bombe berthamore Archives - Albeu.com

Historia e presidentit amerikan që gati filloi luftën bërthamore: U bë “tapë” dhe tentoi të shtypë “butonin e kuq”

E B — Fri, 28 Oct 2022 08:06:29 +0000

Në fund të shekullit të 20-të, frika e shpërthimit të një lufte bërthamore ishte në kulmin e saj.

Lufta e Ftohtë krijoi një klimë ku shumë qytetarë nga të dyja palët kishin frikë se udhëheqësit e tyre mund të bënin një gabim që do ta çonte botën në një gjendje të parikuperueshme.

Për këtë arsye, procedura për të nisur një sulm bërthamor u bë shumë e ndërlikuar për të shmangur gabimet. Do të duheshin shumë njerëz në zinxhirin komandues për të nisur një sulm të tillë.

Ky zinxhir komandimi, në rastin e SHBA-së, filloi me presidentin.

Presidenti Nixon

Presidenca e Richard Nixon ishte e mbushur me polemika. Nga vendimet e dyshimta të politikës së brendshme, si heqja e fondeve të NASA-s menjëherë pas zbarkimit të suksesshëm në Hënë, deri te skandali i Watergate, SHBA-ja nuk ka pasur kurrë një president të tillë.

Pas presidencës së tij dhe hetimeve, populli arriti të mësonte shumë më tepër për presidentin e tyre të vjetër, detaje që shumëkush mund të mos kishte dashur t’i dinte.

Në rastin tonë, detaji që gati e çoi botën në prag të një luftë bërthamore ishte fakti se Niksonit i pëlqente të pinte dhe të qenit president nuk do ta pengonte atë ta bënte këtë, raporton abcnews.al.

Fuqia që vjen me të qenit president i Shteteve të Bashkuara, e kombinuar me të qenit i dehur, nuk është diçka e mirë për paqen botërore, veçanërisht në një kohë kur çdo lëvizje mund të konsiderohet një akt lufte.

Kjo do të bëhej e dukshme në vitin 1969.

Koreja e Veriut, e njohur edhe për shumë si Mbretëria Hermite, po fuqizohej me shpejtësi gjatë viteve 1950 dhe 1960 për shkak të ndihmës së Bashkimit Sovjetik.

Si rezultat, çdo agresion ndaj Koresë së Veriut me siguri do të përballej me hakmarrje nga BRSS.

Kjo u bë problematike në vitin 1969 kur Koreja e Veriut rrëzoi një aeroplan amerikan. Ndërsa udhëheqja ushtarake e SHBA-së miratoi planin më të mirë të veprimit kundër një agresioni të tillë, presidenti Nixon kishte ide të ndryshme.

Pasi dëgjoi lajmin për rrëzimin e aeroplanit, i nxitur nga alkooli dhe zemërimi ndaj armiqve të tij, presidenti kontaktoi Shefat e Shtabit të Përbashkët.

Nixon dha urdhër që avionët bërthamorë amerikanë në Korenë e Jugut të furnizoheshin me karburant, të gatshëm për një sulm taktik bërthamor ndaj Koresë së Veriut si hakmarrje për agresionin e tyre.

Për fat të mirë për botën Henry Kissinger, Këshilltari i Sigurisë Kombëtare për Nixon në atë kohë, ishte mësuar të merrej me këto lloj skenarësh.

Ai kontaktoi Shefat e Përbashkët të Shtabit dhe u tha atyre që të zbatonin planin e presidentit ditën e nesërme, kur presidenti të ishte esëll për të marrë një vendim racional.

Një Nikson i matur vendosi se të rrezikojë nisjen e një luftë bërthamore për shkak të rrëzimit të një aeroplani nuk ia vlente dhe vendosi të hiqte dorë nga plani për të sulmuar Korenë e Veriut, duke e shtyrë shkatërrimin e njerëzimit përmes luftës bërthamore për të paktën disa vite të tjera./abcnews.al

The post Historia e presidentit amerikan që gati filloi luftën bërthamore: U bë “tapë” dhe tentoi të shtypë “butonin e kuq” appeared first on Albeu.com.

“Mjafton një bombë për të zhdukur 45 milionë njerëz”, Rama: Ne nuk jemi jashtë zonës së luftës

E B — Tue, 18 Oct 2022 15:25:48 +0000

Kryeministri Edi Rama, pasditen e sotme zhvilloi një takim me qytetarët e Përmetit. Në fokus të diskutimeve ishin investimet e qeverisë në bashkinë e Përmetit.

Gjatë fjalës së tij, kryeministri u shpreh se ka qenë një punë e mirë dhe e lavdërueshme ajo që është bërë, falë lidershipit të bashkisë dhe sidomos mbështetjes së vazhdueshme së ministres Kumbaro.

“Sot situata nuk është rozë, por padiskutim si në çdo gjë tjetër në këtë moment, po ta krahasojmë me nga u nis puna, është si dita me natën. Po ta krahasojmë me çfarë duhet të bëjmë akoma, jemi në të gdhirë të një dite të re. Ka akoma shumë për të bërë. Ne dimë se ku po ecim dhe e dimë se ku duhet të shkojmë. Ajo për të cilën dua të flas nuk është thjesht Përmeti, por një kontekst më i gjerë”, tha kryeministri, ndërsa u ndal edhe te pasojat që ka sjellë lufta Rusi-Ukrainë për gjithë botën.

