Gjithë kjo javë, do të ndikohet nga kushte të qëndrueshme atmosferike si pasojë e masave ajrore kryesisht të thata dhe të ftohta me origjinë veriore.

Në këtë mënyrë në pjesën më të madhe të ditëve moti parashikohet i kthjellët e vranësira të pakta kalimtare.

Vranësirat do të jenë më tepër prezente pasditen e sotme dhe do të  shoqërohen me reshje shiu të dobta në lindje të vendit dhe jug.

Përjashtim bënë dita e enjte ku vranësirat do të shoqërohen me reshje shiu me intensitet të ulët deri mesatar në formën e shrëngatave dhe stuhive ndërsa në relievet malore do të ketë reshje dëbore.

Ndërsa shume vende në veri, verlilindje e juglindje janë zbardhur  nga bora, pyetja që shumë kanë është: A do të bjerë borë në Tiranë?

Sipas parashikimit të motit, në Tiranë reshje bore pritet të ketë më 7 dhe 8 shkurt. Megjithatë, mos prisni që të bëhet si në Dardhë e Valbonë, pasi intesiteti i reshjeve do të jetë i vogël dhe afatshkurtër.

The post I ftohti “mbërthen” Shqipërinë, dita kur zbardhet Tirana appeared first on Albeu.com.

10 ditëshi i dytë i janarit pritet të jetë “i akullt” me temperatura që do të shkojnë deri në -13 gradë celsius në zonat malore.

Meteorologia e Metoalb, Lajda Porja në një lidhje të drejtpërdrejtë, ka bërë me dije se nga e mërkura pritet të ulen temperaturat dhe kulmi do të arrijë të enjten dhe të premten.

“Duke filluar që nga nesër do kemi depërtimin e të ftohtit, mëngjesi i të mërkurës do të jetë i acartë, termometri do të zbresë shumë, do të qëndrojë për 6-7 ditë, i ftohtë, i kthjellët, do ketë reshje të pakta dhe të izoluara në verilindje dhe juglindje. Më problematike ngricat. I ftohti kulmon të enjten dhe të premte, ku termomenti shkon deri në -9. Edhe zonat në juglindje do të jetë shumë ftohtë, nuk do ketë borë, do jetë shumë e thatë, me flokë dëbore të papërfillshme.  Një ditë tipike nordike, termometri do të shkojë në fundjave deri në -13 në Bulqizë apo në zona të tjera në vendit”, tha Porja.

Ky mot i ftohtë nuk ishte parë në vendin tonë prej vitesh, ka sqaruar Porja.

“Janari ka qenë dhe pritet të jetë dinamik, 10 ditëshi i parë, ngrohtë, i dytë me mot të acartë ndërsa 10 ditëshi i fundit do të ketë edhe prezencë reshjeje, dhjetori dhe janari ngjajnë me dimrat e viteve ’90 që kishin vite që s’i kishim parë”, u shpreh meteorologia.

Megjithatë, përtej motit të ftohtë, në Tiranë, të paktën për këtë javë nuk pritet që të ketë reshje dëbore.

“S’ka sinjale për reshje dëborë, edhe Tirana mund të shkojë -2 gradë, por këtë javë nuk parashikohen reshje”, përfundoi  Porja.

Ndërkohë pritet të shihet se çfarë do të ndodhë në ditët në vazhdim për të vërtetuar nëse do të preket ose jo nga dëbora tirana./albeu.com/

The post Deri -13 gradë! A do të bjerë borë nesër në Tiranë? Meteorologia e njohur përgjigjet prerë appeared first on Albeu.com.