Komentet Ibrahimaj i bëri gjatë një konference për shtyp, teksa foli për të dhënat e tre mujorit të parë. Ibrabimaj tha se inflacioni në muajin korrik ishte 7.5% dhe sipas saj është më i ulët se në vendet e tjera të rajonit.

Një nga faktorët që kanë ndikuar në këto rezultate pozitive për ekonominë sipas ministres janë edhe ngritja e bordeve. Ibrahimaj u shpreh se bordet e mbajtën çmimet nën kontroll.

“Gjatë tre mujorit të parë ekonomia shqiptare performoi mirë. Paketat e qeverisë, por edhe ngritja e bordeve të ndryshme, e ndërthurur me politikën e subvencionit, për çmimin e energjisë, nga njëra anë, por edhe nga ana tjetër duke ndikuar indirekt në inflacion. Ndërthurja e këtyre politikave, sëbashku me mbështetjen për çmimet e karburanteve ka sjellë që deri më tani ekonomia shqiptare të ketë një performancë pozitive. Inflacioni është më i kontrolluar me vendet e tjera të rajonit.

Inflacioni në vendin tonë është ndjeshëm më i ulët. Shqipëria me një inflacion 7.5% në korrik është më ndjeshëm se Maqedonia, Kosova. Ndërsa mesatarja e BE është 8.9%.

Elementi që ka ndikuar më shumë në rritjen e çmimeve janë ushqimet dhe pijet. Që nga fillimi i vitit ne kemi pasur një stabilizim të çmimeve. Ecuria ndikohet më së shumti edhe nga kërkesat.

Të dhënat më të fundit tregtojnë për një stabilitet të ekonomisë. Një përgjigje pozitive të biznesit shqiptar. Ne kemi një ecuri të ekomomisë shumë më të mirë se një vit më parë”, deklaroi ministrja./albeu.com/

The post Ministrja Ibrahimaj: Me bordet që ngritëm i mbajtëm çmimet nën kontroll, ekonomia shqiptare ka performuar mirë appeared first on Albeu.com.

Berisha ka ngritur shqetësimin në lidhje me çmimet nga bordet e të cilat i ka konsideruar shushunja, ndërsa ka akuzuar ekzekutivin se po e bën të papërballueshëm jetesën për qytetarët.

“Edi Rama tha: Bordet janë komuniste por janë të dobishme! Kjo sepse: Ato mbushin valixhet e qeveritarëve dhe klientëles së tyre!

Ato zbrazin xhepat e qytetarëve!

Në tre muaj qeveria ka grabitur nga xhepat e qytetarëve nëpermjët rritjes së çmimeve me bordet shushunja 340 milionë euro.

Miq, këto ditë bordi komunist i Edi Ramës i rritjes së çmimit të ushqimeve ka vendosur çmimet e reja më të larta për produktet ushqimore bazë (miellin, orizin, vajin dhe sheqerin).

Bordet e hajdutit Rama janë betuar që të zhvasin çdo familje shqiptare, duke e ngritur çmimin e miellit nga 79 lekë/kg në 90 lekë/kg. Këta nuk kanë të ndalur e nuk ngopen me pak.

Qeveria po luan me bukën e gojës së qytetarëve shqiptarë, duke ia bërë të papërballueshme jetesën. Kjo qeveri i ka braktisur qytetarët e saj, e përpos kësaj, ka zgjedhur t’i zhvasë çdo qindarkë.

Bordet nuk janë gjë tjetër veçse mendësia komuniste e Edi Ramës për të zbrazur xhepat dhe vjedhur qytetaret dhe pasur nën kontroll te plote ushqimin e tyre si kushte kryesor për të kontrolluar të gjithë shoqërinë”, ka shkruar Berisha./albeu.com

The post “Bordet po zbrazin xhepat e qytetarëve”, Berisha: Në 3 muaj iu grabiti 340 mln euro appeared first on Albeu.com.

Berisha ka kërkuar që Bordi i Transparencës i ngritur nga Qeveria të ndalojë së vepruari, duke i kërkuar anëtarëve të japin dorëheqje.

“Kërkoj ndërprerjen e Bordit. I kërkoj anëtarëve të bordit të japin dorëheqjen. Të mos bëhen vegël e Qeverisë, që njihet si një organizatë kriminale”,  ka thënë fillimisht Berisha.

Çështja e dytë e ngritur nga Berisha ishte qëndrimi i Ramës ndaj rezolutës së gjenocidit serb në Kosovë.

Ai thekson se vendimi i Ramës për rrëzimin e kësaj rezolute dëshmon se Tirana është një Beograd i vogël.

“Çështja e dytë është qëndrimi i Edi Ramës për të rrëzuar rezolutën e gjenocidit serb në Kosovë. Akt makabër kombëtar, përdhosje, ekzekutim për së dyti i mbi 100 mijë fëmijëve, grave dhe burrave të cilët u masakruan në vitet 1998 199  nën suazën e operacionit paktoi. Operacion që kishte për qëllim masakrat dhe përzënien masive të shqiptarëve nga Kosova.

Ky vendim i Ramës dëshmon se Tirana nuk është gjë tjetër veçse një Beograd i vogël.

Kjo situatë po shkon drejt një dramë të vërtetë. Nuk ka qytetar të vetëm shqiptar, që mund të pranojë rreshtimin e Tiranës me Boagradin ndaj gjenocidit në Kosovë”, përfundon ai. /albeu.com

The post Berisha: Bordi të “shkrihet”, Tirana një Beograd i vogël appeared first on Albeu.com.