Përplasja verbale mes dy ligjvënëseve ka degraduar në tone të ashpra, duke kaluar nga diskutimi politik në replika personale.

Gjatë debatit, Muzhaqi i është drejtuar Vokshit me fjalët: “Si do të vinte ty po t’i thonin vajzës tënde atë që më the ti mua”?

Kjo deklaratë ka shkaktuar reagimin e menjëhershëm të Vokshit, e cila i është përgjigjur me tone të larta: “Mos i përmend fëmijët e mi. Mbylle gojën. Fëmijët e mi mos mi përmend kurrë. Mbylle gojën. Pusho”.

Nga ana e saj, Muzhaqi ka vijuar replikën duke theksuar: “Ti mos m’i përmend prindërit”, ndërsa Vokshi ka reaguar sërish ashpër: “Fëmijët e mi në këtë grup të qelbur mos mi përmend. Mos guxo ta hapësh gojën”.

The post “Mos përmend fëmijët, pusho/ Debat i ashpër mes dy deputeteve në Kuvend: Mos guxo ta hapësh gojën… appeared first on Albeu.com.

Tashmë ajo ka pranuar që fjalimet ia përgatit ChatGBT.

Gjatë një takimi elektoral ku ishte prezent edhe Edi Rama çuditi të pranishmit, por jo vetëm, me idetë e saj dhe dijet e saj kur thotë se kishte postuar ne linjën e inteligjencës artificiale të gjithë fjalimet e saj dhe të shefit të saj Rama dhe kishte marrë si fryt një fjalim shumë të bukur.

“E ndërkohë që vija sot i kërkova shokut tim më të mirë ChatGPT që të më ndihmonte ne fakt me një fjalim për ditën e sotme.

Dhe ishte shumë interesante, pasi nuk ishte një Chat normal, por ishte ai i Botttit të ChatGPT që unë kam përgatitur që të dijë të flasë dhe të mendojë siç mendoj unë.

I kam vendosur gjithë fjalimet e mia, biles kam shkuar edhe pak me larg, kam vendosur gjithë fjalimet e kryeministrit, kam vendosur të gjithë rrjetet e programit tonë të kodimit dhe më beri një fjalim shumë të bukur”, tha Muzhaqi.

The post Bora Muzhaqi “shpëton” nga memet: Tani fjalimet m’i përgatit ChatGPT (VIDEO) appeared first on Albeu.com.

E vetëdijshme për gafat që ka bërë, ministrja tha me krenari se u bë e famshme nga memet e saj.

“Më pas m`u dha një detyrë, e më tej një ndër i madh i përfshirjesh në qeverinë e Edi Ramës. U bëra e njohur fillimisht nga memet e krijuar prej emocioneve kur dilja përballë kamerave dhe kisha përballë sallën e parlamentit. Herët e para, për të qenë e sinqertë më dukeshin si gryka zjarri të një skuadre pushkatimi. Por nuk më mungoi asnjëherë mbështetja e km që më thoshte ti bëj punë, me kamerat do mësohesh natyrshëm. Dhe kështu ndodhi.

Sot më është besuar një detyrë, që e kam shumë për zemër, e kujdestares së platformës së deputetit që duam, ku edhe ne emër të kryetarit të PS, por edhe skuadrës i sigurojmë ata që duan të hedhin hapin për të kërkuar të jenë pjesë e skuadrës PS 2025 do trajtohen sipas meritës. Këtë herë platforma është më e pasur, por me vështrim nga Shqipëria 2030”, tha Bora Muzhaqi.

The post Kongresi/ Ministrja Bora Muzhaqi: U bëra e famshme nga memet appeared first on Albeu.com.

Ministrja Bora Muzhaqi prezantoi metodologjinë e ndjekur nga Shqipëria për hartimin e politikave rinore, nga të rinjtë për të rinjtë me qëllim adresimin e çdo nevoje të të rinjve.

Në fjalën e saj, ministrja Muzhaqi u ndal në hartimin dhe miratimin e Strategjisë Kombëtare të Rinisë 2022-2029, Ligjin e Rinisë, 61 Këshillat vendorë rinorë dhe Këshillin Kombëtar të Rinisë që janë edhe strukturat kryesore në Shqipëri për të fuqizuar zërin e të rinjve. Më tej, Muzhaqi theksoi edhe mbështetjen që ofrohet me anë të Agjencisë Kombëtare të Rinisë për zbatimin e projekt-propozime rinore dhe ngritjen e infrastrukturës rinore nga bashkitë.

Gjithashtu, ministrja Bora Muzhaqi solli në vëmendje të ndërkombëtarëve poziconimin e Shqipërisë në Indeksin e Progresit të Rinisë.

