gusht, BE-ja përsëriti thirrjen për të dyja që të krijojnë një klimë për vazhdimin e dialogut.

Dy vendet, nën ndërmjetësimin e Bashkimit Evropian, janë në bisedime për normalizimin e marrëdhënieve qysh në vitin 2011. Ndonëse kanë arritur dhjetëra marrëveshje në fusha të ndryshme, zbatimi i shumicës prej tyre ka ngecur. Gjatë konferencës së tij, Borrell ka njoftuar se së bashku me presidencën spanjolle të BE-së do të mbajë një konferencë të përbashkët në nivel të ministrave të Jashtëm të Ballkanit Perëndimor për të analizuar situatën në rajon. Ai shtoi se kjo do të bëhet krahas takimeve tjera që do të zhvillohen, siç është samiti i Procesit të Berlinit.

“Çështja e zgjerimit ka qenë në diskutimet tona. Kemi diskutuar për Ukrainën dhe për zgjerimin drejt Ballkanit perëndimor . Do të mbetet proces i zbatuar në meritat individuale”, ka thënë ai duke shtuar se edhe për BE-ja ka nevojë të përgatitet për zgjerim.

Presidenti i Këshillit Evropian, Charles Michel, ka propozuar këtë javë që viti 2030 të caktohet si afati deri kur edhe Bashkimi Evropian, edhe vendet kandidate duhet të jenë të gatshme për zgjerim. Përfaqësuesi i Lartë i BE-së për Politikë të Jashtme dhe Siguri i ka bërë këto komente në një konferencë për shtyp pas takimit joformal të ministrave të Jashtëm të BE-së në Toledo të Spanjës./REL/

The post Situata në veri, Borrell: Kurti dhe Vuçiç takohen në 14 shtator appeared first on Albeu.com.

Shefi i politikës së jashtme të BE, Jose Borrell, ka prezantuar 3 kushtet që Serbia dhe Kosova duhet të zbatojnë menjëherë pë të ulur tensionin në veri.

Zgjedhjet e reja lokale, pjesëmarrja e serbëve në zgejdhje, dhe asosacioni janë 3kritret që BE i ka vendosur Serbisë dhe Kosovës.

We have 3 clear requests:

– new local elections now
– ensuring the participation of Kosovo Serbs
– start the work to establish the Association of Serbian Majority Municipalities w/in EU-facilitated Dialogue

Failure to do so, will have serious consequences for our relations. pic.twitter.com/xT4n0oPymK

— Josep Borrell Fontelles (@JosepBorrellF) June 1, 2023

Postimi i Borrell:

Kemi 3 kërkesa të qarta:

– Zgjedhjet e reja lokale tani

– sigurimin e pjesëmarrjes së serbëve të Kosovës

– Fillimi i punës për themelimin e Asociacionit të Komunave me Shumicë Serbe me Dialogun e lehtësuar nga BE-ja

Dështimi për ta bërë këtë, do të ketë pasoja të rënda për marrëdhëniet tona.

The post BE ultimatum Kosovës dhe Serbisë, Borrell: Zbatoni këto 3 kërkesa, në të kundërt do të keni pasoja appeared first on Albeu.com.

Ai ka deklaruar se në takim është diskutuar për implementimin e marrëveshjes së arritur në Ohër, ndërsa ka shtuar se arritja e dakordimit në lidhje me marrëveshjen për të zhdukurit e luftës nuk ka qenë aspak e lehtë.

“Shpresojë se liderët do të respektojnë këtë zotim që kanë marrë sot. Ky është një kapitull shumë i rëndësishëm”, tha Borrel.

Ai evidentoi gjithashtu edhe faktin që palët kanë bërë përparim të dukshëm në çështjen e krijimit të Asociacionit të komunave me shumicë serbe, edhe në lidhje me këtë çështje sot nuk ka pasur një dakordim.

“Palët kanë ndërmarrë një hap të rëndësishëm për themelimin e Asociacionit. Kjo marrëveshje është dakorduar para dhjetë vitesh. Ekipi menaxhues i përbërë nga serbët e Kosovës kanë prezantuar draftin e parë që nuk është përfundimtarë. Përshëndes faktin që ky draft tashmë u hodh në tryezë.Siç pritej këndvështrimet mes palëve janë shumë të largëta sa i përket natyrës së Asociacionit. Nuk është se kam pritur diçka ndryshe. Por edhe nëse nuk dakordohen, ata kanë rënë që të fillojnë negocimin”, tha Borrell i cili shtoi se palët duhet të angazhohen me mirëbesim dhe të janë të gatshëm për kompromise.

The post Takimi Kurti-Vuçiç, Borrel: Pati hapa të rëndësishëm për Asociacionin appeared first on Albeu.com.

Bashkimi Europian lajmëroi se gjatë takimit të djeshëm të nivelit teknik mes Kosovës dhe Serbisë, palët kanë arritur marrëveshje për deklaratën e personave të zhdukur. Tashmë ajo pritet të miratohet në nivelin e lartë mes Kurtit e Vuçiqit. Sidoqoftë, palët po japin versione të ndryshme për një temë të ndjeshme.

