Të gjithë të arrestuarit për akte dhune gjatë protestës kombëtare të opozitës më 10 Shkurt para kryeministrisë dhe Kuvendit, do të hetohen në gjendje të lirë!

Gjykata e Tiranës nxorri nga qelia edhe 14 të akuzuarit e rritur, një ditë pasi liroi 7 të miturit, që po ashtu ishin vënë në pranga për sulmet me bomba molotov, fishekzjarre apo sende të forta ndaj forcave të policisë dhe godinave të institucioneve.

Togat e zeza nuk pranuan kërkesën e prokurorisë për vendosjen në burg për 2 prej tyre dhe arrest shtëpie për 3 të tjerë.

Organi i akuzës i tha gjykatës se këta të rinj kanë kryer veprime aktive në protestë, duke kundërshtuar punonjësit e policisë dhe duke qëlluar ndaj tyre. Për mediat, avokatja Eda Grimci u shpreh se masat e detyrimit për paraqitje janë në kundërshtim me ligjin, ndërsa shtoi se do t’i drejtohet Apelit.

Para gjykatës, në pritje të vendimit, ishin edhe deputetë të PD-së, ku njëri prej tyre, Luciano Boçi, tha se drejtësia ishte nën trysninë e Edi Ramës dhe Taulant Ballës.

Kryeministri Edi Rama dhe ministrja e Punëve të Bredshme në reagime pas protestës, i cilësuan armë me kapacitet vdekjeprurës, bombat artizanale të përdorura në sulmet e një grupi protestuesish ndaj forcave të Policisë. Përfaqësuesit e qeverisë i kërkuan Gjykatës që të ndëshkojë përgjegjësit.

The post ASNJË NË QELI PËR “B*MBAT”/ Gjykata liron të arrestuarit për molotovët në protestën e PD appeared first on Albeu.com.

“Politikisht nuk është e pranueshme të përdoret termi ‘Ndryshim Regjimi’, por nëse regjimi i tanishëm iranian nuk është në gjendje ta BËJË IRANIN SËRISH MADHËSHTOR, pse të mos ketë një ndryshim regjimi??? MIGA!!!”, shkroi Trump në platformën e tij, Truth Social.

Trump i tha këto fjalë vetëm disa orë pasi figura kyçe të administratës së tij, si – nënpresidenti JD Vance, sekretari i Shtetit Marco Rubio dhe sekretari i Mbrojtjes Pete Hegseth, theksuan se qëllimi i sulmeve ajrore të SHBA-së më 21 qershor ndaj objekteve bërthamore të Iranit ishte një zgjidhje e negociuar, dhe jo rrëzimi i Qeverisë islamike teokratike.

Në një konferencë për shtyp, Hegseth i përshkroi bombardimet si “operacion i saktë”, që synonin vetëm programin bërthamor të Iranit, dhe jo ushtarët apo popullin iranian.

“Kjo mision nuk kishte, dhe nuk ka të bëjë me ndryshimin e regjimit”, tha ai.

Trump “kërkon paqe, dhe Irani duhet ta ndjekë këtë rrugë”, shtoi Hegseth, duke theksuar më tej: “Këtu duhet të arrihet një marrëveshje e negociuar”.

“Regjimi iranian duhet të zgjohet dhe të thotë: ‘OK, nëse me të vërtetë duam energji bërthamore në vendin tonë, ka mënyrë për ta bërë këtë’. Kjo ofertë është ende në fuqi. Jemi të gatshëm të flasim me ta nesër dhe të fillojmë punën për këtë”, tha Rubio për rrjetin amerikan CBS.

Megjithatë, disa anëtarë të Partisë Republikane të Trumpit, kanë bërë thirrje në të kaluarën për rrëzimin e Qeverisë iraniane, përfshirë senatorin me ndikim nga Teksasi, Ted Cruz.

“Po avokoj që të përdorim trysni maksimale dhe sanksione ekonomike për të ushtruar trysni mbi regjimin në një mënyrë që mund ta nxisë rrëzimin e tij”, kishte thënë ai para sulmeve të SHBA-së ndaj objekteve bërthamore në Iran.

Zyrtarët amerikanë e paralajmëruan të dielën Teheranin, të mos hakmerret ndaj sulmeve ajrore amerikane, për të cilat Trump tha se kishin “shkatërruar” objekte kyçe bërthamore të Iranit.

