Bombardime ruse Archives - Albeu.com

Bombardimet ruse vrasin dy të moshuara në Ukrainë, 10 të plagosur

Xh — Mon, 17 Jul 2023 20:00:55 +0000

Dy persona u vranë dhe 10 të tjerë u plagosën sot nga bombardimet ruse në qytetin Bilopiya në provincën Sumy të Ukrainës veriore pranë kufirit me Rusinë, tha policia.

Në një postim në aplikacionin Telegram, Policia Kombëtare e Ukrainës tha se regjistroi katër sulme artilerie, tre prej të cilave goditën qendrën e atij qyteti.

“Një grua 76-vjeçare dhe një 74-vjeçare që në atë moment ndodheshin në rrugë kanë humbur jetën pas plagëve të marra”, njofton policia.

Sipas policisë, nga 10 të plagosurit, njëri ndodhet në spital në gjendje të rëndë./Albeu.com.

The post Bombardimet ruse vrasin dy të moshuara në Ukrainë, 10 të plagosur appeared first on Albeu.com.

Tre të vrarë nga bombardimet në Kharkiv, mes tyre një 13-vjeçar

E B — Wed, 20 Jul 2022 08:37:36 +0000

Një djalë 13-vjeçar është mes tre viktimave të një sulmi rus në qytetin verilindor të Kharkiv të mërkurën në mëngjes, tha Oleh Synehubov, kreu i administratës ushtarake rajonale.

“Fatkeqësisht, 3 persona, mes tyre një djalë 13-vjeçar, një burrë dhe një grua, u vranë si rezultat i granatimeve të mëngjesit nga pushtuesit e lagjes Saltivskyi të Kharkiv-it”, shkroi ai në një postim në Telegram.

Gjithashtu një grua 72-vjeçare ka mbetur e plagosur.

Synehubov këshilloi njerëzit në Kharkiv, qyteti i dytë më i madh i Ukrainës përpara fillimit të pushtimit rus, të mos dilnin jashtë nëse nuk bëhej fjalë për nevoja esenciale./albeu.com

The post Tre të vrarë nga bombardimet në Kharkiv, mes tyre një 13-vjeçar appeared first on Albeu.com.

Gjenden trupat e pajetë të 70 civilëve në rrënojat e një ndërtese në Mariupol

E S — Fri, 27 May 2022 13:49:41 +0000

Rreth 70 trupa janë zbuluar nën rrënojat e një ndërtesë industriale në qytetin Mariupol të pushtuar nga Rusia, sipas autoriteteve ukrainase, shkruan BBC.

Trupat u gjetën nga punonjësit e urgjencës ruse në një varr masiv, tha Petro Andryushchenko në një mesazh në Telegram. Ai tha se viktimat ishin civilëet që kishin mbetur të bllokuar në ndërtesën e shembur pas bombardimeve të forcave ruse.

Të martën Andryushchenko raportoi se rreth 200 trupa të dekompozuar ishin nxjerrë nga rrënojat e një ndërtese banimi në qytet.

The post Gjenden trupat e pajetë të 70 civilëve në rrënojat e një ndërtese në Mariupol appeared first on Albeu.com.

Rusia bombardon një tjetër stacion hekurudhor, në lindje të Ukrainës

E B — Mon, 11 Apr 2022 08:02:05 +0000

Një stacion hekurudhor në Ukrainën lindore u bombardua nga rusët, tha të hënën kryetari i kompanisë shtetërore hekurudhore të Ukrainës, pa dhënë një vendndodhje specifike.

“Natën e kaluar një tjetër stacion hekurudhor në lindje të Ukrainës u bombardua nga trupat ruse”, tha kryetari Oleksandr Kamyshin në Telegram.

“Ata vazhdojnë të godasin, duke synuar infrastrukturën hekurudhore. Nuk ka viktima as në mesin e civilëve, as midis punonjësve të hekurudhave”, tha ai duke shtuar se pesë lokomotiva u dëmtuan si dhe shina dhe linja elektrike.

