Operacioni u krye në hakmarrje për sulmin e Gardës Revolucionare Islamike ndaj forcave amerikane në Jordani, i cili rezultoi në vdekjen e dy ushtarëve.

“Forcat e armatosura amerikane kanë filluar të nisin sulme të reja ajrore kundër Iranit me urdhër të komandantit të tyre suprem. Këto sulme janë të dizajnuara për të minuar më tej aftësinë e Iranit për të kërcënuar anijet tregtare në Ngushticën e Hormuzit dhe për të ndëshkuar menjëherë Korpusin e Gardës Revolucionare Islamike , e cila nisi sulme ndaj personelit ushtarak amerikan në Jordani mbrëmë”, njoftoi Presidenti i SHBA-së Donald Trump nëpërmjet X komandën e tyre të përbashkët përgjegjëse për Lindjen e Mesme.

U.S. Central Command (CENTCOM) has announced the completion of another round of retaliatory strikes, for the eighth night in a row, against Iranian military coastal surveillance and air defense facilities, maritime capabilities, and missile and drone storage sites, which were… pic.twitter.com/RERFU8abRY

— OSINTdefender (@sentdefender) July 19, 2026

Mediat shkruajnë se Irani u përgjigj me sulme ndaj bazave ushtarake në Kuvajt, duke shkaktuar dëme të rënda në infrastrukturën kritike të energjisë elektrike dhe të desalcimit të ujit. Armiqësitë e vazhdueshme kanë çuar në bllokadën e porteve iraniane dhe në ndërprerjen e përsëritur të transportit detar tregtar në Ngushticën e Hormuzit.

“Tani që armiku amerikan po kërkon të rifillojë luftën duhet ta dijë se kombi i dashur iranian dhe fronti i rezistencës kanë mësime të paharrueshme për t’i mësuar.

Shkeljet e përsëritura të memorandumit të mirëkuptimit të Islamabadit, marrëveshjes në parim të nënshkruar nga presidentët e të dy vendeve më 17 qershor, dhe që synonte të heshtte armët, nga ana amerikane, treguan edhe një herë se firma e presidentit amerikan nuk ka vlerë.”, tha Udhëheqësi Suprem i Iranit, Mojtaba Khamenei , në një mesazh të shkruar të transmetuar dje nga televizioni shtetëror.

Përveç bombardimeve, incidente në det kanë ndodhur njëri pas tjetrit në Ngushticën e Hormuzit. Hapja e saj ishte arritja kryesore e marrëveshjes së 17 qershorit, por lëvizja e anijeve tregtare tani është ndalur pothuajse plotësisht përsëri. Garda Revolucionare, ushtria ideologjike e Republikës Islamike, paralajmëroi se sulmet e tyre do të vazhdonin derisa qetësia të rikthehej në bregdetin jugor iranian dhe në Ngushticën e Hormuzit.

Afërsisht një e pesta e hidrokarbureve të konsumuara në shkallë globale kalonin nëpër ngushticë para luftës. Pas mbylljes së saj të re, SHBA-të rivendosën, në shenjë hakmarrjeje, bllokadën e porteve iraniane, disa ditë pasi ajo u hoq sipas memorandumit të mirëkuptimit.

The post VIDEO/ SHBA-të bombardojnë Iranin në natën e tetë radhazi/ Khamenei: Ata do të mësojnë një mësim të paharrueshëm appeared first on Albeu.com.

Trump njoftoi për “sukses spektakolar ushtarak” më 21 qershor, duke thënë se bombarduesit amerikanë goditën objektet bërthamore në Fordo, Natanz dhe Esfahan, gjatë një përpjekjeje të përbashkët me Izraelin për të shkatërruar programin bërthamor të Iranit, pasi diplomacia dështoi ta kthente Teheranin në tavolinën e negociatave.

“Të gjithë i kanë dëgjuar këto emra për vite të tëra, teksa ata ndërtuan këtë ndërmarrje jashtëzakonisht shkatërruese”, tha Trump gjatë një fjalimi drejtuar kombit nga Shtëpia e Bardhë.

“Qëllimi ynë ishte shkatërrimi i kapacitetit të Iranit për pasurim të uraniumit dhe ndalimi i kërcënimit bërthamor që paraqet sponsori numër një shtetëror i terrorizmit në botë”.

Trump, i cili vetëm dy ditë më parë tha se do të vendoste “brenda dy javësh” nëse do t’i bashkohej Izraelit në përpjekjet e tij për të shkatërruar objektet bërthamore iraniane, pretendoi se sulmet “shkatërruan plotësisht” objektet kyç të Iranit për pasurim të uraniumit.

“Irani, bullizuesi i Lindjes së Mesme, tani duhet të bëjë paqe. Nëse nuk bën, sulmi i ardhshëm do të jetë shumë më i madh dhe shumë më i lehtë”, tha Trump.

E ardhmja e Iranit, sipas presidentit amerikan, “ose ka paqe ose tragjedi”, duke shtuar se në Iran ka ende shumë caqe që mund të goditen.

“Nëse paqja nuk vjen shpejt, ne do t’i godasim caqet e tjera me precizitet”, tha ai, duke falënderuar ushtrinë izraelite dhe atë amerikane për realizimin e operacionit.

“Shpresoj të mos kemi më nevojë për shërbimet e tyre në këtë kapacitet. Shpresoj shumë”, u shpreh Trump, duke folur nga Shtëpia e Bardhë, teksa prapa tij gjendeshin nënpresidenti JD Vance, sekretari i Shtetit, Marco Rubio dhe ai i Mbrojtjes, Pete Hegseth.

