Instituti i Kosovës për Drejtësi (IKD) publikoi sot raportin me titull “Llogaridhënia dhe transparenca e organeve kolegjiale përmes Ligjit për Procedurën e Përgjithshme Administrative”, ku analizohet transparenca e organeve kolegjiale, përfshirë komisionet dhe bordet, raporton KosovaPress.

Raporti përqendrohet te rregullimi ligjor i mbledhjeve të këtyre organeve, me theks të posaçëm te neni 39.2 i Ligjit për Procedurën e Përgjithshme Administrative. Sipas këtij neni, mbledhjet zhvillohen të mbyllura, përveç rasteve kur legjislacioni specifik përcakton të kundërtën.

Shqiponje Gashi nga IKD vlerësoi se mbyllja e mbledhjeve ndikon drejtpërdrejt në transparencën e institucioneve. Ajo theksoi se qytetarët duhet të jenë në gjendje të informohen jo vetëm për vendimin përfundimtar, por edhe për diskutimet dhe mënyrën se si është arritur deri tek ai.

Gashi tha se neni 39.2, i cili parashikon mbajtjen e mbyllur të mbledhjeve nëse ligjet në fuqi nuk përcaktojnë ndryshe, është çështje me rëndësi të veçantë për IKD-në. Sipas saj, llogaridhënia nuk përmbushet vetëm nëpërmjet publikimit të vendimit ose procesverbalit përfundimtar, pasi publiku duhet të ketë mundësi të kuptojë edhe rrjedhën e diskutimit dhe procesin e vendimmarrjes.

Edhe Gëzim Shala nga IKD e identifikoi si problem kryesor faktin që Ligji për Procedurën e Përgjithshme Administrative e trajton mbylljen e mbledhjeve si parim, kurse hapjen e tyre si përjashtim.

Ai shpjegoi se një rregullim i tillë i pengon edhe ato institucione që dëshirojnë të rrisin transparencën duke i bërë publike mbledhjet e tyre.

Sipas Shalës, neni 39.2 përcakton qartë se mbledhjet e organeve kolegjiale janë të mbyllura, përveçse kur një ligj i veçantë parashikon ndryshe. Për rrjedhojë, edhe nëse një institucion ka vullnet t’i hapë mbledhjet dhe ta promovojë transparencën, nuk mund ta bëjë këtë për shkak të mungesës së bazës ligjore, çka ai e cilësoi si absurditet të situatës.

Shala bëri të ditur gjithashtu se IKD-ja ka paraqitur një rekomandim konkret lidhur me këtë ligj.

Instituti i Kosovës për Drejtësi kërkon ndryshimin e Ligjit për Procedurën e Përgjithshme Administrative, në mënyrë që hapja e mbledhjeve të përcaktohet si parim, ndërsa mbyllja e tyre të lejohet vetëm në raste përjashtimore, deklaroi ai.

Në përmbyllje u nënvizua se qytetarëve, mediave dhe shoqërisë civile duhet t’u mundësohet monitorimi i mbledhjeve të organeve kolegjiale.

The post IKD kërkon që hapja e mbledhjeve të bordeve dhe komisioneve të bëhet rregull appeared first on Albeu.com.

Në këtë kërkesë të depozituar në 19 shtator të vitit të kaluar, deputetët e Partisë Demokratike kërkojnë shfuqizimin si antikushtetues të akteve ligjore, të vendosura nga Bordi. Ky i fundit u krijua më 1 prill të vitit të shkuar për monitorimin e çmimit të produkteve ushqimore bazë nisi veprimtarinë në 1 prill të vitit të kaluar, për shkak të rritjes së çmimeve.

Me herët, deputetët e PD i kërkuan Kushtetueses të shfuqizojë Bordin e Transparencës për çmimin e karburanteve, kërkesë për të cilën ende nuk ka një vendimmarrje nga gjykata për kalim ose jo në seancë plenare. Të dy këtoo borde u ngritën nga qeveria pas protestave me qëllim zbutjen e krizës së çmimeve si pasojë e luftës në Ukrainë.

The post Padia kundër bordeve të çmimeve, Kushtetuesja pranon kërkesën e PD appeared first on Albeu.com.