Irani dhe Izraeli filluan runde të reja sulmesh ajrore kundër njëri-tjetrit në orët e hershme mëngjesin e së hënës.

Irani i shpërfilli thirrjet e menjëhershme për rikthim në bisedime, duke theksuar të drejtën për vetëmbrojtje, dhe duke thënë se Shtetet e Bashkuara do të mbajnë përgjegjësi për “pasojat e rrezikshme” të veprimeve të tyre dhe duke lënë të kuptohet se bisedimet mund të ndodhin vetëm pasi Teherani të përgjigjet.

Ministri i Jashtëm i Iranit, Abbas Araqchi, tha në një konferencë për shtyp në Stamboll se “dera e diplomacisë” duhet të jetë gjithmonë e hapur, por “nuk është kështu tani”.

Irani është duke u sulmuar dhe do të ushtrojë të drejtën e vetëmbrojtjes për aq kohë sa është e nevojshme, shtoi ai, por nuk pranoi të tregojë se çfarë veprimesh do të ndërmarrë Irani si përgjigje ndaj sulmeve të SHBA-së.

Media shtetërore iraniane raportuan se Araqchi ka mbërritur në Moskë për të zhvilluar konsultime të hënën me udhëheqës të lartë, përfshirë presidentin rus Vladimir Putin, oferta e të cilit për të ndihmuar në ndërmjetësim të negociatave me Teheranin ishte hedhur poshtë menjëherë nga Trumpi.

“Rusia është partneri ynë dhe ne gjithmonë konsultohemi”, tha Araqchi para se të mbërrinte në Moskë.

Ndërkohë, kryeministri i Izraelit, Benjamin Netanyahu, tha se Izraeli është “shumë, shumë pranë” përmbushjes së synimeve të veta pas më shumë se një jave sulmesh ajrore ndaj Iranit, përfshirë eliminimin e kërcënimeve bërthamore dhe me raketa balistike nga Teherani.

“Po ecim hap pas hapi drejt arritjes së këtyre qëllimeve, jemi shumë, shumë pranë përmbushjes së tyre”, tha Netanyahu në një konferencë për shtyp.

Ai shtoi se; “kur të jenë përmbushur synimet, operacioni do të përfundojë”.

Izraeli nisi sulme në shkallë të gjerë ndaj Iranit më 13 qershor, duke shënjestruar objektet bërthamore dhe raketore, si dhe udhëheqësit ushtarakë dhe shërbimet e sigurisë.

Shumë figura të rëndësishme ushtarake dhe shkencëtarë bërthamorë janë vrarë në sulme, e ka pranuar Irani.

Që nga nisja e sulmeve fillestare izraelite, të dy vendet kanë shkëmbyer sulme ajrore ndaj njëri-tjetrit, duke shkaktuar viktima si në radhët ushtarake ashtu edhe ato civile, si dhe dëme në prona.

Grupi me qendër në Uashington, Aktivistët për të Drejtat e Njeriut, raportoi se të paktën 950 njerëz janë vrarë në Iran gjatë sulmeve ajrore që nga 13 qershori, përfshirë 380 civilë.

Autoritetet izraelite thanë se 24 njerëz u vranë nga sulmet iraniane në Izrael./rel

The post Pas bombardimeve amerikane, Donald Trump flet për ndryshimin e mundshëm të regjimit në Iran: Nëse nuk do ta bëjnë vendin sërish madhështor… appeared first on Albeu.com.

Fotot tregojnë Donald Trump, Sekretarin e Shtetit të SHBA-së Marco Rubio dhe pjesën tjetër të stafit të tyre duke parë zbatimin e planit të ushtrisë amerikane.

Ushtria amerikane goditi tre objekte bërthamore iraniane, teksa Shtetet e Bashkuara u përfshin në konfliktin mes Izraelit dhe Iranit, duke rritur frikën për një luftë më të gjerë në Lindjen e Mesme.

Trump njoftoi për “sukses spektakolar ushtarak” më 21 qershor, duke thënë se bombarduesit amerikanë goditën objektet bërthamore në Fordo, Natanz dhe Esfahan gjatë një përpjekjeje të përbashkët me Izraelin për të shkatërruar programin bërthamor të Iranit, pasi diplomacia dështoi ta kthente Teheranin në tavolinën e negociatave.