Kujtojmë se një stacion hekurudhor në Kramatorsk në Ukrainën lindore që po përdorej nga civilët për evakuim, u godit në një sulm me raketa ruse të premten, thanë autoritetet. Të paktën 57 persona u vranë dhe 109 u plagosën, sipas Pavlo Kyrylenko, kreu i administratës ushtarake rajonale të Donetsk.

Duke pasqyruar mohimet e fundit të vrasjes pa dallim të civilëve në periferi të Kievit, Bucha, Ministria Ruse e Mbrojtjes tha të premten se sulmi me raketa ishte një “provokim” dhe fajësoi forcat ukrainase./albeu.com

The post Rusia bombardon një tjetër stacion hekurudhor, në lindje të Ukrainës appeared first on Albeu.com.

Bombardohet spitali i fëmijëve, 11 viktima në Mykolaiv

E S — Tue, 05 Apr 2022 06:11:06 +0000

Të paktën 11 civilë kanë mbetur të vdekur pasi forcat ruse bombarduan Mykolaiv-un, Ukraina jugore mëngjesin e së martës. Numrin e viktimave e bën të ditur kreu i administratës ushtarake rajonale, Vitalii Kim në Telegram, sipas agjencisë ukrainase Ukrinform. Po ashtu, sipas tij nga raketat ruse u godit edhe një spital fëmijësh në të cilin [...]

I “thërrmuar” i tëri, pamjet që tregojnë gjendjen e qytetit të Mariupol (VIDEO)

E S — Thu, 31 Mar 2022 09:10:44 +0000

Janë shfaqur pamjet që tregojnë shkallën e shkatërrimit në qytetin e rrethuar të Ukrainës, Mariupol, i cili është përballur me peshën kryesore të agresionit rus që nga 24 shkurti.

Skenat vijnë pasi një kolonë autobusësh u dërgua sot në rajon për të evakuuar civilët e bllokuar.

Zona ka qenë një objektiv kyç për forcat e Kremlinit dhe ka qenë nën një breshëri sulmesh që nga fillimi i luftës në Ukrainë.

Është një zonë kyçe për Rusinë, sepse kapja e qytetit port do të krijonte një korridor tokësor midis Krimesë së aneksuar dhe rajoneve të kontrolluara separatiste pro-ruse të Luhanskut dhe Donetsk.

The scale of destruction in #Mariupol visible in this drone footage is shocking. #SaveMariupol #StopRussia pic.twitter.com/t4cHeRWjRi

— Stratcom Centre UA (@StratcomCentre) March 31, 2022

The post I “thërrmuar” i tëri, pamjet që tregojnë gjendjen e qytetit të Mariupol (VIDEO) appeared first on Albeu.com.

Ukraina publikon pamjet e bombardimit të ndërtesës së qeverisë nga forcat ruse (VIDEO)

E S — Wed, 30 Mar 2022 10:17:53 +0000

Kjo pamje e shpërndarë nga ministria e jashtme e Ukrainës supozohet të tregojë një raketë ruse që godet ndërtesën e administratës rajonale në Mykolaiv dje.

Yesterday #Russia shelled #Mykolaiv administration building.

It is reported that 12 people died as a result of the shelling, more than 30 were injured. #closeUAskyNOW #StopRussianAgression pic.twitter.com/7bP26OQnkm

— MFA of Ukraine ?? (@MFA_Ukraine) March 30, 2022

Predha mund të shihet duke fluturuar në ajër përpara se të ngrihet tymi i dendur.

Autoritetet ukrainase thanë se 12 persona u vranë dhe më shumë se 30 u plagosën në sulm.

The post Ukraina publikon pamjet e bombardimit të ndërtesës së qeverisë nga forcat ruse (VIDEO) appeared first on Albeu.com.

