Bayern Munich ka regjistruar një fitore spektakolare në Ligën e Kampionëve, duke mposhtur Bodo/Glimt me rezultat të thellë 5-0, në një ndeshje ku bavarezët shpërthyen në pjesën e dytë.

Pjesa e parë përfundoi pa gola, edhe pse Bayern Munich krijoi disa mundësi të mira. Joshua Kimmich goditi shtyllën në minutën e 35-të, ndërsa gjashtë minuta më vonë Jamal Musiala pati një rast të artë, por portieri Julian Lund reagoi shkëlqyeshëm.

Gjithçka ndryshoi në pjesën e dytë. Në minutën e 47-të, Musiala përfitoi nga një top i kthyer jashtë zonës dhe me një goditje fantastike e dërgoi topin në këndin e majtë për 1-0.

Bayern vazhdoi presionin dhe në minutën e 61-të e dyfishoi epërsinë. Michael Olise ekzekutoi një goditje të lirë, ndërsa Harry Kane u shkëput në zonë dhe me kokë shënoi për 2-0.

Në minutën e 77-të erdhi edhe goli i tretë, dhe ishte një supergol i Alphonso Davies. Kanadezi përfitoi nga një top i kthyer dhe, nga distanca, lëshoi një goditje të fuqishme që përfundoi në rrjetë.

Vetëm gjashtë minuta më vonë, Michael Olise shënoi për 4-0. Francezi kontrolloi në mënyrë të shkëlqyer një pasim në hyrje të zonës dhe me një goditje të fuqishme e dërgoi topin në këndin e sipërm.

Situata u vështirësua edhe më shumë për Bodo/Glimt në minutën e 88-të, kur Odin Luras Bjortuft u ndëshkua me karton të kuq pas një ndërhyrjeje që gjyqtari e konsideroi për përjashtim.

Olise nuk u ndal me kaq. Në minutën e 90+2-të, ai realizoi edhe golin e dytë personal, duke bërë një tjetër goditje të bukur me hark drejt këndit të sipërm për rezultatin përfundimtar 5-0.

Kështu, Bayern Munich e mbylli ndeshjen me një fitore të madhe 5-0, duke realizuar të pesë golat pas pushimit dhe duke treguar forcën e tij në pjesën e dytë.

The post Bayern Munich shpërthen në pjesën e dytë, pesë gola dhe spektakël ndaj Bodo/Glimt appeared first on Albeu.com.

Jamal Musiala, pas dy kolapseve që pësoi gjatë verës në ndeshje miqësore, u rishfaq si titullar i Bayern Munichut dhe e festoi me një gol ndaj Bodo/Glimt.

Ylli gjerman gjeti rrugën e rrjetës në minutën e 47-të, menjëherë pas fillimit të pjesës së dytë. Pasi topi e gjeti atë jashtë zonës, ai reagoi pa hezitim me një goditje të mrekullueshme.

Topi u ul në trekëndëshin e majtë të portës, duke mos i lënë shans portierit Julian Lund për të ndërhyrë dhe duke i siguruar bavarezëve avantazhin 1-0.

Ky gol ka një domethënie të veçantë për lojtarin, sepse shënoi rikthimin e tij në formacionin bazë pas një periudhe shqetësimesh shëndetësore, dhe tregoi se Musiala vijon të jetë një nga elementët më të çmuar të ekipit.

The post Pas kolapseve verore, Musiala rikthehet titullar dhe shënon për Bayernin në sfidën me Bodo/Glimt appeared first on Albeu.com.

Xhiro e parë e fazës së ligës në Ligën e Kampionëve 2026/27 përfundon këtë të mërkurë me gjashtë takime, ku do të shohim në veprim disa nga emrat më të mëdhenj të kontinentit. Federata Evropiane e Futbollit ka planifikuar që dita e fundit e këtij raundi hapës të jetë e enjtja, me dy sfida që startojnë në 18:45 dhe katër të tjera në 21:00.

Që në oraret e para të mbrëmjes, të gjithë sytë do të përqendrohen te konfrontimi mes Fenerbahces dhe Romës. Ky takim shënon rikthimin e klubit stambollas në kompeticionin kryesor pas një mungese të zgjatur, teksa Roma luan në këtë nivel për herë të parë që nga edicioni 2018/19. Paralelisht, PSV Eindhoven do të mirëpresë Shakhtar Donetskun në duelin tjetër të kësaj ore.

