Ai gjithashtu bëri me dije se një protestues i ri është në gjendje të rënduar për shkak të dëmtimeve në kokë nga bombat e gazit lotsjellës. Sipas deputetit demokrat, ai kishte gjakderdhje dhe marrje mend si edhe me probleme me shikimin.

“Tani ndihem më qetë, sapo kam dalë dhe jam këtu te urgjenca e QSUT. Nuk jam i shqetësuar për gjendjen time, sesa për gjendjen e një të riu që është goditur nga prapë koke nga bombat e gazit lotsjellës që policia i gjuan drejtpërdrejt, siç më ndodhi edhe mua. E shoqërova edhe atë në spital. Urgjenca e ka shtruar te Trauma se gjendja e tij është e rënduar. Nga goditja prapa kokës, kishte gjakderdhje nga hundët, marrje mendsh dhe humbje të shikimit.”, u shpreh deputeti.

Për dëmtimet që ka pësuar vetë në dorë, deputeti theksoi:

“Një këto bombat dhe duke qenë se e kisha shumë afër, edhe fluksi i gazit ishte i lartë kërkova ta largoj dhe temperatura bëri të veten. Më janë djegur tre gishtat. Erdha të marr mjekimin. Djegia është e shkallës së dytë. “

Hodhi gjithashtu akuza ndaj policisë, duke e cilësuar si shërbëtore të pushtetit dhe se ka vepruar në mënyrë agresive ndaj protestuesve.

“Shkalla e agresivitetit ishte superiore, në mënyrën e reagimit të sjelljes, të mënyrës së gjuajtjeve të përdorimit të gazit lotsjellës, makinave me topa uji, për të përdorur ato ka rrethana e kushte të caktuara, policia me orientim politik iu sul qytetarëve. Përpara selisë së PD pati një rast ekstrem se dikush nga qytetarët humbi ndjenjat se policia nuk kurseu asnjë. Edhe në perimetrin e xhamisë ku vazhdonin ritet fetare.”, shtoi ai.

The post “Policia politike iu sul protestuesve”, Përfundoi në spital me dëmtime në dorë, Boçi: Pësova djegie të shkallës së dytë! Një i ri është në gjendje të rënduar appeared first on Albeu.com.

Boçi theksoi se Komisioni duhet të “prodhojë” një produkt që impakton pushtetin lokal për 30-40 vite dhe jo t’i rikthehen sikurse me atë të vitit 2015. Ai u shpreh se krahas dëgjesave me bashkitë, janë të nevojshme edhe dëgjesat me qytetarët. Këtu ai përmendi banorët e Mirditës, të cilët kanë bërë thirrje për t’u përfshirë në këtë proces.

Organizimi, theksoi ai, nuk duhet të bëhen nga bashkitë pasi pjesa më e madhe janë të kontrolluara nga maxhoranca por të ngrihet një sekretariat i pavarur për menaxhimin e tyre.

“Një propozim tjetër në lidhje me mënyrën e organizimit të dëgjesave. Nuk mund të jenë bashkitë vetë që t’i organizojnë se shumica e tyre janë në konflikt interesi, por të organizojmë një sekretariat teknik. Nëse i lëmë në dorë bashkive, kjo nuk do të na çojë te konkludimet reale se në shumicën e tyre dominohen nga maxhoranca.“, u shpreh Boçi.

Nga ana tjetër edhe deputeti Eno Bozdo kërkoi përfshirjen e ekspertëve ndërkombëtarë në këtë proces.

Luçiano Boçi: Meqenëse ka debat për çështjen e kohës, se ka një grup që ne duam të sabotojmë çështjen e reformës, shtrirjen e saj në kohë, ne kërkojmë kohë më shumë ndërkohë që koha qenka e përcaktuar dhe me një vendim parlamenti. Dëgjova edhe këtë tjetrën që të ecim se nëse kërkohen ndryshime i bëjmë gjatë rrugës. Nuk funksionon. Nuk ka një tendencë nga ana jonë për të sabotuar në kohë por produkti që duhet të dalë nga ky Komision i ngjasojë produktit të një reforme që impakton pushtetin lokal për 30-40 vitet e ardhshme dhe jo t’i rikthehemi pas 10 viteve siç ndodhi me reformën e 2015.

