Ai nuk saktësoi se kush janë ato struktura, por pretendimet e tilla i ndërlidhi me incidentin e 16 janarit në Ohër Maqedoninë e Veriut, ku u sulmua fizikisht një pjesëtar i një klubi bullgar në këtë qytet.

“Një akt i tillë si rrahja e një bullgari e vendos publikun plotësisht në anën e të rrahurit dhe mund të na çojë në një drejtim tjetër që është plotësisht në favor të Putinit dhe planeve të tij gjeostrategjike për Ballkanin.

“Këtu shoh një përpjekje për ta kthyer Maqedoninë e Veriut nën ndikimin rus, qëllimisht, dhe kjo po bëhet shumë aktive. Në asnjë rrethanë nuk duhet të mashtroheni. Gjëja më e mirë për Bullgarinë është që Maqedonia e Veriut dhe Shqipëria të jenë në Bashkimin Evropian dhe NATO”, tha Borisov në një konferencë për media të partisë BERG.

Ish-kryeministri bullgar, Bojko Borisov, tha se do të insistojë që përgjegjësit për rrahjen e sekretarit të klubit bullgar “Car Boris Treti” nga Ohri, Hristijan Pendikov të nxirren para drejtësisë, pasi kjo sipas tij “minon përpjekjet e mëdha që kemi bërë që Maqedonia e Veriut dhe Shqipëria të ndjekin rrugën e Bashkimit Evropian”.

Borisov tha se Maqedonia e Veriut nuk ka përfshirë në Kushtetutë gjërat e rëndësishme për Bullgarinë dhe nuk i ka mbrojtur bullgarët nga agresioni. Ai akuzoi qeverinë bullgare për injorancë diplomatike.

“Ata lanë nën qilim tema të rëndësishme që çuan në përshkallëzimin e marrëdhënieve mes dy vendeve”, tha ai.

Ish-kryeministri bullgar thotë se “dikush dëshiron shumë që Bullgaria të vërë veton” ndaj integrimit evropian të Maqedonisë.

Mediat bullgare raportuan se Komisioni Parlamentar për Punët e Jashtme në Parlamentin bullgar miratoi një Deklaratë që dënon “aktet e dhunës kundër bullgarëve, klubeve dhe organizatave të tyre”.

Në Deklaratën thuhet se “ndryshimi i Kushtetutës është një domosdoshmëri për Maqedoninë e Veriut për të vazhduar procesin e integrimeve evropiane”.

Më 23 janar Sofja tërhoqi ambasadorin e saj nga Shkup një shenjë pakënaqësie ndaj incidentit në Ohër.

Marrëdhëniet midis Maqedonisë dhe Bullgarisë kanë qenë të tensionuara për më shumë se dy vjet, pasi Sofja bllokoi integrimin e Maqedonisë në BE në vitin 2019 për shkak të një mosmarrëveshjeje historike, gjuhësore dhe identitare.

Bllokada u tejkalua në qershor të vitit 2022 dhe filluan negociatat e vendit me BE-në, por Bullgaria kushtëzon hapjen e kapitujve me përfshirjen e bullgarëve në Kushtetutën e Maqedonisë së Veriut, por shumica parlamentare aktualisht nuk ka shumicën e nevojshme prej dy të tretave në Kuvend.

Partitë në pushtet në Maqedoninë e Veriut po punojnë për zgjerimin e qeverisë edhe më opozitën shqiptare me synimin për rritjen e shumicës, por pa votat e deputetëve të VMRO DPMNE-së miratimi do të jetë i pamundur.

Ndërkohë opozita maqedonase thotë se ndryshimet nuk do të miratohen ndërsa përsërit thirrje për zgjedhje të parakohshme. /REL

The post Borisov: Ka përpjekje për kthimin e Maqedonisë nën ndikimin e Rusisë appeared first on Albeu.com.

Borisov, 62 vjeç, i cili aktualisht është kryetar i partisë opozitare të qendrës së djathtë ‘GERB’ dhe disa anëtarë të tjerë të partisë së tij u arrestuan më 17 mars në lidhje me hetimet për keqpërdorimin e fondeve të ndihmës së Bashkimit Evropian.

“Ata erdhën në shtëpinë time ndërsa ne ishim duke darkuar”, tha Borisov pas lirimit.

Borisov tha për mediat se gjatë kontrollit të shtëpisë, autoritetet “nuk gjetën asgjë dhe kur mendova se po largoheshin, më thanë: “Duhet të të arrestojmë,” shtoi ai.

“Ishte brutale dhe e neveritshme. Jemi kthyer në kohën e komunizmit”, u shpreh ai.

Borisov tha se nuk ishte i akuzuar. Prokurorët nuk kanë komentuar ende për rezultatin e ndalimit të tij.

Qindra mbështetës të ish-kryeministrit Borisov protestuan në qendër të Sofjes kundër arrestimit mëngjesin e 17 marsit.

“Askush nuk është mbi ligjin!”, shkroi në Facebook, kryeministri i ri i Bullgarisë Kiril Petkov më 17 mars.

Partia Kundër Korrupsionit e sapoformuar e kryeministrit Petkov fitoi zgjedhjet e përgjithshme në Bullgari vitin e kaluar me një platformë “zero tolerancë për korrupsionin”.

Arrestimet erdhën pas një vizite në Sofje më 16-17 mars nga ana e kryeprokurores evropiane Laura Koevesi.

Ajo vlerësoi “vendosmërinë, udhëheqjen dhe vizionin bindës të Petkov për luftën kundër korrupsionit”.