Nata vijon me emocione të forta në orën 21:00. Bayern Munich do të hedhë hapat e parë në këtë fushatë evropiane kundër Bodo/Glimt, ndërsa Manchester United përballet në Old Trafford me Sabahun e Azerbajxhanit, skuadër që debuton në këtë garë.

Për Djajtë e Kuq, kjo përfaqëson daljen e parë në Champions që prej sezonit 2023/24, teksa përballja e sotme përkon me ndeshjen e 300-të të historisë së klubit anglez në Kupën Evropiane.

Një moment historik do të shënohet edhe në Itali, pasi Como 1907, nën drejtimin e Cesc Fabregas, do të shkelë për herë të parë në arenën ndërkombëtare duke u ndeshur me RB Leipzig. Ndërkaq, Slavia Praha dhe Lens do të masin forcat në takimin tjetër të kësaj mbrëmjeje.

Pas dy ditësh të mbushura me duele elektrizuese, sonte do të kompletohet tabloja e plotë e xhiros hapëse të fazës së ligës, duke ulur siparin e një jave të jashtëzakonshme të futbollit elitar evropian.

The post Mbyllet sot xhiro e parë e Champions League 2026/27 me gjashtë duele, Bayern dhe Manchester United në fushë appeared first on Albeu.com.

France Football ka zbuluar listën e pesë skuadrave pretendente për t’u shpallur “Klubi i Vitit” për meshkuj, duke vlerësuar paraqitjet më mbresëlënëse të sezonit të kaluar futbollistik.

Arsenali siguroi kandidaturën duke i dhënë fund pritjes 22-vjeçare për trofe në Ligën Premier, megjithëse më pas u mposht nga PSG me penallti në finalen e Ligës së Kampionëve.

Bayern Munichu pati një sezon të shkëlqyer nën udhëheqjen e Vincent Kompany, duke humbur vetëm një herë në Bundesligë dhe duke zhvilluar ndeshje spektakolare në Evropë kundër skuadrave si PSG, Real Madridi dhe Atalanta.

Bodo/Glimt mahniti kontinentin duke eliminuar Atletico Madridin, Manchester Cityn dhe Interin në rrugën e tyre drejt fazës me eliminim direkt.

Flamengo arriti të fitojë dy trofe, Copa Libertadores dhe Brasileiro, nën drejtimin e Filipe Luis, ndërsa kampionët në fuqi PSG triumfuan për të dytin vit radhazi në Ligue 1 dhe në Ligën e Kampionëve, duke mposhtur Arsenalin në finale.

Ceremonia e ndarjes së çmimeve është planifikuar për të hënën, më 26 tetor 2026, në Londër të Anglisë.

The post Shpallen të nominuarit për ‘Klubin e Vitit’ 2026 në futbollin e meshkujve appeared first on Albeu.com.

Shorti i fazës së ligës në Ligën e Kampionëve do të zhvillohet sot, e enjte, 27 gusht, në orën 18:00. Në këtë procedurë do të marrin pjesë 36 skuadra, të ndara në katër vazot sipas koeficientëve përkatës.

Ekipet do të mësojnë kundërshtarët me të cilët do të përballen në fazën e parë të formatit të ri të garës, ku priten duele të rëndësishme që në javët e para.

Vazoja e parë përfshin Paris Saint-Germain, Bayern Munich, Real Madrid, Liverpool, Inter, Manchester City, Arsenal, Barcelona dhe Atletico Madrid.

Në vazon e dytë janë pozicionuar Borussia Dortmund, Roma, Sporting Lisbona, Aston Villa, Porto, Manchester United, Club Brugge, Real Betis dhe PSV Eindhoven.

Feyenoord, Lille, Bodo/Glimt, Napoli, RB Leipzig, Villarreal, Fenerbahçe, Shakhtar Donetsk dhe Galatasaray bëjnë pjesë në vazon e tretë.

Vazoja e katërt plotësohet nga Slavia Praha, Slovan Bratislava, Stuttgart, AEK Athens, LASK, Como, Lens, Viking dhe Sabah.

