BMW Archives - Albeu.com

Aksidenti i rëndë në Tepelenë/ Arrestohet drejtuesi i “BMW”

V K — Mon, 18 Mar 2024 12:27:29 +0000

Drejtuesi i mjetit tip “BMW”, është vënë në pranga, pasi u përfshi mbrëmjen e së premtes në aksidentin tragjik të ndodhur në aksin rrugor Tepelenë-Memaliaj, ku për pasojë humbën jetën 4 persona.

Zyrtarisht nga policia, thuhet se në vijim të veprimeve procedurale për aksidentin në fjalë kanë vënë në pranga 46-vjecarin, për veprën penale “Shkelja e rregullave të qarkullimit rrugor”.

Në vijim të veprimeve procedurale për aksidentin e ndodhur pasditen e djeshme, në aksin rrugor Tepelenë-Memaliaj, si pasojë e të cilit humbën jetën 4 shtetas dhe u dëmtuan rëndë 2 të tjerë, specialistët për Trafikun Urban dhe Interurban arrestuan në flagrancë drejtuesin e automjetit tip “BMW” të përfshirë në këtë aksident, shtetasin E. P., 46 vjeç, banues në Gjirokastër, për veprën penale “Shkelja e rregullave të qarkullimit rrugor.

The post Aksidenti i rëndë në Tepelenë/ Arrestohet drejtuesi i “BMW” appeared first on Albeu.com.

VIDEO/ “GTA” në rrugët e Tiranës, “Porche” ndjek këmba-këmbës “BMW-në”, përplasen disa makina

Xh — Tue, 25 Apr 2023 16:48:21 +0000

Një aksident i rëndë ka ndodhur pasditen e sotme në kryeqytet.

Një makinë ka ndjekur një tjetër duke shkaktuar disa të plagosur dhe duke përplasur automjetet në Unazën e Re, te zona e njohur si selitë.

Sipas të dhënave një mjet tip “Porche” ka ndjekur nga pas një automjet tip “BMW” dhe ka tentuar t’i bllokojë rrugën.

Ngjarja ka ndodhur poshtë rrethit të Selitës në drejtimin që të çon te “Pallati me shigjeta”.

Për t’iu shmangur ndjekjes së “Porche”, “BMW” është përplasur me një mjet tjetër “Benz” që ndodhej para. Kur ka tentuar të largohet, “Porche” i ka prerë rrugën dhe si pasojë “BMW” ka goditur edhe një motor.

Dy automjetet të përfshira në ngjarje janë larguar por më pas janë ndaluar nga policia rrugore. Ende nuk dihet shkaku i ngjarjes dhe policia nuk ka dalë me një njoftim zyrtar./Albeu.com/

The post VIDEO/ “GTA” në rrugët e Tiranës, “Porche” ndjek këmba-këmbës “BMW-në”, përplasen disa makina appeared first on Albeu.com.

Në ndjekje të dy personave të maskuar me kapuç, si u përplas makina e policisë me “BMW-në” në Tiranë, shoferët i nënshtrohen testit të alkoolit

K Agaj — Thu, 16 Feb 2023 10:11:35 +0000

Një aksident ndodhi këtë mëngjes rreth orës 05:15, te ura e “Vasil Shantos” në Tiranë.

Një automjet tip “Skoda” i i Patrullës së Përgjithshme të Komisariatit të Policisë Nr. 2 u përplas me një mjet tip “BMW”.

Të plagosur mbetën katër persona, mes tyre dy efektivë të policisë, të cilët u dërguan në spitalin e Traumës dhe janë jashtë rrezikut për jetën.

Mësohet se makina ishte nisur në një aksion dhe pritej t’i shkonte në ndihmë një patrulle tjetër, e cila ishte në ndjekje të dy personave të maskuar ma kapuç. Të dy drejtuesve të mjeteve iu është bërë testi i alkoolit dhe ka rezultuar që asnjëri prej tyre nuk kishte konsumuar pije alkoolike.