“Vitin e kaluar, Forumi Evropian i Rinisë lançoi Indeksin e Progresit të Rinisë, që analizon të dhëna të mbi 150+ vendeve në lidhje me nevojat themelore njerëzore, bazat e mirëqenies dhe mundësitë, dhe ndërsa rezultatet treguan një përparim të ngrirë për rininë në Evropë, Shqipëria ishte një nga tre vendet me shkallën më të rëndësishme të përmirësimit në dymbëdhjetë vitet e fundit.” tha Muzhaqi.

Presidenti Röpke theksoi se BE-ja ka shumë për të mësuar nga një vend kandidat si Shqipëria për politikat rinore, dhe ftesa për pjesëmarrjen e Shqipërisë nuk është rastësi, por rezultat i punës impresionuese për angazhimin rinor dhe politikat rinore që Shqipëria ka zhvilluar.

The post Bora Muzhaqi në Bruksel: Politikat më të mira hartohen me të rinjtë për të rinjtë appeared first on Albeu.com.

Ministrja Bora Muzhaqi vlerësoi nismën “Të rinjtë që frymëzojnë”, e cila bën bashkë të rinj frymëzues nga e gjithë Shqipëria që shkëlqejnë në fusha të ndryshme dhe janë një shembull frymëzues për bashkëmoshatarët e tyre, por dhe për komunitetin në tërësi”.

Muzhaqi shprehu bindjen se “në Shqipëri do ketë gjithmonë të rinj që frymëzojnë dhe ne do të jemi gjithmonë këtu për t’i mbështetur dhe promovuar kurdoherë, që secili prej tyre të ndajë arritjet me bashkëmoshatarët për t’i nxitur dhe ata të ndjekin ëndrrat e tyre”.

Për Ministren Muzhaqi këta të rinj janë kartolina më e bukur e Shqipërisë dhe ata do të vijojnë të na bëjnë krenar në të gjitha kompeticionet kombëtare e ndërkombëtare, sikurse është edhe e reja Kler Caku, e cila ndonëse vetëm 13 vjeç, numëron 18 medalje fitoreje në shah.

Eventi u konceptua si një ndërthurje mes të rinjve të vitit 2022, të cilët krijuan atmosferë me një performancë muzikore dhe një kërcim modern.

Në kuadër të nismës “Të rinjtë që frymëzojnë”, u kurorëzuan 14 të rinj nga e gjithë Shqipëria dhe 40 të tjerë morën certifikatë.

Të pranishëm në event ishin dhe personalitete të tjerë si përfaqësuesi i UNICEF në Shqipëri, Zv. Ministri i Infrastrukturës dhe Energjisë, Zv. Ministri i Arsimit dhe Sportit, Zv. Ministrja e Financave, Drejtori i Agjencisë Kombëtare të Rinisë të cilët u dhanë medaljet 14 të rinjve të përzgjedhur si shembuj frymëzimi për vitin 2023:

· Ema Meçaj – aktiviste dhe anëtare e Bordit Këshillimor të Adoleshentëve të UNICEF në Shqipëri dhe Grupeve Këshillimore Rinore të Kombeve të Bashkuara në Shqipëri dhe Prezencës së OSBE në Shqipëri.

· Afrim Tahiraj – inxhinier, natyrdashës, fotograf. Fitues i Tirana Photo Festival 2020.

· Firdeus Kasaj – fitues i Konkursit të Turizmit Expocity dhe Hackathon-i CodeWeek në Bruksel.

· Bleis Koni – ka studiuar menaxhim Agrobiznesi në Spanjë, dhe është kthyer në Shqipëri për të punuar në biznesin e familjes.

· Enkelejda Cara – peshëngritëse, kampione e trefishtë e Europës dhe tre medalje ari në Kampionatin Evropian të Peshëngritjes.

· Gersi Troka – një i ri me aftësi ndryshe, atlet i Special Olympics Albania që prej vitit 2019. Medalje ari në garën në garën 200 metra stil i lirë, në Berlin.

· Altea Daja – nxënëse ekselente me mesatare 10.00 dhe është përfshirë në shumë nisma vullnetare për të dhënë një kontribut pozitiv në komunitet dhe shoqëri.

· Tobias Xhaxhiu – shkrimtar dhe dramaturg i filmave me metrazh të shkurtër. Fitues i Çmimit kombëtar për shkrimtarët e rinj, dhënë nga QKLL.

· Luana Myrto – ka prodhuar 6 filma me metrazh të shkurtër. Themeluese e organizatës rinore Ylberofilia.

· Eligerta Sadia – e reja nga Elbasani me aftësi të kufizuara, e anagazhuar në aktivizmin rinor, ka përfituar nga aplikimi si punëkërkuese e pa punë nga AKPA

· Kein Katroshi – një i ri aktiv dhe themeluesi i dy paltformave: The7Chambers & The7TALKS.