“Tani është koha që autoritetet përkatëse bullgare të bashkohen me ne, duke përfshirë rastet veçanërisht të ndjeshme”, tha Koevesi.

“Kjo është arsyeja pse ne ekzistojmë, kjo është arsyeja pse jemi këtu,” tha Koevesi, duke shtuar se prokurorët evropianë kanë hapur 120 hetime për mashtrime që përfshijnë paratë e BE-së në lidhje me tenderët publikë, subvencionet bujqësore, ndërtimet dhe fondet e rimëkëmbjes së pandemisë së koronavirusit.

Borisov është akuzuar për korrupsion disa herë në të kaluarën, por ka mohuar çdo keqpërdorim./REL

The post Ish-kryeministri bullgar Borisov lirohet pas arrestimit për korrupsion appeared first on Albeu.com.

Procesi i arrestimit vijoi pas një denoncimi për zhvatje nga një afarist prej 30 milionë eurove.

Grupi parlamentar i partisë GERB, kërkoi të votohet një Deklaratë për mbrojtje të liderit të tyre dhe kërkesë për zgjedhje të parakohshme parlamentare.

Kryeministri Kirill Petkov erdhi në pushtet me një synim të qartë: “Zero korrupsion”. Ai porositi se askush nuk është mbi ligjin:

“Derisa Prokuroria evropiane bën kontroll, është koha që Prokuroria bullgare të veprojë dhe të qëndrojë në anën e qytetarëve. Mendoj se të gjithë e dinë se kemi kaq shumë denoncime të cilat Prokuroria i shqyrton publikisht. Ja, tani shpresoj se në fund ata do të kuptojnë se cili është roli i tyre“, tha Kiril Petkov, kryeministër kryeministër i Bullgarisë.

Nga partia e Borisovit akuzojnë, duke thënë se bëhet fjalë për represion ndaj oponentëve politikë, prandaj sot dolën në protestë para godinës së Qeverisë.

“Të sulmosh një oponent politik sepse parashtron pyetje për të cilat nuk ke përgjigje…. Që ta fshehësh injorancën e vet, pasi nuk mund të ballafaqohesh me asnjë sektor, me asnjë krizë, kjo është absolutisht e pahijshme“, tha Tomisllav Donçev, anëtar i GERB-it.

“Po e shihni se mbrëmë në orën 20 civilë hynë te Borisovi. A veprohet kështu në një shtet të së drejtës? Çfarë duan të fshehin kompetentët? Ndoshta që të mos flitet tashmë për çmimin e derivateve, vajit, produkteve themelore ose për këtë që do të ndodhë sot apo nesër”, theksoi Cveta Karajnçeva, anëtare e GERB-it.

Kjo fotografi nga dje është në rrjetet sociale. Kështu u hap edhe tema nëse Bojko Borisov mund të bëjë “tronditje” edhe në Maqedoninë. Në vendin tonë një prej bankave bullgare, sipas informacioneve të TV21, nga garnitura jonë qeveritare u ishte premtuar njerëzve të ngushtë të ish kryeministrit bullgar, tashmë i arrestuari Borisov.

Por pronari i bankës pasi ka mësuar për premtimin, u kërcënua se nëse shitet banka investitorëve bullgarë që janë njerëz të ngushtë të Borisovit, do të dalë në mediat së bashku me anëtarët e Bordit drejtues dhe do të kumtojë se bankën e merr një grup kriminel dhe i dyshimtë.

Me hapin e këtillë do të ndodhte tronditje e madhe edhe në sektorin e bankave te ne me çka një numër i madh klientësh të Bankës komerciale do t’i tërheqin depozitat e tyre.

Gjatë një takimi i përbashkët në nivel të lartë, ishte biseduar edhe për marrjen e një televizioni kombëtar privat nga ana e njerëzve të ngushtë të Borisovit, por edhe këto plane dështuan.

Përndryshe arrestimi i Borisovit ndodh në të njëjtën kohë me vizitën e prokurores kryesore evropiane Laura Qoveshi në Sofje. Prokuroria bullgare sipas dëshmisë së biznesmenit prej të cilit është kërkuar ryshfet, edhe pse ka denoncuar, nuk ka ndërmarrë asnjë veprim. Shefi aktual Ivan Geshev vlen si njeri i ngushtë i Bojko Borisovit.

The post A do të shkaktojë “tronditje” edhe në Maqedoni? Arrestimi i Borisovit, kërcenim edhe për kabinetin e Petkovit? appeared first on Albeu.com.

Duket se votuesit në vendin më të varfër të Bashkimit Evropian mbështetën mesazhin e tij të fortë kundër korrupsionit.

58-vjeçari Radev kryeson ndaj kundërshtarit të tij Anastas Gerdzhikov me rreth 65 % të votave.

Zgjedhjet vijnë në klimën e pakënaqësisë së gjerë kundër korrupsionit të nivelit të lartë që i dha fund qeverisjes dhjetëvjeçare të ish-kryeministrit Bojko Borisov në prill dhe solli si rezultat fitoren e një partie të re kundër korrupsionit në zgjedhjet parlamentare të javës së kaluar.

Radev, një ish-komandant i forcave ajrore, fitoi popullaritet pasi mbështeti hapur protestat masive kundër korrupsionit ndaj ish-kryeministrit Borisov në vitin 2020.

Ndërsa rivali i tij, e kishte akuzuar Radev se i kishte përçarë bullgarët dhe vendin./albeu.com/

The post Radev “korr” fitore të thellë në Bullgari, drejt një mandati të ri presidencial appeared first on Albeu.com.