“Qëllimi ynë ishte shkatërrimi i kapacitetit të Iranit për pasurim të uraniumit dhe ndalimi i kërcënimit bërthamor që paraqet sponsori numër një shtetëror i terrorizmit në botë”, tha ai.

Trump, i cili vetëm dy ditë më parë tha se do të vendoste “brenda dy javësh” nëse do t’i bashkohej Izraelit në përpjekjet e tij për të shkatërruar objektet bërthamore iraniane, pretendoi se sulmet shkatërruan plotësisht objektet kyç të Iranit për pasurim të uraniumit.

The post Publikohen pamje nga Dhoma e Situatave të Emergjencës në Shtëpinë e Bardhë, ja si Trump ndoqi live sulmet e SHBA ndaj Iranit appeared first on Albeu.com.

Sipas një burimi amerikan për CNN, gjashtë avionë bombardues B-2 kanë hedhur 12 bomba të tipit “bunker buster”, secila prej tyre peshon 14 tonë, mbi impiantin e mbrojtur nëntokësor të Fordow-t.

Në të njëjtën kohë, nëndetëse të marinës amerikane kanë lëshuar 30 raketa “cruise” të tipit Tomahawk (Tlam) ndaj dy objekteve të tjera bërthamore: Natanz dhe Isfahan. Po sipas të njëjtit burim, një nga avionët B-2 ka goditur edhe impiantin e Natanzit me dy bomba të tjera të fuqishme “bunker buster”.

Ky sulm përbën një nga operacionet më të mëdha ajrore amerikane ndaj objekteve strategjike iraniane dhe sinjalizon një përshkallëzim të rrezikshëm në tensionet SHBA-Iran. Ende nuk ka reagim zyrtar nga Teherani.

The post CNN: Avionët B-2 hodhën 12 bomba të rënda mbi impiantin bërthamor Fordow appeared first on Albeu.com.

Instituti Ndërkombëtar i Kërkimeve për Paqen në Stokholm (SIPRI) theksoi në vlerësimin e tij vjetor të gjendjes së armatimeve, çarmatimit dhe sigurisë ndërkombëtare, se megjithëse numri i kokave bërthamore në botë vazhdoi të binte vitin e kaluar për shkak të çmontimit të kokave bërthamore të dala nga përdorimi nga SHBA dhe Rusia, ritmi i çmontimeve të tilla po ngadalësohet.

Bëhet e ditur se shkalla me të cilën kokat e reja bërthamore hyjnë në rezervat globale mund të tejkalojë së shpejti çmontimet, sipas SIPRI, ndërsa shtetet bërthamore ndjekin programe modernizimi.

“Epoka e reduktimit të numrit të armëve bërthamore në botë, e cila kishte zgjatur që nga fundi i Luftës së Ftohtë, po i vjen fundi,” tha në një deklaratë Hans M. Kristensen, Bashkëpunëtor i Lartë i Programit të Armëve të Shkatërrimit në Masë të SIPRI-t.

“Në vend të kësaj, ne shohim një trend të qartë të rritjes së arsenaleve bërthamore, retorikës bërthamore të mprehur dhe braktisjes së marrëveshjeve të kontrollit të armëve”, shtoi ai.

Raportohet se nëntë vende – SHBA, Rusia, Mbretëria e Bashkuar, Franca, Kina, India, Pakistani, Koreja e Veriut dhe Izraeli – kanë koka bërthamore në arsenalet e tyre me një inventar global të vlerësuar prej 12,241 kokash luftarake, nga të cilat 9,614 ishin në rezerva ushtarake për përdorim të mundshëm, shkruan euronews, përcjell Telegrafi.

Pak më shumë se 2,000 nga kokat luftarake të vendosura, pothuajse të gjitha që i përkisnin SHBA-së dhe Rusisë, mbaheshin në një gjendje gatishmërie të lartë operative ndaj raketave balistike.

Të dy vendet u përballën me sfida në programet e tyre të modernizimit vitin e kaluar, por SIPRI parashikon se vendosja e armëve bërthamore nga ana e tyre do të rritet në vitet në vijim.

Arsenali bërthamor i Kinës, i cili aktualisht numëron të paktën 600 koka bërthamore, ndërkohë po rritet më shpejt se çdo vend tjetër, me rreth 100 koka të reja bërthamore në vit që nga viti 2023.

