Bolt Archives - Albeu.com

Tifoz i madh i “Djajve të Kuq”, Bolt: Doja Conten te Man United

E S — Tue, 16 Nov 2021 11:49:13 +0000

Për një kalim të mundshëm të Antonio Conte-s te Manchester United në vend të Ole Gunnar Solskjaer u fol shumë pak kohë më parë. Ish trajneri i Interit, edhe për shkak të konfirmimit të teknikut norvegjez nga ana e drejtuesve të United, më pas gjeti akordin me Tottenham.

Conte ishte zgjedhje e parë dhe për Usain Bolt, ish kampionin olimpik dhe tifoz i madh i Manchester United, që në një intervistë të dhënë së fundmi e shpreh haptaz admirimin e tij për trajnerin italian.

”Doja Conte-n. Do të bëjë shumë mire te Tottenham dhe do ta organizojë më së miri skuadrën. Ka fituar tituj te Juventus, te Chelsea dhe te Interi. Kudo që të shkojë do ta strukturojë shumë mirë skuadrën. Në janar do të marrë një ose dy lojtarë, pastaj në fund të sezonit me shumë mundësi do të gjejë lojtarë të përshtatshëm për ti hedhur në fushë. Unitedi im? Do të kemi vështirësi. Në çdo ndeshje na ka shpëtuar Cristiano Ronaldo. U bë shumë kohë që nuk luajmë një futboll të bukur”, theksoi ish-sprinteri xhamajkan.

The post Tifoz i madh i “Djajve të Kuq”, Bolt: Doja Conten te Man United appeared first on Albeu.com.

Bolt gjen “çelësin” e suksesit të Jacobs: Ka përdorur atlete të dyshimta

E S — Wed, 04 Aug 2021 14:21:44 +0000

Ish-kampioni Olimpik, Usain Bolt ka akuzuar kampionin Olimpik të “Tokyo 2020”, Marcell Jacobs.

Marcell Jacobs arriti ta fitojë medaljen e artë në vrapimin 100 metërsh në kuadër të Lojërave Olimpike “Tokyo 2020”.

Italiani arriti rekord mahnitës ku përfundoi garën për 9.80 sekonda dhe fitoi medaljen e artë.

Jacobs arriti ta shuajë dominimin e Usain Bolt i cili fitoi në Pekin 2008, Londër 2012 dhe Rio 2016.

Mirëpo ky i fundit nuk e la pa e vënë në pikëpyetje fitoren e Jacobs. Bolt deklaroi se Jacobs kishte përdorur atlete të dyshimta gjatë vrapimit të tij.

Por, çfarë kishte speciale për atletet e Jacobs?

Në fakt, Jacobs përdori një palë atlete të cilat peshonin 173 gramë dhe kishin një takë gati 20 milimetra dhe në pjesën e sheshtë ishin të përbëra me material karboni.

Kjo gjë thuhet të ketë rritur efikasitetin e italianit, dhe Bolt ishte njëri ndër më të zëshmit për ta akuzuar atë.

The post Bolt gjen “çelësin” e suksesit të Jacobs: Ka përdorur atlete të dyshimta appeared first on Albeu.com.

Messi apo Ronaldo? Ja kë zgjedh Bolt

admin — Wed, 07 Apr 2021 14:51:49 +0000

Usain Bolt është duke pritur me padurim të ardhmen e Kylian Mbappes, ndërsa shpjegon pse ai preferon më shumë Cristiano Ronaldon sesa Lionel Messin.

Legjenda e atletikës ka dhënë një intervistë për La Gazzetta dello Sport dhe, ndër të tjera, iu bashkua debatit të pafund për sulmuesin e Juventusit dhe atë të Barcelonës.

“Është e vështirë të zgjedhësh për mua sepse unë mbështes Argjentinën, por unë jam gjithashtu një tifoz i madh i Cristiano Ronaldos”.

“Unë e admiroj Ronaldon që kur ai luante te Manchester United pasi unë mbështes Djajtë e Kuq. Unë mendoj se ai ka diçka më shumë se Messi dhe sepse ai e ka dëshmuar veten në kaq shumë kampionate. Kështu që unë zgjedh Ronaldon”.

“Megjithatë, ka shumë lojtarë të rinj interesant atje. Mbappé, për shembull. Unë po pres me padurim të di se çfarë i pret në të ardhmen këta talentët e rinj”, ka thënë Bolt.

The post Messi apo Ronaldo? Ja kë zgjedh Bolt appeared first on Albeu.com.