Njoftimi i policisë Tiranë:

Rreth orës 05:15, te ura e “Vasil Shantos”, janë përplasur dy automjete, konkretisht automjeti tip “Skoda” i Patrullës së Përgjithshme të Komisariatit të Policisë Nr. 2 me drejtues Inspektor B. M., 31 vjeç, dhe automjeti tip “BMW” me drejtues shtetasin N. B., 36 vjeç. Si pasojë e përplasjes janë dëmtuar dy drejtuesit e automjeteve, si dhe pasagjerët, shtetasi G. N., 38 vjeç, që ndodhej në automjetin tip “BMW” dhe punonjësi i Patrullës së Përgjithshme Inspektor J. B., 22 vjeç, që ndodhej në automjetin tip “Skoda”.

Të dëmtuarit ndodhen në spitalin e Traumës, nën kujdesin e mjekëve, jashtë rrezikut për jetën. Të dy drejtuesve të mjeteve, iu është bërë testi i alkoolit, dhe ka rezultuar që asnjëri prej tyre, nuk kishte konsumuar pije alkoolike. Grupi hetimor ndodhet në vendngjarje dhe nën drejtimin e Prokurorisë vijon punën për zbardhjen e rrethanave dhe shkakut të aksidentit.

/albeu.com

The post Në ndjekje të dy personave të maskuar me kapuç, si u përplas makina e policisë me “BMW-në” në Tiranë, shoferët i nënshtrohen testit të alkoolit appeared first on Albeu.com.

Tentoi të vriste Shabanin duke qëlluar me breshëri ndaj BMW-së, Apeli shpall të pafajshëm Bardhok Nokën

E S — Tue, 18 Oct 2022 09:48:14 +0000

Bardhok Noka i dënuar më parë me 14 vjet heqje lirie, është lënë i lirë nga Gjykata e Apelit të Tiranës. Mësohet se në përfundim të gjykimit, Gjykata e Apelit Tiranë, e përbërë nga trupi gjykues me Relatore Gjyqtare Edlira Petri dhe anëtarë Valdete Hoxha dhe Genti Shala vendosi ndryshim të vendimit të Gjykatës së Kurbinit dhe deklarimin të pafajshëm të Bardhok Nokës.

Më datë 10.05.2021, Gjykata e Kurbinit e shpalli fajtor Bardhok Nakën: për kryerjen e veprës penale “ Vrasje me dashje”, mbetur në tentativë, parashikuar nga neni 76 e 22 i K.Penal, dënimin me 11 (njëmbëdhjetë) vjet burgim.

– Për kryerjen e veprës penale “ Mbajtja pa leje dhe prodhimi i armëve, armëve shpërthyese dhe municionit”, parashikuar nga neni 278/1 i K.Penal, dënimin me 5 (pesë) vjet burgim.

-Në aplikim të nenin 55 të Kodit Penal në bashkim të dënimeve caktimin ndaj të pandehurit të një dënimi të vetëm prej 14 (katërmbëdhjetë ) vite burgim.

FNSH arrestoi Bardhok Nokën, mbrëmjen e 3 qershorit 2020, përmes një operacioni në kushte të larta sigurie një person të shumë kërkuar në Laç.

Operacioni u zhvillua në bashkëpunim me policinë e Laçit, e cila kishte informacione për vendin ku fshihej i shumë kërkuari.

Ngjarja më e rëndë sipas policisë është ajo e 29 prillit të 2020, ku Bardhok Noka dhe një tjetër person akuzoheshin se kanë qëlluar me armë zjarri ndaj një makine tip BMW me qëllim vrasjen e personave që ndodheshin aty.

Për fat të mirë, objektivi shpëtoi. Akuza e dytë lidhet me armëmbajtjen pa leje nga ana e Nokës, e cila ka të bëjë sërish me këtë ngjarje.