SIPRI vlerëson se Kina potencialisht mund të ketë të paktën po aq Raketa Balistike Ndërkontinentale (ICBM) sa Rusia ose SHBA-të deri në fillim të dekadës.

Ndryshe, Instituti i sigurisë ndërkombëtare gjithashtu vuri në dukje se viti 2024 pa një vëmendje të re mbi marrëveshjet e ndarjes së armëve bërthamore, të cilat thotë se mbartin rreziqe të mëdha.

Këto përfshinin pretendime nga Rusia dhe Bjellorusia se Rusia ka vendosur armë bërthamore në territorin bjellorus, aleatët evropianë të NATO-s që shprehin gatishmërinë për të strehuar armë bërthamore amerikane në tokën e tyre dhe deklaratat e presidentit Francez Emmanuel Macron se parandaluesi bërthamor i vendit mund të ketë një “dimension evropian”.

“Është thelbësore të mbahet mend se armët bërthamore nuk garantojnë siguri”, tha Matt Korda, studiues i lartë i asociuar me Programin e Armëve të Shkatërrimit në Masë të SIPRI-t.

“Siç e demonstroi gjerësisht përshkallëzimi i fundit i armiqësive në Indi dhe Pakistan, armët bërthamore nuk e parandalojnë konfliktin. Ato gjithashtu vijnë me rreziqe të mëdha përshkallëzimi dhe gabimesh katastrofike në llogaritje – veçanërisht kur dezinformimi është i përhapur – dhe mund të përfundojnë duke e bërë popullsinë e një vendi më pak të sigurt, jo më shumë.”

Përdorimi në rritje i Inteligjencës Artificiale (IA) dhe teknologjive të tjera për të përshpejtuar vendimmarrjen në kriza ndërkohë rrit rrezikun e shpërthimit të një konflikti bërthamor si rezultat i keqkomunikimit, keqkuptimit ose aksidentit teknik, sipas SIPRI.

Raporti vjetor, i cili shqyrton pamjen e përgjithshme të armatimit, zbuloi se shpenzimet ushtarake globale u rritën për të 10-tin vit radhazi në vitin 2024 në 2.3 trilionë euro, të nxitura nga agresioni rus në Ukrainë.

Megjithatë, Uashingtoni mbeti shpenzuesi më i madh ushtarak në botë, me shpenzime prej 861 miliardë euro në vitin 2024, më shumë se trefishi i shumës së shpenzuar nga Kina, shpenzuesi tjetër më i madh.

Shpenzimet totale evropiane u rritën me 17%, me të gjitha vendet, përveç Maltës, që rritën shpenzimet e tyre ushtarake.

Vetëm pesë vende – SHBA, Franca, Rusia, Kina dhe Gjermania – përbënin 71% të të gjitha eksporteve ushtarake, me SHBA-në që e rriti pjesën e saj në 43% nga 35% në fillim të dekadës.

Ukraina, India, Katari, Arabia Saudite dhe Pakistani së bashku përbënin 35% të importeve totale të armëve.

The post Epokës së çarmatimit bërthamor ‘po i vjen fundi’, paralajmëron SIPRI appeared first on Albeu.com.

“Do t’ju hedhim në erë”, shkruhej në këto emaile.

Ndërkohë që drejt institucioneve arsimore, janë nisur menjëherë ekspertët.

The post Greqi/ Alarm për bomba në 35 shkolla: Do t’ju hedhim në erë appeared first on Albeu.com.

Oriola Marashi i ka lënë të gjithë pa fjalë me fotot e fundit që vijnë nga kryeqyteti i dashurisë, Parisi.

Bukuroshja ka dhuruar poza të zjarrta nga shkallët dhe ashensori i hotelit.

Modelja shfaqet mahnitëse në pozat e saj, duke lënë pa fjalë qindra mijëra komentuesit e saj.

The post FOTO: “Bomba” e pasarelave “çmend” Parisin appeared first on Albeu.com.

Qëndrimi i tij shkaktoi zemërim në të gjithë qeverinë izraelite, me kryeministrin Benjamin Netanyahu që e pezulloi Eliyahun për një kohë të pacaktuar.

Në një intervistë të dielën i pyetur nëse Izraeli mund të hedhë një bombë atomike në enklavën palestineze, ministri, i cili është anëtar i partisë së ekstremit të djathtë Otzma Yehudit, u përgjigj se “kjo është një mundësi”.