· Endri, Gerti dhe Emi – tre të rinjtë nga Shkodra fitues të vendit të parë në INTEL AI, me projektin për lehtësimin e trafikut.

· ⁠Aleksandra Pano – autore e dy librave për fëmijë me tituj “Lili dhe Varësja e Sirenës” dhe “Fantazma në Bulevard”. Pasioni dhe dëshira për leximin ka bërë që 15-vjeçarja të lexojë përafërsisht 230 libra të zhanreve të ndryshme.

· Kler Caku – 13-vjeçarja shqiptare që është shpallur kampione bote në shah. Numëron 18 kupa.

The post Modele frymëzimi, Muzhaqi: 14 çmime për të rinjtë, mes tyre kampionia e botës në shah Kler Çaku appeared first on Albeu.com.

Muzhaqi: Janë edhe 90 minuta, një ndjeshje futbolli për ata që sot, cdo të diel kanë ndjekur kampionatin dhe që besoj tani më s’ka asgjë më të mirë se sa të dalin nga shtëpia dhe të votojnë. Edhe ata të Juves që s’kanë votuar ende s’kanë cfarë shohin deri në darkë, kështu që ju bëjmë thirrje të dalin dhe të votojnë. Janë 90 minuta për gjithë ata gjyshër dhe gjyshe që nuk votuan dot sot herët në mëngjes, por edhe për gjithë ata të moshuar, të reja e të rinj që kanë dalë të votojnë. Apeli i PS është që mos i lini këto 90 minuta të ikin pa votuar. Vota vlen shumë , venso shumë dhe përcakton më shumë se cdo gjë tjetër të ardhemn tonë të përbashkët./Albeu.com/

The post “Dilni votoni”, Muzhaqi thirrje qytetarëve: Edhe ju të Juves që s’keni çfarë të shikoni, votoni! appeared first on Albeu.com.

Ministrja Bora Muzhaqi është nga ato personazhe që mbahet mend nga pbnliku më shumë për gafat që bën e thotë se sa punën, për të cilën mban detyrën.

Gafat e shumta kanë bërë që ministrja të fillojë të mësojë përmendësh përgjigjet duke recituar në vend që të flasë gjatë intervistave.

Megjithatë, ky është problemi i “Borës në botën e çudirave”, ajo që është shqetësuese sot lidhet me të ftohtin e madh që ka perfshirë vendin dhe numrin e madh të fëmijëve që janë duke ngrirë nëpër klasa frigoriferike pa ngrohje dhe aq më pak termoizolim.

Bora Muzhaqi është ministre e Rinisë dhe Fëmijëve duke qenë përgjegjëse për mirëqënien e tyre, megjithatë të vetmen gjë që ajo di të thotë gjatë vitit të fundit është projekti i kodimit që sipas saj nis nga klasa e parë.

Sipas saj, fëmijët që nuk kanë nisur të mësojnë ABC-në do të mësojnë kodim.

Dhe këtë madje do ta bëjnë në mes të të ftohtit, gjë për të cilën as Muzhaqi, as ministrja Kushi dhe as kryebashkiakët e vendit nuk mbajnë përgjegjësi për gjendjen katastrofike që janë shkollat dhe kushtet mizerabël ku bëjnë mësim fëmijët.

Shqipëria është përfshirë nga një i ftohtë i madh gjatë ditëve të fundit duke bërë të detyrueshme ngrohjen në shkolla, megjithatë AlbEu.com mëson se në një numër shumë të vogël shkollash në Tiranë dhe rrethet kryesore ka ngrohje, kurse pjesa tjetër janë pa asnjë kushte minimal mësimi.

Megjithatë, ministrja Muzhaqi shpreson që këtyre fëmijëve t’u mësojë kodimin duke shpresuar se do të dalin pa ndonjë plevitë nga Klasa.

Po Kushi? Kushi është e zënë me prioritete të tjera tani… kurse kryebashkiakët e kanë mendjen te fushata ose gjoja të mbjellin ndonjë pemë…! E.S-AlbEu.com

Fëmijët ftohti klasa Bora Muzhaqi

The post Fëmijët po thahen së ftohti në klasa pa ngrohje , ” Bora në botën e çudirave” tregon përralla. Kushi fle gjumë, kryebashkiakët në fushatë appeared first on Albeu.com.

Mbahen mend gjerësisht memet e gatshme të lëshuara prej saj teksa njëherë shprehej se “babai im qau kur takoi prindërit e mi në shkollë”, ” ta bëjmë ditën natë”, apo edhe “nuk kam kohë”, kur gazetarët e pyetën për përgjegjësinë e qeverisë pasi ishte masakruar një i mitur në Fier.