Sipas rregullave të formatit të ri, çdo skuadër do të zhvillojë tetë ndeshje në fazën e ligës: katër takime në fushën e saj dhe katër jashtë, përballë tetë kundërshtarëve të ndryshëm. Secila skuadër do të përballet me nga dy ekipe të secilës prej katër vazove.

Në përfundim të kësaj faze, tetë ekipet e renditura në krye do të kalojnë drejtpërdrejt në 1/8-tën e finales. Ndërkohë, skuadrat që do të pozicionohen nga vendi i 9-të deri në të 24-tin do të luajnë në ‘play-off’ për një biletë drejt kësaj faze.

The post Liga e Kampionëve, sot hidhet shorti i fazës së ligës: 36 skuadrat dhe katër vazot appeared first on Albeu.com.

Përfundimi i ndeshjes së kthimit në raundin e tretë kualifikues të Ligës së Kampionëve mes Bodo/Glimt dhe Union Saint-Gilloise u shoqërua me skena të pakëndshme. Skuadra norvegjeze triumfoi 3-2 pas kohës shtesë dhe, me rezultatin e përgjithshëm 6-5, siguroi kalimin në fazën play-off. Pas vërshëllimës së fundit, situata u tensionua si në fushë, ashtu edhe në tunel.

Sipas raportimit të portalit lokal norvegjez Bodo Nu, një futbollist i Union SG dyshohet se goditi me grusht në fytyrë një pjesëtar të administratës së Bodo/Glimt brenda tunelit. I njëjti burim bëri të ditur se punonjësi nuk pësoi lëndime. Lajmi u publikua gjithashtu nga gazeta norvegjeze VG, e cila kërkoi konfirmim nga klubi vendas.

Simen Pedersen, zëdhënës i Bodo/Glimt, nuk pranoi as ta pohonte dhe as ta mohonte pretendimin. “Nuk do të komentojmë për këtë”, deklaroi ai për VG. Pedersen mohoi gjithashtu se klubi e kishte denoncuar ngjarjen në UEFA.

“Ne nuk e bëmë. UEFA ka delegatin e saj i cili qëndronte aty ku ndodhi gjithçka dhe ndoshta pa gjithçka. Ai paraqet një raport pas çdo ndeshjeje pavarësisht se çfarë ndodhi, kështu që presim që ajo që ai pa të deklarohet në të”, shtoi zëdhënësi.

UEFA i bëri të ditur VG-së se raportet zyrtare të ndeshjeve të së martës po shqyrtohen dhe se, në këtë fazë, nuk do të ketë komente të tjera për rastin. Gazeta norvegjeze kontaktoi edhe Union Saint-Gilloise, por deri në momentin e publikimit nuk kishte marrë përgjigje.

Gazetarët e VG të pranishëm në stadium raportuan se përplasjet nisën gjatë lëvizjes së skuadrave drejt dhomave të zhveshjes. Një lojtar i Unionit reagoi me zemërim ndaj një tifozi të Bodo/Glimt, i cili po u drejtonte gjeste futbollistëve vizitorë. Dyshohet se lojtari tentoi të afrohej te tribuna, por ndërhyrja e punonjësve të sigurisë e ndaloi. Më pas, shtyrjet vijuan gjatë rrugës për në tunel.

Menjëherë pas përfundimit të takimit, Pedersen foli për “ngarkesën” e krijuar dhe tha se përfaqësuesit belgë ishin jashtëzakonisht të pakënaqur me arbitrimin. Në atë moment, ai deklaroi se, nga sa ishte në dijeni, askush nuk ishte goditur. Megjithatë, një ditë më vonë, pasi Bodo Nu publikoi pretendimet për goditjen, klubi zgjodhi të mos jepte më komente.

Kualifikimi i Bodo/Glimt u vendos falë një goli të realizuar në çastet e fundit të kohës shtesë. Përballja e parë në Belgjikë ishte mbyllur 3-3, ndërsa norvegjezët fituan takimin e kthimit me rezultatin 3-2. Union SG do ta vazhdojë sezonin në Ligën e Evropës, kurse Bodo/Glimt do të përballet me NEC Nijmegen në play-off të Ligës së Kampionëve.

The post Tensione pas sfidës së Ligës së Kampionëve, lojtari i Union SG dyshohet se goditi një punonjës të Bodo/Glimt appeared first on Albeu.com.