Ne kemi angazhimin që të punojmë pa u vendosur në këtë këmishë force dhe duke bërë që reforma të jetë konsulencë e gjerë me faktorët dhe aktorët. Në projekt kalendar është parashikuar që të bëhen dëgjesa, kryesisht konsiderohen publike, me kryetarët e bashkive. Publik për nga forma por ajo që po kërkojmë ne, ne na duhen edhe seanca dëgjimore me popullsi të atyre territoreve që shprehin kërkesën për të krijuar një hartë e re territoriale. Nuk mjafton vetëm sondazhi.

Propozimi ynë që të shtojmë në projekt kalendar këto dëgjesa. Një propozim tjetër në lidhje me mënyrën e organizimit të dëgjesave. Nuk mund të jenë bashkitë vetë që t’i organizojnë se shumica e tyre janë në konflikt interesi, por të organizojmë një sekretariat teknik. Nëse i lëmë në dorë bashkive, kjo nuk do të na çojë te konkludimet reale se në shumicën e tyre dominohen nga maxhoranca.

The post Reforma Territoriale duhet t’i rezistojë kohës/ Boçi në Komision: Të bëhen dëgjesa edhe me qytetarët, të menaxhohen nga një sekretariat i pavarur, Bashkitë kontrollohen nga maxhoranca appeared first on Albeu.com.

Reagimi i Luçiano Boçit:

Policia e shtetit nuk mund të jetë arrestuesja e qytetarëve që protestojnë.

Banorët e Baks Rrjoll-it kanë të drejtën e tyre të kërkojnë marrëveshje, sikurse të ndjekin hapat ligjorë për pretendimet pronësore.

Çdo akt dhune ndaj tyre është i patolerueshëm.

Çdo qytetar i ndaluar dhe i arrestuar duhet të lirohet menjëherë.

The post Boçi: Lironi banorët e Baks Rrjoll, policia nuk ka të drejtë t’i arrestojë appeared first on Albeu.com.

“Qëndrimi i shprehur i PD pas diskutimeve në kryesinë e vogël, është që PD do vijojë të jetë pjesë e Komisionit Zgjedhore dhe Territoriale dhe do vazhdojë me agjendën e komisioneve.

Ne nuk e bojkotojmë komision, do njoftojmë për gatishmërinë e grupit të PD për të bashkëvijuar këtë reformë që është e rëndësishme.

Në grup parlamentar ne diskutojmë në mënyrë demokratike, pati mendime për braktisje, por Komisioni më i rëndësishëm Komisioni i Mandateve.

Duhet të ketë një dalje dhe duhet të jetë konsensuale, përndryshe paska qenë proces i paravendosur”, tha Boçi, bashkëkryetar i Reformës Territoriale.

The post PD tërhiqet nga bojkoti, Boçi: Do të marrim pjesë në Komisione, por vendimet duhet të jetë me konsensus appeared first on Albeu.com.

Ndërsa Boçi fliste për cilësinë e universiteteve shqiptare, Braçe ka replikuar duke mos qenë dakord me të dhe duke u shprehur se në 10 minuta të fjalës së tij, Boçi kishte folur më shumë për aktivitetin politik partiak sesa për rendin e ditës.

Luçiano Boçi: Meqë unë këtu dëgjova shumë lavde për universitetet shqiptare, dëgjoni këtu. Keni frikë nga e vërteta ju, se s’po e marr vesh fare. Unë kam procedurën time dhe e parashtroj vetë. Të lutem shumë, se më ikën edhe minutazhi dhe kam një informacion shumë të rëndësishëm për arsimin e lartë në kuadër të marrëveshjes. Bazuar te një organizatë, nga 1501 universitete, Shqipëria është jashtë; nga rajoni ka universitete nga Maqedonia, Serbia dhe Sllovenia.