The post Tentoi të vriste Shabanin duke qëlluar me breshëri ndaj BMW-së, Apeli shpall të pafajshëm Bardhok Nokën appeared first on Albeu.com.

Audi, BMW apo Mercedes, cila është më e mira? (VIDEO)

E S — Tue, 19 Jul 2022 12:45:20 +0000

Kush është më i mirë? Një artikull shumë i rëndësishëm në këtë krahasim është çmimi, dhe besoni apo jo, BMW është më e lira këtu, ndërsa Mercedes S-Class është më e shtrenjta.

Sa i përket dizajnit të jashtëm, Mercedes mori vlerësimet më të mira, ndërsa gjërat ndërlikohen me pjesën e brendshme, dhe pastaj kemi anën teknologjike dhe dinamikën e vozitjes.

Në videon e mëposhtme mund të shihni dallimet mes tre modelve të makinave, dhe mund të shihni se cila konsiderohet si më e mira.

The post Audi, BMW apo Mercedes, cila është më e mira? (VIDEO) appeared first on Albeu.com.

Grabitet me armë zjarri një makinë në Tiranë-Durrës

E B — Fri, 10 Jun 2022 17:06:02 +0000

Grabitet me armë zjarri një makinë në Tiranë-Durrës. Grabitjsa ka ndodhur mbrëmjen e dkeshme rreth orës 22:35.

Burime bëjnë me dije se grabitësit kanë ndaluar para mjetit “Audi a7”, që vinte nga Vlora në Tiranë, kanë nxjerrë armën dhe kanë kërcënuar dy personat që kishin dalë nga makina dhe po pinin cigare.

Mësohet se grabitësit, të cilët ishin me një automjet me targa italiane tip ‘BMW’ arritën të vjedhin mjetin tip ‘Audi a7’ ngjyrë të zezë me targa AB 080 bu.

Grabitësit ishin të maskuar me maskë covidi dhe kapele.

Njoftimi i policisë:

Durrës

Më datë 09.06.2022, në Durrës, shtetasi F. S., 31 vjeç, banues në Vlorë, ka kallëzuar se në afërsi të kolegjit “Turgut Ozal”, pasi ka ndaluar mjetin të cilin e kishte lënë të ndezur, dhe ka dalë jashtë tij për nevoja personale, persona të paidentifikuar, i kanë vjedhur mjetin tip “Audi A7”.

Grupi hetimor po punon për sqarimin e rrethanave te ngjarjes dhe identifikimin dhe kapjen e autorëve.

Materialet i kaluan Prokurorisë, për veprime të mëtejshme procedurale për veprën penale “Vjedhja”./albeu.com

The post Grabitet me armë zjarri një makinë në Tiranë-Durrës appeared first on Albeu.com.

Del në shitje versioni i rrallë i BMW-së

E S — Sat, 29 Jan 2022 22:43:54 +0000

Në shitje është një nga versionet më të rralla të gjeneratës BMW Seria 3 E30. Kopja konkrete mban numrin rendor 39 dhe u kthye në Gjermani nga Japonia.

Është në gjendje perfekte dhe po t’i shtojmë edhe faktin se janë prodhuar vetëm 67 kopje, çmimi më i lartë nuk duhet të jetë çudi.

Pronari kërkon 67 mijë euro për këtë veturë vërtet të veçantë.

Është e vështirë të vlerësohet nëse kjo është një shumë realiste, që edhe sot, pas 170 mijë kilometrave të kaluara, shkon në 225 km/orë.

The post Del në shitje versioni i rrallë i BMW-së appeared first on Albeu.com.

BMW “mposht” Mercedesin si makina më e shitur në botë

E S — Wed, 12 Jan 2022 11:34:07 +0000

Modeli i makinave BMW gjatë vitit 2021 mori epitetin si prodhuesi më i madh i makinave Premium në botë.