“Flitet sikur po bëhet një diskutim për një konflikt të zakonshëm, ndërkohë që mjafton një bombë bërthamore për të zhdukur brenda 30 minutash 45 milionë njerëz. E them këtë sepse ne nuk jemi fatmirësisht në zonën e nxehtë ku lufta sjell bomba, vrasje dhe plagë të rënda, por nuk jemi as jashtë zonës së luftës sepse pasojat e saj na kanë prekur dhe na prekin përditë me inflacionin e luftës, me krizën e madhe të çmimeve të energjisë. Ajo që ne nuk mund të bëjmë dot, është të ndalojmë luftën, ta eleminojmë inflacionin e luftës. Por nga ana tjetër ajo që ne nuk mund të shmangim është përgjegjësia për të lehtësuar sa të mundim këtë barë që rëndon mbi të gjithë, si një flamë që i prek të gjithë dhe përditë. Sot ende në Shqipëri nuk është rritur asnjë qindarkë çmimi i energjisë elektrike për familjet dhe biznesin e vogël. Por ai konsum që vazhdon për gjithë nevojat e jetës së përditshme kushton shumë herë më tepër se çfarë familjet dhe bizneset paguajnë. Atë e mbulojmë ne, buxheti i shtetit.

Kryeministri theksoi se qeveria ka mbështetur dhe do vazhdojë të mbështesë familjet, duke mos ia faturuar çmimin e rritur të energjisë.

The post “Mjafton një bombë për të zhdukur 45 milionë njerëz”, Rama: Ne nuk jemi jashtë zonës së luftës appeared first on Albeu.com.

“Të hedh bombën atomike në Moskë”, befason Trump me deklaratën për Putin (VIDEO)

E B — Sat, 05 Mar 2022 11:03:42 +0000

Ish-presidenti i Shteteve të Bashkuara të Amerikës, Donald Trump ka reaguat sërish në lidhje me situatën e krijuar së fundmi në Ukrainë pas pushtimit rus.

Mediat e huaja bëjnë me dije se ai së fundmi në një bisedë me një mikun e tij ka theksuar se gjatë presidencës në krye të Amerikës, Putin nuk kishte asnjë shans që të sulmonte Ukrainën.

Trump në një bisedë telefonike me golfistin, John Daly, la thënë se ishte marrë vesh shumë mirë me Putin kur ishte president dhe se Rusia nuk e sulmoi në atë kohë Ukrainën pasi ai e kërcënoi se do t’i hidhte bombën bërthamore në Moskë.

“Të gjithë sot thonë se ai është një fuqi bërthamore, sikur të kenë frikë prej tij. Ti e di. Ai ishte një miku im dhe unë ja kalova mirë me të. I thashë, Vladimir nëse e bën këtë gjë ne do të godasim Moskën. Dhe ai më besoi sadopak 5%, 10% aq duhet”, është shprehur Trump në bisedën me mikun e tij.

Ndër të tjera Trump deklaron se as presidenti kinez nuk ngatërrohej me të pasi dhe atij i kishte thënë të njëjtën gjë.

View this post on Instagram

A post shared by No Pops Golf (@nopopsgolf)

The post “Të hedh bombën atomike në Moskë”, befason Trump me deklaratën për Putin (VIDEO) appeared first on Albeu.com.

Covid-19 i merr jetën “babait” të bombës bërthamore të Pakistanit

E B — Sun, 10 Oct 2021 08:55:49 +0000

Dr Abdul Qadeer Khan, i njohur si “babai i bombës bërthamore të Pakistanit”, është ndarë nga jeta në moshën 85-vjeçare për shkak të COVID-19.

Shkencëtari ka qenë famëkeq për kontrabandën e sekreteve bërthamore në shtete, përfshirë Korenë e Veriut dhe Iranin.

Kryeministri Imran Khan tha se Pakistani kishte humbur një “ikonë kombëtare”.

I njohur si AQ Khan, shkencëtari ishte i rëndësishëm në ngritjen e uzinës së parë të pasurimit bërthamor të Pakistanit në Kahuta pranë Islamabadit. Deri në vitin 1998, vendi kishte kryer testet e para bërthamore.

Duke ardhur menjëherë pas testeve të ngjashme nga India, puna e Dr Khan ndihmoi në vulosjen e vendit të Pakistanit si fuqia e shtatë bërthamore në botë dhe ndezi gëzimin kombëtar.

Por ai u arrestua në 2004 për ndarjen e paligjshme të teknologjisë bërthamore me Iranin, Libinë dhe Korenë e Veriut.

Zbulimet se ai i përcolli sekretet bërthamore vendeve të tjera tronditi Pakistanin.

Në një fjalim televiziv, Dr Khan shprehu “keqardhjet e tij më të thella”, dhe u fal nga presidenti i atëhershëm i Pakistanit, Pervez Musharraf, por ai u mbajt në arrest shtëpiak deri në vitin 2009.

Butësia e trajtimit të tij zemëroi shumë në Perëndim, ku ai u quajt “përhapësi më i madh bërthamor i të gjitha kohërave”.

Por në Pakistan ai mbeti një simbol i krenarisë për rolin e tij në rritjen e sigurisë kombëtare.

“Ai na ndihmoi në zhvillimin e parandalimit bërthamor që shpëton kombin dhe një komb mirënjohës nuk do t’i harrojë kurrë shërbimet e tij”, tha Presidenti Arif Alvi./albeu.com

The post Covid-19 i merr jetën “babait” të bombës bërthamore të Pakistanit appeared first on Albeu.com.