Kryediplomati i BE-së Josep Borrell sot doli me një deklaratë për atë që u arrit dje në takimin e parë të Kosovës dhe Serbisë në nivelin teknik pas marrëveshjes së arritur.

“Marrëveshja që ata arritën për tekstin e deklaratës për personat e zhdukur gjatë takimit të djeshëm të kryenegociatorëve është hapi i parë. Ne do ta miratojmë atë në nivel liderësh në takimin e ardhshëm të nivelit të lartë që do ta mbaj”, ka shkruar Borrell në Tëitter sot.

Zëvendëskryeministri Besnik Bislimi dje pas takimeve në Bruksel foli për rezultatet e tyre, por nuk foli gjatë për këtë çështje vetëm tha se folën edhe për “punën e marrëveshjes për të pagjeturit”.

Sidoqoftë, këtë lajm sot e dha kryesuesi i Komisionit Qeveritar për Personat e Pagjetur, Andin Hoti.

“Dje, pas më shumë se 1 vit negocimi në Bruksel, Serbia më në fund pranoi deklaratën për personat e zhdukur (e cila pritet të miratohet nga Kryeministri Kurti dhe Vuçiq në ditët në vijim). Për herë të parë pas shumë sfidave dhe pas 24 vitesh arritëm ta imponojmë adresimin e drejtë të përgjegjësisë për të zhdukurit, si viktima të luftës që kërkojnë zgjidhje dhe drejtësi në bazë të konventave ndërkombëtare”, ka njoftuar ai.

“Prandaj më nuk do të ketë vetëm persona të zhdukur, por persona të zhdukur me dhunë nga shteti serb”.

Por, për këtë Serbia pretendon ndryshe.

Kryenegociatori i palës serbe, Petar Petkoviq, duke thënë se marrëveshja për personat e pagjetur do të miratohet gjatë takimit të nivelit të lartë, tha se nuk e kanë pranuar pjesën për “zhdukjen e dhunshme”.

“Do të shtoja se kemi pasur kujdes të veçantë për të gjitha kushtet dhe nuk e kemi pranuar atë të përmendur në konventën ndërkombëtare për zhdukjen e dhunshme, sepse jemi kujdesur që të mos rrezikojmë interesat e shtetit të Serbisë”, ka thënë Petkoviq.

Serbia thotë se kjo marrëveshje për të pagjeturit nuk është nënshkruar më herët për shkak të insistimit të Qeverisë së Kosovës për “një formulim të papranueshëm për Beogradin”.

Andin Hoti në deklaratën e tij ka shpjeguar se me çka ngarkohet tash Serbia pasi ta miratojë këtë deklaratë.

“Gjithashtu, më duhet të theksoj si tepër të rëndësishme, që me anë të kësaj deklarate Serbia detyrohet të marrë përsipër hapjen e arkivave dhe prezantimin e dokumenteve sekrete mbi vendndodhjen e personave të zhdukur me dhunë.Sapo të pranohet deklarata nga niveli i lartë, do t’i publikojmë edhe hapat e ardhshëm të nevojshëm për zbatimin e kësaj deklarate” ka theksuar ai.

Tutje ai ka thënë se ky është vetëm hapi i parë dhe se marrëveshja duhet të zbatohet.

“Pavarësisht që më duhet të them që për mua si familjar, ky është vetëm hapi i parë në adresimin politik të çështjes së personave të zhdukur me dhunë dhe rëndësia e kësaj deklarate arrihet në momentin e respektimit dhe zbatimit të plote të saj, për çka presim përkrahjen e fuqishme dhe të nevojshme nga miqtë tanë ndërkombëtarë, SHBA e BE. Mbetet edhe shumë pune dhe përpjekje për tu bërë që të arrijmë në qëllimin tonë kryesor: Zbardhjen e fatit të personit të fundit të zhdukur me dhunë në Kosovë”, ka theksuar Hoti./Gazeta Express

The post Marrëveshja për të pagjeturit, hapi i parë pas Ohrit – Borrell neutral, palët me interpretime appeared first on Albeu.com.

Këtë takim Kurti e zhvilloi në kuadër të Konferencës së Mynihut.

Sipas komunikatës së ZKM’së, në kë takim u diskutua për procesin e dialogut dhe propozimin evropian, të iniciuar nga Franca dhe Gjermania dhe të mbështetur nga Shtetet e Bashkuara të Amerikës dhe Italia.

Po ashtu u fol për takimin e radhës në Bruksel të thirrur për 27 shkurt nga Bashkimi Evropian.​/express

The post Kurti takohet me Borrell e Lajçak, propozimi evropian dhe takimi i radhës në dialog ishin temë diskutimi appeared first on Albeu.com.

Pas Kurtit, ai ka nisur takimin me presidentin e Serbisë, Aleksandar Vuçiç.

Takimet e veçanta pasohen nga një takim i përbashkët trepalësh ndërmjet Bashkimit Evropian (BE), Serbisë dhe Kosovës, në kuadër të dialogut për normalizimin e marrëdhënieve.