Bëmat e Muzhaqit janë të panumërta, por duket se kuruesit e imazhit të saj kanë vendosur tashmë ta fusin në shina ministren e gafave duke e detyruar të mësojë përgjigjet përmendesh në mënyrë që të mos bëjë me gafa.

Kështu, Muzhaqi u pa të recitonte përmendësh përgjigjet në intervistën e dhënë dy ditë më parë në Report TV duke filluar fjalitë e saj pa pritur që gazetari të përfundonte pyetjen.

Pavarësisht stresit të madh të kaluër për të memorizuar pyetjet dhe sikletit gjatë intervistës, e pasqyruar me marrje fryme dhe përgjigjeve të nxjerra shpejt me frikën se do të harronte ndonjë gërmë, Muzhaqi ia doli të mos bëjë gafa kësaj radhe.

The post Kampione e gafave, Bora Muzhaqi shkon me përgjigje të memorizuara në intervistë: Shikojeni si reciton! appeared first on Albeu.com.

“Orientimi në shkenca do u ofrojë të rinjve një të ardhme më të sigurt. Politikat në këtë fushë janë dy. E para është përfshirja e kodimit që në klasë të parë dhe e dyta që lidhet me ofrimin e bursave për të rinjtë. Fillimin e vitit të ri shkollor 100 shkolla në të gjithë Shqipërinë do pajisen me laboratorë teknologjikë të rinj. Fëmijët e klasës së parë do mësojnë kurrikulën e kodimit. Këta fëmijë bashkë me ata që ndjekin kodimin si lëndë ekstra kurrikulare do jenë ata që do hapin rrugën për Shqipërinë e teknologjisë për të konkurruar në mënyrë të denjë me bashkëmoshatarët europianë”, kishte thënë Muzhaqi.

Tashmë bëhet fjalë për një plan veprimi që do të përfshijë një kurrikulë të kursit të kodimit me shumë nivele për nxënësit. Platforma që do të përdoret në vendin tonë është ajo e CodeMonkey dhe pritet të gjejë zbatim në 100 shkolla të Shqipërisë.

CodeMonkey fillimisht do të gjejë përdorim tek nxënësit e klasave të para dhe më pas do të hapet për klasat e tjera në nivele të ndryshme.

CodeMonkey pritet gjithashtu të trajnojë mësuesit shqiptarë për t’u bërë “ekspertë” në përdorimin e platformës së tij të kodimit, teksa pretendohet që nxënësit të mësojnë gjuhë të vërtetë programimi.

Nuk dihet ende sa ka kushtuar platofrma dhe cilat do të jenë shkollat që do të bëhen pjesë e “eksperimentit” të parat, por teksa të gjithë qeshnin me gafën e radhës së ministres Muzhaqi, një projekt i ri ishte duke “u gatuar” dhe asgjë nuk ishte bërë publike. /albeu.com

The post S’dinë ende ABC-në, merr jetë futurizmi i Borës: Në 100 shkolla, fëmijët e klasave të para do të mësojnë kodim sipas ministres appeared first on Albeu.com.

Xheladini theksoi se ata të cilët ndodhen në krye të listës për ndjekësit e rremë janë disa ministra të qeverisë Rama.

Eksperti citoi ministren e Shtetit për Rininë dhe Fëmijët, Bora Muzhaqi dhe ministrin e Mbrojtjes Niko Peleshit ata të cilët ndodhen në krye të listës për ndjekësit fake.

Më tej ai përmendi dhe ish-kreun e PD-së Basha, kryeparlamentaren Nikolla, si dhe ministren e Bujqësisë Frida Krifca si politikanët e tjerë që renditen në krye të listës me reagimet e rreme në rrjete sociale.

“E kemi nxjerre në listë ne personin që më shumë ndjekës fake.

Ne masim këta që kanë reagime fake jo ndjekës, këtë informacion e marrim nga Facebook dhe Instagrami direkt, të cilët na japin informacion për angazhim të jashtëzakonshëm të llogarive të reja që përdoren për përmirësimin digjital të një politikani.

Unë mendoj që kjo është pjesa që duhet ta diskutonim dhe që politikanët të jenë sa më shumë të vërtetë.

Tek lista që unë kam nisur, më shumë reagime fake kanë disa ministra në qeverinë Rama. Është Bora Muzhaqi dhe Niko Peleshi, ata të cilët i kanë më shumë reagime fake.

Është dhe zoti Basha dhe zonja Nikolla, Krifca, Bilali, pra janë një grup politikanësh të cilët kanë reagime fake gjatë periudhës së dhjetorit kur është bërë studimi”, tha Xheladini.

The post Nga Muzhaqi te Peleshi e Basha, eksperti zbulon politikanët me më shumë ndjekës fake appeared first on Albeu.com.