Edhe universitete të Afrikës që kanë GDP për frymë më të ulët se Shqipëria. Është Etiopia, ndërkohë që Shqipëria pretendon që ka universitete, por nuk është te asnjë nga këto rankime. Krenohet me fjalë boshe universitete që janë thjesht iluzione se bëjnë kërkim shkencor, transmetojnë dije dhe nxjerrin diploma reale.

Erion Braçe: Zoti Boci, natyrisht që kjo është e padrejtë. Kemi që nga mëngjesi këtu, kemi kaluar vetëm 1 pikë të rendit të ditës. Këtej nga krahu juaj nuk keni thënë asgjë për aktin normativ. Ju folët 10 minuta, 9 minuta e 30 sekonda për një aktivitet politik partiak tuajin dhe 30 sekonda për aktin. Patjetër që mund ta shani qeverinë, por të paktën për këtë dokument që është këtu para, s’ke pse e shan.

The post “Keni frikë nga e vërteta ju apo si”/ Boçi përplaset me Braçen në Kuvend, deputeti i PS: Mund ta shani qeverinë appeared first on Albeu.com.

Pikërisht kjo ngarkesë u bë shkak që seanca të hapej nga deputeti dhe njëkohësisht nënkryetari i PD-së, Luçiano Boçi, i cili akuzoi mazhorancën dhe kryeparlamentarin Niko Peleshi se po çmend hapësirën e Kuvendit me këtë ngarkesë të paargumentuar.

Ai shtoi se Kuvendi po çmendej dhe kjo nuk ishte normale, ndërsa propozoi edhe shtimin e seancave me qëllim që projektligjet të shqyrtoheshin me radhë dhe me kujdes.

“Ky Kuvend po kthehet në hapësirë të çmendur. Ky parlament po bëhet i çmendur dhe qesharak. 19 projektligje brenda një seance është sa për të kaluar radhën, sa për të gënjyer shqiptarët. Kjo është për ta bukos parlamentin, për t’i marrë frymën, ky nuk është Parlament. Le të shtojmë seancat e t’i kalojmë me radhë. Projektligjet për dhunën, për median etj., të gjitha duan debat”, tha deputeti.

Në fund ai apeloi për shtim të seancave dhe që parlamenti të mos çmëndej më.

“Shtoni seancat, ka qenë kërkesë edhe e jona në Konferencën e kryetarëve, mos e çmendni këtë parlament”.

Pas tij foli kreu i grupit të PS, taulant Balla, që mori parasysh shtyrjen e diskutimit për disa projektligje, pasi kishin nevojë për më shumë diskutime dhe parje.

The post Seanca plenare/ Boçi akuza Peleshit: Ky Parlament po bëhet i çmendur dhe qesharak, shtoni seancat, projektligjet duan debat, s’mund të kalohen të 19-ta në një ditë appeared first on Albeu.com.

Teksa kërkoi përsëritjen e asaj seance, ligjvënësi u shpreh se ajo ishte seanca e seancave dhe u mbyll vetëm me 4 folës, përfshi Diellën.

“Po e bëni këtë Parlament komplet qesharak dhe po e nxirrni jashtë funksionit. Nëse do doja ta përkufizoja do përdorja fjalët e një përfaqësuesi tuaj qeveritar, në ato filozofimet e veta që konkurronin edhe Diellin. Ju atë që është e domosdoshme, që është e mundur, ju e bëni të pamundur këtu në Parlament, bëni të pamundur fjalën e opozitës, po i referohem fjalës që mbajti një anëtar i juaji këtu. (Ministrja e Shëndetësisë)”, tha Boçi mes të tjerash.