Eliyahu foli gjithashtu kundër ndihmës së banorëve të enklavës, e cila ka qenë nën rrethimin izraelit për disa javë tani, duke argumentuar se “ne nuk do t’i dorëzonim ndihmat humanitare nazistëve” dhe se “nuk ka gjë të tillë si civilë të papërfshirë në Gaza.”

Menjëherë pas komenteve të diskutueshme, Netanyahu njoftoi se ministri ishte pezulluar nga të gjitha mbledhjet e qeverisë.

Duke shkruar në X , zyra e tij e citoi atë të thoshte se “deklaratat e Eliyahut nuk bazohen në realitet” dhe se Izraeli “po vepron në përputhje me standardet më të larta të ligjit ndërkombëtar për të shmangur dëmtimin e të pafajshmëve”.

The post “Bomba bërthamore një mundësi..”, pezullohet ministri izraelit që kërcënoi Gazan appeared first on Albeu.com.

I lindur në prill të vitit 1904 në Nju Jork në një familje gjermane me origjinë hebreje, Roberti që në moshë të re u shqua për inteligjencën dhe interesat e tij, nga shkenca te poezia, nga gjuhët e huaja (ai mësoi gjashtë, përfshirë sanskrinishten) te mineralogjia. U bë aq i aftë sa u pranua në Klubin Mineralogjik të Nju Jorkut në moshën 12-vjeçare. Në vitin 1925 ai mori një diplomë në fizikë nga Harvard, e ndjekur nga një doktoraturë në Göttingen (Gjermani) në 1927.

Oppenheimer u kthye në SHBA në vitin 1929, pasi ishte dëshmitar i rritjes së Hitlerit në Evropë – por edhe rrënimit që u solli amerikanëve nga Depresioni i Madh – ai u miqësua me disa anëtarë aktivë të Partisë Komuniste, si Katherine “Kitty” Puening, një studente radikale e Berkeley, e cila do të bëhej gruaja e tij në vitin 1940. ARITMETIKE E TMERRSHME

Para dasmës, në laboratorin e fizikës në Berkeley, Oppenheimer bashkëpunoi me Ernest Lawrence, shpikësi i ciklotronit, fitues i çmimit Nobel në vitin 1939. Në të njëjtin vit, ditën kur Hitleri pushtoi Poloninë duke filluar Luftën e Dytë Botërore, Oppenheimer dhe kolegu Hartland Snyder botuan atë që fizikani dhe historiani i shkencës Jeremy Bernstein do ta quante “një nga punimet më të mëdha në fizikë të shekullit të njëzetë”.

Në të, dy autorët ngrinin pyetjen se çfarë do të ndodhte me një yll masiv që kishte filluar të konsumohej, pasi kishte shteruar karburanti: duke u bazuar në teorinë e relativitetit të përgjithshëm të Ajnshtajnit, ata argumentuan se ai do të shtypej nga një “singularitet” i tillë që as edhe valët e dritës nuk do të kishin mundur t’i shpëtonin tërheqjes së gravitetit të tij.

Studimi hodhi themelet për teorinë e vrimave të zeza, e cila, megjithatë, u formulua plotësisht vetëm tridhjetë vjet më vonë. Sidoqoftë, duhet thënë se artikujt e shkruar nga Oppenheimer ishin të vështira për t’u kuptuar edhe për ekspertët: ai përdorte formula komplekse matematikore për të demonstruar parimet fizike, por ndonjëherë bënte gabime, ndoshta për shkak të nxitimit. “Fizika e tij ishte e mirë,” komentoi një herë bashkëautori i tij Snyder, “por aritmetika e tij ishte e tmerrshme.”

PROJEKTI MANHATTAN

Pas pushtimit të Polonisë, Albert Einstein, Leó Szilárd dhe fizikantë të tjerë që emigruan në Shtetet e Bashkuara i shkruan një letër Presidentit Roosevelt duke e paralajmëruar atë se Gjermania mund të zhvillonte bomba atomike, si dhe duke sugjeruar që Shtetet e Bashkuara duhet t’i paraprinin. Oppenheimer u zgjodh nga gjenerali Leslie R. Groves për të udhëhequr përpjekjen për të fituar këtë garë. Ishte i ashtuquajturi Projekti Manhattan, që mori emrin e vendndodhjes së zyrave të Distriktit të Inxhinierëve të Manhatanit, i krijuar në vitin 1942.