Një rezultat që nuk e priste askush dhe padyshim ishte befasues. Ekipi që eliminoi zikaltërit është mundur nga një klub shqiptar në Europë pak vite më parë dhe bëhet fjalë për Prishtinën.

Kjo e fundit ka publikuar mbrëmë disa foto nga ndeshja duke e rikujtuar fitoren 2-1 kundër Bodos. Një mesazh ky edhe për Interin që nuk mundi të bënte asgjë kundër norvegjezëve.

The post Prishtina tallet me Interin duke kujtuar Bodo/Glimt: Ne kemi ditur të bëjmë histori në Europë appeared first on Albeu.com.

A e ke parë veten përsëri pas asaj që ndodhi gjatë ndeshjes Inter-Juve? Çfarë do të thuash për këtë?

“Kjo është arsyeja pse doja të isha këtu. Është folur shumë për atë që ndodhi të shtunën, por prita disa ditë për të rishikuar atë që ndodhi dhe për të kuptuar ndryshimet nga ajo që ndjeva në fushë. Ndjeva një kontakt me krahun tim, i cili, duke parë pamjet, ishte absolutisht i tepruar. Kjo është arsyeja pse jam këtu, për ta pranuar dhe për të marrë përgjegjësi. Por ajo për të cilën jam më i zhgënjyer është sjellja pas përjashtimit. Pra, jam këtu sepse një qenie njerëzore ka të drejtë të bëjë gabime, por gjithashtu ka detyrën t’i pranojë ato”.

Si ndiheni pas gjithë asaj që ka ndodhur?

“Mendërisht jam mirë. E njëjta gjë ndodhi edhe në të kundërt kur ndodhi incidenti kundër Liverpoolit. Trajneri ishte konsistent në deklaratat e tij. Dua të dal në fushë, nuk jam i dëmtuar mendërisht ose fizikisht. Jam gati të dal në fushë nesër”.

Çfarë Bastoni do të shohim nesër?

“Do të jem i njëjti Bastoni që keni parë gjithmonë në mbi 300 ndeshje në karrierën time. Nuk kam qenë kurrë i përfshirë në këto incidente përveç të shtunës, kështu që do të shihni të njëjtin Bastoni. Fatkeqësisht, komentet në rrjetet sociale tani janë pjesë e jetës së përditshme, por kam mësuar t’i menaxhoj ato”.

Çfarë lloj ndeshjeje prisni kundër Bodos?

“Ata janë një ekip i fortë, me cilësi dhe shpejtësi për të kundërsulmuar, janë të organizuar. Bodo do të përbëjë patjetër një kërcënim sepse nuk jemi mësuar të punojmë në ato kushte. Do të luajmë në bar sintetik, i cili sigurisht do të jetë i ndryshëm në ndryshimet e drejtimit, por nuk duam asnjë justifikim”.

The post Inter, Bastoni në një konferencë për shtyp: Kontakti me Kalulu i tepruar, pranoj përgjegjësinë time appeared first on Albeu.com.

Të enjten (06/10), norvegjezët panë Glimt të mposhtur 3-0 nga Arsenali në Londër, por shijuan praninë e tyre në Emirates, duke vjedhur shfaqjen, shkruan albeu.com.

Mes tyre, ishte edhe një fëmijë, i cili u pa duke ecur rastësisht me fanellën e klubit norvegjez mes pjesës tjetër të spektatorëve. SHIKO VIDEON KETU /G.D albeu.com/

The post Tifozët e Bodo/Glimt vodhën shfaqjen në Emirates (VIDEO) appeared first on Albeu.com.

Në dhomat e zhveshjes menjëherë pas përfundimit të sfidës shpërtheu një përleshje e ashpër mes stafeve të skuadrave me protagonist trajnerin e Bodo/Glimt, Knutsen dhe trajnerin e portierëve te Roma, Santos.

Pamjet filmike të marra nga kamerat e vendosura në dhomat e zhveshjes tregojnë të vërtetën mbi atë që ndodhi, pas versioneve të ndryshme të ngjarjes që treguan dy klubet.

The post Publikohen pamjet e përleshjes mes trajnerëve në përfundim të Bodo/Glimt-Roma (VIDEO) appeared first on Albeu.com.