Bombardimet ruse kanë shkatërruar thuajse gjithë qytetin, por jo portin e Mariupolit

E S — Wed, 23 Mar 2022 09:45:43 +0000

Një personazh i lartë drejtues i Portit të Mariupolit, i cili u arratis nga qyteti i rrethuar dje, i tha BBC-së se pjesa më e madhe e qytetit është shkatërruar plotësisht, por zona e portit mbetet kryesisht e paprekur. Burri, i cili nuk dëshiron të identifikohet publikisht për shkak të shqetësimeve të sigurisë, tha se gjashtë anije me flamur të huaj ishin bllokuar në port që nga fillimi i luftës, por “ndryshe nga pjesa tjetër e qytetit, porti kishte vuajtur relativisht nga një bombardim i vogël”.

Mariupol është porti më i madh në Detin Azov dhe një nga portet më të mëdha të Ukrainës për eksportin e produkteve bujqësore. Kapja e tij do të ishte strategjikisht e rëndësishme për Rusinë.

Kremlini ka mohuar vazhdimisht se ka synuar qëllimisht infrastrukturën dhe ndërtesat civile, si shkollat, spitalet dhe shtëpitë në Mariupol – shumë prej të cilave janë shkatërruar me një numër të madh viktimash.

Por fakti se zona e portit mbetet relativisht e padëmtuar mund të jetë një tregues që Rusia vlerëson rëndësinë e saj strategjike dhe ka shmangur qëllimisht synimin e vetë portit.

The post Bombardimet ruse kanë shkatërruar thuajse gjithë qytetin, por jo portin e Mariupolit appeared first on Albeu.com.

Rusët bombardojnë bllokun e banesave në Ukrainë, 3 viktima, mes tyre 2 fëmijë

E S — Wed, 23 Mar 2022 09:23:31 +0000

Tre persona, dy prej tyre fëmijë, janë vrarë në një sulm në një bllok banesash në qytetin lindor të Rubizhne, tha kreu i autoritetit ushtarak në Luhansk.

“Tragjedia ndodhi në mbrëmje, kur ushtria ruse intensifikoi granatimet. Një predhë shpërtheu në katin e pestë”, tha Serhiy Haidai, duke shtuar se zjarri shpërtheu në një biznes dhe një institucion arsimor.

Rajoni i Luhanskut është një nga objektivat kryesore të ushtrisë ruse, pasi ajo përpiqet të pushtojë zonat lindore që nuk u kapën nga separatistët e mbështetur nga Rusia në luftën që filloi në 2014.

Në fundjavë Haidai tha se më shumë se 60 civilë ishin vrarë në rajon që nga fillimi i pushtimit më 24 shkurt.

Një nga qytetet më të goditura është Severodonetsk dhe kreu i ushtrisë rajonale tha se ishte rënë dakord për një korridor evakuimi si për atë qytet ashtu edhe për Rubizhne, por ai paralajmëroi njerëzit që përpiqeshin të largoheshin për rrezikun e bombardimeve të mëtejshme.

The post Rusët bombardojnë bllokun e banesave në Ukrainë, 3 viktima, mes tyre 2 fëmijë appeared first on Albeu.com.

Të paktën 6 viktima, momenti kur forcat ruse bombardojnë qendrën tregatre në Kiev (VIDEO)

E S — Mon, 21 Mar 2022 09:39:25 +0000

Autoritetet ukrainase thonë se të paktën gjashtë persona u vranë kur një qendër tregtare dhe një numër shtëpish u goditën në lagjen Podilskyi të Kievit.

Pamjet e publikuar nga Shërbimi Shtetëror i Emergjencave të Ukrainës kapi momentin kur qendra u bombardua.

Zjarrfikësit u panë më vonë duke u përpjekur të shpëtonin njerëzit e bllokuar nën rrënoja.

Shikoni KËTU momenti ne bombardimit. /albeu.com

The post Të paktën 6 viktima, momenti kur forcat ruse bombardojnë qendrën tregatre në Kiev (VIDEO) appeared first on Albeu.com.