EKIPI I ËNDRRAVE

Si drejtor shkencor i laboratorit, misioni i parë i “Oppie” ishte të rekrutonte mendjet më të shkëlqyera në vend: Frank Biondi, Arthur Compton, Harold Urey, Enrico Fermi, Ernest Lawrence, Glenn Seaborg, Edwin McMillan, Emilio Segrè, Owen Chamberlain, Eugene Wigner, Schwinger, Richard Feynman, Hans Bethe, Luis Álvarez, James Rainwater, John van Vleck, Val Fitsch, William Fowler dhe Norman Ramsey (për të përmendur vetëm laureatët e Nobelit). Qëllimi i dytë ishte krijimi i një bombe atomike. Bazuar në studimet e kryera deri atëherë, dukej se kishte dy mënyra të mundshme: përdorimi i uraniumit ose i plutoniumit.

TESTI BËRTHAMOR

Ekipi i Projektit Manhattan ndërtoi prototipe të dy llojeve të bombave, të cilat do të çonin në ndërtimin e “Little Boy”, një pajisje uraniumi e shpërthyer mbi Hiroshima dhe “Fat Man”, një bombë plutoniumi me metodën e shpërthimit, e cila u hodh mbi Nagasaki. Meqenëse kjo lloj arme ishte e paprecedentë, Oppenheimer e ndjeu të nevojshme të eksperimentonte me të. Prandaj, më 16 korrik 1945, në shkretëtirën Alamogordos, afër Los Alamos, Nju Meksiko, u krye i ashtuquajturi Testi i Trinitetit, me një bombë plutoniumi (“The Gadget”).

Shpërthimi lëshoi ​​energjinë prej 21,000 tonësh TNT dhe nxehtësia e tij ishte aq intensive sa shkriu rërën në zonën përreth, duke krijuar një lloj xhami jeshil pak radioaktiv të quajtur “trinitit”.

DILEMA ETIKE

Sipas dëshmive të ndryshme, pasi ishte dëshmitar i shpërthimit, Oppenheimeri citoi një tekst të shenjtë indian, me këto fjalë: “Tani jam bërë Vdekja, shkatërruesi i botëve”. Disa nga shkencëtarët që dëshmuan shpërthimin, duke përfshirë edhe atë vetë, argumentuan në favor të një shpërthimi që demonstronte fuqinë e bombës dhe që do të bënte që armiku të dorëzohej, pa e përdorur atë mbi civilët.

Ata nuk u dëgjuan, por pas bombardimeve atomike të Japonisë (rreth 200,000 të vdekur menjëherë, si dhe shumë të tjerë më vonë, për shkak të rrezatimit), ata punuan për të siguruar që armë të tilla shkatërruese të mos përdoreshin më. Në vitin 1945, në Saturday Review of Literature, Oppie shkroi se armët bërthamore ishin instrumente “agresioni, befasie dhe terrori” dhe shprehja atomike e “çnjerëzimit dhe ligësisë së luftës moderne”. Megjithatë, gara e armëve atomike sapo kishte filluar. NË SHËNJESTËR TË FBI-së

Për disa kohë, në fakt, fizikani me origjinë hungareze Edward Teller kishte punuar për një armë edhe më shkatërruese: bombën me hidrogjen. Oppenheimer u ftua të bashkohej me projektin, por nuk pranoi. Nga viti 1947 deri në 1952, fizikani drejtoi Komitetin e Përgjithshëm Këshillues të Komisionit të Energjisë Atomike të Shteteve të Bashkuara, duke kaluar kohën për arritjen e një marrëveshje ndërkombëtare për mospërhapjen e armëve bërthamore: “Nëse armët atomike bëhen pjesë e arsenalit të kombeve, do të vijë koha kur njerëzimi do të mallkojë emrat e Los Alamos dhe Hiroshima. Popujt e botës duhet të bashkohen ose do të humbasin të gjithë”, tha ai. GJUETI SHTRIGASH

Ky aktivitet “pacifist” e vendosi atë në shënjestrën e senatorit Joseph McCarthy, krijuesit të një gjuetie shtrigash që synonte spastrimin e Shteteve të Bashkuara nga spektri i komunizmit. Duke u bazuar në dokumentet e vjetra të FBI-së që dokumentonin simpatitë e fizikanit për qarqet antifashiste, në refuzimin e tij për të bashkëpunuar në krijimin e bombës me hidrogjen dhe në dëshminë e pafavorshme të Teller-it, komisioni hetimor e akuzoi shkencëtarin se ishte komunist dhe se kishte kaluar sekrete të bombës tek sovjetikët.