Transmetuesi publik izraelit, KAN, citoi një zyrtar izraelit të ketë thënë se sulmet u kryen në koordinim të plotë me Uashingtonin.

Kryeministri izraelit, Benjamin Netanyahu, e uroi Trumpin për sulmet “e guximshme” të SHBA-së, duke e quajtur sulmin një moment historik që mund ta çojë Lindjen e Mesme drejt paqes.

“Urime president Trump. Vendimi juaj i guximshëm për të goditur objektet bërthamore të Iranit me fuqinë e jashtëzakonshme dhe të drejtë të SHBA-së do ta ndryshojë historinë”, tha Netanyahu përmes një video-adresimi.

“Presidenti Trump dhe unë shpesh themi: paqja vjen përmes forcës. Së pari vjen forca, pastaj paqja”, shtoi ai.

Senatori amerikan, republikani nga Karolina e Jugut, Lindsey Graham, gjithashtu e mirëpriti sulmin.

“Kjo ishte vendimi i duhur. Regjimi e meriton. Të lumtë, president Trump”, shkroi Graham në X.

Por, jo të gjithë e mirëpritën sulmin.

Sekretari i Përgjithshëm i Kombeve të Bashkuara, Antonio Guterres, tha se ishte “thellësisht i alarmuar” nga përshkallëzimi.

“Ekziston një rrezik në rritje që ky konflikt të dalë shpejt jashtë kontrollit, me pasoja katastrofike për civilët, rajonin dhe botën”, tha Guterres.

Vendimi për të goditur Iranin, mund të jetë politikisht i rrezikshëm për Trumpin, i cili fitoi zgjedhjet presidenciale vitin e kaluar me premtimin që të mbajë SHBA-në jashtë konflikteve të huaja.

Disa anëtarë të koalicionit të tij, Ta Bëjmë Amerikën Madhështore Sërish, e kanë këshilluar Trumpin që të mos përfshijë drejtpërdrejt ushtrinë amerikan në sulme ndaj Iranit./ REL

The post Përshkallëzohet konflikti/ SHBA bombardon objektet bërthamore të Iranit appeared first on Albeu.com.

Në një koment në Telegraf, Cameron i përshkroi sulmet si “proporcionale dhe të ligjshme”.

Ai tha se Mbretëria e Bashkuar kishte paralajmëruar disa herë rebelët Houthi përpara se t’i bashkohej sulmeve të udhëhequra nga SHBA gjatë kësaj javë, ndërsa paralajmëroi se çmimet do të rriteshin në Mbretërinë e Bashkuar nëse Houthit do bllokonin rrugë të rëndësishme tregtare.

“Nëse Houthi-t nuk lejojnë këtë kalim të anijeve, zinxhiri jetik i furnizimit kërcënohet dhe çmimet do të rriten në Britani dhe në mbarë globin. Ne do të punojmë me aleatët. Ne gjithmonë do të mbrojmë lirinë e lundrimit. Dhe, më e rëndësishmja, ne do të jemi të përgatitur të mbështesim fjalët me veprime”, tha Cameron.

The post SHBA bombardon sërish Jemenin/ Cameron: Ishim të detyruar! appeared first on Albeu.com.

Në ato sulme me raketa nuk ka patur të plagosur ndërsa një zjarr ka rënë në zonën afër kufirit.

Gjithashtu raportohet se njësitë e artilerisë së ushtrisë izraelite kanë goditur shumë zona në Liban mëngjesin e sotëm.

Ushtria izraelite shënjestroi zonat nga të cilat u hodhën raketa ndaj Izraelit.

Në përleshjet mes ushtrisë izraelite dhe Hezbollahut në kufi, që nga 8 tetori, janë vrarë 76 anëtarë të Hezbollahut dhe 6 ushtarë izraelitë.

Tensionet janë përshkallëzuar përgjatë kufirit midis Izraelit dhe Libanit dhe herë pas here ka pasur shkëmbime zjarri midis forcave izraelite dhe Hezbollahut që nga fillimi i luftës në Gaza më 7 tetor.

Të paktën 13 mijë palestinezë janë vrarë, përfshirë më shumë se 9 mijë gra dhe fëmijë ndërsa më shumë se 30 mijë janë plagosur në sulmet ajrore dhe tokësore izraelite që nga 7 tetori.

Sipas të dhënave zyrtare, numri i izraelitëve të vdekur është 1.200.

The post Izraeli bombardon disa zona në Liban appeared first on Albeu.com.

Burime pro-Moskës, publikuan pamjet që tregojnë një re gazi shpërndahet mbi një zonë pyjore pranë qytetit Masyutivka, e cila shtrihet në “zonën gri” midis kufirit rus dhe ukrainas, dhe aty strehon një stacion pompimi për tubacioni Tolyatti-Odessa.

Amoniaku është një komponent kyç i plehrave nitrat, ndërsa Rusinë që është një nga prodhuesit kryesorë të tij në mbarë botën. Por është gjithashtu jashtëzakonisht toksik dhe mund të shkaktojë acarim të rëndë në mushkëri, fyt, hundë dhe sy, duke shkaktuar probleme serioze shëndetësore për njerëzit që mund të ekspozohen ndaj tij.

Moska tha të mërkurën se një “grup sabotatorësh ukrainas” hodhi në erë tubacionin. Ndërkohë, Kievi fajësoi trupat ruse, por tha se çdo dëmtim i tubacionit ishte një “pasojë e luftës” dhe se tubacioni ishte dëmtuar nga granatimet e përsëritura ruse.

The post Pas digës, forcat ruse bombardojnë edhe tubacionin më të madh të amoniakut në botë appeared first on Albeu.com.