Ashtu si një vit më parë, Ballkani e ka mbyllur rrugëtimin në garat evropiane pas ekzekutimit të penalltive. Këtë herë, skuadra që eliminoi “Xhebrailat” ishte Bohemians nga Irlanda.

Ballkani bëri një paraqitje të shkëlqyer gjatë kohës së rregullt, por goli i pësuar në minutat e fundit e çoi rezultatin në 3-2, duke bërë të nevojshme fillimisht vazhdimet dhe më pas goditjet nga 11 metra.

Serinë e realizimeve e nisi Valentin Serebe, i cili e gjeti rrjetën kur kishin kaluar vetëm 10 minuta lojë.

Bohemians reagoi në minutën e 20-të, kur James-Taylor u tregua i saktë nga pika e bardhë dhe barazoi shifrat.

Skuadra e Ballkanit e nisi në mënyrë fantastike pjesën e dytë. Në minutën e 50-të, Giovanni përfitoi nga asistimi i Serebes dhe shënoi nga afërsia për t’ia kthyer epërsinë ekipit të tij.

Serebe ishte sërish protagonist vetëm tetë minuta më vonë, duke asistuar Toni Domgjonin, i cili realizoi golin e rezultatit 3-1 në minutën e 58-të.

Në momentin kur kualifikimi i Ballkanit dukej i sigurt, Hickey shënoi nga afërsia në minutën e 88-të, duke rikthyer mysafirët në lojë dhe duke e dërguar përballjen në vazhdime.

Dy pjesët shtesë nga 15 minuta nuk sollën asnjë gol, ndaj skuadrat iu drejtuan penalltive, ku Bajram Jashanica mori rolin e figurës tragjike të ndeshjes.

Jashanica ishte i vetmi që nuk arriti ta dërgonte topin në rrjetë, ndërsa futbollistët mysafirë u treguan të pagabueshëm, duke realizuar të pesta penalltitë.

The post Ballkani eliminohet nga Evropa, Bohemians triumfon pas penalltive appeared first on Albeu.com.

Ballkani arriti ta përmbyste humbjen e pësuar në udhëtim, por fitorja 3-2 kundër Bohemians nuk mjaftoi për të përcaktuar skuadrën që do të kalojë më tej, ndaj përballja shkoi në vazhdime.

“Xhebrailat” dhuruan një paraqitje fantastike në stadiumin “Fadil Vokrri”. Megjithatë, rezultati 1-2 i ndeshjes së parë bëri që çështja e kualifikimit të mos mbyllej brenda kohës së rregullt.

Ballkani kaloi në avantazh pas vetëm 10 minutash lojë, kur Valentin Serebe gjeti rrugën e rrjetës.

Bohemians reagoi në minutën e 20-të, me James-Taylor që u tregua i saktë nga pika e bardhë dhe riktheu baraspeshën.

Në pjesën e dytë, skuadra vendëse u paraqit dukshëm më mirë dhe rimori epërsinë në minutën e 50-të. Giovanni realizoi nga afërsia pas asistimit të Serebe.

Serebe pati rol vendimtar edhe në golin e tretë të Ballkanit, duke shërbyer Toni Domgjonin, i cili shënoi një supergol në minutën e 58-të.

Në momentin kur dukej se Ballkani po e siguronte kualifikimin, Hickey realizoi nga afërsia në minutën e 88-të dhe riktheu mysafirët në lojë.

Për rrjedhojë, u deshën vazhdimet për të përcaktuar nëse kjo përballje do të prodhonte një fitues.

The post Ballkani shkëlqen ndaj Bohemians, por kualifikimi vendoset në vazhdime appeared first on Albeu.com.

Ballkani do të kërkojë ta ndryshojë rezultatin ndaj Bohemians në ndeshjen e kthimit të raundit të dytë kualifikues të Ligës së Konferencës.

Pas disfatës së papritur në Irlandë, “Xhebrailat” hyjnë në këtë përballje me synimin e vetëm për të përmbysur rezultatin dhe për të siguruar kalimin në fazën tjetër.

Trajneri Karoglan ka përzgjedhur 11-shen titullare, e cila do të rreshtohet në sistemin 4-3-3 për të kërkuar një rezultat pozitiv.

Formacionet zyrtare:

Ballkani: Golubovic, Vokrri, Batarelo, Halili, Dosso; Sabanadzovic, Kuc, Domgjoni, Giovanni, Serebe, Engjëll.

Bohemians: Girard-Walters, Power, Hickey, Todd, Fiores, Mullen; Vaughan, McDonnell, Devoy, Tierney; James-Taylor.

Takimi do të fillojë në orën 20:00.

The post Ballkani synon përmbysjen kundër Bohemians, publikohen formacionet zyrtare appeared first on Albeu.com.

Malisheva dhe Ballkani do të zbresin sonte, të enjten, në fushë për ndeshjet vendimtare të raundit të dytë kualifikues të Ligës së Konferencës. Të dyja klubet kosovare synojnë të sigurojnë vazhdimin në fazën pasuese të kompeticionit të tretë evropian për klube.

Ballkani do të tentojë të përmbysë humbjen 2-1 të pësuar në Irlandë kundër Bohemians. Goli i realizuar në udhëtim bën që gara për kualifikim të mbetet plotësisht e hapur për ish-kampionët e Kosovës.

Ndeshja e kthimit do të luhet në stadiumin “Fadil Vokrri” në Prishtinë dhe do të nisë në orën 20:00. Ballkani shpreson ta rikuperojë disavantazhin duke u mbështetur te përkrahja e tifozëve dhe përvoja e krijuar në arenën evropiane.

Ndërkaq, Malisheva udhëton drejt Skocisë pasi fitoi 2-0 në përballjen e parë të zhvilluar në Prishtinë. Skuadra kosovare do të jetë mysafire e Hibernianit në stadiumin “Easter Road” në Edinburg, në takimin që fillon në orën 21:00.

Rezultati i sfidës së parë e ka afruar Malishevën me një kualifikim historik, por për ta zyrtarizuar atë duhet ta përballojë presionin e ndeshjes në fushën e klubit të njohur.

Malisheva kërkon të kompletojë një tjetër mbrëmje të madhe për futbollin kosovar, ndërsa dy përballjet e sotme mund të shënojnë një kapitull tjetër të rëndësishëm për klubet e Kosovës në Evropë.

The post Malisheva dhe Ballkani luajnë sonte për një vend në raundin e tretë të Ligës së Konferencës appeared first on Albeu.com.