Deputeti i PD-së, vijoi të bënte përgjegjëse mazhorancën për seancën e kaluar, duke i kërkuar kryeparlamentarit Niko Peleshi që të mos ia ndërpriste fjalën.

“Dhe me krenari kryetari i grupit tuaj parlamentar tha nuk keni folur. Nuk keni turp mo që ne nuk kemi folur? Nuk keni turp që ministrat tuaj nuk kanë folur? Është për procesverbalin. Mos më ndërpri. Ju pretendoni se votëbesimi është marrë me ngritje kartoni, çfarë janë këto ligj, çfarë janë këto, gërma. Këto janë njerëz që dalin aty për të marrë votëbesimin e qytetarit. Katër persona folën këtu, Diella e para, kryeministri, Balla dhe keni folur ju, nuk ka ndodhur, e tha zoti Berisha, nuk ka ndodhur në historinë e parlamentarizmit, të ketë 4 folës dhe të kalojë në votim”, përfundoi Boçi, teksa iu ndërpre dhe fjala.

The post Luçiano Boçi kritikon Peleshin: Nuk ka ndodhur në historinë e parlamentarizmit të ketë vetëm 4 folës dhe të kalojë në votim appeared first on Albeu.com.

Këtë të shtunë, deputetët demokratë të qarkut Shkodër, Luçiano Boçi dhe Bardh Spahia, kanë mbërritur në fshatin malor për të mbështetur banorët që kundërshtojnë aksionin e IKMT-së.

Në terren ata janë përplasur me efektivët e policisë, përfshirë edhe drejtues të lartë të këtij institucioni.

Në një video të publikuar në rrjetet sociale, Boçi shihet duke debatuar ashpër me një person që identifikohet si drejtori i Policisë së Shkodrës, Fatmir Lleshaj.

“Çfarë drejtori je ti? Ku e ke bexhin”? – dëgjohet t’i thotë ai.

Në një moment tjetër, Boçi iu drejtohet efektivëve me fjalët: “Mos më kap me dorë, se ta mbështjell mirë, legen m…, e mendove mirë që më preke”?

Përplasja verbale përfshin dhe ofendime të tjera të drejtpërdrejta ndaj punonjësve të rendit.

Sipas raportimeve nga mediat, sherri ka nisur në momentin kur drejtori i ri i Policisë së Shkodrës, Gentian Berberi, iu është drejtuar deputetëve me fjalët: “Ju tërheq edhe ju zvarrë”, gjë që ka ndezur situatën në vend.

Banorët e Thethit, prej disa ditësh kundërshtojnë prishjen e ndërtimeve pa leje, duke deklaruar se nuk kanë mundur të marrin leje ndërtimi për shkak të mungesës së certifikatave të pronësisë.

Ata kërkojnë zgjidhje institucionale dhe shtyrje të operacionit, por IKMT dhe policia kanë vijuar me ndërhyrjet.

Një ditë më parë, tensionet u përshkallëzuan pasi disa persona hodhën kokteje molotovi ndaj fadromave të IKMT-së dhe dogjën një urë në fshat.

Policia ndërhyri me forca të shtuara dhe sipas pamjeve filmike, efektivët kanë nxjerrë armët për të garantuar vijimin e aksionit.

The post Tensionet në Theth/ Boçi dhe Spahia përplasen me policinë: Mos më kap me dorë se ta mbështjell mirë… (VIDEO) appeared first on Albeu.com.

Boçi theksoi se kur flasim për “kënetën”, këtë është qeveria aktuale e Ramës, duke e cilësuar atë si një “kënetë” për shkak të korrupsionit, mjerimit dhe burgosjes së politikanëve, duke referuar këto elementë që karakterizojnë një “kënetë”.

Boçi kritikoi kryeministrin për komplekset që ka dhe për faktin se shan të tjerët për defekte që i ka vetë.