AKUZAT

Nga ana e tij, Oppenheimer nuk i priti mirë marrjet në pyetje: në tetor 1945 ai u soll aq keq në zyrën e Presidentit Harry Truman sa u quajt “shkencëtari qaraman”. Në realitet nuk kishte prova të vërteta. Siç shpjegon Kai Bird, “shumë nga provat në arkivat e FBI-së ishin kontradiktore. Ndërsa disa nga informatorët pohuan se Oppenheimer ishte komunist, të tjerët e mohuan atë”.

Në çdo rast, në vitin 1954 fizikanit iu mohua hyrja në Komisionin e Energjisë Atomike “për arsye të sigurisë kombëtare”. Më pas, komuniteti shkencor u ngrit, duke arritur, brenda pak muajsh, ta konfirmonte atë në postin e drejtorit të Institutit për Studime të Avancuara në Princeton, të cilin e mbajti deri kur vdiq, në vitin 1967 për shkak të kancerit në fyt.

REHABILITIMI I VONUAR

Disa vite më herët, në vitin 1963, Presidenti Lyndon Johnson i kishte dhënë atij çmimin Enrico Fermi për një “rehabilitim” zyrtar. Por vetëm 55 vjet pas vdekjes së Oppie, pra në dhjetor 2022, sekretarja e Departamentit të Energjisë të qeverisë së Bidenit, Jennifer Granholm, deklaroi se vendimi i vitit 1954 ishte rezultat i një procesi “që kishte të meta: me kalimin e viteve, janë shfaqur prova rreth “paragjykimit” dhe “pasaktësisë” së hetimit të Oppenheimerit, ndërsa në të njëjtën kohë “dëshmitë e besnikërisë dhe dashurisë së tij” për Shtetet e Bashkuara janë forcuar më tej’.

Sprova e Oppenheimer-it u dëshmoi shkencëtarëve, siç ka shkruar sociologu Daniel Bell, “se ata nuk mund të mos pajtoheshin më me politikën e qeverisë. Që atëherë ka mbizotëruar një pikëpamje se si shkencëtarët duhet t’i shërbejnë vendit të tyre.” Megjithatë, atyre që e pyetën Oppenheimerin në vitet e tij të fundit nëse donte të ndryshonte diçka nga e kaluara e tij, fizikani u përgjigj: “Unë bëra detyrën time, që ishte të bëja punën që duhej të bëja. Në Los Alamos nuk isha në një pozicion për të marrë vendime, do të kisha bërë gjithçka që do të më kërkonin, qoftë edhe një bombë në një formë tjetër, nëse do të mendoja se ishte teknikisht e mundur.”

The post Historia e vërtetë e babait të Bombës Atomike appeared first on Albeu.com.

Sipas mediave të huaja, hetimet kanë nisur të nxjerrin në dritë një pistë, e cila rrotullohet rreth sistemit të kondicionimit të avionit me të cilin udhëtonte Prigozhin.

Siç raportohet nga Moskovsky Komsomolets, kondicioneri dyshohet se u prish më 18 korrik, një ngjarje e papritur që do të kërkonte ndërtimin e një sistemi të ri shkruan Corriere della Sera, përveç ndalimit të avionit në aeroportin Sheremtyevo, në Moskë.

Operacioni do të kishte përfunduar më 20 gusht, një periudhë e konsiderueshme kohore, e cila mund t’u kishte dhënë sulmuesve mundësinë për të vendosur bombën në avion.

Sipas gazetës ruse, tre persona kishin akses në Embraer gjatë riparimeve, dy inxhinierë, Sergey Kitrish dhe Alexey Anshukov, dhe drejtori teknik Minchenkov.

Instalimi i turbocooler në kondicionerin e avioni filloi në mëngjesin e 19 gushtit dhe përfundoi në mbrëmjen e 20 gushtit, ndërsa incidenti me pasojë vdekjen e Prigozhin ndodhi më 23 gusht.

The post “Bomba ishte vendosur te kondicioneri i avionit”, mediat ruse gjejnë “fajtorët” për vdekjen e Prigozhin appeared first on Albeu.com.