bombla e gazit Archives - Albeu.com

Shpërthimi i bombolës në Lezhë/ Dëshmia e të afërmit: Familja erdhi nga Italia për dasmë

M C — Sat, 29 Aug 2026 21:38:08 +0000

Një i afërm i familjes Kola ku shpërtheu bombula e gazit, ka rrëfyer detaje mbi shpërthimin e bombolës së gazit në fshatin Markatomaj të Lezhës, ku mbetën të plagosur gjashtë persona.

Ai sqaroi se familja jetonte në Itali dhe kishte ardhur në banesën dykatëshe për pushime dhe për një dasmë familjare.

“Jetonin në Itali. Kanë ardhur për pushime. Kishin një dasmë, kishin dasmën e vajzës së vëllait. Mendova se ishte ndonjë gomë e makinave të tonazhit të lartë, por një shok më mori e më tha është dëmtuar Saimiri. Ka shpërthyer një bombol. Bombola ka qenë jashtë. Në këtë banesë nuk jetonte asnjeri, vetëm ata kur vinin me pushime”, deklaroi i afërmi i familjes.

Kryefamiljari Saimir Kola, i cili do të martonte mbesën e tij ditën e nesërme, ka pësuar djegie të rënda dhe është transportuar me urgjencë drejt Spitalit të Traumës në Tiranë për mjekim të specializuar.

The post Shpërthimi i bombolës në Lezhë/ Dëshmia e të afërmit: Familja erdhi nga Italia për dasmë appeared first on Albeu.com.

Shpërthen bombla e gazit në banesë, raportohet për dëme materiale

E S — Mon, 11 Jul 2022 17:47:16 +0000

Foto ilustruese

Një shtëpi është shkrumbuar nga flakët si pasojë e shpërthimit të një bombole gazi.

Ngjarja ka ndodhur këtë pasdite rreth orës 18:10, në fshatin Drithas, Llakatund. Në njoftimin e Policisë së Vlorës bëhet me dije se në banesën e personit të identifikuar me inicialet K. T, ka rënë zjarr dyshohet si pasojë e rrjedhjes së një bombule gazi. Për pasojë janë shkaktuar vetëm dëme materiale.

Njoftimi i policisë:
“Sot rreth orës 18:10, në fshatin Drithas, Llaktund, në banesën e shtetasit K. T, ka rënë zjarr dyshohet si pasojë e rrjedhjes së një bombule gazi, ku janë shkaktuar vetëm dëme materiale.

Grupi hetimor po punon për zbardhjen e plotë të rrethanave të ngjarjes”./albeu.com

The post Shpërthen bombla e gazit në banesë, raportohet për dëme materiale appeared first on Albeu.com.

Shpërthen bombla e gazit në një shtëpi në Shijak, raportohet për të lënduar

albeu.com — Tue, 16 Nov 2021 15:20:31 +0000

Një bombël gazi ka shpërthyer në një banesë në Shijak.

Sipas informacioneve nga Policia, bëhet me dije se ka të lënduar.

Njoftimi i Policisë:

Shijak/Informacion paraprak

Me datë 16.11.2021, rreth orës 15:30, dyshohet si pasojë e shpërthimit e një bombule gazi në banesë, është lënduar shtetasi R. B., 68 vjeç, banues në Shijak, i cili ndodhet nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për zbardhjen e rrethanave të ngjarjes./albeu.com/

The post Shpërthen bombla e gazit në një shtëpi në Shijak, raportohet për të lënduar appeared first on Albeu.com.