Ai e komentoi gjithashtu, mbylljen e TikTok si një akt të censurës, duke e quajtur të papranueshëm një veprim të tillë që ka si qëllim kufizimin e lirisë së informacionit.

Luciano Boçi: Primaret që u mbajtën në PD ishin një mënyrë për të filtruar kandidatët për deputetë. Nëse do flisnim për kënetë, do ishte këneta e qeverisë së Ramës, ku ka burgosje të politikanëve, ka mjerim, ka korrupsion. Këto janë elemente të një kënete. Rama ka komplekse dhe këto komplekse i nxjerr jashtë vetes. Ai shan të tjerët, për defekte që ka vetë. Mbyllja e TikTok, patjetër që është një akt censure.

The post “Kënetë”/ Boçi komenton fjalën kyçe të fushatës së Ramës: Kënetë është qeveria e tij, shan të tjerët me të metat që ka vetë appeared first on Albeu.com.

Boçi, njëherazi koordinator politik për PD-në në Shkodër, ka folur për situatën e komplikuar në këtë qytet, duke e quajtur Shkodrën një shembull të forcës qytetare që kundërshton ndikimin e krimit politik dhe të rrugës. Ai ka theksuar se në vitin 2023, Partia Socialiste arriti të sigurojë pushtetin lokal në Shkodër përmes lidhjeve të dyshimta me krimin, një praktikë që, sipas Boçit, vazhdon të shtrijë ndikimin e saj në politikën lokale.

“Shkodranët kanë ditur të reagojnë fort duke përdorur vokacionin e tyre për lirinë dhe demokracinë,” tha Boçi. Ai gjithashtu ka nënvizuar se, si koordinator i PD-së në këtë qytet, ka për detyrë të ndihmojë në ndërtimin e një raporti të besimit mes partisë dhe qytetarëve, duke e konsideruar këtë një moment kyç për forcimin e opozitës. Boçi mohoi se opozita ka ndalur mosbindjen e saj civile, duke theksuar se ajo mbetet aktive në parlament dhe jashtë tij, duke informuar qytetarët mbi shpërdorimin e fondeve publike dhe buxhetit.

“Buxheti i miratuar nga qeveria është marrë nga qytetarët përmes taksave, por nuk po investohet siç duhet. Qeveria po harxhon para për projekte të dyshimta, si për shembull 30 milionë euro për një kilometër rrugë, ndërkohë që arsimi po mbetet në nivele të ulëta,” tha ai. Boçi ka njoftuar gjithashtu se opozita do të ndërmarrë një aksion në ditën e miratimit të buxhetit, me grumbullimin e qytetarëve për të protestuar kundër shpërdorimit të parave të taksave.

Në lidhje me çështjen e non-gratës ndaj liderit të PD-së, Sali Berisha, Boçi ka shprehur besimin se ky vendim është i padrejtë dhe se ai do të tërhiqet. Ai ka krahasuar këtë situatë me rastin e presidentit të ri amerikan Donald Trump, duke theksuar se, ashtu si Trump, akuzat ndaj Berishës janë të pabaza.

“Fatet e Trump dhe Berishës janë thuajse të ngjashme. Ata luftojnë në një betejë të padrejtë me një gjyqësor të kontrolluar dhe pa asnjë provë për akuzat ndaj tyre,” shtoi Boçi, duke theksuar se PD-ja ka të drejtën e plotë të besojë se non-grata ndaj Berishës do të tërhiqet në të ardhmen. Në përfundim, Boçi ka apeluar për angazhim të mëtejshëm të qytetarëve në mbrojtje të demokracisë dhe për forcimin e opozitës, duke theksuar se lufta për lirinë dhe drejtësinë do të vazhdojë pa u ndalur, pavarësisht pengesave që mund të dalin përpara.

The post Boçi: Besojmë se SHBA do të heqë ‘non-gratën’ për Berishën appeared first on Albeu.com.