Në fakt BMW fhe Mersedes prej kohësh janë makinat më të shitura në botë.

Gjatë vitit 2021 BMW arriti të mposht në garë Mercedesin duke shitur më shumë vetura.

BMW në mbarë botën shiti 2,2 milionë vetura, ndërsa Mercedes arriti të shesë 2,05 milionë makina.

Ndërkohë si makina më e shitur për vitin që lamë pas është BMW 5 Series me 319.067 shitje, duke lënë prapa Mercedes E Class me 294.356 shitje, ndërsa vendin e tretë e zuri Audi A6 me 241.425. r.t/albeu.com

The post BMW “mposht” Mercedesin si makina më e shitur në botë appeared first on Albeu.com.

Nga e zeza në të bardhë, BMW prezanton makinën elektrike që ndryshon ngjyrën (VIDEO)

E S — Fri, 07 Jan 2022 12:56:51 +0000

Nëse e keni të vështirë të ngjyrën e makinës, BMW ka menduar për ju me modelin elektrik Ix Floë, që ndryshon ngjyrën nga e zeza në të bardhë vëtëm duke shtypur një buton.

Marka gjermane prezantoi mjetin “kameleon” në një ekspozitë që është hapur në Las Vegas.

Sipas BMW, në të ardhmen do të prodhohen edhe makina që mund të ndryshojnë ngjyrën e pjesës së brendshme të makinës.

The post Nga e zeza në të bardhë, BMW prezanton makinën elektrike që ndryshon ngjyrën (VIDEO) appeared first on Albeu.com.

875 milionë euro gjobë për BMW e VW, Mercedesi shpëton fal “spiunazhit”

E S — Sat, 10 Jul 2021 19:23:38 +0000

Komisioni Evropian ka gjobitur me 875 milionë euro tri kompanitë më të mëdha të prodhimit të veturave në Gjermani – Daimler, BMW dhe Volkswagen – duke i akuzuar se kanë formuar një kartel për të kufizuar garën e teknologjisë për uljen e emetimit të gazit.

Grupi Volkswagen, ku bëjnë pjesë Volkswagen, Audi dhe Porsche, do të paguajë 502 milionë e 362 mijë euro gjobë, ndërsa BMW-ja 372 milionë e 827 mijë euro.

Ndërkhë Daimler – kompani ku bën pjesë Mercedes Benz – u përjashtua nga gjoba, pasi ishte ajo që informoi Brukselin për ekzistencën e këtij “karteli”. Nëse nuk do ta kishte bërë, do të ishte gjobitur me 727 milionë euro.

Komisioni Evropian zbuloi se tri kompanitë kanë punuar së bashku për pesë vjet për të shmangur konkurrencën në tregun e përbashkët evropian. Komisioni tha se anëtarët e kartelit “takoheshin rregullisht” për të diskutuar mbi zhvillimin e teknologjive që eliminojnë oksidin e nitrogjenit nga makinat me motor nafte. Sipas Komisionit, kjo ka bërë që asnjë prej kompanive të mos përpiqej të përmirësohej përtej standardeve të vendosura, duke qenë se kishte një marrëveshje me ata që duhet të ishin konkurrentët e saj.

“Konkurrenca dhe novacioni në menaxhimin e ndotjeve të shkaktuara nga makinat janë thelbësore për Evropën dhe objektivat e saj. Ky vendim tregon se nuk do të ngurrojmë të ndërmarrim masa kundër të gjitha formave të kartelit që vënë në rrezik këtë synim”, tha zëvendëspresidentja e Komisionit Evropian, Margrethe Vestager.

Kjo është hera e parë që Komisioni Evropian konsideron si kartel bashkëpunimin mes konkurrentëve për çështje teknike.

The post 875 milionë euro gjobë për BMW e VW, Mercedesi shpëton fal “spiunazhit” appeared first on Albeu.com.