Krahas Borrellit, palën evropiane në takim do ta përfaqësojë edhe përfaqësuesi special i BE-së për dialog, Miroslav Lajçak.

The post Kurti përfundon takimin me Borrell në Bruksel, nis Vuçiç, i pranishëm dhe Lajçak appeared first on Albeu.com.

“Për momentin, Rusia nuk dëshiron të ulet dhe të negociojë asgjë: ajo që dëshiron është të pushtojë tokën”, tha Borrell në një intervistë për kanalin spanjoll TVE.

“Ajo dëshiron të rrethojë bregdetin deri në kufirin me Moldavinë dhe të izolojë Ukrainën nga deti. Ajo dëshiron të negociojë seriozisht vetëm kur të ketë siguruar një pozicion të fortë.”

Reuters raporton se Borrell tha se Bashkimi Evropian dhe aleatët e tij do të vazhdojnë të ofrojnë ndihmë ushtarake për ushtrinë ukrainase.

“Është e rëndësishme sepse gjithçka do të vendoset në 15 ditët e ardhshme,” tha ai. “Ajo që do të bëjë histori është aftësia e ukrainasve për të rezistuar.”

The post Diplomati i BE-së Borrell: Rusia dëshiron të “izolojë Ukrainën nga deti” appeared first on Albeu.com.

“Ministrat e Jashtëm të Bashkimit Evropian do të diskutojnë sot sanksionet që do të vendosen në sektorin e energjisë.” Kështu deklaroi ditën e sotme përfaqësuesi i lartë i BE-së, Josep Borrell përpara se të mblidhej këshilli i çështjeve të jashtme.

Disa shtete si Lituania dhe Irlanda kanë deklaruar që tani që janë pro sanksionimit të pushtuesit.

“Ajo që po ndodh në Mariupol është një krim i jashtëzakonshëm lufte, diçka e tmerrshme, duhet ta dënojmë drejtpërdrejt, qyteti është shkatërruar plotësisht. Kjo nuk është luftë, por shkatërrim i një vendi pa marrë parasysh ligjet e luftës, sepse edhe lufta ka ligje. Moralisht Rusia e ka humbur legjitimitetin e saj. Putini meriton dënimin më të qartë të botës së qytetëruar”.

Borrell nuk pranoi të komentojë më tej, duke iu referuar rezultateve të diskutimit.

The post BE sanksione të tjera për Rusinë në sektorin e energjisë, Borrel: Kjo nuk është luftë, por shkatërrim appeared first on Albeu.com.

“Ka një referendum të rremë në Bjellorusi që synon ndryshimin e Kushtetutës për t’i dhënë vendit statusin e vendit bëthamor. Kjo është shumë e rrezikshme. Nëse vendi ndryshon statusin e tij si një vend bërthamor, ne e dijmë se ç’do të thotë. Do të thotë që Bjellorusia të bëhet vend bërthamor. Do të thotë, që Rusia të vendosë armë bërthamore në Bjellorusi. I bëra thirrje qytetarëve të Bjellorusisë për të protestuar mbi këtë dhe për agresionin e Rusisë në Ukrainë”, është shprehur Borrel .

The post Përshkallëzimi i luftës në Ukrainë, Borrel ngre alarmin: Ky shtet po i bashkohet Rusisë për armët bërthamore appeared first on Albeu.com.

Gazetarja e ABC në Bruksel, Erisa Zykaj raporton se ndër të tjera, Borrel tha se BE është gati t’i ofrojë Ukrainës edhe avionë gjuajtës nëse do të jetë nevoja, jo vetëm municione për avionët.

“Ne jemi gati të furnizojmë ushtrinë ukainase me avione luftarake. Nuk po flasim këtu për municione. Ne do furnizojmë Ukrainën me armët më të rëndêsishme për të shkuar në luftë. Ministri Kuleva na ka thënë se ata kanë nevojë për avione luftarake për të operuar ? Ne e dimë se për çfarë avionesh bëhet fjalë dhe disa shtetet anëtare i kanë këto avione. Kufinjt perëndimorë të Ukrainës janë të hapur. Ka disa shtete anëtare që duan të furnizojnë Ukrainën me armatim shtesë përveç atij të Bashkimit Europian“, tha Borrel.

Deklarata e Borrel vjen pas angazhimit të shumë vendeve të BE-së për të furnizuar Ukrainën me armë të ndryshme, siç janë edhe raketat anti-tank apo ato të mbrojtjes ajrore.

Furnizimi i Ukrainës me avionë gjuajtës duket të jetë një ngjarje e rendësishme sa i përket konfliktit me Rusinë.
Borrel iu referuar avionëve që janë prodhime lindore, siç janë ata Mig dhe Sukhoi. Të tillë nga vendet e BE-së kanë Polonia, Sllovakia, Bullgaria dhe Rumania, të cilat kanë pjesë apo kanë patur kontakte të ngushta me ish-Bashkimin Sovjetik

The post Lufta merr tjetër rrjedhë, BE gati të furnizojë Ukrainën me avionë kundër Rusisë appeared first on Albeu.com.